اتومی مذاکره تیمین ارشد عضوی: برجامدان اقتصادی انتظاریز اولماسین !

برجامین ایل دؤنومونده اتومی تیمین مذاکره عضولریندن اولان «حمید بدیعی‌نژاد» خبرنگارلار جمعینده دئدی: برجامین مذاکره عضولری بو آنا قدر اونون نقض اولماسی قناعتینده دئییلیک و هله ده مشکل‌لری مذاکره یولو ایله حل اولونماسینا اینانیریق.

مذاکره تیمین عضوی آرتیردی: برجامین اجراسیندا نئچه آیدان آرتیق سووشمور و هله یولون اوّلینده‌ییک. برجامین اجراسیندا اولان حساسیتلر و بوروشوقلارا گؤره بیز بو ایشی راحت گؤرموردوک. برجامین اجراسی بیر حده ‌قدر راضی سالاندیر.

آژانسین راپورو

فارسین وئردیگی خبره گؤره، ایرانین اتمی مذاکره هیأتی‌نین ارشد عضوی ایران و آژانس آراسینداکی سویوقلوق باره‌ده‌کی سؤالا بئله جواب وئردی: بان کیمونون گزارشی جامع و کامل اولمالیدیر و بیز بو گزارشدن متوازن اولماق انتظاریمیز وار.

بعیدی آرتیردی: برجام بیر اقتصادی و تجاری تفاهم دئییل و بیزیم اوندان انتظاریمیز واقعی اولمالیدیر. هئچ کس بیر بانکی آیری بانکلاینان رابطه قورماغا مجبور ائله‌یه بیلمز. خارجی بانکلارین ایران بانکلاری ایله ارتباط قورماغا زمان قویماق اولماز. بانکی مسأله‌لرین حلی اوچون مختلف سطحلرده گونده‌لیک، هفته‌لیک و آیلیق تماسلار اولور. بیزیم هئچ واخت اتومی مذاکره‌لردن حقوق بشری تحریمیلرین گؤرتورولمه‌سی انتظاریمیز اولماییب.

یوم الهدم گونونوندن 90 ایل سووشدو ؛ بقیع قبرستانی نئجه تخریب اولدو؟

بقیع قبرستانی‌نین تخریبیندن اوّل، مدینه‌ده دفن اولان ائمه‌نین و بؤیوکلرین قبری اوستونده گونبذلر و بنالار واریدی. بقیعده اولان اماملار سککیز ضلعی اولان بؤیوک بقعه‌ده مدفون ایدیلر.

آما 1344 هجری قمری ایلینده شوّالین سککیزینده بو قبرستان وهابیلرین الی ایله تخریب اولدو. دونیادان آز اؤلکه‌سینده حجاز کیمی اسلام صدریندن قالان یادگارلار وار نییه کی اسلامین باشلانیشی اوردان اولوب و بو اوزدن اسلام صدریندن بو منطقه‌ده چوخلو یادگارلار قالیب. آما وهابیتین اسلامین اصلی ایله مشکلو اولدوغونا گؤره بو اثرلرین چوخو آرادان آپاریلیب.

وهابیلر حجاز منطقه‌سینه حاکم اولاندان سونرا مدینه قبرستانی‌نین تخریبیندن علاوه قبرلرین اوستونده اولان اثرلری‌ده آرادان آپاردیلار. بو جریاندا امام حسن مجتبی (ع)، امام سجاد (ع)، امام محمدباقر (ع) و امام جعفر صادق(ع) مبارک قبرلری داغیدیلدی. اونلار ائمه‌نین قبریندن علاوه، خانم فاطمه‌زهرا (س) منسوب اولان قبر، حضرت ام البنین (س)، پیغمبری عمیسی عباس، پیغمبرین (ص) اوغلو ابراهیم، امام صادقین (ع) اوغلو اسماعیل، پیغمبرین (ص) اؤگئی قیزلاری، پیغمبرین سوت آناسی حلیمه سعدیه، و پیغمبر زمانی‌نین شهیدلری‌نین قبرلری کیمی آیری قبرلری‌ده داغیتدیلار.

مکه، مدینه، جده و کربلادا قبرلرین تخریبی

وهابیلر 1343-جو هجری قمری ایلینده مکه شهرینده حضرت عبدالمطلب (ع)، ابی‌طالب (ع)، حضرت خدیجه‌نین (س) قبرلرینی و پیغمبرین (ص) و خانم فاطمه‌نین (س) ولادت یئرینی و پیغمبرین (ص) گیزلی عبادت یئری اولان خیزرانی تورپاقلا بیر ائله‌دیلر. جده‌ ده حوانین قبری و آیری قبرلری داغیتدیلار. مدینه‌ده نبوی گونبذی توپا باغلادیلار آما مسلمانلارین قورخوسوندان پیغمبرین (ص) قبرینی داغیتمادیلار. اونلار 1343-جو ایلین شوال آییندا بقیع قبرستانینی داغیدیب اوردا اولان نفیس شئیلری غارت ائله‌دیلر. اُحد شهیدلری و حضرت حمزه‌نین قبرینی تورپاقلا بیر ائله‌دیلر.

اونلار همان ایل کربلایا دا حمله ائله‌دیلر و امام حسینین مطهر ضریحینی یئریندن قازدیلار و تاریخ بویو سلطانلار طرفیندن هدیه اولان چوخلو دَیَرلی شئیلری غارت ائله‌دیلر و یئددی مین نفره یاخین انسانی قتله یئتیردیلر. سونرا نجفه طرف حمله ائله‌دیلر آما اوردا مغلوب اولوب قاییتدیلار.

