★ دین خادیمی din xadimi ★

دين, حکایه,تکنولوژی و سایر din,hekayə, texnoloji və sair

حضرت داوودون هانسی دعاسی اجابت اولمادی؟

شیخ حر عاملی، «احادیث القدسیه» کتابیندا بئله بیر روایت نقل ائدیب: حضرت داوود ناخوشلور، دعا ائلیر و همیشه اللرینی گؤیه اوزادیب الله الله ائلیردی. وحی گلیر: «چیگینلرین یورولوب اللرین دوشنه قدر یالوارسان‌دا دعانی مستجاب ائتمیه‌جگم!» او تعجب ائلیر. یئنه وحی گلیر: «من دردی وئریب درمانی‌دا وئرمیشم. سن درمان دالیسیجان گئتمه‌لیسن».

دعانین معناسی ایسته‌مکدیر آما فقط دیلده ایسته‌مک یوخ، بلکه دوغرودان ایسته‌مک معناسیندادیر. دوغرودان دعا ائدن شخص هدفه چاتماق اوچون الیندن گلن هر ایشی گؤرر و اورکده الله‌ین اونا کؤمک ائله‌دیگینه اینانار.

+ نوشته شده در  شنبه بیست و دوم فروردین ۱۳۹۴ساعت 17:24 PM  توسط میرزه عبدالصمد ملكي əbdüssəməd   | 

مراقبه‌سیز ذکرین فایداسی اولماز/ملا حسین‌قولو همدانی‌نین عرفانی دستوری

«تذکرة المتقین» کتابیندا ملا حسین‌قولو طرفیندن ارائه اولونموش عرفان منزل‌لری و مرحله‌لری اجمالی صورتده ارائه اولونوب. بو دستور خدمتیزه تقدیم اولونور:

«بسم الله الرّحمن الرّحيم‏ الحمدللّه ربّ العالمين‏ و الصّلاة و السّلام على محمّد و آله الطّاهرين‏ و لعنة الله على أعدائهم أجمعين

دین قارداشلاریما گیزلی قالماسین کی ملک الملوک جلّ جلاله حضرتینه چاتماق اوچون بوتون حرکتلر، سکناتلار، دانیشیقلار و بوتون آنلاردا مقدس شرعه ملتزم اولماقدان باشقا یول یوخدور. هرچند بوندان غیری یولا چوخ رغبت وار. جاهل‌لر و صوفیه‌نین گئتدیگی یول کیمی. بو ایشلر حقدن اوزاقلاتماقدان باشقا فایداسی یوخدور. حتی اگر شخص شاربین وورماماسینا و اتین یئمه‌مه‌سینه ملتزم اولسا، ائمه اطهارین عصمتینه ایمان گتیرمیش اولسا دا، حضرت احدیّتدن اوزاقلاندیغینی بیلمه‌لیدیر. هابئله أئمه‌دن اولمایان ذکرلر و وردلره ده عمل ائله‌سه.

بونا اساساً مقدس شرعی هر شئیدن اؤنده بیلمه‌لیدیر و شرعده گلن شئلریه دقّت یئتیرمه‌لیدیر. بو ضعیفین عقلدن و نقلدن استفاده ائله‌دیگینه اساساً قربته طالب اولان هر شخصه معصیتی ترکیتمک هر شئیدن اهمیتلیدیر.

بو ایشی گؤرمه‌دن ذکری‌نین و فکری‌نین قلبینه فایداسی اولمایاجاق؛ چونکی سلطانا عصیان ائله‌ین شخصین خدمتی و هدیه‌سی فایداسیز اولار. بیلمیرم هانسی سلطان بو عظیم‌الشأن سلطاندان یوخاریدیر؟! و هانسی دوشمنچیلیک اونونلا دوشمنچیلیکدن داها پیسدیر؟!

فافهم ممّا ذكرتُ أنّ طلبَكَ المحبّةَ الالهيّةَ مع كونك مُرتكبًا للمعصيةِ أمرٌ فاسدٌ جدًّا، و كيف يَخفَى عليك كونَ المعصية سببًا للنّفرة، و كونَ النّفرة مانعةَ الجمع معه المحبّة؛ و إذا تحقّق عندك أنّ ترك المعصية أوّل الدّين و آخره، ظاهره و باطنه، فَبادِرْ إلى المجاهدةِ، و اشْتَغِلْ بتمامِ الجدّ إلى المراقبة، من أوّل قيامك من نومك فى جميع آناتك إلى نومك، و ألزمْ الأدبَ فى مَقْدَس حضرتِه. و اعلم أنّك بجميعِ أجزاءِ وجودِك ذرّةً ذرةً اسيرُ قدرتِهِ، وَ راعِ حرمةَ شريفِ حضورهِ.

و اعبُدْهُ كانّك تراه، فإن لم تكن تراه فإنّه يراك؛ و التفتْ دائمًا إلى عظمتِهِ و حقارَتِكَ، و رَفْعَتِهِ و دنائتِكَ، و عزّتِه و ذلّتِك، و غناهُ و حاجتِك، و لا تغفلْ شناعةَ غفلتِك عنه جلّ جلالُه مع التفاته إليك دائمًا؛ و قُمْ بين يديه مقامَ العبدِ الذّليلِ الضّعيفِ، و تَبَصْبَصْ تحت قدميه بَصْبَصَةَ الكلبِ النّحيف؛ أوَ لا يكفيك شرفًا و فخرًا أنّه أذِنَ لك فى ذِكرِ اسمِهِ العَظيمِ بلسانِك الكثيفِ الذّى نَجَّسَتْهُ قاذوراتُ المعاصى؟

پس ائی عزیز! بو کریم و رحیم، سنین دیلینی نور داغی یعنی شریف آدین ذکری‌نین مخزنی ائله‌دیگی حالدا، نییه گرک سلطانین بو مخزنینی یالان، غیبت، یامان، اذیت و آیری موردارلیقلارا بولایاسان. سلطانین مخزنی عطر گولابلا دولمالیدیر، موردارلیقلارلا یوخ.

شکسیز مراقبه‌نده دقّت ائله‌مه‌دیگین تقدیرده سبعه جوارحی‌نین یعنی قولاق، دیل، گؤز، ال، آیاق، قارین و عورتینله نه گناهلار ائله‌دیگین و نه اودلار یاندیردیغین، دینینه نه فسادلار سالدیغین و دیلی‌نین قیلینجی ایله اورگینه نه یارالار ووردوغون، بللی دئییل. اونو اؤلدورمه‌سن یاخشیدی.

بو مفسده‌لری آچیقلاسام کتابا یئرلشمز. بیر وراقدا نه یازا بیله‌رم؟! پس:

البَدارُ البَدارُ إلى التّوبةِ الصّادقَةِ ثُمَّ العجلُ العجلُ فى الجِدِّ و المُراقَبَةِ.

خلاصه، البته قربت آختاران شخص مراقبه‌ده چالیشاندان سونرا هئچ اولماسا بیر ایکی ساعت گون چیخاندان تئز آییلماغی الدن بوراخمامالیدیر. گئجه نمازینی حضور قلب و آدابی ایله یئرینه یئتیرسین. واختی چوخ اولسا فکره، ذکره و یا مناجاتا مشغول اولسون. لیکن گئجه‌نین بیر مقدارینی حضور قلبله ذکره مشغول اولمالیدیر، بوتون آنلاریندا کدرلی اولمالیدیر. کدری اولماسا تحصیل ائتمه‌لیدیر. اوندان سونرا خانیم فاطمه‌نین تسبیحی، اون ایکی دفعه توحید سوره‌سی، اون دفعه « لا إله إلّا الله وحده لاشريك له، له الملك الى آخر»، یوز دفعه لا إله إلّا الله و یئتمیش دفعه استغفار ائلیه. بیر آز قرآندان اوخویا و معروف صباح دعاسینی اوخویا. (يا من دَلَعَ لسان الصّباح الى آخر) و همیشه دستمازلی اولمالیدیر. هر دستمازدان سونرا ایکی رکعت نماز قیلسا چوخ یاخشی اولار.

آیریسینا اذیتی کئچمه‌مگه چوخ دقّت ائلیه. مسلمانلارین مخصوصاً عالملر و متقیلرین احتیجالاری‌نین یئرینه گتیرماکده آرتیق دقّت ائلیه. معصیته دوشماق احتمالی اولان هر مجلسدن البته البته البته اوزاق گزه. حتی غفلت اهلی ایله غیر ضروری مجالست ائله‌مک ضررلیدیر، هرچند معصیتسیز اولا. مباحلارا چوخ مشغول اولماق و چوخ شوخلوق ائله‌مک، لغو دانیشماق و تارتان پارتانا قولاق آسماق اورگی اؤلدورر.

مراقبه‌سی ذکره و فکره مشغول اولماق حال‌دا گتیرسه فایداسیزدیر، چونکی او حالین دوامی اولمایاجاق. مراقبه‌سیز ذکردن گلن حالا توولانماماق لازمدیر.

داها طاقتیم یوخدور. سیزلردن التماس دعام وار. بو کثیر التقصیر حقیری اونوتمایین و جمعه گئجه‌سی یوز دفعه و جمعه‌ گونونون آخشامی یوز دفعه قدر سوره‌سی اوخویون.

ایمانین عظیمه ابوابیندان، «حبّ فى الله جلّ جلاله و بغض فى الله جلّ جلاله‌»دیر. و قد عقد له فى «الوسايل» و غيرها من كتب الاخبار بابًا مستقلًا، فارجع اليها لعلّك تعرف عظمته، و تأخذ لنفسك نصيباً منه.

شکسیز ایلک محبوب ذات اقدس كبريائى جلّ جلاله‌دیر، بل و كلّ محبّة لا ترجع الى محبّته فليس بشى‏ء. ثمّ بعده، هامی بو عظیم الشأن سلطانی داها آرتیق سئومه‌لیدیر. پس، ایلک محبوب واجب الوجوددان سونرا ختمى مَآب صلوات الله عليه و آله‌ین مقدس وجودودور، ثمّ بعده‏ أميرالمؤمنين عليه‏السّلام، ثمّ الأئمّة المعصومين عليهم السّلام، ثمّ الأنبياء و الملائكة، ثمّ الاوصياء، ثمّ العلماء و الاولياء. و اؤز عصرینده‌کیلردن زمانین متقی‌لری، مخصوصاً عالم اولسالار و اونو، درجه‌ده اوندان سونراکیلارا محبت ائله‌مکده ترجیح ائتمه‌لیدیر، و هكذا يتنزّل. لیکن محبتده صادق اولماغا چالیشا، آسان مرتبه دئییل. متفکر اولساز، محبتین آثاری حرکاتدا و سکناتدا گؤرسنیرسه، بو محبت صادقدیر یوخسا یوخ.

لیکن کؤکونه و لوازمینه چاتماغینا اینانمیرام و حقیرین‌ده بوندان آرتیق گوجو چاتمیر. الحاصل، لا طريق إلى القرب إلّا بشرع شريف فى كلّ كلّى و جزئى؛ انتهى.»

+ نوشته شده در  شنبه بیست و دوم فروردین ۱۳۹۴ساعت 13:54 PM  توسط میرزه عبدالصمد ملكي əbdüssəməd   | 

آیت اللَّه میرزا علی غروی علیاری تبریزی

آیت اللَّه میرزا علی غروی علیاری تبریزی 1280 هجری شمسی ایلینده تبریز شهرینده دنیایا گؤز آچدی. او، اخلاق، فقه، اصول، کلام، رجال، عرفان، حکمت و فلسفه علملرینده تحصیل آلدی و جوانلیقدا نجفین بؤیوک عالملریندن روایی و اجتهادی اجازه‌لر آلدی. معظم له 31 یاشیندا ایکن آتاسی آیت‌اللَّه محمد حسن علیاری‌نین ایستگی ایله تبریزه گلدی و 65 ایل بویوندا تحقیق، تدریس، تالیف و شاگرد تربیت ائله‌مگه مشغول اولدو. او بؤیوک فقیه‌دن چوخلو اثر او جمله‌دن عروة الوثقی شرحی کتابی یادگار قالیب. آیت‌اللَّه علیاری 1417 هجری قری ایلینده ذی‌الحجه آیین 13-نده تبریز شهرینده دنیایا گؤز یومدو و شکوهلو تشییع جنازه‌دن سونرا قم شهرینده خانم معصومه‌نین (س) حرمینده تورپاغا تاپیشیریلدی.

+ نوشته شده در  شنبه بیست و دوم فروردین ۱۳۹۴ساعت 13:30 PM  توسط میرزه عبدالصمد ملكي əbdüssəməd   | 

عوارض نبود روحانی باسواد در هیئات و مجموعه‌های مذهبی

هدف از تشکیل مجموعه‌های دینی (اعم از هیئات حسینی، حسینیه‌های و . . .) حفظ اسلام و ترویج آموزه‌ها و احکام آن می‌باشد و بر همین اساس است که در مناطق ترک نشین ایران به هیئات حسینی به اختصار «سیره» (سیره‌ی اهل بیت (ع))اطلاق می‌شود. یعنی «سیره» جایی است که سیره‌ی اهل بیت (ع) در آنجا تعلیم و ترویج می‌شود. لازمه‌ی رسیدن به این هدف والا حضور فردی آگاه به اسلام و احکام آن در این مجموعه‌هاست که معمولاً یک روحانی متخلق به اخلاق اسلامی و مسلط به مسائل دینی این وظیفه را متقبل می‌شود. به همین خاطر در سالهای نه چندان دور تمامی مجموعه‌های مذهبی حول محور روحانیت تشکیل می‌شد و هر جا هیأت و حسینیه‌ای بود حتماً یک روحانی را در محوریت خود داشت. اما با مرور زمان و تغییر شرایط – که خود بحث مفصلی است،- مجموعه‌های دینی پیدا شدند که بدون روحانی تشکیل می‌شوند و بعضاً اگر هم بخواهند برای حفظ ظاهر و فورمالیته شخصی را بعنوان روحانی در مجموعه‌ی خود داشته باشند، فرد کم سواد و ملبسی را صرفاً جهت حضور و نه برای اعمال نظر و یا مدیریت، در مجموعه خود جای می‌دهند. و چنین می‌شود که عوارض نا مبارکی در مجموعه‌های دینی بروز می‌یابد.

از جمله عوارض فقدان روحانی باسواد در این مجموعه‌ها، عدم ترویج اسلام واقعی و سیره‌ی اهل بیت (ع) در جامعه‌ است. برای درک و لمس این مسأله نیازی نیست که وارد جامعه شوید و به تحقیقات میدانی دست بزنید که ببینید هیئات حسینی چه تأثیری در میزان تعالیم دینی مردم داشته‌اند. بلکه برای این کار کافی است نگاهی به پلاکاردهای نصب شده توسط مجموعه‌های مذهبی در سطح شهر داشته باشید تا متوجه شوید اشخاصی که در تهیه یک تابلو و یا پلاکارد به چنین اشتباهاتی مرتکب می‌شود در تعلیم و ترویج اسلام چه کرده‌اند:

در یکی از دبیرستانهای وزارت محترم آموزش و پرورش، مجموعه‌ی دینی دبیرستان به زعم خود برای تشویق محصلین به نماز، آیه‌ی قرآنی را بر درب کلاسها نصب نموده‌اند ولی متأسفانه به علت کم اطلاعی کلمه‌ای از آیه را جا انداخته‌اند. به جای اینکه بنویسند: « إِنَّ الصَّلوةَ تَنْهى‏ عَنِ الْفَحْشاءِ وَ الْمُنْكَر » یعنی: «البته نماز انسان را از فحشاء و منکر باز می‌دارد».(سوره‌ مبارکه عنکبوت آیه 45) به صورت ناقص نوشته‌اند: « إِنَّ الصَّلوةَ عَنِ الْفَحْشاءِ وَ الْمُنْكَر » که معنی می‌دهد: «البته نماز از فحشاء و منکر»!!!!

