اوقيانوسون درينليغيندا تاپيلان عجيب غريب موجود
اوقيانوسون 2.8 كيلومترليغيندا،تازا بند بند موجود كشف اولوب كي جانليلارين بؤلوملرينين هئچ بيرينده يئرلشمير. بو موجود گؤردوغوز و ائشيتديغيز بوتون موجودلارينان فرقي وار.
اوقيانوسون قارانقولوق درينليقلاري يئرين مرموز مكانلارينداندير. اوقيانوسون درينليقلاري شراييطي خاص شراييطدير كي هر جانلي موجود اوردا باش ساخليه بيلمز. شايد بونا گؤره بير تازا موجودون تاپيلماسي كي موحقيقلر اونو روحا بنز توصيف ائديرلر، جانلي موجوداتين تازا نوعونو تاپما جذابيتيندن سونرا، مرموز و قارانقولوق دونيادان تازا بير شئي تاپما جذابيتيده واردير.
ديسكاورينين گوزاريشينه گؤره، موحقيقلر موفق اولدولار اندونزي و فيليپين آراسينداكي اوقيانوسون لاب درين الچاتان يئرلريندن بو روحا بنزر بندپا موجودي تاپالار. بو بند بند موجود قيرخآياغا بنزهيير. اونون اوزونلوغو 9.4 سانتيمتره يئتيشير كي اؤز نوعوندا چوخ بؤيوكدور. بو موجود بدنينين ايكي طرفينده قرار تاپميش ايكي كورَگهبنزر زاييدهلرينن اوزور. بو زاييدهلرين دالبادال حركتي، عئيناً دومينونون تؤكولمهسينه تايدير.
آما او خاص شراييطده، بو بند بند قود نئجه اؤز دؤرهسيندن خبري اولور. موحقيقلرين گؤردوقلاري نيشان وئرير كي اونون باشينا ياپيشان 10 شاخك و بوينوندا اولان آلتي جوت حوفره بو موجودا اييلري و دادلاري بيملاغا كؤمك ائديرلر.
كاليفرنيادا اولان «اسكريپز» اوقيانوس نيگاري مؤسّيسهنين اوچ زيستشيناسي اوزاقدان كونتورول اولان سوآلتي ابزارلارينان بيرينجي دفعه بو موجودي سويون 2.8 كيلومتر درينليغيندان تاپيبلار.«كارن اوزبورن» كي اعتيقادي وار هيجانلي بير موجود تاپيب اونون توصيفينده دئدي: چوخ جاليبيدي، چون اينديهجن وصفيني ائشتديغيم و يا گؤردوغوم زادلاردان فرقليدي. مخصوصاً عجيب باشي! تازا تاپيلان بند بند قود آيري موجوداتينان ائله فرقي وار كي گرك اونو تازا جور و طبقهده تعريفلهماق.
بو بند بند قود اوقيانوسون كفيندن 100 ايلا 200 متر ايرتيفاسيندا ياشار، او لايه كي دانيشمندلرين دئديغينا گؤره جانورشناسي و گياهشناسي باخيميندان هله كشف اولماييب. «اوزبورن»ون اعتيقادينا او ائليهبيلسه بو درينليغا گئده، گؤردوغو جانليلارين ياريسي بيلهسينه تانينماميش اولاجاق. بو درينليغين تانينماميش قالماسينين اصلي عاميلي موحقيقلرين اليندهكي ابزاردي كي يا بو درينليغا گئدنميرلر و يا نومونهلري ائله ازيرلركي اوندا تانيماغا و بررسليق ائلهماغا بير شئي قالمير.
بو وبلاگدا دين و مختلف موضوعلاردا ال يازيلاريم و عرب دیلیندن چئویردیگیم یازیلار اولاجاق.