سویوق، سویوقدَیمهنی تشدید ائلر
آمریکانین Yale دانشگاهی محققلری تازا بیر تحقیقده بیلیبلر کی سیچانلارین بدنینین ایستی اولماسی سویوقدَیمه ویروسونون بدنده یاییلما سرعتی آزالدیر.
بو تحقیقده سیچانلارین نفس آلما مجرالاری سلوللاری مطالعه اولونوب. بو سلوللار بدنین امنیتینه لازم اولان «interferons» پروتئینلری تولید ائلیرلر.
آمریکالی محققلر بو تحقیقده گؤدولر کی بدنین مناسب دماسی اولاندا سویوقدَیمه ویروسلاری تکثیر تاپا بیلمیرلر.
هابئله ویروسی ژنلری هدفه آلان RNAseL آنزیملر بدنین ایستی اولدوغو زماندا، داها یاخشی ایشلهیه بیلیرلر.
تحقیقین ادامهسینده بللی اولوب بدنین حرارتی مطلوب اندازهدن آشاغی اولاندا interferons پروتئینی ویروسلار مقابلینده مقاومت ائلیه بیلمیر.
بو تحقیقاتی تیمین دئدیگینه گؤره بدنین سویوق اولماسی سویوقدَیمه ویرسونون نفس آلما مجرالاریندا داغیلماسینا سبب اولور.
بو تحقیقین نتیجهسی علملر آکادمیسی نشریهسینده یایلیبدیر.
بو وبلاگدا دين و مختلف موضوعلاردا ال يازيلاريم و عرب دیلیندن چئویردیگیم یازیلار اولاجاق.