شهريار شعريوي اوخو . . .

شهريار شعريوي اوخو . . .

حضرت آیت الله مرعشی نجفی‌نين وصيت نامه‌سيندن فرازلار حضرت آیت الله مرعشی نجفی، اؤز وصيت نامه‌سي‌نين بير قيسمتينده بئله يازير: بير گئجه توسول ائله‌ديم كي اولياءالله‌دان بير نفري يوخودا گؤرم. او گئجه يوخودا گؤردوم كوفه مسجيدي‌نين بير زاويه‌سينده اوتورموشام و مولا علي (ع) بير جمع‌اينن حاضيرديلر. حضرت بويوردولار: اهل بيت شاعيرلرين گتيرين، گؤردوم عرب شاعيرلرين نئچه‌سين گتيرديلر و بويوردولار فارسي شعر يازان شاعيرلري‌ده گتيرين، او زمان «محتشم» و نئچه آيري شاعير گلديلر. حضرت آیت الله مرعشی نجفی دئيير: اميرالمؤمنين بويوردولار: بيزيم شهرياريميز هاردادي؟ شهريار گلدي. حضرت شهريارا خيطاباً بويوردو: شعريوي اوخو ! و شهريار بو شعري اوخودو: علي اي هماي رحمت . . . آیت الله العظمی مرعشی نجفی دئيير: شهريارين شعري قورتولاندان سونرا يوخودان آييلديم و چون او گونه‌جن شهرياري گؤرمه‌ميشديم، او گونون صاباحي سوروشدوم شهريار كيمين شاعيريدي؟ دئديلر: تبريزلي شاعيردير، دئديم: اونو منيم طرفيندن چاغيرين قوما منيم يانيما گلسين. نئچه گون سونرا شهريار گلدي، گؤردوم همان آدامدي كي من اونو يوخودا حضرت علي‌نين يانيندا گؤرموشم. اوندان سوروشدوم: بو شعري(علي اي هماي رحمت)  هاواخت قوشوبسان؟ شهريار تعجوب‌اينن مندن سوروشدو: سيز هاردان بيليرسيز كي من بو شعري قوشموشام؟ چون من نه بو شعري بير نفره اوخوموشام و نه اونون باره‌سينده بيرينه دانيشميشام. رحمتليق آیت الله العظمی مرعشی نجفی شهريارا دئدي: نئچه گئجه قاباق من يوخودا گؤردوم كي كوفه مسجيدينده‌يم و حضرت اميرالمؤمنين تشريف گتيرديلر. حضرت بويوردولار: اهل بيت شاعيرلرين گتيرين، گؤردوم عرب شاعيرلرين نئچه‌سين گتيرديلر و بويوردولار فارسي شعر يازان شاعيرلري‌ده گتيرين و سونرا اميرالمؤمنين بويوردولار: بيزيم شهرياريميز هاردادي؟ شهرياري گتيرين و سيز ده گلديز. سونرا حضرت سيزه بويوردو: شهريار شعريوي اوخو ! و سيز ده مطلعي ياديمدا اولان شعري اوخودوز. شهريار چوخ مونقليب اولور و دئيير: من فيلان گئجه بو شعري قوشموشام و دئديغيم كيمي اونون باره‌سينده هئچ كسه بير سؤز دئمه‌ميشم. حضرت آیت الله مرعشی نجفی دئديلر: شهريار شعرين قوشما تاريخ و ساعتين دئيَنده معلوم اولدو كي شهريار او شعرين آخير مصرعين قوشاندا من او يوخونو گؤرموشم. ايرنانين گؤزاريشينه گؤره « علی ای همای رحمت» شعري شهريارا موتخليص اولان اوستاد سیدمحمد حسین بهجت تبریزی‌نين شعريدير كي اونون شاه‌اثرلريندن ساييلير كي مولي‌المتقيان حضرت علي (ع) توصيفينده قوشوب.   علی ای همای رحمت تو چه آیتی خدا را - كه به ما سوا فكندی همه سایه هما را   دل اگر خداشناسی همه در رخ علی بین - به علی شناختم من به خدا قسم خدا را   به خدا كه در دو عالم اثر از فنا نماند - چو علی گرفته باشد سر چشمه بقا را   مگر ای سحاب رحمت تو بباری ار نه دوزخ - به شرار قهر سوزد همه جان ما سوا را   برو ای گدای مسكین در خانه ی علی زن - كه نگین پادشاهی دهد از كرم گدا را   به جز ازعلی كه گوید به پسركه قاتل من - چواسیرتوست اكنون به اسیركن مدارا   به جزازعلی كه آرد پسری ابوالعجایب - كه علم كند به عالم شهدای كربلا را   چو به دوست عهد بندد ز میان پاكبازان - چو علی كه می تواند كه به سر برد وفا را   نه خدا توانمش خواند نه بشر توانمش گفت - متحیرم چه نامم شه ملك لا فتی را   به دو چشم خونفشانم هله ای نسیم رحمت - كه ز كوی او غباری به من آر توتیا را   به امید آن كه شاید برسد به خاك پایت - چه پیامها سپردم همه سوز دل صبا را   چو تویی قضای گردان به دعای مستمندان - كه زجان ما بگردان ره آفت قضا را   چه زنم چو نای هر دم ز نوای شوق او دم - كه لسان غیب خوش تر بنوازد این نوا را   (همه شب در این امیدم كه نسیم صبحگاهی به پیام آشنایی بنوازد آشنا را)   ز نوای مرغ یاحق بشنو كه در دل شب غم دل به دوست گفتن چه خوش است شهریارا.

