اوزومون خاصيّتلري
ياي و پاييز فصلينده جوربهجور اوزوملر اولار. بو ميوه تايسيز ميوهلردندير كي موختليف رنگلرده و حتّا موختليف اندازهلرده بازاردا اولار.
اوزومون جوربهجور خاصّيتلري
ميوهلرده «فیتوکمیکال» آديندا بير تركيبلر وار. بو تركيبلر ميوهنين گياهين امنيتي سيستميندنديلر. ايمني سيستم، آفتلر و انگللر معضينده اولان گياهي آفتلردن اوزاق ساخلار و گياهلارين عطر، طعم و رنگلريني جورلر. بنفش و قيرميزي رنگده اولان اوزوملرده آنتوسیانین آديندا بير ماده گؤروشوب. بو ماده تمشكدهده وار كي بدنه واريد اولاندا قلبي عوروقي ، قانين لخته اولماسي و حتّا ديابتين قاباغين آلار. بونا خاطير رنگلي اوزوملرين ساري اوزوملره نيسبت تايسيز خاصيّتلريندن بيريده آنتوسیانین اولماسيدير. اوزومون رنگي نهقدر توند اولسا فیتوکمیکالين غيلظتي اوندا چوخ اولار و چردكلي اوزوملر اگر چردگينن باهم يئييلسه، چردك خوشكيّتي اولانلارين موشكولون حل ائدر. البته بو افراد گرك چوخلي مايعاتدا ايچهلر. بو ميوهنين آيري خاصيتلريندن بودور كي ايجازه وئرمز قاندا پلاكتلر بير بيرلرينه ياپيشالار و عوروقون توتولماسينين قاباغين آلار. سرطانانين ضيدّيدير و سيلّوللارين قوجالماسينا باعيث اولان آزاد راديكاللارين قاباغين آلار. ضيمناً اورك و عوروق سيستمينين موحافيظيدير و قانين لخته اولماسينين قاباغين آلار و عئيني حالدا فیتواستروژنی خاصيتي وار يعني بير آنتياوكسيداندير كي نهتكجه سرطانين ضيدّيدير بلكه ضعيف حالتده استروژنی حالتيده وار. كولّاً رنگي اوزوملرين يئماغي فايداليراق اولورو و دئماق اولار كي قيرميزي و نارينجي رنگده اولان ميوهلر آنتياوكسيدان و قوجالماغين قاباغين آلما خاصيّتلري وار.
ديابتيلر نئينهسينلر
بير عيده دئيير اوزومون قندي چاقليغي و قانين قندينين چوخالماسينا سبب اولور. آما بو فيكير ايشتيباهدير. ديابته موبتلا اولان فرد اونا تجويز اولان كالروري ميقدارينا توجّوه ائلهماغينان كي مثلاً گونده 3 واحيد ميوه مصرف ائليهبيلر، بير واحيديني اوزوم اينتيخاب ائدهبيلر و اوبيري واحيدلري آيري ميوهلردن اينتيخاب ائدهبيلر تا قانين قند نواساني آز اولا. و بوكي دئييرلر اوزوم كؤكهلدر دوز دئييل. اوزومده مخصوصاً قورو اوزوم و سبزهده اولان قند قانين قند نوسانينين قاباغين آلار و ديقتي مخصوصاً دانيشآموزلاردا چوخالدار.
اوزوم قاني دورولدار
بيزيم بندنيميزه داوا يا سمي مادّه گئدنده قرهجيگريميزده بيرپارا آنزيملر وار كي بو سمي مادهلري قاندان تميزلر. جاليبدير كي هر جور اوزومون يئمهسي اوندا اولان فیتوکمیکاللارا گؤره باعيث اولور بو آنزيملرين توليدي چوخالسين و قاني دورولتسون. نار و تمشكدهده بو خاصيت وار.
اوزومون سويو اوزومون يئرين وئرر؟
بازاردا اولان صنعتي ميوهسولارينين هئچ بيري طبيعي دئييللر مگر بوكي سيز نكتارلي ميوهسويو آلاسيز. اوزوم شربتي و صنعتي ميوهسولاريندا اسانس وار و هئچ عونواندا اوزومون يئرين وئرهبيلمز. حتي اگر ائوده حاضرلانسا چردك و قابيغينين آيريلماسينا گؤره كاميل اوزومون يئرين وئرمز.
آبقورا نه آريقلادار و نه قانين ياغين آزالدار
قورا همان كال اوزومدور. اونون دادي تورش اولار. ميوهلر يئتيشديقجان دادلاريدا شيرينلهشر. قورانين قندي يئتيشميش اوزومدن آزدير. البته بو دليل اولماز كي دئياق قورانين قندي يوخدور و قانين قند نوسانينا باعيث اولماز. هردم بير، قورا مصرف ائلهماق موشكول ياراتماز. قورا معمولاً آبقورا شكلينده ايشلهنر و گون قاباغيندا قالديغي اوچون ويتامين C –سي اولماز و تكجه طعم اوچوندور. آيري عيباريتده آبقورانين بنده خاصيتي يوخدور. بير عيدّه قانين ياغينين آزلماسينا آبقورا يئيرلر. بو فيكير دوز دئييل و آبقورا قانين ياغ و قنديني آزالدا بيلمز. آبقورا نه اينكي آريقلاتماز بلكه گوواريش دستگاهينين موخاطينا دا صدمه وورار.
نارين بنفش اوزوملرين لاب ياخشي يوماق يولو
اوزوم، توت و فيرنگي توتون يوماسي اوچون اونلاري ياريم ساعت سودا ايسلادين و سونرا يويون. شايد نظره گلهكي ميوهني ايسلاتماق ويتامين C –نين آرادان گئتمهسينه سبب اولا آما واقعيت بودور كي ويتامين C –نين هاميسي آرادان گئتمز.
بو وبلاگدا دين و مختلف موضوعلاردا ال يازيلاريم و عرب دیلیندن چئویردیگیم یازیلار اولاجاق.