وساییل قالدیراندا دیزیزی بوکون

ایشتیباه شراییطده یوک قالدیرماق بئل ناراحاتلیغینا سبب اولان بیلر. یئردن بیر شئی گؤتوردویوز زامان، دیزلریزی بوکوب یئره چؤمبه‌له‌یین و وساییلی بو شراییطده قالدیرین.

بئلیزی چئویرمه‌یین

مخصوصاً ماشیندا، آرخایا دؤنوب بیر شئی آلماق بئل آغریسینا سبب اولا بیلیر. اونورغانین(ستون فقرات) دؤنوب حرکت ائتمه‌سینه گتیریب چیخاران بو تیپ خطرلی و آنی حرکتلردن چکی‌نین.

آریقلایین

کؤکلمک مخصوصاً بئل ناحیه‌سینده‌کی یئرلری زورا سالیر. بوتون بد‌نین آغیرلیغی بئل ناحیه‌سینده‌کی اونورغا‌لارا مینیر و یوک اورا‌دان قیچلارا دوغرو داغیلیر. اگر آدام کؤکلسه اونورغایا مینن یوک آرتیر. آریقلاماغیز اوچون ساغلام یئمکلردن ایستیفاده ائدیب و نیظاملی ورزیش ائدین.

اوجالیغا اوزانمایین

بئل آغریسینا گتیریب چیخاران داورانیشلاردان بیری‌ده اوجالیغا اوزانماق و یوخاری‌داکی بیر یوکو گؤتورمکله مئیدانا گلیر. باشیزدان یوکسه‌یه اوزانمایین، یوکسک‌ده‌کی بیر یئردن آغیرلیق گؤتورمه‌یین.

تمرین ائدین

بئل اطرافینداکی عضله‌لرین گوجلندیریلمه‌سی اوچون ورزیش ائدین. دوز قاچماق و اوزمک ان چوخ یاخشی ورزیشلردن ساییلیر. فوتبال کیمی موباریزه‌لی یا دا هالتئر کیمی آغیرلیق قالدیریلان ایدمان‌لار ایسه بئل آغریسی شیکایتی اولانلارا توصیه ائدیلمیر.

حرکتسیز قالمایین

کامپیوتئر باشیندا یاریم ساعت اوتوراندان سونرا بئش دقیقه قالخیب گزین. بو تکلیف میز باشیندا چالیشانلار اوچون‌ده اعتبارلیدیر. اوتورولان هر یاریم ساعتدا بیر وضعیتی دییشدیرمک و قالخیب گزمک، آغریلاردان قورونمادا اهمیت داشی‌ییر.

یاتا‌راق کیتاب اوخومایین

یاتار وضعیتده کیتاب اوخوماق بئل آغریسینا گتیریب چیخاریر. اؤنه دوغرو اگیلدی‌ییز اوچون اونورغانین دوروشو دگیشیر. عینی شکیلده یاتاقدا دیز اوستو کامپیوتئرله‌ده ائدین.

یاتاق سئچیمینه اهمیت وئرین

یاتاق‌لارین نه سرت(برک) نه‌ده چوخ یومشاق اولماسی لازیم‌دیر.

راحت باشماق گئیین

مخصوصاً قادینلار اوچون اوزون ساعتلار اوجا دیکدابان گئیمک خطر‌لی اولا بیلر. چونکی بوتون اونورغانین تارازلیغی و آغیرلیق مرکزی دگیشیر. بوتون آغیرلیق بئله یوکله‌نیر. بونا گؤره ایشه گئدرکن ورزیش باشماغی، ایشده ده ایش باشماغی گئیمه‌یه چالیشین.