میرزا جواد آقا ملکی تبریزی كيميدي؟

حاج میرزا جواد آقا ملکی تبریزی حاج ميرزا شفيع‌نين اوغلو ايدي. تبريزده دونيايا گليب و ملك‌التجار تبريزي خانيواده‌سينه منسوب اولدوغونا گؤره ملكي‌يه معروف اولدو. اونون دوغوم ايلي دقيقاً بللي دئييل، آما اونلارين تأليفاتينداكي قرائن و شواهيده گؤره 1312 هيجري قمري ايلينده جوانليق دؤرانيني كئچيريردي. میرزا جواد ملکی اؤز تحصيلاتيني نجفده بؤيوك عاليم و اوستادلارين محضرينده اؤرگشدي. او عيرفان و اخلاق زمينه‌سينده آخوند ملا حسينقلي همداني‌ مكتبي‌نين لاب ياخجي شاگيردلريندن‌ايدي. میرزا جواد ملکی تبريزي 1321 هيجري قمري ايلينده ايرانا گلدي و اؤز شهري تبريزده علم و معاريف ترويجينه مشغول اولدو. مشروطه‌نين اوّل‌لرينده تبريزين ناموساعيد اولماسينا گؤره «قم» شهرينه گئديب و اوردا ساكين اولدو. «قم»دا فيقه و اخلاق درسي‌نين تدريسينه مشغول اولدو و فيقه درسيني‌نين مئحوري فيض كاشاني‌نين مفاتيح كيتابيدي. آیه الله العظمی حاج شیخ عبدالکریم حایری «قم»ـا گلنده رحمتليق ملكي‌نين دوستلاريندان اولان شیخ محمد تقی بافقی‌نين ايصراري‌اينن بو شهرده قاليب و علميه حوزه‌سي‌نين بيناسيني قويدو. حاج میرزا جواد آقا اخلاق و تهذيب مكتبين تشكيل وئردي كي فايدالي ثمره‌لري اولدو و چوخلو شاگيردلر نظرلري آلتيندا تربيت اولدو. بو بؤيوك اينسانين اخلاق درسي ايكي قيسمت ايدي: ائولرينده تشكيل تاپان درس كي بير عيده مخصوص شاگيردلرينه ايدي؛ و فيضيه مدرسه‌سينده جماعتين هاميسينا اولان درس و دئييرلر كي او مجليسده دؤرد يوز نفرجن آدام اولاردي. آیه الله میرزا جواد آقا ملکی تبریزی گئجه نامازلاري و عيبادتلري‌اينن چوخ مأنوسيدي و ريسالت خانيدانينا مخصوصاً ايمام زمانا (عج) يانيقلي عشقي واريدي. اثرلري‌نين آراسيندا موناجاتلار بو يانيقلي عشقي حيكايت ائدير. نهايتده او بوزورگوار 1343 هيجري قمري ايلي‌نين ذيحجه‌‌نين اون‌بيرينده دونيايا گؤز يومدو و موقدس پئيكري «قم» شهرينده شيخان قبريستانيندا ميرزاي قمي‌نين قبري ياخينليغيندا توپراغا تاپيشيريلدي. اوندان چوخلو اثرلر قاليب كي اونلاردان مشهور «المراقبات» و «رساله لقاءالله» كيتابلاريني آد آپارماق اولار.

