ائی آدم ائولادی ! هر شئیی سنین اوچون یاراتدیم و سنی اؤزوم اوچون یاراتدیم.
فِی الحَدیثِ القُدسِیِّ :
بسم الله الرحمن الرحيم
نييه آللاه قاپيسيندا دوعالاريميزين هاميسي موستجاب اولمور؟
هر ايشين گؤرولمهسي ايكی عاميلدن آسيليدير: بيري فيزيكي و بيريسي رواني. فيزيكي عاميل بيزيم بدنيميز و اليميزده اولان وساييلدير كه موستقيم اولاراق ايكينجي عاميل يعني روح و روانيميزا باغليدير. اينسانين روحودور كي اونون جيسمين كونترول ائديب اونا گوج و باشاري وئرير يا عكسينه گوجون اليندن آلير. بو، روحون قودرتيدير كي اونون غريزهسينه يئنيب(غلبه ائديب)بئلينه نارينجك باغلاديب دوشمننين تانگي آلتينا آتير، بو روحون قودرتيدير كي بير اينسانا توپ لولهسيني قيلينجايله ايكي بؤلمگه ايمكان وئرير. آيري طرفدن بو روحدور كي ساغلام و گوجلو اينسانين باشين گيجللهنديريب اونو اوجا يئردن آشاغي سالير اوردا كي اينسان اوجاليقدان قورخور و قورخو اونون باشين گيجللهنديرير.
بوردا روحون گوجونو تماماً گؤروروك. يعني روح اينسانين هانسي يؤنه گئديب نه ايش گؤرهجگيني تعيين ائدير. بونا اساساً موقدّس دينيميز ايسلام اينسانين روحونو گؤزلـلهديب صفالانديرماغا سئويملي بير يول قويوب. بو يولون آدي دوعادير. دوعا بير دولو خزينه كيمي، بير گونش كيمي اينسانين روحون ايشيقلانديرير، صفالانديرير و اونا آللاه قارشيسيندا اولان وظيفهلرين يئرينه يئتيرمگه گوج وئرير. هر كيم بو دولو خزينهيه وصل اولسا تانرينين حضوروندا ابدي بير موتلولوق و سعادته چاتار.
گؤرهسن بيزلر بو خزينهيه اَل تاپميشيق يا يوخ؟
بيز هر واخت بير موشكوله چاتاندا يا بير شراييطي بهينمهييب، دگيشمهسيني ايستهينده اللريميزي آللاها ساري اوزالديب دوعا ائتمگه باشلاييريق و اينتظاريميز اولار دوعاميز تئز موستجاب اولسون. بعضي واختلار ايستكلريميز موستجاب اولار آما چوخلو ايستكلريميزي اله گتيره بيلمهريك. گؤرهسن نييه؟
يارادان بيزه اؤزو بيلديگي مصلحتلر اساسيندا چوخلو نئعمتلر وئريب، بير پاراسينداندا محروم قويوب. بو دونيادا ياشاييب آخيرت دونياسينا ياخشي عمللر ذخيره ائتمگه يوللار گؤرسهديب. دوغرو موسلمانلار اؤز وظيفهلرينی بو يولدا لاپ ياخشي يئرينه يئتيرمك اوچون گرك اؤزلرين تانيييب اينسانين خيلقت هدفلرین نظرده آلماقلا كمال و يئتگينلشمگه دوغرو يوروسونلر. اینسان دوعانی اورکدن و بوتون اینامینان ائتسه عمللرینین هامیسی دوز و تانرییا ساری اولار.
دئییللر دوعا اؤزل شراییطده اثرلی اولوب یئرینه چاتار. تانری تعالی بو شراییطی اوچ مورد ساییب:
1. اورکدن و خالیصانه و بوتون اینامینان:
مؤمن سورهسی 14 نجو آیه : فَادعُوا اللهَ مُخلِصینَ لَهُ الدّینُ و لَو کَرِهَ المُشرِکونَ
اورهگيز خاليص اولارکن آللاها دوعا ائدين و لوو کافيرلره خوش گلمهيه.
2و3. يالوارما حالي و گيزلين
اعراف سورهسی 55 نجی آیه : اُدعُوا رَبَّکُم تَضَرُّعاً و خُفیَةً
تانريزا يالوارماق و گيزلی حالدا دوعا ائدين
باخاق گؤرک دوعا ائدنده نه حالدا اولاريق. . . ..