و یا یک هیأت مذهبی به زعم خود برای تبلیغ دین قسمتی از دعای فرج را در قالب پلاکارد بر بالای خیابان نصب کرده ولی چون معنای آنرا نمی‌داند بصورت ناقص نوشته. اگر بخواهیم جمله‌ی اوّل دعای فرج را بنویسیم باید لااقل اینگونه بنویسیم:« اللَّهُمَّ کُنْ لِوَلِیِّکَ الحُجَهِ بنِ الحَسَن صَلَواتُکَ » یعنی «خدایا سلام و صلواتت بر ولیّ‌ات حجة بن الحسن باشد». اللَّهُمَّ (خدایا) کُنْ (بجای آور (فعل امر از ماده «کان»)) لِوَلِیِّکَ الحُجَهِ بنِ الحَسَن (بر ولی‌ات حجة بن الحسن) صَلَواتُکَ (سلام و صلواتت را).

در پلاکارد مذکور جمله‌ی دعا به صورت ناقص یعنی اینگونه نوشته شده: «اللَّهُمَّ کُنْ لِوَلِیِّکَ الحُجَهِ بنِ الحَسَن» و از نصب پلاکارد ماه‌ها می‌گذرد و آنها هنوز متوجه مفهوم آن نیستند.

صمد کامران قراملکی

+ نوشته شده در  جمعه چهاردهم فروردین ۱۳۹۴ساعت 0:36 AM  توسط میرزه عبدالصمد ملكي əbdüssəməd   | 

امام رضانین (ع) واقفیه مقابلینده‌کی ساواشی

سککیزینجی امامین زمانی، شیعه‌نین خارجی مشکل‌لریندن علاوه داخلی مسأله‌لری‌ده اورک آچان دئییلدی. او دوره‌نین مشکل‌لرینی تانیماق بو گونکی بعضی مشکل‌لرین حلّینه‌ده کؤمک اولا بیلر.

امام رضا (ع) زمانی شیعه‌نین ایچینده زیدیه، اسماعیلیه، فطحیه، واقفیه و غالیلر کیمی مختلف فرقه‌لر یاراندی. بو فرقه‌لرین ایچینده شیعه غالی‌لری و واقفیه فرقه‌سی امام رضا (ع) ایله لاپ چوخ مخالفتچیلیغی ائله‌دی.

امام رضانین (ع) امامتینی قبول ائتمه‌ین فرقه

واقفیه فرقه‌سی 183 هجری قمری ایلینده امام موسی کاظمین (ع) شهادتیندن سونرا او حضرتی قائم و مهدی امام ساییب او حضرتده توقف ائتمکله امام رضانین (ع) اماملیغینی قبول ائله‌مه‌دیلر.

بو فرقه‌نین اؤزونه مخصوص خصوصیتلری، اونون سرعتله یاییلماسینا سبب اولدو. بو خصوصیتلردن بیری بو فرقه‌نین رهبرلری ایدی. اونلار جماعتین ایچینده یوخاری علمی، اجتماعی و دینی موقعیتلرینه مالک ایدیلر. جماعت اونلارین آدلارینی فقیه، ثقه و مشهور کیمی صفتلرله همراه ائلیردیلر. اونلارین بعضیسی قاباقکی اماملارین بلا واسطه نماینده‌لری ایدیلر.

واقفیلر اؤز عقیده‌لری‌نین ثبوتی اوچون او زمانین رسانه‌لری یعنی کتاب، مختلف کلاسلارین تشکیلی و تحریف اولموش حدیثلرین یایماسی ایله اؤز عقیده‌لرینی یایماغا اقدام ائلیردیلر. اونلارین اساس هدفلری امام کاظمین حضرت مهدی اولماسینی ثابت ائله‌مگیدی.

اونلار بو ایش اوچون موعود مهدی باره‌سینده اولان چوخلو حدیثلری اؤز نظرلرینه گؤره تفسیر و معنا ائلیردیلر.

امام رضا (ع) بو فرقه‌نین قاباغیندا چوخ شدّتلی دایانیردی. او حضرت واقفیه ایله مبارزه‌ده نئچه ابزاردان استفاده ائلیردیلر:

1.مکاتبه: امام رضا (ع) آتاسی امام کاظمین (ع) نماینده‌لری اولان علی بن ابی‌حمزه بطائنی و زیاد بن مروان قندی و عثمان بن عیسی رواسی‌یه نامه یازیب اونلاردان آتا‌سی‌نین اموالینی او حضرته تحویل وئرمگی ایسته‌دی.

2.شیعه‌لرین شبهه‌لرینه جواب وئرمک: امام رضا (ع) مناظره، دانیشیق و مکاتبه یولو ایله شیعه‌لرین شبهه‌لرینه جواب وئریردیلر و بو یول ایله چوخلارینی حقه قایتاردیلار.

3.حدیثلری تحریفدن تمیزله‌مک: او حضرت واقفیه طرفیندن تحریف اولان حدیثلرین دوزونو شیعه‌لره دئییب واقفیه‌نین یالانچی اولدوقلارینی جماعته آچیقلادیلار.

4.واقفیلرین ماهیتینی شیعه‌لره تانیتدیرماق: امام رضا (ع) مختلف موقعیتلرده واقفیلرین یالانچی و دنیا مالی دالیسیجا اولدوقلارینی شیعه‌لره دئدیلر و اونلارین ماهیتلرینی تانیتدیردیلار.

5.واقفیه‌نی تحریم ائتمک: امام رضا (ع) اؤز شیعه‌لرینی واقفیه‌ ایله رابطه‌ده اولماق و اونلارا زکات وئرمکدن منع ائله‌دیلر.

6.واقفیلری نفرین و لعن ائله‌مک: امام رضادان (ع) نقل اولان چوخلو حدیثلرده او حضرتین واقفیلری نفرین و لعن ائله‌مگی مطرح اولوب. بو حدیثلرین زمانلاری نظرده آلینیرسا او حضرت امامت دورانی‌نین چوخونو اونلارلا مبارزه‌ده‌ اولوبلار. مثال اوچون امام رضانین (ع) ابوسعید مکاری‌نی نفرین ائله‌مگی نقل اولوب. امام اونا بویوروب: « الله چیراغینی سؤندورسون و ائوینه یوخسوللوق گتیرسین . . . سنی گؤروم قارداشسیز قالاسان! سن منیم شیعه‌م دئییلسن . . .» ابوسعیدین اورگی کور ایدی سونرالار گؤزلری‌ده کور اولدو.

7.اؤز علمی کرامتلرینی ارائه وئرمکله: حضرت اؤز علمی کرامتلرینی بیان ائله‌مکله یولدان آزمیش شیعه‌لری دوز یولا قایتارماغا چالیشدی و جهالت اوزوندن منحرف اولانلاری حق یولونا قایتارا بیلدی.

قایناق: امام رضا (ع) و شیعه فرقه‌لری کتابی

+ نوشته شده در  دوشنبه هجدهم اسفند ۱۳۹۳ساعت 3:49 AM  توسط میرزه عبدالصمد ملكي əbdüssəməd   | 

سؤز آزادلیغی اسلام باخیشیندا

اسلام دینی، زماندان و مکاندان یوخاری و حد مرزی اولمایان بیر دیندیر. بو دین، سؤز آزادلیغینی احترام و اکرام چرچیوه‌سینده قبول ائلیر و انسانی، دوشونجه و ایدئولوژی سئچمگینده مختار بیلیر.

بعضی مسلمانلار سؤز آزادلیغینا دا قایل اولماسالار، اسلام دینی سؤز آزادلیغینی و هر هانسی یولو سئچمک آزادلیغینی انسانین اؤزونه بوراخیر. اسلام بویوران آزادلیقدا هر انسان؛ اقلیتده اولا و یا اکثریتده بیر نفر اولا و یا چوخ اولا، اؤز حقلرینه نایل اولماغا طبیعی حقی وار. اسلام انسانلارا ائله مهربانلیق، ائله کرامت اؤیردیر کی انسان عمیسی‌نین قاتلینی باغیشلایا بیلیر. ابوسفیانین آروادی هند، هرچند مسلمان اولمامیشدان اوّل حضرت حمزه‌نین شهادتینه سبب اولوب اونون جیگرینی چیخاردیب یئمیشدی، آما مسلمان اولماقلا اسلامین رأفتی سایه‌سینده باغیشلانیر. بیر حالدا کی دموکراسی، مزیتلرینه رغماً بیر بؤیوک عیبی وار: دموکراسی سیستمینده آزلیغین حقّی یوخدور. بیر نفرین حقّی یوخدور. بیر جامعه‌ده اقلیتده یاشایان انسانلارین حقلری اکثریتده اولانلارین یولونا قربان گئدیر.

قرآن کریم سؤز آزادلیغینی جامعه‌ده‌کی ناب و درین دوشونجه‌لرین کشفینه بیر وسیله کیمی ساییر و یئر به یئر انسانلاری دوشونمگه و تفکّره چاغیریر و البته کی دوشونن انسان دوشوندویونو دیله گتیرمه‌لیدیر یوخسا تورپاقدان باش قالدیرمامیش آغاجین نه فایداسی وار.

انسانلار تاریخ بویو سؤز آزادلیغی، عقیده آزادلیغی کیمی آزادلیقلار دالیسیجان اولوبلار. اسلام دینی انسانین بو عطشینه جواب وئریب و انسانا لازم اولان کرامتی و آزادلیغی وئریب:

الله تعالی قرآندا اعراف سوره‌سی‌نین 157 –جی آیه‌سینده بویورور: «... وَ یَضَعُ عَنهُم إِصرَهُم وَ الأَغلال الَّتِی کَانَت عَلَیهِم» « . . . اونلارین چتینلیکلرینی و زنجیرلرینی آچار».

حضرت علی (ع) نهج البلاغه‌نین 31-جی نامه‌سینده بویورور: «لا تکن عبد غیرک و قد جعلک الله حرا» «الله سنی آزاد یارایب آیرسینا قول اولما».

البته کی سؤز و دوشونجه آزادلیغی‌نین اهمیتی جسم آزادلیغیندان چوخ یوخاریدیر.

آما آزادلیغی ایستر جسمی و یا ایستر سؤز آزادلیغی‌نین تعریفی نه‌دیر؟ هر سؤزو هر یئرده دئیه بیلمگه آژادلیق دئمک اولارمی؟ گئدیب بیری‌نین پنجره‌سینه داش آتماق و یا قاپیسینی آچیب اونا یامان دئمگین آدینی آزادلیق قویماق اولارمی؟ هر عاغیللی انسان بو مسأله‌نی ردّ ائلر و بونا اوخشار ایشلری آزادلیق تعریفی ایچینده سیغدیرا بیلمز. اؤلکه‌میزده پارلمانی سیستمی‌نین باشلانیش ایللرینده (مشروطه‌نین باشلانیش گونلرینده) بیر عده جاهل آزادلیغین نه اولدوغونو آنلامادان، اللرینه کئچن تریبونلار واسطه‌سی ایله (مجلس تریبونو و مطبوعات) اونا بونا حتی مملکت بؤیوکلرینه یامان یازیب توهین ائله‌مگه باشلادیلار و نتیجه‌ده مشروطه حرکتی انحرافا چکیلدی.

سؤز آزادلیغی، آغیزا گلن هر سؤزو دانیشماق آنلامیندا دئییل. البته هر دانیشیقدا آیری انسانلارین کرامتی انسانلیق قایدالاری و جامعه قایدالاری نظرده توتولمالیدیر. اجازه بویورون بیر مثال ضمنینده بئله عرض ائله‌ییم:

جناب منتقد بیر شخصین گئیدیگی پالتارین عیبلی اولدغونو دوشونور. ایندی گئدیب هر یئرده «فلانی بئله عیبلی پالتار گئییب» دئمکله جار سالیرسا، بونا سؤز آزادلیغی دئمکق اولماز، آما گلیب اؤز نظرینی او شخصین اؤزونه دئسه بونا سؤز آزادلیغی دئمک اولار.

قرآن کریم سؤز آزادلیغی‌نین چرچیوه‌سینی آیری انسانلارین حقلری ساییب اسراء سوره‌سی‌نین 36-جو آیه‌سینده بویورور: «وَ لا تَقفُ مَا لَیِسَ لکَ بِهِ عِلمٌ إِنَّ السَّمعَ وَ البَصَرَ وَ الفُؤَادَ کُلُّ أُلئِکَ کَانَ عَنهُ مَسئُولاً» «بیلمه‌دیگین شئیین دالیسینجا گئتمه، البته سنین قولاغین، گؤزون و اورگین مسئول‌دور».

نور سوره‌سی‌نین دؤردونجو آیه‌سینده بویورور: «إنَّ الَّذِینَ یَرمُونَ المُحصَناتِ الغافِلاتِ المُؤمِناتِ لُعِنُوا فِی الدُّنیَا و الآخِرَه وَ لَهُم عَذَابٌ عَظیمٌ»«مؤمنه خانیملارا افترا آتانلار، دنیا وآخرتده لعنته گلرلر و اونلار اوچون بؤیوک عذاب وار».

و یا حجرات سوره‌سی‌نین 11-جی آیه‌سینده بویورور: « َأَیُّهَا الَّذِینَ ءَامَنُوا لَا یَسخَر قَومٌ مِّن قَومِ عَسَی أَن یَکُونُوا خَیراً مِّنهُم وَ لَا نِسَاءٌ مِّن نِّسَاءٍ عَسًی أَن یَکُنَّ خَیراً مِّنهُنَّ وَ لَا تَلمِزُوا أَنفُسَکُم وَ لَا تَنَابَزُوا بِالأَلقابِ...»«ائی ایمان گتیرنلر! بیر دسته آیری دسته‌نی اله سالماسین، بلکه اونلاردان داها یاخشیدیلار، و آروادلار آیری آروادلاری‌دا. بلکه اونلاردان داها یاخشیدیلار. بیر بیریزین عیبلرینی آختارمایین و بیر بیریزی پیس لقبلرله خطاب ائله‌مه‌یین».

الله تعالی مسلمانلارا آیری انسانلارین ایناندیقلارینا پوچ‌دا اولسا بئله، توهین ائتمگی اجازه وئرمیر. قرآن کریم انعام سوره‌سی‌نین 108-جی آیه‌سینده بویورور: «وَ لَا تَسُبُّوا الَّذِینَ یَدعُونَ مِن دُونِ اللهِ فَیَسُبُّوا اللهَ عَدوَا بِغَیرِ عِلمٍ...» «الله‌ا اینانمایانلارین ایناندیقلارینا یامان دئمه‌یین کی اونلار دا جهالت اوزو ایله الله‌ا اهانت ائلرلر . . .».