قورآني شوبهه و ايمام هادي‌نين(ع) جوابي

قورآني شوبهه و ايمام هادي‌نين(ع) جوابي

موسي بن محمد دئيير: بير گون يحيي بن اکثمي گؤردوم. مندن نئچه سوآل سوروشدو، سونرا قارداشيم ايمام هادي‌نين(ع) محضرينه گلديم و اوننان دانيشقلار آپارديم كي اونون ايطاعتين منه لازيم ائله‌دي.اونلاردان سوروشدوم: قوربانين اولوم! يحيي بن اکثم مندن نئچه سوآل سوروشوب و جواب ايستير. ايمام هادي(ع) بويوردو: اونون جوابين وئردين؟ دئديم: يوخ اونلارين جوابين بيلميرديم. امام هادي (ع) بويوردولار: سوآل‌لار نه‌ايديلر؟ دئديم: بير يازي وئردي كي اوندا يازيلميشدي: آللاه تعالا قورآندا بويورور: « كيتابدان اوندا بهره‌ اولان شخص (سليمانا) دئدي: من (سبا ملكه‌سي‌نين)تختيني سن كيپليك وورماميش بورا گتيره‌رم.»(1) سوآل سوروشان حضرت سليمان و جواب وئرن آصف(بن برخيا)دير. آيا پيغمبر آصفين علمينه احتياجي وار؟ و بو آيه‌ده «اگر سنه گؤندرديغيميزدا شكّين اولسا، اوندا آسماني كيتابلارين اوخويانلاريندان سوروش»(2) اگر بو آيه‌نين موخاطبي پيغمبر اؤزو اولسا پس، او دا شكّه دوچار اولوب و اگر موخاطب آيريسي اولسا، اوندا قورآن كيمه نازيل اولوب؟ . . . امام هادي (ع) بويوردو: بيله‌سينه ياز؟ دئديم: نه يازيم؟ بويوردولار: ياز بسم‌الله الرحمن‌الرحيم. آللاه سني هيدايت ائله‌سين. يازديغين اليميزه چاتدي و ايستيردين اوننان بيزي ايمتحان ائليه‌سن و اگر جوابيندا قصور اولسا، بيزه طعنه ووراسان؛ البته آللاه سني اؤز نيّتينده موجازات ائده‌جاق. بيز سوآللاريوا جواب وئرميشوق، بيل و قولاق آس و دوشونماغيوي اونون قاباغيندا ذليل ائله و اورگيوي اونا مشغول ائله، البته حوجّت سنه قورتولوب. والسلام بو آيه‌ده « كيتابدان اوندا بهره اولان شخص (سليمانا) دئدي: من (سبا ملكه‌سي‌نين)تختيني سن كيپليك وورماميش بورا گتيره‌رم.» سليمان، (آصف) بيلَنه و اوندان چوخا عاليميدي؛ لاكين ايستيردي اؤز اومّتينه جينّ و انس اولاراق، بيلديرسين كي اوندان سونراكي حوجت، (آصف)دير و آصفين ائله‌ديغي آللاهين امري‌اينن ايدي كي سليماندان اؤيرنميشدي تا اونون رهبرليغي و ويلايتينده