سیز نئجه بیر اینسانسیز؟ بونو بیلمک اوچون بو تستی جاوابلایین و اله گلن نتیجه اوزوندن اؤزوزو داها یاخشی تانی یین.
شخصیت تئستی
سیزه موختلیف روحی وضعیتلرین تصویری
تقدیم اولونور. اگر بو وضعیت سیزه داها چوخ خاصدیرسا - 2 نومره، اگر هردن بیر
اولورسا 1 نومره، هئچ اویغون گلمیرسه 0 نومره ایله نومره وئرین.
نتیجهنی بو اساسدا حسابلایین:
جاوابیز «اویغون» اولسا 2 نومره وئرین
جاوابیز «او قدر ده اویغون
دئییل» اولسا 1 نومره وئرین
جاوابیز
«هئچ اویغون دئییل» 0 نومره وئرین
1. اؤزومده
امینیّت احساس ائتمیرم.
2. چوخ واخت هئچ یئره اوزوم قیزاریر.
3. ناراحات یاتیرام.
4. تئز روحداندوشورم . (نا اومید اولورام)
5. فیکریمه
گتیردیگیم خوشا گلمزلیکلردن ناراحات اولورام .
6. چتینلیکلر
منی قورخودور .
7. قصورلاریمی (کمبودلاریم) چک-چئویر ائتمگی
سئویرم .
8. منی
ایناندیرماق آساندیر.
9. بدگومانام، هر شئیدن شوبههلنیرم.
10. گؤزلهمک
منه آغیر گلیر.
11. یولونو
تاپماق مومکون اولان وضعیتلر, چوخ واخت منه چیخیلماز گلیر.
12. خوشا گلمز
حادثهلر منی مأیوس ائدیر، روحدان دوشورم .
13. بؤیوک خوشا گلمزلیکلر
زامانی کیفایت قدر سبب اولمادان اؤزومو گوناهلاندیرماغا مئیلیم اولور.
14. شانسسیزلیق
و اوغورسوزلوقلار منه هئچ نه اؤیرتمیر.
15. چوخ
واخت موباریزهدن ایمتینا ائدیرم، چونکی معناسی یوخدور.
16. چوخ
واخت اؤزومو کؤمکسیز حیس ائدیرم .
17. هردن
مأیوس اولورام.
18. چتینلیکلر
قارشیسیندا اؤزومو ایتیریرم، آوارا قالیرام.
19. حیاتیمین
چتین آنلاریندا هردن اؤزومو اوشاق کیمی آپاریرام کی، منه رحملری گلسین.
20. حساب
ائدیرم کی، شخصیتیمدهکی قصورلار دوزهلن دئییل.
21. سون
سؤز سؤیلمک حاقینی اؤزومده ساخلاییرام.
22. چوخ
واخت صؤحبت زامانی یولداشیمین سؤزونو کسیرم .
23. منی
غضبلندیرمک راحاتدیر.
24. باشقالاریندان
ایراد توتماغی سئویرم .
25. باشقالارینا
زور دئمگی سئویرم.
26. آزا
قانع اولمورام، داها چوخ ایستییرم .
27. غضبلننده
اؤزومو چتین اله آلیرام.
28. ایداره
ائتمگی تابع اولماغا ترجیح وئریرم.
29. ژئستلریم
(حرکتلریم) کسکین و کوبوددور .
30. اینتیقام
آلانام.
31. عادتلریمی
دگیشمک منیم اوچون چتیندیر.
32. دیقّتیمی
بیر ایشدن باشقاسینا یؤنلتمک آسان دئییل.
33. هر
بیر یئنیلیگه احتیاطلا یاناشیرام.
34. منی
فیکریمدن دؤندرمک چتیندیر.
35. آزاد
اولونماسی گرکن فیکیرلر چوخ واخت بئینیمدن چیخمیر.
36. اینسانلارلا
اونسیّت قورماق آسان اولمور.
37. برنامهنین
حتی اهمیّتسیز درجهده پوزولماسی منی مأیوس ائدیر.
38. چوخ
واخت کؤنز اولورام.
39. ریسکه
هوسیم اولمور.
40. قرار
قویدوغوم گون برنامهسیندن کنارا چیخمالار منه کسکین تأثیر ائلیر .
نتیجهلرین ایشلنیلمهسی:
هر گروه سوآللار اوچون نومرهلری حسابلایین:
1. (1-10) – عصبی
2. (11-20) – اومیدسیز
3. (21-30) – تهاجوملی
4. (31-40) – سرت و مؤحکم
نومرهلرین دَیَرلندیریلمهسی
و تفسیری:
1. عصبیلیک:
0-7 نومره : عصبیلیک یوخدور
8-14 نومره
: اورتا عصبیلیک
15-20 نومره : حددن آرتیق عصبیلیک
2. اومیدسیزلیک:
0-7 نومره : اؤزونه ارزیش قاییل دئییل،
اوغورسوزلوقلارا داواملیدیر، چتینلیکلردن قورخمور
8-14 نومره : متوسیط حالدا اومیدسیزدیر
15-20 نومره : اؤزونه آز ارزیش قاییل
اولور، چتینلیکلردن قاچیر، اوغورسوزلوقلاردان قورخور، نا اومیددیر.
3. تهاجوملی
اولماق:
0-7 نومره : سیز ساکیت و تمکینلیسیز
8-14 نومره : تهاجوملی اولماغین اورتا و متوسیط حدی
15-20 نومره : سیز تهاجوملیسیز، تمکینلی
دئییلسیز، اینسانلارلا ایشلهمکده و اونسیّت قورماقدا چتینلیک چکیرسیز.
4.
سرت و دگیشمز اولماق:
0-7 نومره : سرتلیک یوخدور، بیر ایشدن آیریسینا راحات
کئچیر.
8-14 نومره : متوسیط سویّهده سرتلیک.
15-20 نومره : یوخاری حدده سرتلیک. دولانیشی،
باخیشلاری و اینانجلارینی, حتی اونلار واقعیّتلرله اویغون و موناسیب اولماسا دا دگیشمز.
اونا ایش و عاییلهسینده دگیشیکلیکلر ائتمک اولماز.
بو وبلاگدا دين و مختلف موضوعلاردا ال يازيلاريم و عرب دیلیندن چئویردیگیم یازیلار اولاجاق.