 

 

+ نوشته شده در  چهارشنبه سیزدهم اسفند ۱۳۹۳ساعت 9:46 AM  توسط میرزه عبدالصمد ملكي əbdüssəməd   | 

شرعی مسأله:نماز و اوروج اجاره سی

عزیزلرین بیری نئچه شرعی سؤال سوروشموشدو. بو سؤال جوابلاری سیزله پایلاشماغی فایدالی بیلدیم.

سؤال1:

منیم ایشیم چوخ اولور و بعضاً نماز قیلماغی یاددان چیخاردیرام. آما الله‌ا چوخ شکر، گلیریم یاخشیدی. اولار کی قضایا گئدن نمازلاریمی آیرلاری توتسون. ایستر پولسوز و یا پول قارشیلیغیندا؟

جواب1:

هر مکلف دیری ایکن نمازلاری و اوروجلارینی اؤزو یئرینه گتیرمه‌لیدیر. بیر انسانین نماز و یا اوروجو اوچون آیری آدامی اجیر ائتمک، یالنیز اونون دنیانی ترک ائتدیگی زمان ممکن اولار. یعنی بیر انسان وصیت ائله‌میش اولورسا، مرحوم اولاندان سونرا اونا قضا نمازی قیلدیریب و اوروج توتدورماق اولار.

سؤال2:

اجاره نمازی قیلانا (اجیر اولان شخصه) آشاغیداکی ایشلر واجبدیر یا یوخ:

1. اذان و اقامه دئمک، تسبیحات اربعه‌نی اوچ دفعه دئمک، سلاملارین هر اوچون دئمک.

2. نمازلاری ترتیب ایله قیلماق یعنی اول صبح نمازی سونرا گون اورتا سونرا ایکینجی سونرا شام و سونرا خفتن نمازی.

3. اجاره نمازی قیلاندا مرحومون آدینی و خصویتلرینی بیلمک.

جواب2:

اجاره عقدینده شرط اولورسا، اجاره نمازی یالنیز واجبی جزءلرله یئرینه گتیریله بیلر. آما مطلق قویولسا و یا مستحباتی ایله یئرینه گتیرلمه‌سی شرط اولورسا، متعارف مستحباتی یئرینه گتیرمه‌لیدیر.

نمازلاری قیلاندا یالنیز «گون اورتا و ایکینجی» و «شام و خفتن» نمازلاری آراسیندا ترتیب واجبدیر. یعنی اجیر ائلیه بیلر صبح نمازلارینی بیر یئرده قیلسین، سونرا شام-خفتن نمازلارینی قیلسین و سونرا گون اورتا-ایکینجی نمازلارینی.

مرحومون‌دا آدینی و خصویتلرینی بیلمک لازم دئییل. همین کی نمازی قیلاندا اجیر اولدغو شخصین طرفیندن نماز قیلدیغینی نیت ائله‌سه کفایت ائلر.

+ نوشته شده در  یکشنبه سوم اسفند ۱۳۹۳ساعت 18:39 PM  توسط میرزه عبدالصمد ملكي əbdüssəməd   | 

اسلام پیغمبری‌نین (ص) پادشاهلارایازدیغی مکتوبلار

رسول الله (ص) هجرتین یئددینجی ایلی محرم آییندا مدینه شهریندن شرقی روم امپراتورو «هرقل»، حبشه پادشاهی «نجاشی»، مصر پادشاهی « مُقُوقس»، یمامه حاکمی «هَوذَه بن علی» و غسان حاکمی «حارث بن ابی شمر» و آیریلارینا نامه‌لر گؤندردی. ادامه‌ده نامه‌لرین متنینه و نامه‌نی آلانلارین عکس العملینه اشاره اولونور:

http://din-xadimi.arzublog.com/uploads/din-xadimi/herqel.JPG

1. پیغمبرین شرقی روم امپراتورو هرقله یازدیغی نامه

بو نامه دحیه کلبی‌نین الی ایله حمص شهرینده هراکلیوسون الینه چاتدی. نامه‌نین متنی‌ بئله‌دیر:

بسم الله الرحمن الرحیم من محمد بن عبد الله إلی هرقل عظیم الروم: سلام علی من اتبع الهدی، أما بعد فإنی أدعوک بدعوة الإسلام أسلم تسلم یؤتک الله أجرک مرتین، فإن تولیت فعلیک إثم جمیع الآریسیِّین". (قُلْ یَا أَهْلَ الْکِتَابِ تَعَالَوْا إِلَی کَلِمَةٍ سَوَاءٍ بَیْنَنَا وَبَیْنَکُمْ أَلَّا نَعْبُدَ إِلَّا اللَّهَ وَلَا نُشْرِکَ بِهِ شَیْئًا وَلَا یَتَّخِذَ بَعْضُنَا بَعْضًا أَرْبَابًا مِنْ دُونِ اللَّهِ فَإِنْ تَوَلَّوْا فَقُولُوا اشْهَدُوا بِأَنَّا مُسْلِمُونَ) آل عمران:64».

« باغیشلایان مهربان الله‌ین آدی ایله. الله‌ین رسولو محمددن رومون بؤیوگونه. هدایته تابع اولان شخصه سلام اولسون. ایندی سنی اسلاما ساری دعوت ائلیرم. اسلامی قبول ائت و مسلمان اول کی سلامت قالاسان و الله ایکی دفعه سنه پاداش وئرسین. (عیسی‌یه و سونرادان محمده ایمان گتیرمگه گؤره.) اوز چئویرسن اکینچیلری‌نین (سنین تابعلری‌نین) گناهی سنین بوینونادیر». «دئ گینن ائی کتاب اهلی بیز ایله سیزین آرازدا مساوی و قبول اولموش سؤزه دوغرو گلین: الله‌دان باشقاسینی عبادت ائتمیریک و اونا هئچ نه‌یی شریک توتموروق. بیزلرین بعضیسی‌نین بعضیسی الله‌دان باشقاسینی معبود بیلمیرلر. پس اوز چئویرسز الله مسلمانلارا بویورار: «سیز دئیین بیز شهادت وئریریک کی بیز مسلمانیق».».

سونرا قیصر دئدی: «اونون قوموندان بیر نفر تاپین محمد باره‌ده اوندان سوروشاق». او زمان ابوسفیان قریش کیشیلری‌نین بیر نئچه‌سی ایله حدیبیه صلحو زمانی تجارت اوچون غزه‌ده ایدیلر. ابوسفیان تعریفلیر: «قیصرین آداملاری بیزی بیت المقدّسده اونون یانینا آپاردی. قیصر مترجمه دئدی: «سوروش گؤر بونلارین هاچیسی پیغمبرلیک ادعاسی ائدنه داها یاخینیدیر؟» ابوسفیان دئدی: «من داها یاخینام». قیصر اوندان پیغمبرین (ص) نسبی، ادعاسی و احوالیندان سوروشدو.

نقل اولوب ابوسفیان دئییر: «الله‌ا آند اولسون اوتانماسایدیم یالان دانیشاردیم. آما کؤنلومون ترسینه پیغمبرله دوشمنچیلیگیمه رغماً اونون سؤال‌لارینا دوغرو جواب وئردیم». سؤال جوابدان سونرا هرقل دئدی: «بو جوابلاردان اونون پیغمبر اولدوغونو آنلادیم». هرقل ایمان گتیرمه‌سه ده او حضرته هدیه‌لر گؤندردی.

2. پیغمبرین حبشه پادشاهی نجاشی‌یه یازدیغی نامه‌

بو نامه‌نی عمروابن امیه ضمری نجاشی‌یه آپاردی. نامه بئله ایدی:

بسم الله الرحمن الرحیم من محمد رسول الإسلام إلی النجاشی ملک الحبشة: سلام علیک إنی أحمد الله إلیک، الله الذی لا إله إلا هو الملک القدوس السلام المؤمن المهیمن، وأشهد أن عیسی بن مریم روح الله وکلمته ألقاها إلی مریم البتول الطیبة الحصینة، فحملت بعیسی فخلقه الله من روحه کما خلق آدم بیده، وإنی أدعوک وجنودک إلی الله عز وجل، وقد بلغت ونصحت فاقبلوا نصحی، والسلام علی من اتبع الهدی.

رحمان و رحیم الله‌ین آدی ایله. بو نامه الله‌ین رسولو محمددن حبشه پادشاهی نجاشی‌یه‌دیر. سلامت اولدوغوزو اومود ائلیرم و من سنین باره‌نده الله‌ا شکر ائلیرم و حاکم، منزّه، امنیّت وئرن و بنده‌لرینه موغایات اولان الله‌ی شاهد توتورام کی عیسی، عفیف و بتول مریمین وجودوندا یئرلشن الله‌ین روحو و اراده‌سیدیر. او (مریم) حامله اولدو، الله عیسی‌نی اؤز روحی ایله یاراتدی آدمی اؤز الی ایله یاراتدیغی کیمی. من سنی شریکسیز تک الله‌ا و اوندان اطاعته و منه تابع اولماغا و من گتیردیغیم دینه ایمان گتیرمگه چاغیریرام. من الله‌ین گؤندرمیشی‌یم. سنی و قوشونلارینی جل و جلاله الله‌‌ا دوغرو چاغیریرام. دعوتیمی چاتدیریب نصیحت ائله‌دیم. نصیحتیمی قبول ائله‌یین. حقین هدایتینه تابع اولانا سلام اولسون».

نجاشی نامه‌نی اوخویاندا، اونو گؤزونه قویوب احترامینان تختدن آشاغی یئنیب تورپاقدا اوتوردو. سونرا عاجدان بیر صاندیق دوزلدیب نامه‌نی اونا قویوب دئدی: «بو نامه حبشه‌ده اولدوغو گونه قدر اونون اهلی سعادتلی اولاجاق». سونرا پیغمبره محبتلی جواب یازدی. نجاشی مدینه‌یه چوخلو هدیه‌لر گؤندریب او حضرتین دانیشیق، اوتوروشوق، غذا یئمگینی و آیری رسالت علامتلرینی گؤرمگی اوچون نصرانی عالملردن 30 نفر گؤندردی. اونلارا دئدی: « حضرتین دانیشیغینا، اوتوروشوغونا، مشربینه و مصلی‌سینا باخین، گؤرون او، جبارلار و پادشاهلار طرزینده‌دیر یوخسا یوخ. اونلار مدینه‌یه گلنده حضرت اونلاری اسلاما چاغیریب اونلارا قرآندان حضرت مریم (س) باره‌ده اوخودو. اونلار قرآنی ائشیدنده آغلادیلار. ایمان گتیرندن سونرا نجاشی‌نین یانینا قاییتدیلار. نجاشی‌نین ایمان گتیرمه‌سی دئییلیب آما حبشه جماعتی‌نین قورخوسوندان اسلامینی اونلارا بللی ائله‌مه‌دی.

http://din-xadimi.arzublog.com/uploads/din-xadimi/moqums.JPG

3. پیغمبرین مصر حاکمی مقوقسا یازدیغی نامه

مصر پادشاهی‌نین آدی «جریج ابن مینا» و یا «جریج ابن متی» و لقبی مُقوقس ایدی. پیغمبرین نامه‌سی بئله‌ ایدی:

بسم الله الرحمن الرحیم. من محمد رسول الإسلام إلی المقوقس عظیم القبط: سلام علی من اتبع الهدی، أما بعد فإنی أدعوک بدعوة الإسلام، أسلم تسلم یؤتک الله أجرک مرتین ﴿قُلْ یَا أَهْلَ الْکِتَابِ تَعَالَوْا إِلَی کَلِمَةٍ سَوَاءٍ بَیْنَنَا وَبَیْنَکُمْ أَلَّا نَعْبُدَ إِلَّا اللَّهَ وَلَا نُشْرِکَ بِهِ شَیْئًا وَلَا یَتَّخِذَ بَعْضُنَا بَعْضًا أَرْبَابًا مِنْ دُونِ اللَّهِ فَإِنْ تَوَلَّوْا فَقُولُوا اشْهَدُوا بِأَنَّا مُسْلِمُونَ﴾ (آل عمران : 64).

«مهربان  الله‌ین آدی ایله. الله‌ین گؤندرمیشی محمددن قبطین بؤیوگو مقوقسا. هدایته تابع اولانا سلام اولسون. آما سونرا من سنی اسلاما چاغیریرام. اسلام گتیر آماندا اول. اسلام گتیرسن الله سنه ایکی اجر وئره‌جک». «دئ گینن ائی کتاب اهلی بیز ایله سیزین آرازدا مساوی و قبول اولموش سؤزه دوغرو گلین: الله‌دان باشقاسینی عبادت ائتمیریک و اونا هئچ نه‌یی شریک توتموروق. بیزیلرین بعضیسی‌نین بعضیسی الله‌دان باشقاسینی معبود بیلمیرلر. پس اوز چئویرسز الله مسلمانلارا بویورار: «سیز دئیین بیز شهادت وئریریک کی بیز مسلمانیق».

بو نامه‌نی «حاطب بن ابی بَلتَعه» مقوقسون اسکندریه‌ده‌کی قصرینه آپاردی. حاطب مقوقسون قصرینه گیرندن سونرا نامه‌نی اوزاقدان گؤرستدی. مقوقس اونو حضورونا چاغیریب نامه‌نی اوخویاندان سونرا دئدی: «پیغمبر اولدوغو تقدیرده نییه اونونلا مخالف اولان حتی اونو مکه‌دن ائشیگه اوتوردوکلری قومونو، گرفتار اولمالاری اوچون نفرین ائله‌میر؟» بو سؤزو ایکی دفعه دئدی. حاطب دئدی: «عیسی ‌بن مریمین پیغمبر اولدوغونا اینانمیرسان؟ پس نییه اونون قومو اونو توتاندا و اؤلدورلمه‌سینه آز قالاندا اونلارین هلاک اولماسی اوچون اونلاری نفرین ائله‌مه‌دی. و نهایتده الله اونو جماعتین ایچیندن گؤتوردو؟» مقوقس دئدی: «احسن سنه. سن حکیم طرفیندن گلمیش حکیمسن». حاطب اونو یقینلی سؤزلر و دلیللر ایله اسلاما چاغیراندان سونرا مقوقس دئدی: «پیغمبرین دینی باره‌ده دوشوندوم و پیس شئیه چاغیردیغینی و یاخشی شئیدن منع ائله‌دیگینی گؤرمه‌دیم. اوندا رسالت علامتی گؤردوم و مسلمان اولماق و اونا تابع اولماق باره‌ده دوشونه‌جگم». سونرا حضرتین جوابیندا بئله یازدی: «رحمن و رحیم الله‌ین آدی ایله قبطین حاکمی مقوقسدان محمد بن عبدالله‌ا. سنه سلام اولسون. نامه‌نی اوخودوم. سؤزونو و اونا چاغیردیغینی آنلادیم، خاتم پیغمبرین گله‌جگینی بیلمیشم، اونون شامدان مبعوث اولدوغونو گمان ائلیردیم. گؤندردیگینه احترام ائتدیم. قبط ایچینده بؤیوک موقعیتلری اولان ایکی کنیزی و مصر قباطی‌سیندن بیر آز پالتار و مینمگیز اوچون بیر قاطر سیزه گؤندردیم. سلام اولسون سیزه». او بوندان آرتیق یازمادی و مسلمان اولمادی. حضرت پیغمبر (ص) اونون نامه‌سینی اوخویاندان سونرا بویوردو: «خبیث، حکومتی‌نین الدن گئتمه قورخوسوندان ایمان گتیرمه‌دی. بیر حالدا کی حکومتی‌نین بقاسی یوخدور».