ايختيلاف يارانمايا و هامي‌يا حوجت تمام اولا. و بو آيه ده «اگر سنه گؤندرديغيميزدا شكّين اولسا، اوندا آسماني كيتابلارين اوخويانلاريندان سوروش» آيه‌نين موخاطبي پيغمبرين اؤزودور و او حضرتده، بير ذرّه‌ده اونا گؤندريلن‌ باره‌سينده، شك يوخيدي؛ لاكين جاهيل‌لر دئييرديلر: نيه آللاه ملكلردن پيغمبر مبعوث ائله‌مه‌دي؟نيه آللاه اؤز پيغمبريني يئماقدان و كوچه‌لرده گئديب گلماقدان بي‌نياز ائله‌مه‌دي؟ بونا خاطير رسول اكرمه وحي ائله‌دي كي تا جاهيل موعتريضلرين يانيندا، كيتابي (توراتي) اوخويانلاردان سوروشسون: آيا آللاه اينديه‌جن بير پيغمبر گؤندريب كي يئييب ايچمه‌سين و بازارلاردا گئديب گلمه‌سين؟( و چون بئله دئييل پس ائي محمد سن‌ده اونلارا تايسان و بو موريدده آيريلارينان فرقين يوخدور.) و بو كي آللاه تعالي: « فإن کنت في شک» (اگر شكّين وار) تعبيريني ايشله‌ديب –بوننان بئله‌كي پيغمبرين هئچوقت شكّي يوخيدي- بونا خاطير ايدي كي دانيشيق و موجاديله‌ده اينصافي رعايت ائله‌سين. نئجه كي آللاه تعالا موباهيله آيه‌سينده بويورور: «(ائي پيغمبر كافيرلره)دئگينن: گلين هاميميز اوشاقلار و آروادلاريميزي چاغيراق؛ سونرا موباهيله ائلياق و يالانچيلارا آللاهين لعنتين گؤندراق»(3) اگر آللاه بويورسادي كي:«گلين آللاهين لعنتين سيزه گؤندراق، اونلار حقّين دعوتين قبول ائله‌مزديلر. بونا گؤره بوننان بئله كي آللاه بيليردي گؤندرديغي و پيغمبري دوز دانيشاندير و وظيفه‌سيني انجام وئريب و هابئله پيغمبر اؤزو ياخجي بيليردي كي دئديقلاريندا صاديقدير لاكين بوجور ياخجي بيلدي كي دانيشيقدا اينصافي رعايت ائده و يالانچيلاري ردّ ائده . . . آلت يازيلار: 1- "قال الذي عنده علم من الکتاب أنا آتيک به قبل أن يرتد اليک طرفک" (نمل سوره‌سي ، آيه 40) 2- "فان کنت في شک ممّا انزلنا اليک فاسئل الّذين يقرؤون الکتاب" (يونس سوره‌سي ، آيه 94) 3- "فقل تعالَوا ندع ابنائنا وابنائکم ونسائنا ونسائکم وانفسنا وانفسکم ثمّ نبتهل فنجعل لعنة الله علي الکاذبين" (آل عمران سوره‌سي ، آيه 61) منبع: تحف العقول، حسن بن شعبه حراني، 481 – 476-جي صفحه‌لر.

