شرقی آذربایجان یوللارینین یوزده قیرخینین تعمیره احتیاجی وار
شرقی آذربایجاندا 220 کیلومتر آزاد یول, 292 کیلومتر اوتوبان, 1036 کیلومتر اصلی یول و 1775 کیلومتر فرعی و کند یولو واردیر کی اؤلکهمیزین اصلی حمل و نقل دامارلاریندان حئسابا گلیر. آذربایجان منطقهسی ژئوفیزیک و ژئوپولتیک شراییطه گؤره اؤلکهنین موهوم منطقهلریندن ساییلیر.
آذربایجانین گؤزل چؤللری, داغلاری و درهلریده بو منطقهیه طبیعی جاذیبهلر وئریب و اونو عظیم توریستی منطقهیه چئویریب. اوندان علاوه آذربایجان, اؤلکهمیزین موهوم اکینچیلیک و صنایع قوطبلریندن ساییلیر.
شکسیز بو ایمکانلاردان ایستیفاده ائتمک اوچون موختلیف زمینهلرده آلتیاپیلاری برکیتماغا احتیاج وار کی اونلارین اصلیسی حمل و نقل شبکهسینین تقویتی و اونون بینالمیللی یوللارا باغلانماسیدیر.
شرقی آذربایجانین شهرسازلیق و یول ایدارهسینین کول مودیری, اروجعلی علیزاده, فارس خبرنیگارینا دئدی: سویق بیر قیشی دالیدا قویدوغوموزا دیقّت یئتیرمکله کی ایلین لاپ یاغینتیلی فصلینه شاهید ایدیک, اوستان یوللاری مخصوصاً داغلیق منطقهلر و دؤنگه یوللارینین اوزلری آرادان گئدیب و تعمیره احتیاجی وار.
علیزاده آرتیردی: بو مسأله اوچون 40 ایلا 50 میلیارد تومنه احتیاج وار.
او عئین حالدا اعلام ائلهدی کی بو ایل اوستانی و سراسری اعتیبارلاردان فقط 10 ایلا 15 میلیارد تومن بو قیسمته ایختیصاص تاپیب. او آرتیردی: بو تخصیص تاپان بودجه چوخ آزدیر کی تعمیرلره کیفایت ائلهمیهجک. اونا خاطیر آرتیق ضررین قاباغین آلماقدان اؤترو تعمیر لازیم اولان یئرلره قیر سپمیشیک کی آسفالتین چاتی بؤیومهسین.
او بونا ایشاره ائلهمکله کی گرک بو بؤلومون اعتیبارلارینین 6 درصدی ساخلاماق بخشینه ایختیصاص تاپا, دئدی: کئچن ایل بو بخشین اعتیبارلاری 12 میلیارد تومنیدی.
بو وبلاگدا دين و مختلف موضوعلاردا ال يازيلاريم و عرب دیلیندن چئویردیگیم یازیلار اولاجاق.