http://din-xadimi.arzublog.com/uploads/din-xadimi/monzer.JPG

4. پیغمبرین بحرین حاکمی منذر بن ساوی التمیمی‌یه یازدیغی نامه

نامه بئله‌دیر:

بسم الله الرحمن الرحیم، من محمد رسول الله إلی المنذر بن ساوی، سلام علیک، فإنی أحمد إلیک الله الذی لا إله إلا هو، وأشهد أن لا إله إلا الله، وأن محمداً عبده ورسوله. أما بعد: فإنی أذکرک الله عز وجل، فإنه من ینصح فإنما ینصح لنفسه، ومن یطع رسلی ویتبع أمرهم فقد أطاعنی، ومن ینصح لهم فقد نصح لی، وإنّ رسلی قد أثنوا علیک خیراً، وإنی قد شفعتُکَ فی قومکَ، فاترکْ للمسلمین ما أسلموا علیه، وعفوتُ عن أهل الذنوب فاقبل منهم، وإنک مهما تصلح، فلن نعزلکَ عن عملک، ومن أقام علی یهودیة أو مجوسیة فعلیه الجزیة

 «باغیشلایان مهربان الله‌ین آدی ایله. الله‌ین رسولو محمددن منذر بن ساوی‌یه. سنه سلام اولسون. سنین اوچون اوندن غیری معبود اولمایان الله‌ا شکر ائلیرم. بیر الله‌دان باشقا الله‌ین اولمادیغینا و محمدین اونون بنده‌سی و رسولو اولدوغونا شهادت وئریرم. آما سونرا، من، جل جلاله الله‌ی سنین یادینا سالیرام، البته هر کس خیرخواهلیق ائله‌یه اؤزونه خیرخواهلیق ائله‌ییب. هر کس منیم گؤندردیکلریمدن تبعیت ائله‌یه مندن اطاعت ائله‌میش اولوب و هر کس اونلارا خیرخواهلیق ائله‌یه منه خیرخواهلیق ائله‌میش اولوب. منیم گؤندردیکلریم سنه خیر ثنا گؤندریرلر و من سنی قوموندا شفاعت ائله‌دیم. مسلمانلار اوچون تسلیم اولدوقلارینی بوراخ. گناه اهلینی باغیشلادیم پس اونلاردان قبول ائله. سن هر نه قدر ده اصلاح ائله‌سن سنی مقامیندان عزل ائتمیه‌جگیک و هر کس یهود و مجوس دینینده قالسا جزیه وئرمه‌لیدیر.

5. پیغمبرین حارث بن شَمر غسّانی‌یه یازدیغی نامه

حارث بن شَمر غسّانی روم قیصری طرفیندن دمشق حاکمی ایدی. بو نامه‌نی «شباع بن وهب اَسدی» حارثه آپاردی. رسول الله اونا یازمیشدی:

«بسم الله الرحمن الرحیم، من محمد رسول الله (ص) الی الحارث بن ابی شمر، سلام علی من اتبع الهدی و آمن و صدق و انی ادعوک ان تؤمن بالله وحده لاشریک له و یبقی لک ملکک».

«باغیشلایان و مهربان الله‌ین آدی ایله. الله‌ین گؤندرمیشی محمدنحارث بن ابی شمره. هدایته تابع اولانا، ایمان گتیرنه و صادق اولانا سلام اولسون. من سنی تایسیز الله‌ا ایمان گتیرمگه چاغیریرام کی پادشاهلیغین یئرینده قالسین».

6. پیغمبرین یمامه حاکمی، هوذه بن علی حنفی‌یه یازدیغی نامه

نامه‌نی «سلیط بن قیس بن عمر انصاری» هوذه‌یه آپاردی. پیغمبرین نامه‌سی بئله ایدی:

«بسم الله الرحمن الرحیم، من محمد رسول الله (ص) الی هوذة بن علی، سلام علی من اتبع الهدی و اعلم دینی سیظهر الی منتهی الخف و العافر فاسلم تسلم و اجعل لک ما تحت یدیک»

باغیشلایان و مهربان الله‌ین آدی ایله. الله‌ین گؤندرمیشی محمددن هوذه بن علی‌یه. هدایته تابع اولانا سلام اولسون. بیل گینن منیم دینیم تئزلیکجه غالب اولاجاق و آت و دوه آیاغی چاتان یئره قدر یاییلاجاق. اسلام گتیر و الینده اولان (حکومتین) الینده قالسین.

او پیغمبرین جوابیندا او حضرتدن اونو اؤزونه خلیفه سئچماغی ایسته‌دی. حضرت اونون ایستگینی قبول ائله‌مه‌ییب بویوردو: «مندن بیر تیکه یئر ده ایسته‌سه‌ وئرمه‌رم. اؤزو و حکومته باده گئتسین».

او دا ایمان گتیرمه‌دی و هجرتین سککیزینجی ایلینده اؤلدو.

 

منبعلر:

صالح بن عواد المغامسي- الأیام النظرة و السیرة العطرة لرسولنا (ص)- جلد 1

السيوطي- الخصائص الکبری- جلد 2

سيد علي اكبر قرشي- هجرتدن رحلته

نورالدين الحلبي- السیرة الحلبیه- جلد 3

شمس شامی- سبل الهدی و الرشاد- جلد 11

ـ «مکاتیب الرسول‏» تالیف علی احمدی

ـ ابن سعد، الطبقات الکبری، ج 1 ص 258

ـ یعقوبی، تاریخ یعقوبی، ج 2 ص77

ـ ابن سعد، الطبقات الکبری، ج 2 ص 88

ـ ابن هشام، السیره النبویه، ج 1 ص 69؛ علی بن برهان الدین حلبی، السیره الحلبیه، ج 3 ص 246

ـ تاریخ طبری، ج 1، ص 297

ـ ابن اثیر، الکامل فی‌التاریخ، ج 2 ص 145

ـ ابن سعد، الطبقات الکبری، ج 1 ص 260

ـ بلاذری فتوح البلدان، ص 97؛ ابن سعد، الطبقات الکبری، ج 1 ص 261

ـ حلبی ـ السیره الحلبیه ـ جلد 3

ـ موسوی ـ نبی‌الرحمه ـ جلد 1

+ نوشته شده در  یکشنبه سوم اسفند ۱۳۹۳ساعت 0:34 AM  توسط میرزه عبدالصمد ملكي əbdüssəməd   | 

حضرت معصومه‌نین (س) زایری هاچان جنّتلیک اولار؟

امام علی بن موسی الرضا (ع) بیر روایتده بویورور: «باجیمیز قم شهرینده دفن اولوب، هر کس بو خانیمی زیارت ائتسه جنّت اونون اوچوندور».[1]

امام محمد تقی‌ده (ع) بیر روایتده بویورور: « هر کس منیم عمه‌مین (خانم معصومه‌نی (س)) قبرینی قم شهرینده زیارت ائتسه جنّت اونون اوچوندور».[2]

انسانی جنّتلیک ائله‌ین عمل‌لر نئچه جوردولر. ائله عمل وار کی جنّتین قاپیسینی انسانین اوزونه آچار، ائله عمل‌ده وار کی جنّته انسانا مشتاق ائلر.

ظاهری زیارتی چوخلاری یئرینه گتیریرلر آما واقعی زیارتین اؤزونه مخصوص آدابی و شرایطی وار. واقعی زایر همیشه حقّه طرف اولار، یالان دانیشماز، غیبت ائله‌مز، افترا آتماز و بیر سؤزله، الله‌ین واقعی بنده‌سی اولار. بئله انسان الله‌ین اونا وئردیگی نعمتلرین هامیسی‌نین حقّینی یئرینه گتیرر. استعدادلارینی هدره وئرمز، الله بنده‌لرینه خدمتدن چکینمز. یالنیز بئله بیر انساندیر کی الله سئون انسانین مزارینی زیارت ائلیه بیلر. بئله بیر انسانا زایر دئمک اولار. آما اؤزگه‌نین حقّینیه یئمگه، انسانلارا ظلم ائتمگه باخمایاراق، آدینی زایر قویسان جنّتلیک اولمازسان کی هئچ جنّتین قوخوسون آلماغا بئله قویمازلار.



[1] . وسائل الشيعه، ج۱۴، ص۵۷۶ ؛ «فاطمه بنت موسي بن جعفر (ع) بقم فقال من زارها فله الجنة».

[2] . وسائل الشيعه، ج۱۴، ص۵۷۶ ؛ «من زار قبر عمتي بقم فله الجنة».

+ نوشته شده در  شنبه یازدهم بهمن ۱۳۹۳ساعت 20:42 PM  توسط میرزه عبدالصمد ملكي əbdüssəməd   | 

امام حسن عسکری‌نین (ع) ولادت بایرامی مبارک اولسون

ربیع الثانی‌نین سککیزی اون بیرینجی امام، امام حسن عسکری‌نین (ع) ولادت گونودور. او حضرت 232 هجری قمری ایلینده مدینه شهرینده دنیایا گلدی.

او حضرت 22 یاشی اولاندا متوکل، منتصر، مستعین، معتز، مهتدی و معتمد عباسی کیمی ظالم خلیفه‌لر دؤرونده اماملیغا چاتدی. بو دؤرده عباسی خلیفه‌لری او حضرته اولان ظلملرینی حددیندن آشیرمیشدیلار. چونکی مختلف روایتلره گؤره امام حسن عسکری‌نین (ع) اوغلو امام زمانین (عج) وارلیغیندان قورخوردولار و اونا گؤره او حضرتی نظارتده ساخلامیشدیلار و اؤز خلافتلری‌نین بقاسی اوچون او حضرتی حبسه سالمیشدیلار.

آما امام (ع) مختلف یوللارلا جماعتله ارتباطدا اولوردو و بالاسی امام زمانین (ع) اماملیغینی اونلارا بشارت وئریردی. معتمد عباسی امام حسن عسکری‌نین (ع) معنوی نفوذوندان قورخدوغونا گؤره او حضرتی 260 هجری قمری ایلین ربیع الاولین سککیزینده مسموم ائله‌ییب شهادته چاتدیردی. او حضرتین مطهر مزاری سامراء شهرینده کرامتلی آتاسی‌نین مزاری‌نین کناریندادیر.

+ نوشته شده در  پنجشنبه نهم بهمن ۱۳۹۳ساعت 11:54 AM  توسط میرزه عبدالصمد ملكي əbdüssəməd   | 

امام حسن عسکری‌ ایله (ع) اسحاق کِنْدی‌نین قرآن باره‌سینده مناظره‌سی

عراقدا یاشایان اسلام و عرب فیلسوفلاریندان بیری «اسحاق کِنْدى»، اوزون مدتّ اؤزونو ائوده حصر ائدیب زمانینی «قرآنداکی تناقض‌لر» آدلی کتابی یازماغا صرف ائله‌میشدی.[1] گونلرین بیرینده اونون شاگردلریندن بیری امام حسن عسکری‌نین (ع) محضرینده اولور. امام اونو گؤرنده بویوردو: «سیزین آرازدا اوستادیز «کندی»نین سؤزلرینه جواب وئرن رشید کیشی یوخدور؟»

شاگرد دئدی: «بیز اونون شاگردلری‌یییک و اونون اشتباهینا اعتراض ائله‌مگه گوجوموز چاتماز».

امام بویوردو: «سیزه بیر سؤز تلقین  و تفهیم اولسا اونو اوستادیزا نقل ائلیه‌ بیلرسیز؟»

شاگرد دئدی: «بلی»

امام بویوردو: « بوردان قاییداندا اوستادین یانینا گئت و اونونلا محبّتلی رفتار ائدیب انس و الفت قورماغا چالیش. تماماً انسیت قورماغا موفق اولاندان سونرا اونا دئ: «منه بیر مسأله عارض اولوب و سیزدن باشقاسی اونا جواب وئره بیلمز. او مسأله بئله‌دیر: «قرآنی دئیَنین، سیزین حدس ووردوغوزدان آیری معنا قصد ائله‌مه‌سی ممکندورمو ؟»

او جوابدا «بلی امکانی وار، اولا بیلر او جور نظرده توتسون» دئیه‌جک. او زمان سن دئ: «اولا بیلرمی قرآنی دئیَن سیزین حدس ووردوغوزدان آیری معنا قصد ائله‌میش اولسون و سیز اونون لفظلرینی اؤز معناسیندان باشقا آنلامدا ایشلَده‌سیز».

امام آرتیردی: «او عاغیللی آدامدیر. بو نکته‌نی دئمکله سهویی آنلایاجاق».

شاگرد، اؤز اوستادی‌نین حضورونا گئدیب امام بویوردوغو کیمی زمینه مساعد اولاندان سونرا امامین سؤالینی بئله سوروشدو: «اولا بیلر دانیشان اؤز سؤزوندن، ائشیدنین ذهنینه گلمه‌ین معنانی قصد ائله‌میش اولسون؟ یا آیری جور دئسک، دئیَنین نظرده توتدوغو، مخاطبین ذهنینده‌کی ایله فرقلی اولسون؟»

کندی دقتله شاگردی‌نین سؤالینا قولاق آسیب اوندان سؤالینی تکرار ائله‌مه‌سینی ایسته‌دی. شاگرد سؤالی تکرار ائله‌دی.

استاد بیر آز دوشونوب دئدی: «بلی، امکانسیز دئییل. اولا بیلر سؤز دانیشانین ذهنینده اولان، مخاطبین ذهنینه گلمه‌یه و ائشیدن سؤزون ظاهریندن، اراده اولان معنانین خلافینی آنلاسین».

اوستاد بئله بیر سؤالین شاگردی‌نین اؤز ذهنینه گلمه‌دیگینی بیلیردی. شاگرده اوز چئویریب دئدی: «سنی آند وئریرم حقیقتی منه دئ. بو سؤال هاردان سنین ذهنینه گلدی؟»

شاگرد دئدی: «نه ایرادی وار بئله سؤال منیم ذهنیمه گلسین؟»

اوستاد دئدی: «سنه بو مسأله‌نی بیلمک تئزدیر. دئ گؤروم بو مسأله‌نی هاردان اؤیرنیبسن؟»

شاگرد جواب وئردی: «دوغروسو بودور کی، ابو محمد (امام حسن عسکری علیه‌السلام) بو سؤالی منه اؤیردیب».

اوستاد دئدی: الأن جئت بالحق و ما کان لیخرج مثل هذا إِلّا من ذلک البیت. «ایندی دوزون دئدین، بونا تایلاری فقط او طایفادان اولا بیلر».

بئله‌لیکله کندی واقعیتی آنلاماقلا سهوینی باشا دوشوب، یازدیغی کتابین یاندیریلماسینا امر وئردی.[2]



[1] . مستنداتا اساساً بو کتابی یازان، اسحاقین اوغلو یعقوب ایدی. «محمد لطفى جمعه»نین یازدیغینا گؤره، اسحاق، اوچ عباسی خلیفه‌سی؛ مهدى، هادى و هارون زمانیندا کوفه حاکمی ایدی. (تاریخ فلاسفه الاسلام فى المشرق و المغرب، المکتبه العلمیه، ص 1) دئیه‌سن آتا و اوغولون آدلاری دَییشیک دوشوب و یا نسخه‌لری یازاندا اوغولون آدی قلمدن دوشوب.

