شرقی آذربایجانین ثبت احوال مدیری بو ایلین اوّل اوچ آییندا استاندا ائولنمگین یوزده 7 آزالما و بوشانمانین یوزده 6.4 آرتیرماسیندان خبر وئردی. علی جعفری سه‌شنبه گونو اهرده دئدی: بو اوچ آیدا 10496 ائولنمک و هابئله 2004 بوشانماق شرقی آذربایجان استانیندا ثبت اولوب.

او آرتیردی: بو ایلین اول اوچ آییندا 17479 ولادت (کئچن ایله گؤره یوزده 7 آزالما) و 5363 اؤلوم (یوزده 2.9 آزالما) باش وئریب.

او دئدی: ایندیه قدر شرقی آذربایجاندا 500 مین عاغیللی ملی کارت صادر اولوب و 740 مین ده بو ایلین سونونا قدر صادر اولونماسی نظرده آلینیب.