بيزیده دوعا ائدین
هفته گونلرينين ذيکرلری:
شـــنـــبـــه:............................یا ربّ العالمین
شنبه صاباحی:.............................یا ذَالجلالِ والاِکرام
هفته اوچو :............................ ....یا قاضیَ الحاجات
چرشنبه آخشامی:.................. .....یا اَرحَمَ الرّاحِمین
چرشنبه:.................................. ...یا حیُّ یا قیّوم
جومعه آخشامی:................... .....لا اِله اِلاّ الله مَلِکُ الحقُّ المبین
جــومــعـــه:..................... .... اللّهمَّ صَلِّ عَلی مُحمّدٍ وَ آلِ مُحمدٍ
چرا بي سواد هستيم؟
وقتي مركز تحقيقات ميانگين مطالعه مردم ايران را هفته اي نيم ساعت اعلام مي كند شايد خوشحال شويم كه باز هم خوب است. چون اينگونه حساب مي كنيم كه مطالعه افراد تحصيل كرده تا چه حدي است كه وقتي ميزان مطالعه آنها را بر همهٴ نفوس تقسيم مي كنيم لا اقل هفتهاي نيم ساعت مي شود. غافل از اينكه اين آمار مربوط به مطالعه كتابهاي درسي محصلين و روزنامه خوانان مي باشد و در حقيقت ميزان واقعي مطالعه چنان پايين است كه اگر ميانگين گرفته شود به ثانيه هم نمي رسد. چون تنها كساني به مطالعه كتاب مي پردازند كه خود قلم به دست هستند و مقاله و كتاب مي نويسند. وقتي تيراژ كتابهاي منتشر شده در سالهاي اخير را ملاحظه ميكنيم به عمق فاجعه بيشتر پي ميبريم . تيراژ كتاب از 500 نسخه شروع ميشود و نهايتاً به 2000 نسخه ميرسد. چرا ما اينقدر كم كتاب ميخوانيم؟
وظيفه طلاب و دانشجويان و فرهيختگان جامعه در اين شرايط چه ميتواند باشد؟ آيا اين نظريه ميتواند درست باشد كه سطح سوادمان چنان پايين است كه نميتوانيم كتابهاي منتشره را مطالعه و درك نماييم؟ آيا كتابهايي كه منتشر ميشود محصول جامعه خودمان است يا اينكه بخاطر كپيبرداري شدن كتابهايمان از محصولات خارجي در جامعه خودمان مشتري ندارند؟
عدهاي ميگويند شرايط مردم ما بگونهاي است كه براي پيشرفت و حتي زندگي كردن نيازي به كسب دانش و علم ندارند و بخاطر همين است كه وقتي يك شهوند عادي مسير زندگي خود و لوازم آن را بررسي ميكند در آن جايگاهي براي مطالعه نميبيند.
نظر شما در اين رابطه چيست؟
آللاهين آديله
گاهدان گؤرونور جاميعهده اؤنملي ساييلان موضوعلارا اهميت وئريلمير و كناريندان راحاتجاسينا واز كئچيريلير.
هر بير توپلوم اؤزونو ديري و آياق اوسته ساخلاماغينا گؤره بير پارا قيرميزي چيزگيلري وار كي اونلارين ساغلام قالماسي توپلومون ياشامينين دوامي و اونلارين پوزولماسي توپلومون ضربه يئييب داغيلماسي دئمكدير.