[2] . بو جریانی ابن شهر آشوب اؤز «مناقب» کتابیندا (ج‏4، ص 424) ابوالقاسم کوفى‌نین کتابی «التبدیل»دن نقل ائدیب. ابوالقاسم کوفی‌ده او جریانی مرسل صورتده یعنی سندسیز یازیب.

+ نوشته شده در  چهارشنبه هشتم بهمن ۱۳۹۳ساعت 20:18 PM  توسط میرزه عبدالصمد ملكي əbdüssəməd   | 

ثقةالاسلام میرزه علی آغا تبریزی

ثقةالاسلام آدینا معروف اولان میرزه علی آغا تبریزی 1277 هجری قمری ایلین رجبینده (1239 شمسی) تبریزده دنیایا گلدی. 23 یاشیندا نجفه گئدیب 8 ایل بویوندا اجتهاد درجه‌سینه چاتدی. ثقة الاسلام، تبریزه قاییداندان سونرا تبلیغه و استبداد و جهالتله مبارزه‌یه باشلادی.

روس قوشونو، قاجار حکومتی طرفیندن آمریکالی مورگانین استخدامینی بهانه ائدیب نئچه گونلوک اولتیماتومدان سونرا، اؤلکه‌نین غرب و شمال غربینی اشغال ائله‌دی. تبریزلی‌لر دوشمن قوشونو قاباغیندا مقاومت ائله‌دیلر و روس اوردوسو تبریزده چوخلو قانلار تؤکدو. تبریزلی مبارزلرین رهبرلیگی مرحوم ثقة الاسلامین الینده ایدی.

نهایتاً 1290 هجری شمسی ایلین دی آیی‌نین دوققوزوندا روسلار ثقة الاسلامی توتوب اوندان ایسته‌دیلر بیر اعلان ضمنینده تبریزده تؤکولن قانلارین گناهینی تبریزلی مجاهدلرین باشینا ییخسین و اونلاری جنگین باشلایانی اعلام ائله‌سین. آما رحمتلیک بو تقاضانی قبول ائله‌مه‌دی.

تزار قوشونو بو مجاهد عالمی 1330 هجری قمری ایلین عاشورا گونونده (1290 شمسی) اعدام ائله‌ییب جسدینی نردیوان اوستونده شهرده دولاندیردیلار و سرخاب قبرستانیندا (ایندیکی مقبرة الشعرا) تورپاغا تاپیشیردیلار.

ثقة الاسلامدان چوخلو اثر او جمله‌دن «مرآةُ الکتب» و «مقتل سید الشهدا» آدلی کتابلار یادگار قالیب.

+ نوشته شده در  چهارشنبه هشتم بهمن ۱۳۹۳ساعت 0:54 AM  توسط میرزه عبدالصمد ملكي əbdüssəməd   | 

کربلانین زائرلر طرفیندن آز زیارت اولان مکانلاری

عتبات سفرینه گئدنلرین چوخو فقط امام حسین (ع) و حضرت ابوالفضلین (ع) مبارک مزارلارینی زیارت ائلیرلر بیر حالداکی بو کرامتلی انسانلارین کناریندا آیری مکانلار دا واردی. بو یازیدا اونلارین نئچه‌سینی گتیریریک:

حرمین رواقلاری

1ـ شهیدلرین مقبره‌سی

ضریحین جنوب غرب ضلعینده، کربلا شهیدلری‌نین قویلانان یئری‌نین علامتی اولان پولاد پنجره وار. بو پنجره‌نین اوستونه، شهیدلرین آدی یازیلمیش قارا رنگده تابلو وورولوب.

2ـ مریم نخلی

ضریحین تقریباً ایکی مترلیگینده یوخاری طرفین جنوب دیواریندا، مریم نخلی آدیندا محراب وار. بو محراب، حضرت عیسی‌نین ولادتینده حضرت مریمین مستقر اولدوغو نخلین یئریندن علامتدیر. قرآن کریمین مریم سوره‌سی‌نین 22-25 آیه‌لرینده اشاره ائله‌دیگی اوزاق یئر: «پس [مریم عیسی‌یه] حامله اولدو و اوزاق بیر یئره پناه آپاردی. دوغوم آغریسی اونو بیر خرما آغاجی‌نین تنه‌سینه طرف چکدی. دئدی: «کاش بوندان اوّل اؤلموش اولایدیم و بیر دفعه‌لیک یاددان چیخمیش اولایدیم. [آیاغی‌نین] آلیتیندا [بیر ملک] اونا سسلندی کی غم یئمه؛ سنین الله‌ین [سنین آیاغی‌نین] آلتیندا سو چشمه‌سی یارادیب. خرما آغاجینی اؤزونه طرف چک کی سنین اوچون تازا خرما تؤکولسون.

بعضی روایتلرین اشاره‌ ائله‌دیگی کیمی مریم شامدان چیخاراق کربلایه گلیب امام حسینین (ع) شهادت یئرینده عیسی‌نی دنیایا گتیریب. مریم نخلی محرابی، سلطان اویس جلائری‌نین امری ایله دوزَلیب و 1366 هجری قمری ایلینده طاهر قیسی‌نین الی ایله آرادان گئدیب.

حرمین اطرافی

امام حسین (ع) صحینی‌نین اطرافینا خیابان چکیلنده چوخلو تاریخی بنالار آرادان گئتدی کی او جمله‌دن صغیر صحن، حسن‌خان مدرسه و مسجدی، زینبیه مدرسه‌سی، صدر مدرسه‌سی و جامع ناصری‌یه اشاره ائله‌ماق ولار.

مسجد الرأس مدرسه‌سی

باب السدره‌دن خارج اولاندا، ساغ الده مسجد الرأس واریمیش. مسجدین وسطینده کیچیک حوض واریمیش کی دئییلنلره گؤره، عاشورا گونو امام حسینین (ع) مبارک باشینی کسندن سونرا بورا قویموشدولار. یئنه دئییلنلره گؤره، مطهر باشی بدنه الحاق ائله‌ین زمان بیر گئجه بوردا ساخلایاندان سونرا بدنه ملحق ائله‌میشدیلر.

حر بن یزید ریاحی‌نین مزاری

جناب حرّین پیکرینی قبیله‌سی، کربلانین بئش کیلومتر غربینده‌کی کندده قویلاییبلار. اورا ایندی حرّ منطقه‌سینه معروفدور. ایندیلیکده بو منطقه کربلا شهری محدودسینده‌دیر.

بو شهیدین مزاری، 370 هجری قمری ایلینده، عضدالدوله دیلمی زمانی دوزلدی. 914 هجری قمری ایلینده شاه اسماعیل صفوی بنانی تازالادی. ایندیلیکده تازا بنا دوزلتمک اوچون مزار تخریب اولوب.

امام حسین (ع) حرمی‌نین کتابخاناسی

بو یئر «مکتبة و دار مخطوطات الروضة الحسینیة المقدسة» آدینا معروفدور. بو کتابخانین قفسه‌لری و وسعتلی مطالعه سالونی هامی‌نین اوزونه آچیقدیر.

ملا محمد فضولی‌نین مقبره‌سی

ملامحمدبن سلیمان فضولی، بؤیوک شیعه عالمی و شاعریدیر. کربلا شهرینده آذربایجانلی خانواده‌ده دنیایا گلیب. او اونونجو عصرین اَن بؤیوک شاعری کیمی تانینیر. فضولی‌نین مزاری باب القبله‌نین ساغ الینده و خیابان قیراغیندادیر. فضولی‌نین اوچ عربی، تورکی، و فارسی دیلینده دیوانیندان علاوه امام حسینین (ع) مقتلی باره‌ده تورک دیلینده «حدیقة السعدا» آدیندا کتابی وار.

+ نوشته شده در  شنبه بیست و هفتم دی ۱۳۹۳ساعت 17:34 PM  توسط میرزه عبدالصمد ملكي əbdüssəməd   | 

امام حسنین (ع) خائن کؤمکلری

شیعه‌لرین ایکینجی امامی، امام حسن بن علی (ع)، حضرت علی‌نین (ع) شهادتیندن سونرا هجرتین قیرخینجی ایلینده خلافته چاتدی. او حضرتین قیسا مدتلی خلافت دؤره‌سی، آتاسی‌نین خلافت دؤره‌سی کیمی چوخلو چتینلیکلرله بیر اولدو.1

امام حسنین (ع) خلافت زمانی، جاسوسلارین و منافقلرین بول اولدوغو زمان ایدی.

بئله‌نچی شرایطه باخمایاراق امام حسن (ع) معاویه‌ ایله جنگه تصمیم تودو و بو مسأله‌نی کوفه مسجدینده جماعته اعلام ائله‌دی. آما کوفه اهلی جنگه گئتمکده سوستلوق ائله‌دیلر و فقط عدی بن حاتم آدلی بیر قوجا آیاغا قالخیب کوفه‌لیلر دانلاییب امام حسندن (ع) اطاعت اولاراق نخیله‌یه یولا دوشدو و بیر عده‌ ده اونون دالیسیجان گئتدیلر.2

امام، جماعتی معاویه علیهینه جنگه چاغیراندان سونرا، کوفه‌ده و بصره‌ده معاویه‌نین جاسوسلاری‌نین اولدوغونو بیلدی و ایکیسینی تاپاندان سونرا معاویه‌یه بئله یازدی: «دئیه‌سن جنگ آختاریسان، گؤزله کی تئزلیکده اونو گؤررسن . . .» 3

آما معاویه‌ ظاهرده قوشون ییغیب کوفه‌یه حرکت ائتسه‌ده، آیری برنامه‌سی واریدی. اونون قصدی امام حسنی (ع) ترور ائله‌مگیدی. بو منظورا عمرو بن حریث و اشعث بن قیس و حجر بن الحارث و شبث ربعى‌نی هر بیرینی تک تک بو ایشه مأمور ائله‌دی.

تروریستلرین بیری امامی، نماز اوستو اوخ ایله هدف توتدو، آما امامین پالتاری‌نین آلتیندا کی زره، اوخا مانع اولدو. 4

معاویه‌نین آیری برنامه‌لری‌ده واریدی. او پول و وعده‌لرله امامین قوشونونا نفوذ ائله‌مک ایسته‌ییردی.

امامین کؤمکلری، معاویه‌نین غالب اولماسیندا یوخاری نقشلری واریدی. اونلارین لاپ تأثیرلیسی عبیدالله بن عباس ایدی کی امام اونا اینانیب قوشون باشچیلیغینی اونا تاپیشیرمیشدی.

عبیدالله بن عباس معاویه‌نین وعده‌لری قاباغیندا دایانماییب گئجه‌ ایله 8 مین نفر قوشونلا بیرلیکده معاویه اوردوسونا قوشولدو. 5 بو بیر حالدا ایدی کی حضرت علی (ع) زمانی معاویه‌نین آدامی مکه‌ده اونون ایکی بالاجا اوشاغی‌نین باشینی کسمیشدی.6

سحر واختی نمازا قالخاندا، امام (ع) عبیدالله بن عباسین یوخلوغونو گؤرنده اونون یئرینه قیس بن سعد بن عباده انصارینی باشچیلیغا سئچدی. معاویه اونو دا یولدان چیخارتماغا چالیشسا دا بو ایشی باجارمادی. آما قوشون ایچینده شایعه‌لر سالماقلا اونلاری چاشباش قویدو.7

عبیدالله ابن عباس و آیری باشچیلارین اوز چئویرمه‌سی قوشونون وضعیتینی پریشان ائله‌میشدی. امام مدایندن قوشون ییغماغا گئتسه‌ ده بو ایشه موفق اولمادی کی هئچ بلکه قوشونون بیر عده‌سی عصیان ائدیب او حضرتین خیمه‌سینه یوگوردولر و حتی او حضرتین سجاده‌سینی‌ده یاغمالادیلار. عبدالرحمن ازدى او حضرتین رداسینی چیگنیندن چکیب آلدی. حضرت رداسیز، آتا مینیب ساباطا طرف یوللاندی.

ساباطین مظلم آدلی قارانلیق یئرینه یئتیشنده، جراح بن سنان آدیندا بیر خائن امامین آتی‌نین جیلوونو توتوب دئدی: «حسن، سن‌ده آتان کیمی کافر اولدون.» و زهرلی خنجرینی امامین بودونا ووردو. خنجر سوموگه‌ قدر کسدی.8

نهایتده شرایط امام حسنی (ع) صلحه مجبور ائله‌دی. امام حسن (ع) چوخ مقاومت ائله‌دی آما کؤمکلری‌نین داغیلماسی نتیجه‌سینده صلحه بویون وئردی.9

امام حسن (ع) معاویه ایله صلح ائلیه‌ندن سونرا کوفه حکومتینی بوشلاییب مدینه‌یه گئتدی. اونونلا بئله معاویه او حضرتدن ال چکمه‌دی و نهایتده، خانیملاری‌نین بیرینی توولاییب حضرته زهر ایچدیردی و او حضرت صفرین 28-ده شهادته چاتدی.10

 

قایناقلار:

[1] - محمد بن نعمان شیخ مفید، الارشاد فى معرفه حجج الله على العباد، سیدهاشم رسولى محلاتى، تهران، علمیه اسلامى، ج2، ص 5

[2] -ابى الفرج اصفهانى، مقاتل الطالبیین، کاظم المظفر،قم، دارالکتاب، ایکینجی چاپ، ص 39

[3] - شیخ مفید، همان

[4] - مجلس، محمد باقر؛ بحارالانوار بیروت ، الوفا، ایکینجی چاپ 1403 ،ج44 ،ص33

[5] - همان ،ص51 و یعقوبى، احمدبن ابى یعقوب؛ تاریخ یعقوبى، محمد ابراهیم آیتى، تهران، علمى فرهنگى نشریاتی، سکیزینجی چاپ ، 1378، ج2، ص141

[6] - یعقوبى، همان، ج2، ص107

[7] - ابوالفداء اسماعیل بن عمره بن کثیردمشقى، البدایه والنهایه، بیروت، دارالفکر، 1407، ج8، ص15

[8] - شیخ مفید، همان، ص8 و ابوجعفر محمد بن جریر طبرى، تاریخ الامم و الملوک، محمد ابوالفضل ابراهیم، بیروت، دارالثراث1378، ج5 ص195

[9] - طبرى ، همان

[10] -شیخ مفید، همان، ص12

+ نوشته شده در  پنجشنبه بیست و پنجم دی ۱۳۹۳ساعت 9:33 AM  توسط میرزه عبدالصمد ملكي əbdüssəməd   | 

جماعتله رابطه‌نین مهم اصل‌لری

جماعتله رابطه قورماق، جامعه‌نین اساس اصول‌لارینداندیر و بو ایشده موفق اولان انسانلار یاشاییشلاری‌نین هر مرحله‌سینده داها موفق اولورلار. جماعتله رابطه قورماغین اؤزونه مخصوص اصول‌لاری وار. رابطه قیریلمیش شخص ایله تازادان رابطه قورماق و جامعه‌ده همیشه حقّی دئمک بو اصول‌لارداندیلار.

امام صادق (ع) بویورور: حضرت رسول الله‌ین (ص) قیلینجی‌نین قینیندا بئله یازمیشدی: «سن ایله رابطه‌سینی قیران شخص ایله رابطه قور.»، «سنی محروم ائله‌یَنه بیر شئی باغیشلا.»، «ضررینه اولسا بئله حقّی سؤیله».