ظریفین واشینگتون پُست‌داکی مقاله‌سی: نییه ایران مدافعه گوجونو آرتیریر؟

محمد جواد ظریف واشینگتون پُست‌ روزنامه‌سینده‌کی یازدیغی مقاله‌ده ایرانین مدافعه سیستمی‌نین گوجلندیرمه‌سیندن نظرده توتدوغو مقصدی آچیقلادی.

اؤلکه‌میزین خارجی ایشلر وزیری بو مقاله‌ده بئله یازیب:

تقریباً اوچ ایل بوندان قاباق اؤلکه‌میزین تازا سئچیلمیش رئیس جمهوری فایدالی تعامل اوچون خطرلی مسئولیتین انجامینا حاضر اولدوغونو بیلدیردی:

ایرانلا غرب آراسیندا اختلافا سبب اولان اتومی بحرانین حلّی. سابقه‌سی اولمایان 22 آیلیق دیپلوماسیدان سونرا مشترک جامع اقدام برنامه‌سی (برجام) بو ایلین ژانویه‌سیندن اجرایا قویولدو. بوندان بئله و اله گلن موفقیتلره رغماً واقعیت بودور کی بیز داها بؤیوک بیر مسأله‌ ایله اوز به اوز اولموشوق.

برجامدان ضرر گؤرنلر منطقه‌نی ساواشا و داغیلماغا چکمک ایسته‌ییرلر. اونلار غربی متحدلرینی ایرانلا سینمیش اختلاف تابوسونو تازادان دوزلتمگه ترغیب ائله‌مگه چالیشیرلار. اونلار دفعه‌لرله ایرانی بین المللی قانونلارا ضد اولان نظامی حمله و یا حتی اتومی حمله‌یه تهدید ائلیرلر.

ظریف مقاله‌نین آخریندا بئله یازیر:

من دونیانین باشاباشینداکی هم مقاملاریمدان ایستیرم تهدید و تحریمله یوخ بلکه دیپلوماسی ایله اله گلن نتیجه‌لره باخسینلار و اوندا تأمل ائله‌سینلر. تاریخ بویو شرقی غربه باغلایان ایران هله ده منطقه‌نین لاپ امنیتلی اؤلکه‌سیدیر. ایران دولتی قاباقجادان اولدولغو کیمی دانیشیق عرصه‌سینده متعهددیر. ان شاءالله بیزیم هم مقاملاریمیز دا بو آچلان پنجره‌دن اله گلن فرصتدن استفاده ائله‌سینلر کی دقتیمیزی مشترک مقصدلره متمرکز ائده بیلک.

منادی در صحن مجلس: "قره باغ" سرزمین اسلام و خاک آذربایجان است

 

دکتر منادی، نماینده مردم تبریز، اسکو و آذرشهر ضمن محکوم کردن تجاوز ارمنستان به خاک جمهوری آذربایجان گفت: قره باغ سرزمین اسلام و خاک آذربایجان است. دولت، جنایات ارمنستان در قره باغ را محکوم کند.

به گزارش نصر، علیرضا منادی سفیدان در نطق پیش از دستور خود در مجلس شورای اسلامی با اشاره به تجاوز ارمنستان به خاک آذربایجان، گفت: از دولت می خواهم جنایات ارمنستان در قره باغ را محکوم کند.

وی افزود: به قول مقام معظم رهبری قره باغ خاک اسلام و سرزمین آذربایجان است و ما باید با تمام قدرت تجاوز و جنایت ارمنی ها در قره باغ را محکوم کنیم.

منادی ضمن محکوم کردن تجاوز ارمنستان به خاک آذربایجان و شهادت 13 سرباز ارتش جمهوری آذربایجان ادامه داد: ما خواستار آزادی قره باغ از یوغ ارمنستان هستیم و قره باغ باید به آذربایجان بازگردد.

آذربایجانلی‌لار پهلوی رژیمی‌نین بئلین سیندیردیلار !

اسلامی انقلابین ظفر چالماسی‌نین ایل دؤنومو مناسبتینه، 1357-جی ایلینده انقلابین ظفری زمانیندا انقلابین اصلی شعارلاری‌نین خاطرلایاق.

انقلاب زمانی‌نین شعارلارینی تحقیق ائله‌ینده بو شعارلارین ظلم آلتیندا زارا گلمیش جماعتین و اونلارین رژیمدن اولان نفرتلریندن یارانماسی اورتایا چیخیر. بو شعارلار جماعتین اینانجلاری و اعتقادلارینی عکس ائتدیریدی.

انقلابین جاودانه و همیشه‌لیک شعارلاریندان بونلاری یادا سالماق اولار:

بیر قانا مین قان آلاجاخ کارگر – شاه سنی تختدن سالاجاخ کارگر

مین اوچ یوز اللی یئددی – شاه چمَداندا گئتدی

مین اوچ یوز اللی یئددی – رهبریمیز قئییتدی

مین اوچ یوز اللی یئددی – سلطنت الدن گئتدی

گر حکم ائله‌یه بو گون مراجع - بو شاه جنایتکارا راجع - جمعاً اله بیز اسلحه آللوخ - قولدور رضانون اوغلونو تختدن یئره ساللوخ - کارتر جانینا ولوله ساللوخ

ای ملت آزاده ایران- گر رهبریمیزدن اولسا فرمان - اولسوقدا گولـله‌یه نشانه- پیکار ائله‌روخ مسلّحانه

اي شاه خائن سن قاشدون گئتدون - ايرانيميزي ويرانه ائتدون - اؤلدوردون سن جاوانلاري الله اكبر

سؤزون آخری بو کی، گئچمیشدن قالان شعارلاری یاد ائله‌مک چوخلو خاطره‌لری انسانین یادینا سالیر. ائله خاطره‌لر کی گله‌جک نسلین اؤیرنمه‌سینه گؤره یاددان چیخمامالی و تاریخ بویو یاشامالیدیلار.