كفن گئيميش شيعهلرين شاما طرف حركتي Kəfən geyəmiş şiələrin şama tərəf hərkəti
صهيونيست عاميللري طرفيندن حضرت زینب و خانيم رقیهنين(سلام الله علیهما) موطهر حرملرينين تخريب اولما تهديديندن سونرا شيعهلر شاما طرف يولا دوشدولر.
ريسالت خانيداني دوشمنلري طرفيندن تهديدلي خبرلر ياييلماسي بو مضموندا كي اونلارين قصدي وار حضرت زینب کبری (سلام الله علیها) و حضرت رقیهنين (سلام الله علیها) موطهر حرملرين پاتلاتسينلار، منطقه موسلمانلارينين اعتيراضينا باعيث اولدو و ريسالت خانيدانينين موحيبلري و شيعهلري بو مسألهيه اعتيراض عونوانيندا و موقدس مكانلاردان مودافيعه ائتمك اوچون سوريهيه گئديرلر.
بو گوزاريشده گليب كي بو گروهلار پاکستان، هند، افغانستان، بحرین، عراق، لبنان و ایران اؤلكهلريندن و موستقيل صورتده هئچ حيزبه و سياسي گيراييشه باغلي اولمادان و فقط موسلمانلارين موقدس مكانلارين ساخلاماق اوچون قانوني صورتده بو اؤلكهيه داخيل اولاجاقلار.
پاكستاندان اعزام اولان گروهون سؤز دانيشاني اسلامآباددا «شیعه نیوز» خبرنيگارينا دئدي كي بير گروه پاكستاندان سوريهيه عزيمت ائليهجك و اؤزونو «ريسالت خانيداني فداييلري» آدلانديريب و اعلام ائلهييب كي قانلارينين آخير قطرهسينه قدر اهل بيت (ع) حريميندن، ايغتيشاشا بورونموش اؤلكه سوريهده مودافيعه ائدهجكر.
گوزاريشين ايدامهسينده گليب كي فقط پاكيستاندان اولان بو گروهداكيلارين سايي 300 نفردن آرتيقدير. «ريسالت خانيداني فداييلري» سؤز دانيشاني اعلام ائلهدي بوندان سونرا وهابي سلفیلرين هر ايقداميني و ايسلام دونياسينين هر نوقطهسينده شيعه موقدساتينا ائتديگي هتك حؤرمتلري جوابسيز قويماياجاق.
دئمهليييك كي بؤيوكلرين بعضيسي اعتيراضلي نامه يازيب سوريه دؤلتيني موسلمانلارين بو اؤلكهدهكي موقدس مكانلارين موحافيظتي مسئولو بيليب بو بارهده آرتيق ديقّت يئترمگي ايستهييبلر.
بو وبلاگدا دين و مختلف موضوعلاردا ال يازيلاريم و عرب دیلیندن چئویردیگیم یازیلار اولاجاق.