حضرت علی (ع) بویورور: «سیزه اولسون بیر بیریزله رابطه‌ و باغیشلاماق، آیریلیقدان و بیر بیریزه دال چئویرمکدن اوزاق اولماق».

جماعت ایله رابطه قورماغین بیر اصولو دا اونلارلا مهربان اولماقدیر. امام کاظم (ع) بویورور: «جماعتله مهربان اولماق عاغلین یاریسیدیر».

 

قایناقلار:

مشکاة الأنوار فی غرر الأخبار، ص: 172- یازانی: فضل بن حسن حفید شیخ طبرسی- یئددینجی عصر

نهج البلاغه، 47-جی مکتوب

تحف العقول، ص403

+ نوشته شده در  سه شنبه بیست و سوم دی ۱۳۹۳ساعت 11:35 AM  توسط میرزه عبدالصمد ملكي əbdüssəməd   | 

الله‌ین غضبینه سبب اولان گناهلار

بوتون گناهلار الله‌ین غضبینه سبب اولار آما قرآن کریمین نئچه یئرینده الله تعالی بعضی گناهلاری ساییب اونلاری عذابا لایق بیلیب.

«غَیرِ المَغضُوبِ عَلَیهِمْ» «اونلارا غضبلندیغینلردن ساوای». گونون بئش واخت نمازلاریندا، الله‌دان بیزی دوز یولا هدایت ائتمه‌سینی ایستیریک. سونرا دوز یولون، الله اونلارا نعمت وئرنلرین یولو اولدوغونو و الله‌ین غضبینه دچار اولانلارین یولو اولمادیغینی دئییریک. آما الله‌ی غضبلندیرن ایشلر نه‌لردیر؟

الله‌ین غضبی اونون مجازاتی معناسیندادیر یعنی گناهلارین مجازاتی. بوتون گناهلار دا الله‌ین غضبینه سبب اولار. آما گناهلارین هامیسی‌نین الله غضبینه سبب اولماسینا رغماً، نییه قرآندا بعضی شخصلر گناها لایق تانیتدیریلیب؟

قرآندا ««المَغضُوب عَلَیهِمْ» کیمی تانینان قوملار آیریلاریندان داها پیس اولان انسانلاردیلار کی اونلارین عاقبتیندن عبرت گؤتورمک لازمدیر.

قرآندا غضبه لایق گؤرولن قوملارین بیری عاد قومودور. «وَإِلَى عَادٍ أَخَاهُمْ هُودًا قَالَ یَا قَوْمِ اعْبُدُواْ اللّهَ مَا لَکُم مِّنْ إِلَهٍ غَیْرُهُ أَفَلاَ تَتَّقُونَ» (اعراف/65) عاد قومونا قارداشلاری هودو گؤندردیک. بویوردو: ائی قوم الله‌ا بنده‌لیک ائله‌یین کی سیزین اوچون اوندان باشقاسی الله یوخدور. آیا متّقی اولموزسوز؟»

عاد قومو نوحدان سونرا یمن چؤلونده یاشایان انسانلار ایدی. اونلاری مادی و جسمی جهتدن گوجلو ایدیلر آما اخلاق و ایناملاریندا انحرافلاری واریدی. الله تعالی هود پیغمبری اونلارین هدایتی اوچون گؤندردی. بو جریان قرآنین نئچه سوره‌سینده گلیب کی بیر بؤلومو مبارکه اعراف سوره‌سینده بئله بویورور: «أَوَعَجِبْتُمْ أَن جَاءکُمْ ذِکْرٌ مِّن رَّبِّکُمْ عَلَى رَجُلٍ مِّنکُمْ لِیُنذِرَکُمْ وَاذکُرُواْ إِذْ جَعَلَکُمْ خُلَفَاء مِن بَعْدِ قَوْمِ نُوحٍ وَزَادَکُمْ فِی الْخَلْقِ بَسْطَةً فَاذْکُرُواْ آلاء اللّهِ لَعَلَّکُمْ تُفْلِحُونَ؛(اعراف/69) تعجب ائلیرسیزمی کی سیزی (عذابدان) قورخوتماق اوچون الله طرفیندن ذکر، سیزین اؤزوزدن بیریسی طرفیندن سیزه چاتیب. و یادیزا سالین سیزی نوح قومونون یئرینه قویدوغونو و سیزی خلقتده آرتیردیغینی. پس الله‌ین نعمتلرینی یادیزیا سالین بلکه سعادته چاتدیز».

سونرا الله تعالی قرآندا بویورور: «وَأَمَّا عَادٌ فَأُهْلِکُوا بِرِیحٍ صَرْصَرٍ عَاتِیَةٍ* سَخَّرَهَا عَلَیْهِمْ سَبْعَ لَیَالٍ وَثَمَانِیَةَ أَیَّامٍ حُسُومًا فَتَرَى الْقَوْمَ فِیهَا صَرْعَى کَأَنَّهُمْ أَعْجَازُ نَخْلٍ خَاوِیَةٍ؛ آما عاد قومو عصیانکار طوفاندان اؤلدورولدولر. (الله تعالی) اونو، یئددی گئجه سککیز گون اونلارا مسلط ائله‌دی. بو مدّتده او قومو، ایچی بوش خرما آغاجلاری کیمی دوشموش گؤروردون». (الحاقه/ 7 و 8)

عاد قومونون گناهی

پیغمبرلری اونلاردان الله‌ین وئردیغی نعمتلری و گوجو، اؤز یولوندا استفاده ائله‌مه‌سینه چاغیرمیشدی. آما اونلار کؤنزلیک ائله‌ییب دئمیشدیلر: «قَالُواْ أَجِئْتَنَا لِنَعْبُدَ اللّهَ وَحْدَهُ وَنَذَرَ مَا کَانَ یَعْبُدُ آبَاؤُنَا فَأْتِنَا بِمَا تَعِدُنَا إِن کُنتَ مِنَ الصَّادِقِینَ؛(اعراف/ 70) بیزه گلیب دئییرسن کی فقط بیر الله‌ی عبادت ائدک و اجدادیمیزین عبادت ائتدیکلریندن ال چکک. دوز دئییرسنسه وعده وئردیگینی (عذابی) بیزه گتیر». هود جواب وئریر: « قَالَ قَدْ وَقَعَ عَلَیْکُم مِّن رَّبِّکُمْ رِجْسٌ وَغَضَبٌ أَتُجَادِلُونَنِی فِی أَسْمَاء سَمَّیْتُمُوهَا أَنتُمْ وَآبَآؤکُم مَّا نَزَّلَ اللّهُ بِهَا مِن سُلْطَانٍ فَانتَظِرُواْ إِنِّی مَعَکُم مِّنَ الْمُنتَظِرِینَ؛(اعراف/ 71) دئدی: سیزه الله طرفیندن غضب و پیسلیک گلیب. منله الله‌ین اونلار باره‌ده هئچ امر نازل ائله‌مه‌میش، سیز و اجدادیز قویدوغوز آدلار باره‌ده مجادله ائلیرسیزمی؟ پس گؤزله‌یین من‌ده سیزینله گؤزله‌رم».

بئله‌لیکله « المَغضُوبِ عَلَیهِمْ» مصداقلاریندان بیری عاد قومودور.

بو جریاندان ایکی عبرت آلماق اولار: الله‌ین وئردیگی نعمتلر قاباغیندا شاکر اولماق و اونلاری اؤز یولوندا ایشلتمک. لجاجت و کؤنزلیک ائتمک.

الله، بیرینه نعمت وئردیگی حالدا قدرینی بیلمه‌سه ایلاهی عذابی گؤزله‌مه‌لیدیر. امام علی (ع) بویورور: «جماعت، بیلین الله تعالی سیزه هر نعمت وئریرسه بوینوزا حق گلیر. او حقی، شکر ایله یئرینه گتیریرسز، الله اونو آرتیرار. آما نا شکرلوک ائله‌سز، بیلین نعمت الیزدن آلینار. اولا بیلر بو دنیادا اونون عقوبتین گؤره‌سیز. الله سیزه نعمت وئریب، بو نعمتین دوز یولدا ایشلنمه‌مه‌سیندن قورخون».

عاد قومونون ایکینجی گناهی‌دا حق قارشیسیندا کؤنزلیک ایدی. حضرت هود، اونلاری الله یولوندا حرکت ائله‌مگین دوزلویونه دلیل گتیریردی، آما اونلار قبول ائله‌میردیلر. بیری حق قارشیسیندا کؤنزلیک ائدیر‌سه عذابا دچار اولار.

+ نوشته شده در  یکشنبه بیست و یکم دی ۱۳۹۳ساعت 19:9 PM  توسط میرزه عبدالصمد ملكي əbdüssəməd   | 

پیغمبریمیزین (ص) یاشاییش سیره‌سی

پیغمبریمیزین (ص) یاشاییش سیرهسی

علامه طباطبایی اؤز «سنن النبی» کتابیندا رسول الله‌ین سیره‌سی باره‌ده بئله یازیر:

امام حسیندن (ع) نقل اولور: «آتامدان، رسول الله‌ین ائوده‌کی رفتاری و نئجه یاشادیغی باره‌ده سوروشدوم». بویوردو: «ائوه گئتمه‌سی اؤز اختیاریندایدی. ائوه گئدنده، زمانینی اوچ یئره بؤلردی؛ بیر بؤلومونو الله عبادتینه حصر ائلردی، بیر قسمتینی عایله‌یه اختصاص وئریردیلر و بیر بؤلومونو ده اؤزلرینه، آما اؤزلرینه مخصوص ائدن واختلارینی‌دا جماعتله پایلاشاردی و خواصین ایشیندن فارغ اولاندان سونرا، جماعتین ایشینه یئتیشردی و اؤزو اوچون اوندان زمان ساخلامازدی.

او حضرتین جماعتله رفتاری ائله‌یدی کی فضل اهلینه آرتیق عنایت ائدردی و هر کسه دینده اولان فضیلتینه گؤره احترام ائدردی. بعضیلری‌نین بیر حاجتی، بعضیلری‌نین ایکی حاجتی و بعضی‌لری‌نین بیر نئچه حاجتی اولاردی. حضرت اونلارا یئتیشردی و اونلاری اؤز ایشلری و جماعتین ایشلری‌نین حلّینه مشغول ائددی. ایشلری‌نین نئجه‌لیگیندن سوروشاردی و لازم اولان سؤزلری اونلارا دئیَردی و بویوراردی: «حاضرلر غایبلره چاتدیرسینلار و منه الی چاتمایانلارین حاجتینی منه چاتدیرسینلار. چونکی الی سلطانا چاتمایانین حاجتینی سلطانا چاتدیران شخصین قدملرینی الله قیامت گونو ثابت و محکم ائلر». او حضرتین مجلسینده بو سؤزلردن باشقا سؤز دئییلمزدی و هئچ کسدن باشقا سؤز قبول ائتمزدی. اونلار فیض و علم اؤیرشمکدن اؤترو حضرتین حضورونا شرفیاب اولاردیلار و بیر شئی اؤیرشمه‌دن داغیلمازدیلار و او مجلسدن قاییداندان سونرا اؤزلرینه گؤره یول گؤستره‌دن اولوردولار».

امام حسین (ع) آیری روایتده بویورور: «آتام امیرالمؤمنیندن (ع) رسول الله‌ین (ص) ائودن ائشیکده‌کی رفتاری باره‌ده سوروشدوم. بویوردو: «رسول الله دیلینی لازم اولمایان سؤزلردن ساخلاردی. جماعتله انسیّت قوراردی و اونلاری اؤزوندن اورکوتمزدی. هر طایفانین بؤیوگونو عزیز سایاردی و اونو اونلارا باشچی قوشاردی. دوستلاری‌نین سوراغینی توتاردی و جماعتدن آرالاریندا اولانلاردان سوروشاردی. یاخشی ایشلری تشویق و قولای ایشلری پیسله‌ییب آلچاق سایاردی. ایشلرده اعتدالی رعایت ائدردی، افراط تفریطه دوشمزدی. جماعتدن غافل اولمازدی مبادا اونلار منحرف اولالار. حقدن آلچاق گلمزدی و آرتیغینا دا تجاوز ائله‌مزدی. او حضرتین اطرافینداکیلار جماعتین یاخشیلاری ایدیلر و حضرتین نظرینده اونلارین اَن یاخشیسی مسلمانلارا داها خیرخواه و داها اورک یاندیرانی ایدی و اونلارین اَن بؤیوگو، دینی قارداشلاری ایله داها آرتیق همکارلیق ائله‌ین و دردلَشَن ایدی».

امام حسین (ع) بویورور: «آتامدان رسول الله‌ین (ص) مجلسیندن سوروشدوم. بویوردو: «او حضرت هئچ مجلسده الله یادی اولمادن اوتوروب دورمازدی. مجلسلرده اؤزونه مخصوص یئر سئچمزدی و بو ایشدن‌ده نهی ائلردی. هر هانسی جَمعه داخل اولاندا بوش اولان یئرده اوتوراردی و آیریلارینا دا بئله ائتمگی امر ائلردی. مجلسده‌کیلرین هامیسی‌نین حقّینی ادا ائلردی و اونلارین هئچ بیری رسول الله یانیندا آیریسی‌نین اوندان داها عزیز اولماسینی حسّ ائله‌مزدی. هر کسله دانیشسایدی اونون قالخیب گئتمه‌سینی گؤزلردی. (اونون سؤزونو کسیب گئتمزدی.) اوندان حاجت ایسته‌ین، حاجتینه چاتمامیش یا دا او حضرتدن اورگی قئییم اولماسینا سبب اولان بیر سؤز ائشیتمه‌میش قاییتمازدی. اونون یاخشی خصلتی هامی‌یا شامل ایدی. بیر حدّه‌جن کی هامی اونو اؤزلرینه مهربان آتا بیلردیلر. هامی، حق قارشیسیندا اونون یانیندا یکسان ایدی. اونون مجلسی حلم، حیا، صداقت ‏و امانت مجلسی ایدی. اوردا بیری‌نین سسی اوجالمازدی و هئچ کسین آبریسی گئتمزدی. بیری‌نین‌ده سهوی اولسایدی آیری یئرده دئییلمزدی. مجلس اهلی بیر بیری ایله عدالتلی رفتار ائلردیلر. و دوستلوقلاری تقوا اساسیندا اولاردی. متواضع ایدیلر. بؤیوکلره احترام ائلردیلر و کیچیکلره مهربان ایدیلر. احتیاجی اولانلاری مقدم ائلردیلر و غریبلردن موغایات اولاردیلار».

