دئییشمک سیزی بو مرضلره دوچار ائلر !
دئییشمهدن تؤرهنن روحی فشار و استرس، چوخلو جسمی و روحی ناخوشلوقلارا سبب اولا بیلر.
روحی ناخوشلوقلارین چوخو، دئییشمه، حددن آرتیق یورقونلوق و پئشهدن نفرت کیمی ائشیک محرکلرینین تأثیرینده یارانیر.
ائشیک محرکلریندن اولان دئییشمه، انسانلارین ایچینده گیزلنن ناخوشلوقلارین اوزه چیخماسینا سبب اولا بیلر. مثلاً دئییشمه، شخصین بدبینلیگینی اوزه چیخاردار و یا حتی آرتیرار.
دئییشمه انسانلاری اضطرابا دوچار ائلهییب اونلاری انزوایا چکه بیلر و بدبین افراددا انتقام حسّینی یارادار.
دئییشمه اورک دامار ناخوشلوقلارینی تشدید ائلر و اوشاقلارین اوستونه قیشقیرماق اونلاردا لکنت و ناامنلیک حسی یارادار.
استرسلی محیطلردن اوزاق اولماق و غضب زمانی درین نفسلرین چکمهسی غضبین آزالماسینا کؤمک ائلر. هابئله غضب کنترولونون تمرینی، کفایت قدر استراحت، هر ایشدن قاباق دوشونمک، ورزش، مثبت دوشونماق و عصب دینجلتمه مهارتلرینی اؤیرشمک بو زمینهده چوخ فایدالی اولار.
بو وبلاگدا دين و مختلف موضوعلاردا ال يازيلاريم و عرب دیلیندن چئویردیگیم یازیلار اولاجاق.