غدير، مولي‌الموحدين علي (ع) باخيشيندا

علي بن ابيطالب عليه السلامين زمانيندا غدير بايرامي گونو جومعه‌اينن بيرگونه توشدو. ايمام اوگون موفصل خوطبه دانيشديلار و توحيد، نبوّت و ايمامت باره‌سينده درين و دگرلي بحثلر ائله‌ديلر. اونلار اوّلده آللاه‌تعالاني حمد و ثنا ائله‌ديلر، رَبوي صيفتلرين سايديلار، نعمتلريني ديقّته گتيرديلر و سونرا جماعته دئديلر: آللاه تعالا بوگون ايكي بايرامي (غدير و جومعه) سيزين اوچون بير يئرده قرار وئريب؛ ايكي بايرام كي هر بيري اوبيري‌نين وارليق فلسفه‌سيني كاميل‌لشديرير. و هر بيري‌‌نين وسيله‌سي‌اينن او بيريسينده هيدايت داها اثرلي اولور . . . سونرا بويوردو: توحيد و آللاهين بيرليغينا اينانماق قبول اولماياجاق مگر پيغمبري حضرت محمد صلوات الله عليه ريسالتينه اعتيراف ائده‌سن، و محدين (صلوات الله عليه) ديني قبول اولماياجاق مگر بوكي آللاه، ويلاتي‌نين امريني وئرن شخصين ويلايتين قبول ائده‌سن، و بو ايشلرين هئچ بيري سهمانا توشمز مگر بو كي ويلايت اهلينه توسّول و تمسّوك ائده‌سن. سونرا بويوردو: آللاه تعالا غدير گونو، اؤز سئچديغي باره‌ده ايراده ائله‌ديغيني پيغمبرينه گؤندردي. اونا امر ائله‌دي كي ويلايت و ويصايتيني ايبلاغ ائله‌سين، كافير و مونافيقلردن مجالي آلسين و دوشمنلرين سانجماسي‌نين نيگراني اولماسين. غدير گونونون منزيلت و قدري چوخدور، او گون آللاهين رحمتلري يئتيشيب و حوجّت هامي اوچون قورتولوب. بو گون آيدينلاتماق گونو و اوجا و آيدين يئردن عقيده‌ني دئماق گونوندور، بو گون دينين تكامول گونو و عهده وفا ائله‌ماق گونودور. غدير شاهيد (رسول الله صلوات الله عليه) گونو و مشهود (علي ابن ابيطالب) گونودور. شيطانين ذيلّت گونو، بورهان و ايستيدلال گونودور. اونو دانانلارين صفي‌نين آيريلماق گونودور. بو گون لاب بؤيوك گوندور كي سيزدن بير عيدّه اوندان اوز چئويرديز. آللاه بنده‌لري‌نين، ايمتحان و هيدايت گونودور. اوركلرده گيزلنميش كينه‌لرين آشكار اولان گونو، نوصوصون (پيغمبرين ايبهامسيز سؤزلري)، مؤمونلره عرضه اولان گوندور. غدير گونو شيث پيغمبر گوندور، ادريس گونو و يوشع و شمعون و . . . غدير بايراميندا علوي منشورو اميرالمؤمنان خوطبه‌نين آخيرينده بويوردولار: ائي موسلمانلار آللاهين رحمتي سيزه اولسون. بو بؤيوك ايجتيماعدان قاييداندان سونرا بو گونو بايرام توتون و بو ايشلري گؤرماغينان اونو عزيز سايين:  نعمتي خانيواده‌زه و فامئل‌لريزه چوخالدين و باغيشلاماق و ياخجيليغي اؤزوزه پيشه ائدين.  آللاها سيزه وئرديغي نعمتلر اوچون شوكر ائدين.  بير-بيريزين كنارينا ييغيشين تا آللاه سيزين ايجتيماعزي چوخالتسين.  آللاهين نعمتلرين بير-بيريزه تبريك دئيين نئجه كي آللاه بو گونده آيري بايراملاردان چوخ اجز و ثواب وئرماغينان سيزه تبريك دئيير.  سئوينجاق و گولر اوزونن بير-بيريزي قوجاقلايين. گؤروش زماني موصافيحه ائدين و بير-بيرزه تبريك دئيين. منبع: اقبال الاعمال، سيد بن طاووس، صص 464-461

قورآن كريم 25 ديلده

قورآن كريم 25 ديلده

بو برنامه ده قورآن كرم 25 ديلده يازيليب. برنامه ني دانلود ائديب ايجرا ائده جكسيز و نصب ائتمگه احتياجي يوخدور.

دانلود