حضرت بویورور دئدیم: «پیغمبرین (ص) سیره‌سی مصاحبلرله نئجه‌ ایدی؟ بویوردو: «همیشه اوزو گولر و خوش اخلاق ایدی. چوخ گولن، باشی بوش، پیس آغیز، عیب آختاران، یالتاق و خشن دئییلدی. رغبتی و میلی اولمایاندان غفلت ائلردی. آرزیلیلار اوندان مأیوس اولمازدیلار. اؤزونو تأکیداً اوچ شئیدن اوزاق ساخلاردی: «جدل و سؤز گولشدیرمک، چوخ دانیشماق و فایداسیز سؤز دانیشماق». جماعت باره‌سینده ده اوچ شئیدن اوزاق گزردی: «هئچ کسی دانلامازدی، بیری‌نین سهولرینی آختارمازدی، هئچ کسین عیبی‌نین دالیسینی توتمازدی». ثواب و فایداسی اولمایان یئرده سؤز دئمزدی. سؤز دانیشاندا مجلس اهلی باشلارینا قوش قونموش کیمی ساکت و حرکتسیز قولاق آساردیلار. حضرت سؤزونو قورتاراندان سونرا دانیشیغا باشلاردیلار و او حضرتله سؤز گولشدیرمزدیلر. بیری دانیشاندا سؤز باشا چاتینجا هامی ساکتجه اونا قولاق آساردیلار. حضرتین محضرینده نوبه‌ ایله دانیشاردیلار. مجلسین گولدویو شئیه گولردی و اونلارین تعجب ائله‌دیگینه تعجب ائلردی. غریبه‌لرین ایستگی و دانیشیقلاریندا اولان ادبسیزلیگه، صحابه‌نین مزاحم شخصی جلب ائله‌یه‌نه‌ قدر دؤزردی. بویوراردی: «حاجتلی بیرینی گؤرسز اونا کؤمک ائله‌یین». تشکر ائله‌مک قصدی ایله اولماسایدی، بیری‌نین مدحینی و تعریفینی قبول ائله‌مزدی. حدّینی آشماسایدی بیری‌نین سؤزونو کسمزدی، حدّی آشیلان زمان اونو نهی ائله‌مکله و یا قالخماقلا اونون سؤزونو کسردی».

امام حسین (ع) بویورور: «سونرا رسول الله‌ین ساکتلیگیندن سوروشدوم. آتام بویوردو: «او حضرتین ساکتلیگی، دؤرد ستونا دایانمیشدی: حلم، حذر، تقدیر و تفکر. تقدیرده ساکتلیگی بو ایدی کی جماعتی بیر گؤزده گؤرردی و هامی‌نین دانیشیغینا بیر اندازه قولاق آساردی. تفکرده ساکتلیگی بو ایدی کی فنالی و فناسیز شئیلر باره‌سینده دوشونردی. حلمده ساکتلیگی‌ده دؤزومله حلم بیرلیکده اوندا اولاردی ائله کی هئچ زاد اونو غضبلندیرمزدی و اؤزوندن چیخارتمازدی. حذرده ده ساکتلیگی دؤرد موردده ایدی: آیریلارین اوندان تبعیت ائله‌مه‌سی اوچون یاخشی ایشلر گؤرردی. آیریلارین اوزاق گزمه‌سی اوچون پیس ایشلردن اوزاق گزردی. امّتین اصلاحینا دوز یول گؤسترمک اوچون چالیشاردی و دنیا و آخرتین خیری اولان ایشه اقدام ائلردی.

+ نوشته شده در  شنبه بیستم دی ۱۳۹۳ساعت 19:0 PM  توسط میرزه عبدالصمد ملكي əbdüssəməd   | 

چرا طلاب بعد از اتمام تحصیلات حوزوی به شهر خود باز نمی گردند؟

عده از دوستان، طلاب و روحانیون را بخاطر عدم بازگشت به شهر و وطن خود مورد انتقاد قرار می دهند. بنده به عنوان یک روحانی که علیرغم همه مشکلاتش به شهر خود بازگشته ام، لازم دانستم نکته ای در این زمینه مطرح نمایم.

در زمینه عدم بازگشت روحانیون به شهرهای خود نباید فقط آنها را مقصر دانست. اگه یک بررسی در وضعیت روحانیانی که به شهر خود بازگشته اند بکنید متوجه علت مسأله خواهید شد.
هر چند همواره دوستان را علیرغم ناملایمات آن، برای بازگشت به وطن و حضور در میان مردم تشویق می کنم اما قبول کنید که بازگشت در شرایط کنونی جامعه -که دیدگاه مردم به روحانیت ائده آل نیست- فداکاری محسوب می شود و توأم با مصائب و مشکلاتی است. به سه دلیل:
1. فضای اندیشه در قم باز است و کمتر کسی بخاطر دیدگاهش اذیت می شود.
2. مراکز و مؤسسات دینی اکثراً در قم مستقر هستند و برنامه و علاقه شان این است که روحانیون در قم ساکن باشند.
3. در قم برخی از روحانیون در کنار کار فرهنگی و علمی کارهای اقتصادی مشغول هستند که در شهرستانها به خاطر برخی مسائل امکان این مسأله وجود ندارد.
تا حال چندین بار در سطح تبریز افراد متدین به بنده گفته اند: «نییه بورا قاییدیبسیز؟ قومدا اولساز سیزی دوز کیمی یالارلار»
نهایتاً: قبل از اینکه راه حل مشکل را در دیگران بجوییم بهتر است نگاهی به وظایف خود بیندازیم

+ نوشته شده در  شنبه سیزدهم دی ۱۳۹۳ساعت 1:33 AM  توسط میرزه عبدالصمد ملكي əbdüssəməd   | 

اربعین گونونون عمل‌لری / زیارتنامه‌نین متنی

 

اربعین گونو (صفرین ایرمیسی) امام حسین (ع) و وفالی کؤمکلری‌نین شهادتیندن 40 گون سونرایا دئییلیر. بعضی روایتلرده بو گونون عزیزلنمه‌سینه اشاره اولوب. امام حسن عسکریدن (ع) نقل اولان بیر روایتده اربعین زیارتی مؤمن انسانین نشانه‌لریندن ساییلیب. بو حدیثده امام (ع) بویورور: «مؤمن انسانین علامتی بئشدیر: گئجه گوندوزده 51 رکعت نماز قیلماق (17 رکعت واجب و 34 رکعت نافله). 2. ساغ اله اوزوک سالماق. 3. آنلی تورپاغا سورتماق. 4. نمازلاردا «بسم الله الرحمن الرحیم»ی اوجا سسله دئمک. 5.اربعین زیارتی.[1]

شیخ طوسی‌نین المصباح و التهذیب کتابلاریندا امام صادقدن (ع) نقل ائدن روایته گؤره زیارتین قایداسی بئله‌دیر:

اربعین گونو، گون قالخاندان سونرا (گون اطرافی ایشیقلاندیردیقدان سونرا) بئله اوخو:

 

اَلسَّلامُ عَلی وَلِیِّ اللَّهِ وَ حَبیبِهِ

سلام اولسون الله‌ین ولیسینه و اونون دوستونا

 

اَلسَّلامُ عَلی خَلیلِ اللَّهِ وَ نَجیبِهِ

سلام اولسون الله‌ین خلیلینه و اونون نجابتلی بنده‌سینه

 

اَلسَّلامُ عَلی صَفِیِّ اللَّهِ وَابْنِ صَفِیِّهِ

سلام اولسون الله‌ین سئچیلمیش بنده‌سینه و سئچیلمیشی‌نین اوغلونا

 

اَلسَّلامُ عَلیَ الْحُسَیْنِ الْمَظْلُومِ الشَّهیدِ

سلام اولسون مظلوم و شهید حسینه

 

اَلسَّلامُ علی اَسیرِ الْکُرُباتِ وَ قَتیلِ الْعَبَراتِ

سلام اولسون غملره اسیر اولموش و آخار گؤز یاشی‌نین اؤلدوردویونه

 

اَللّهُمَّ اِنّی اَشْهَدُ اَنَّهُ وَلِیُّکَ وَابْنُ وَلِیِّکَ

الله‌یم حقیقتاً شهادت وئریرم! حقیقتاً او سنین ولیّ‌ین و ولیّی‌نین اوغلودور

 

وَ صَفِیُّکَ وَابْنُ صَفِیِّکَ الْفاَّئِزُ بِکَرامَتِکَ

و سنین سئچیلمیشین و سئچیلمیشی‌نین اوغلودور و سنین کرامتینله سعادته چاتدی

 

اَکْرَمْتَهُ بِالشَّهادَةِ وَ حَبَوْتَهُ بِالسَّعادَةِ وَاَجْتَبَیْتَهُ بِطیبِ الْوِلادَةِ

شهادتله اونو عزیزله‌دین و اونو مخصوص سعادته چاتدیردین و اونون نسلی‌نین پاکلیغی ایله سئچدین

 

وَ جَعَلْتَهُ سَیِّداً مِنَ السّادَةِ وَ قآئِداً مِنَ الْقادَةِ وَ ذآئِداً مِنْ الْذادَةِ

و اونو آغالاردان بیری و قاباقدا گئدن رهبرلردن و حقدن دفاع ائله‌ینلردن بیری ائتدین

 

وَاَعْطَیْتَهُ مَواریثَ الاْنْبِیاَّءِ وَ جَعَلْتَهُ حُجَّةً عَلی خَلْقِکَ مِنَ الاْوْصِیاَّءِ

انبیانین میراثینی اونا عطا ائتدین و اونو، انسانلارا حجّتی اولان وصیلردن قرار وئردین

 

فَاَعْذَرَ فیِ الدُّعآءِ وَ مَنَحَ النُّصْحَ

او دا دعوتده حجتی تمام ائله‌دی و هر بهانه‌نی اونلارین الیندن آلدی و اونلاری محبّتله نصیحت ائتدی

 

وَ بَذَلَ مُهْجَتَهُ فیکَ لِیَسْتَنْقِذَ عِبادَکَ مِنَ الْجَهالَةِ وَ حَیْرَةِ الضَّلالَةِ

و سنین بنده‌لرینی جهالت و ضلالت حیرانلیغیندان قورتارماق اوچون قییمادان خیرخواهلیق ائله‌دی و جانین سنین یولوندا وئردی

 

وَ قَدْ تَوازَرَ عَلَیْهِ مَنْ غَرَّتْهُ الدُّنْیا

و دنیایا مغرور اولانلار،  اونون علیه‌ینه ال بیر اولدولار.

 

وَ باعَ حَظَّهُ بِالاْرْذَلِ الاْدْنی وَ شَری آخِرَتَهُ بِالثَّمَنِ الاْوْکَسِ وَ تَغَطْرَسَ وَ تَرَدّی فی هَواهُ

آخرتلرینی آلچاق دونيايا و اونون دَيَرسیز نعمتلرینه ساتدیلار و نفسین ایستکلرینه تابع اولوب هلاک اولدولار

 

وَاَسْخَطَکَ وَاَسْخَطَ نَبِیَّکَ

سنی و پیغمبرینی (ص) غضبلندیردیلر

 

وَ اَطاعَ مِنْ عِبادِکَ اَهْلَ الشِّقاقِ وَالنِّفاقِ وَ حَمَلَةَ الاْوْزارِ الْمُسْتَوْجِبینَ النّارَ

و سنین دوشمنلریندن اولان منافق و بدبختلردن اطاعت ائتدیلر بیر حالدا کی، اونلار آغیر گناه داشیيیجیلاری و جهنم اودونا لايق اولانلار ایدیلر

 

فَجاهَدَهُمْ فیکَ صابِراً مُحْتَسِباً

ائله ایسه بو عزیز امام سنین يولوندا او ظالملرله جهاد ائتدی و کامل اخلاصلا صبر ائدیب، دؤزدو و چوخلو چتینلیکلر و اذیت چکدی

 

حَتّی سُفِکَ فی طاعَتِکَ دَمُهُ وَاسْتُبیحَ حَریمُهُ

سوندا ایسه سنین يولوندا پاک قانی تورپاغا تؤکولدو و خانواده‌سی‌نین حرمتی سیندیریلدی

 

اَللّهُمَّ فَالْعَنْهُمْ لَعْناً وَبیلاً وَ عَذِّبْهُمْ عَذاباً اَلیم

ایلاهی او ظلمکار طایفايا شدّتلی لعنت ائت و چتین و دردلی عذابلارلا جزالاندیر

 

اَلسَّلامُ عَلَیْکَ یَابْنَ رَسُولِ اللَّهِ اَلسَّلامُ عَلَیْکَ یَابْنَ سَیِّدِ الاْوْصِیاَّءِ

سلام اولسون سنه ائي رسول الله‌ین اوغلو، سلام اولسون سنه ائي اوصيانین آغاسی‌نین اوغلو

 

 

اَشْهَدُ اَنَّکَ اَمینُ اللهِ وَابْنُ اَمینِهِ

شهادت وئریرم کی، سن ایلاهی وحيین امانتداری و حق امانتداری‌نین اوغلوسان

 

عِشْتَ سَعیداً وَ مَضَیْتَ حَمیداً وَ مُتَّ فَقیداً مَظْلُوماً شَهیداً

[دنيادا] خوشبخت ياشادین، حقه ثنا ائتدیگین حالدا دنيانی دَيیشدین، مظلوم شهید ائدیلدین

 

وَ اَشْهَدُ اَنَّ اللَّهَ مُنْجِزٌ ما وَعَدَکَ وَ مُهْلِکٌ مَنْ خَذَلَکَ وَ مُعَذِّبٌ مَنْ قَتَلَکَ

و شهادت وئریرم کی، الله  تعالی سنه وئردیگی وعده‌‌يه وفا ائده‌جکدیر و سنه ظلم ائدنلری هلاک ائده‌جک و سنی اؤلدورنلری عذابلاندیراجاقدیر

 

وَ اَشْهَدُ اَنَّکَ وَفَیْتَ بِعَهْدِاللهِ وَ جاهَدْتَ فی سَبیلِهِ حَتّی اَتیکَ الْیَقینُ

و شهادت وئریرم کی، سن الله  تعالی ایله باغلادیغین عهده وفا ائتدین و اؤلوم سنی درک ائدینجه‌يه قدر الله يولوندا جهاد ائتدین

 

فَلَعَنَ اللهُ مَنْ قَتَلَکَ، وَ لَعَنَ اللهُ مَنْ ظَلَمَکَ وَ لَعَنَ اللَّهُ اُمَّةً سَمِعَتْ بِذلِکَ فَرَضِیَتْ بِهِ

الله سنی اؤلدورنلره لعنت ائتسین ، الله سنه ظلم ائدنلره لعنت ائتسین و الله، اونو ائشیدیب اونا راضی اولانلارا لعنت ائتسین

 

اَللّهُمَّ اِنّی اُشْهِدُکَ اَنّی وَلِیُّ لِمَنْ والاهُ وَ عَدُوُّ لِمَنْ عاداهُ

ایلاهی من سنی شاهد توتورام کی، حقیقتاً ده من اونو (حسینی (ع)) سئونلری سئویر و اونون دوشمنلری ایله دوشمنم

 

بِاَبی اَنْتَ وَ اُمّی یَابْنَ رَسُولِ اللَّهِ

آتام و آنام سنه قربان ائي رسولول الله‌ین اوغلو

 

اَشْهَدُ اَنَّکَ کُنْتَ نُوراً فیِ الاْصْلابِ الشّامِخَةِ وَالاْرْحامِ الْمُطَهَّرَةِ،

شهادت وئریرم کی، سن عالی مقام آتالارین اصلابیندا و پاک ذاتلی آنالارین رحملرینده (قارینلاریندا) بیر نور ایدین

 

لَمْ تُنَجِّسْکَ الْجاهِلِیَّةُ بِاَنْجاسِها وَ لَمْ تُلْبِسْکَ الْمُدْلَهِمّاتُ مِنْ ثِیابِها،

جاهلیت پیسلیکلری سنی آلوده ائده بیلمه‌دیلر و جاهیلیتین قارانلیلاری سنی بورويه و اؤز پالتاری ایله اؤرته بیلمه‌دی

 

