استرالیادا تازا نوع حیوان تاپیلدی
جیمز کوک دانشگاهیندان "کونراد هاسکین" و نشنال جغرافیکین بیر تعداد فیلم دوزلدنلری جاری ایلین اوّللرینده هلکوپترله «کیپ یورک» یاریم جزیرهسینده یئر آلان «کیپ ملویل» داغلیقلارینا گئتدیلر و بو منطقهده گؤردوکلرنیدن حیرته گلدیلر.
بو تاپینتیلار، قویروغو یارپاق کرتنکهله، ساری رنگده کرتنکهله و داش ساکنی قورباغایا شامل اولوردو کی اونلارین هئچ بیری اوّللر گؤرونمهمیشدی.
هاسکین دئدی: بو تازا نوع جانلیلاری بوردا تاپماق، تاریخی بیر کشف ساییلیر. بو اوچ مؤهرهلی حیوانین، یاخشی آختاریلدیغینا ایناندیغیمیز اؤلکهدن تاپیلماسی حیرت آمیزدیر.
عالملر بو منطقهیه داخل اولدوقلارینین اوّل گونلرینده بو نوع حیوانلاری کشف ائلهدیلر و احتمالی وار آیری تانینمامیش نوعلار دا اولسون.
بو جانلیلارین بیری 20 سانتیلیق قویروغو یارپاق کرتنکهلهدیر. بو جانلی استرالیادا ایستی جنگللرین یاییلدیغی قدیم زمانلارین یادگاریدیر. بو کرتنکهلهنین ایری گؤزلری و نازیک اوزون بدنی وار و آیری کرتنکهلهلردن چوخ فرقلیدیر.
بو وبلاگدا دين و مختلف موضوعلاردا ال يازيلاريم و عرب دیلیندن چئویردیگیم یازیلار اولاجاق.