پیغمبرین سنّتی و عادتی شعبان آییندا گئجه‌لری آییق قالیب عبادت ائتمک و گوندوزلری اوروج توتماق ایدی. بو آیی رحمت آیی ائله‌ین پیغمبریمیزدیر(ص).

 بو آیین گؤزل دعالاریندان شعبانیه صلواتیدیر کی امام سجاد (ع) بو دعادا بیزلره اؤیردیر الله‌دان بیزی پیغمبر کناریندا اولماغی نصیب ائله‌مه‌سینی ایسته‌یک سونرا اونون رسالت و وحیی‌نی بیزه آچیق یول قرار وئرسین.

انسان، شعبانیه صلواتیندا اؤزونو الله‌ین حدسیز رحمتی‌نین کؤلگه‌سینده گؤرور. بو دعادا الله‌دان پیغمبری بیزه شافع ائتمه‌سینی ایستیریک. «وَاجْعَلْهُ لي‌ شَفيعاً مُشَفَّعاً وَطَريقاً اِلَيْكَ مَهيَعاً» بو جمله‌ده امام سجاد (ع) الله‌ا عرض ائلیر: الله بو آی پیغمبرین آییدیر، و بو آیین آشاغی یوخاریسی رحمت آییدیر و بو آیین باشدان آشاغی‌یا رحمت اولماسی بونا خاطردیر کی الله‌ین رسولو بو آیین گئجه گوندوزونو عبادت ائله‌ییب. یعنی زمانی بو متزمّن مبارک ائله‌ییب، نئجه کی مکانی بو متمکّن برکتلندیریب.