وَ اَشْهَدُ اَنَّکَ مِنْ دَعاَّئِمِ الدّینِ وَ اَرْکانِ الْمُسْلِمینَ وَ مَعْقِلِ الْمُؤْمِنینَ،

و شهادت وئریرم کی، سن حقیقتاً دینین ستونلاریندان بیری و مسلمانلارین دینی‌نین کؤکو و ایمان اهلی‌نین سیغیناجاق و پناه يئریسن

 

وَ اَشْهَدُ اَنَّکَ الاْمامُ الْبَرُّ التَّقِیُّ الرَّضِیُّ الزَّکِیُّ الْهادِی الْمَهْدِیُّ،

و شهادت وئریرم کی، حقیقتاً سن ياخشی، صالح عمللی، تقوالی، بَيَنیلمیش، اؤزو و ذاتی پاک، خلقی هدايت ائدن و اؤزو حقه هدايت اولموش امام و رهبرسن

 

وَ اَشْهَدُ اَنَّ الاْئِمَّةَ مِنْ وُلْدِکَ کَلِمَةُ التَّقْوی وَ اَعْلامُ الْهُدی وَالْعُرْوَةُ الْوُثْقی وَالْحُجَّةُ علی اَهْلِ الدُّنْیا

و شهادت وئریرم کی، اماملار سنین اولادلاریندان و نسلیندندیرلر، اونلارین هامیسی تقوا روحو، حق يولونون بلدچیلری و مخلوقاتی يارادانا باغلايان و اونلارین الله‌ا اولان ایمانی‌نین قیریلماز ایپی و دنيا اهلی‌نین هامسینا الله‌ین حجتیدیرلر

 

وَ اَشْهَدُ اَنّی بِکُمْ مُؤْمِنٌ وَ بِاِیابِکُمْ مُوقِنٌ بِشَرایِعِ دینی وَ خَواتیمِ عَمَلی

و شهادت وئریرم کی، حقیقتاً ده من سیزین اماملیق و حقانیتیزه اینانیر و سیزین رجعتیزه يقینیم وار، دینیمین قایدالاری ایله و ایشلریمین آخریندا

 

وَ قَلْبی لِقَلْبِکُمْ سِلْمٌ، وَ اَمْری لاِمْرِکُمْ مُتَّبِعٌ وَ نُصْرَتی لَکُمْ مُعَدَّةٌ حَتّی یَاْذَنَ اللَّهُ لَکُمْ،

قلبیم و روحوم سیزین پاک قلب و روحوزا تسلیمدیر و بوتون ایشلریمده سیزین امریزین اجراچیسی و سیزین دوامچیزام و الله‌ین اذنی وئردیگی زمان اؤز کؤمگیمله سیزین کؤمگیزه حاضرام

 

فَمَعَکُمْ مَعَکُمْ لامَعَ عَدُوِّکُمْ ،

البته‌‌ من سیزینله‌يم سیزینله‌يم، دوشمنلریزله دئيیلم

 

صَلَواتُ اللهِ عَلَیْکُمْ وَ علی اَرْواحِکُمْ وَ اَجْسادِکُمْ وَ شاهِدِکُمْ وَ غاَّئِبِکُمْ وَ ظاهِرِکُمْ وَ باطِنِکُمْ.

الله‌ین صلواتی و سلامی، سیزین پاک روحوزا و جیسمیزه و حاضریزه و غایبیزه و ظاهریزه و باطیزه اولسون

 

آمینَ رَبَّ الْعالَمینَ.

زیارتنامه‌نی اوخودوقدان سونرا ایکی رکعت حاجت نمازی قیلیرسان و ایسته‌دیکلرینی الله‌دان ایسته‌يیرسن، (انشاء الله کی، الله تعالی بو دعانین و امام حسینین (ع) حرمتینه حاجتلرینی روا ائده‌جکدیر.)

 

مسلمانلاری دعا ائتمگی اونوتمايین



[1] .  محمد بن محمد بن نعمان؛ المزار، قم، مدرسه الامام االهادي، بیرینجی چاپ ، ص53 و طوسي، محمد بن حسن؛ تهذيب الاحكام، بي جا، دار الكتب الاسلاميه، 1365، دؤردونجو چاپ ، ج6، ص52 و  نيشابوري، ابن فتال؛ روضه الواعظين، قم، منشورات الرضي، بي تا، ص195.

+ نوشته شده در  شنبه بیست و دوم آذر ۱۳۹۳ساعت 15:19 PM  توسط میرزه عبدالصمد ملكي əbdüssəməd   | 

اربعین گونو و کربلا اسیرلری

صفرین ایرمیسی، امام حسین (ع) و وفالی کؤمکلری‌نین شهادتیندن 40 گون سونرا «اربعین» گونونه معروفدور. بعضی روایتلرده بو گونون عزیزلنمه‌سینه اشاره اولوب. امام حسن عسکریدن (ع) نقل اولان بیر روایتده اربعین زیارتی مؤمن انسانین علامتلریندن ساییلیب. بو حدیثده امام (ع) بویورور: «مؤمن انسانین علامتی بئشدیر: گئجه گوندوزده 51 رکعت نماز قیلماق (17 رکعت واجب و 34 رکعت مستحب). 2. ساغ اله اوزوک تاخماق. 3. آنلی تورپاغا سورتماق. 4. نمازلاردا «بسم الله الرحمن الرحیم»ی اوجا سسله دئمک. 5.اربعین زیارتی.[1]

 شیخ طوسی‌نین امام صادقدن (ع) نقل ائله‌دیگی[2] بو زیارتده چوخ دَیَرلی سؤزلر وار. بو زیارتین بیر بؤلومونده امام حسینین (ع) قیام هدفینی رسول اکرمین (ص) هدفی تانیتدیریلیر. "و بذل مهجته فيك ليستنقذ عبادك من الجهالة و حيرة الضلالة"[3] امام حسین بنده‌لری جهالت و ضلالتدن قورتارماق اوچون جانینی وئردی.

تاریخی منبعلرده اربعین داها چوخ ایکی جریانا اشاره ائلیر:

1ـ اسیرلرین شامدان مدینه‌یه قاییتماق تاریخی.[4]

2ـ جابر بن عبدالله انصاري‌نین امام حسینین (ع) مزارینی زیارت ائله‌دیگی گون.[5]

آما اسیرلرین محض بو گونده کربلایه چاتماقلاریندا جدی تردید وار.

شیخ مفید مسار الشيعه کتابیندا یازیر: «اربعین گونو اهل بیتین (ع) شامدان مدینه‌یه قاییتدیقلاری گوندور و هابئله جابر بن عبدالله انصاري‌نین امام حسینین (ع) زیارتی اوچون کربلایه داخل اولدوغو گوندور».[6]

شيخ طوسي مصباح المتهجد کتابیندا [7] و ابن اعثم الفتوح کتابیندا دا [8] همان سؤزو یازیبلار.

 شیخ مفیدین یازدیغیندان، اربعین گونونو اسیرلرین شامدان مدینه مقصدینه خارج اولدوقلاری گونو بیلیریک، مدینه‌یه چاتدیقلاری گون یوخ.[9]  سید بن طاوس لهوف کتابیندا اربعین گونونو اسیرلرین شامدان کربلایه خارج اولدوقلاری گونو ذکر ائدیر. او یازیر: «کربلا اسیرلری شامدان عراقا طرف قاییداندا کروان‌باشینا دئدیلر: «بیزی کربلایه آپار». بونا گؤره اونلار امام حسینین (ع) شهید اولدوغو یئره گلدیلر. سونرا اوردا عزادارلیق ائله‌دیلر . . .» [10] «ابن نما حلی»ده اربعین گونونو اسیرلرین شامدان کربلایه قاییتدیقلاری و جابر و بیر عدّه بنی هاشم ایله گؤروشدوکلری گونو بیلیر.[11]

آما لهوف کتابی بو روایته سند ارائه ائله‌میر. شیخ عباس قمی‌ده اسیرلرین بیرینجی اربعینده کربلایه چاتا بیلمکلرینی بعید بیلیر. [12]

جابر بن عبدالله انصاري و اربعین گونونده امام حسينین(ع) زيارتی:

آما جابر بن عبدالله انصاري‌نین هجرتین 61-جی ایلینده کربلایه چاتماسیندا تاریخی منبعلر آراسیندا چوخ اختلاف یوخدور. شیخ طوسی یازیر: « اربعین گونو رسول الله صحابه‌سی اولان جابر بن عبدالله انصاري‌نین امام حسینین (ع) مزارینی زیارت مقصدی ایله مدینه‌دن کربلایه گلدیگی گوندور. او، شریف قبرین بیرینجی زیارتچیسی ایدی. امام حسینین زیارتی بوگون مستحبدیر و اربعین زیارتی ائله بودور». [13]

شیخ طوسی عبارتی‌نین ظاهری، جابرین مدینه‌دن زیارت مقصدی ایله حرکت ائله‌مه‌سی و صفرین 20-سینده کربلایه داخل اولماسیدیر. نه اینکی او تصادف اوزوندن شهادتدن 40 گون سونرا اورا چاتسین. چونکی اهل بیتین کوفه‌یه چاتماسیندان سونرا، ابن زیاد، عبدالملك بن الحارث السلمي‌نی امامین و کؤمکلری‌نین شهادتینی مدینه والیسی عمرو بن سعيد بن عاص اموي‌یه خبر وئرمه‌سی اوچون عراقدان شاما گؤندردی. عبدالملك گؤزله‌مه‌دن مدینه‌یه گئدیب امامین شهادت خبرینی رسمی شکلده مدینه والیسینه ابلاغ ائله‌دی. بئله اولاندا اولا بیلر جابر بن عبدالله انصاري، امامین شهادتیندن خبردار اولور اولماز، مدینه‌دن حرکت ائتمیش اولسون و امامین اربعینده زیارت سنّتی، اونون الی ایله تأسیس اولونسون.[14]  جابرله بیرلیکده کربلایه داخل اولان شخص، عطيه بن سعد عوفي كوفي ایدی. عطیه‌نین آدینی حضرت علی (ع) اونا قویموشدو.

بشاره المصطفي کتابیندا بئله گلیب: جابر بن عبدالله انصاري ایله بیرلیکده امام حسینین (ع) قبرینی زیارت مقصدی ایله کربلایه داخل اولدوق. جابر فرات شریعه‌سینه طرف گئتدی. غسل ائدیب یاخشی پالتارلار گئیدی . . . سونرا مطهر قبره طرف یوللاندیق. جابر هر آددیمیندا الله ذکری دئییردی. قبره یاخینلاشدیق. او منه دئدی: «منه قبره چاتدیر».[15] من اونون الینی قبرین اوستونه قویدوم. جابر قبرین اوستونه دوشوب غش ائله‌دی. اونون اوزونه بیر آز سو سپدیم. اؤزونه گلندن سونرا اوچ دفعه یا حسین دئدی. سونرا دئدی: «ائی حسین نیه منیم جوابیمی وئرمیرسن؟» سونرا اؤزونه دئدی: «بوغازی‌نین دامارلارینی کسدیکلری حالدا و باشینلا بدنین آراسیندا فاصله دوشدوغو حالدا نئجه جواب وئره بیلرسن . سنین خاتم النبیین و سید المؤمنین اوغلو اولدوغونا . . . و کساء اهلی‌نین بئشینجیسی اولدوغونا . . .شهادت وئریرم. الله‌ین سلام و صلواتی سنه اولسون». سونرا امام حسینین (ع) قبری اطرافینا حرکت ائدیب دئدی: «السلام عليكم ايتها الارواح التي حلت بفناء الحسين... اشهد انكم اقمتم الصلاة واتيتم الزكاة وامرتم بالمعروف ونهيتم عن المنكر...» .[16]



[1] .  محمد بن محمد بن نعمان؛ المزار، قم، مدرسه الامام االهادي، بیرینجی چاپ ، ص53 و طوسي، محمد بن حسن؛ تهذيب الاحكام، بي جا، دار الكتب الاسلاميه، 1365، دؤردونجو چاپ ، ج6، ص52 و  نيشابوري، ابن فتال؛ روضه الواعظين، قم، منشورات الرضي، بي تا، ص195.

[2] .   طوسي، محمد بن حسن؛ مصباح المتهجد، بيروت موسسه الفقه الشيعه، 1411، ص788 و طوسي، محمد بن حسن؛ تهذيب الاحكام، قاباقکی، ج6، ص113 و سيد بن طاووس؛ اقبال الاعمال، بي جا، مكتب الاعلام الاسلامي، 1416، بیرینجی چاپ ، ج3، ص100- 101.

[3] .  طوسي، محمد بن حسن؛ مصباح المتهجد، قاباقکی، ص788 و طوسي، محمد بن حسن؛ تهذيب الاحكام، پيشين، ج6، ص113 و سيد بن طاووس؛ اقبال الاعمال، قاباقکی ، ج3، ص101.

[4] .  محمد بن محمد بن نعمان؛ مسار الشيعه، بيروت، دار المفيد، 1414 ایکینجی چاپ، ص46 و طوسي، محمد بن حسن؛ قاباقکی ص787 و ابن اعثم كوفي، احمد؛ الفتوح، ترجمه محمد بن احمد  مستوفي هروي، تهران، آموزش و انقلاب اسلامي نشریاتی، 1372، ص916.

[5] .  محمد بن محمد بن نعمان؛ مسار الشيعه، قاباقکی، ص46 و طوسي، محمد بن حسن؛ قاباقکی، ص787 و ابن اعثم كوفي، قاباقکی، ص916.

[6] .  محمد بن محمد بن نعمان؛ مسار الشيعه، قاباقکی، ص46.

[7] .  طوسي، محمد بن حسن؛ قاباقکی، ص787.

[8] .  ابن اعثم كوفي، قاباقکی، ص916.

[9] .  النوري، ميرزا حسين؛ لؤلؤ و المرجان، تهران، فراهاني، 1364، ص154.

[10] .  حسني، سيد بن طاووس؛ اللهوف في قتلي الطفوف، بي جا، مهر، 1417، ص114.

[11] .  حلي، ابن نما؛ مثير الاحزان، نجف، مطبعه الحيدريه، 1369، ص86.

[12] .  قمي، شيخ عباس؛ منتهي الامال، بي جا، حسيني مطبوعاتی، 1370، ج1، ص525.

[13] .  طوسي، محمدبن حسن؛ قاباقکی، ص231-230.

[14] .  آيتي، محمد ابراهيم؛ عاشورا تاریخی‌نین تحقیقی، ص230-231.

[15] .  منبعلردن جابرین گؤزلری‌نین گؤرمه‌دیگی بللی اولور. مجلسي؛ بحار الانوار، بيروت، موسسه الوفا، 1403، ج65، ص131 و امين، سيد محسن؛ لواعج الاشجان، بي جا، مكتبه بصيرتي، بي تا، ص240.

[16] .  طبري، محمد بن علي؛ بشاره المصطفي، قم موسسه النشر  الاسلامي، 1420، بیرینجی چاپ ، ص126 و امين، سيد محسن؛  قاباقکی، ص240 و مجلسي؛ قاباقکی، ج65، ص130-131 و ج98، ص196.

+ نوشته شده در  جمعه بیست و یکم آذر ۱۳۹۳ساعت 23:26 PM  توسط میرزه عبدالصمد ملكي əbdüssəməd   | 

مطالب قدیمی‌تر