بيز موسلمانلارين دا بير پارا قوتساللاريميز(موقدسّاتيميز) وار.دينيميزين بويوردوغونا و دريندن ايناديغيميزا اساساً بو قيرميزي چيزگيلر توهين، ايفتيرا و سايير يارامازليقلارا معروض قالسالار اونون قارشيسيندا ساكيت اوتورماماليييق. چون بيليريك كي اونلارين آياقلانماسي و آرادان گئتمهلري بيزيم داغيلماغيميز و محو اولماغيمزا باعيث اولاجاق. آما گؤرهسن نييه بيزيم جاميعهميزده دينيميزه اولان توهينلر قارشيسندا اويغون جواب گؤرموروك؟ اصلاً نييه اؤزوموز بو ساحهده گركلي اولان ايشلري ائتميريك؟ گؤرهسن ايناملاريميز ضعيفدير و بيز اوجور كي گرك ايسلامي اينانماميشيق؟ يا باشقا عاميل بو آرادا رول اوينايير؟
منجه بئله دئييل. دونيانين اَن دوغرو و دوزگون آداملاريني شيعه موسلمانلاري آدلانديريرلار كي تاريخ بويو هر تور ايشكنجه و باسقي آلتيندا اولاركن دين و ايناملاريندان اَل چكمهييبلر. بو اساسدا بيزلرين ايناميندا هئچ موشكول اولماماليدير. تكجه موشكول اوردا اولا بيلر كي بيز قيرميزي چيزگيلريميزين پوزولماسيني دريندن اينانميريق. بو بير ميثاللا داها آرتيق آيدينلاشار: طيبّي بيليگي اولمايان بيريسينين بير طرفي يارالانسا اونون ضيد عفوني و پانسيمان ائتمهسينه چاليشماز و بو ايشي يارانين چيرك ائتمهسيني سئومگه خاطير ائتمير بلكه سونوجوندان خبرسيزدير و بيلمير كي بو يارا هر نه تئزراق تميزلنمهلي و ضيد عفوني ائتمهليدير. بو خبرسيزليغين سوچو او شخصده يوخ بلكه او جاميعهنين طبيبلريندهدير كي جماعاتين طيبّي بيلگيلريني كيفايت قدهر آرتيرماييبلار.
ايندي كي بيزيم جاميعهده كوتلهنين(عمومون) ديني تعصوبلري ضعيف گؤرونور بونون گوناهي جماعاتدا يوخ بلكه بيزلردهدير. بيز اونلارا اؤيردنمهميشيك كي توپلوموموزون اساس ديرَكلري نهلرديلر و اونلار ييخيلسالار بيز آللاه قارشيسيندا سوروملو و سوچلو اولاجاغيق. يوخسا جماعاتيميزدا هئچ تقصير يوخدور. بونو ايثبات ائتمك چتين دئييل. ايمانلي بيريسينين يانيندا ايمام پئيغمبره و يا باشقا قوتسال ايناملارا توخونولسا او بو دوروما دؤزنمز و حتماً توهين ائدن شخصي يئرينده اوتوردار و بو يولدا هئچده قورخوسودا اولماز. آما كوتله سويّهسينده ايش بير بالاجا فرقلي اولور چون او ساحهده بيزلر سوروملويوق. بيزيك كي گرك مسألهني دوم-دورو جماعاتا آيدينلاداق كي اونلاردا اويقون عكسالعمل نيشان وئرهبيلسينلر.
تأسوفله بيزلرين بير پاراسينا مسأله كيفايت قدر آيدينلاشماييب، هله قالسين كي جماعاتا اؤيرهدك. دؤنوب دئييريك جماعات نييه فيلان ساده مسألهيه عكسالعمل نيشان وئرديلر آما دينيميزه و اينانجلاريميزا توهين ائدنلره بير سؤز دئمهديلر. بيزلرين بعضيسي اؤز ضعف و باجاريقسيزليغيميزي گيزلتمك اوچون دوستلاريميزين ييخماغينا چاليشيب اونلاري چئشيتلي ايتّيهاملارلا هدهلهييريك. آللاهدان بئله اينسانلارين هاميسينا آرتيق بيليك و سعادت ديلهييرم.
هلهليك . . . .
بویوک آللاهین آدیلا
ایسلام دونیاسی نین بوگون کی دورومونو و موسلمانلارین دوشمنلر طرفیندن گئنیش هجمه یه معروض قالماقلارین نظرده آلماقلا هر موسلمانین بوینونا آغیر بیر وظیفه واردیر کی الینده هر نه ایمکان وارسا بو هجمه نی اثرسیز ائتمگه چالیشسین. بو یوللارین اونملیلریندن بیری ده اینتئرنئت ساحه سینده دوغرولاری آیدینلاتماق و صداقتی و ایمانی یایمادیر. من ده دوستلاریمین ایصراری ایله بو وئبلاگی بو وظیفه نی یئرینه یئتیرمگه یاراتدیم. اومود ائدیرم تانری تعالی منه بو آغیر وظیفه نی یئرینه یئتیرمکده یاردیمچی اولسون.
بو وبلاگدا دين و مختلف موضوعلاردا ال يازيلاريم و عرب دیلیندن چئویردیگیم یازیلار اولاجاق.