★ دین خادیمی din xadimi ★

دين, حکایه,تکنولوژی و سایر din,hekayə, texnoloji və sair

اوشاغین تربیتی اوچون هئچ واخت تئز دئییل

اوشاغین تربیتی اوچون هئچ واخت تئز دئییل ! بو سئویملی موجودلار چوخ عاغیللی‌دیلار و هر شئیی ایلک باشدان چوخ یاخشی اؤیرنیرلر.

بیر یاشلی اوشاق، یئمگینی بوشقابدان ائشیگه آتاندا، والدین اونونلا نئجه رفتار ائله‌مه‌لی اولدوقلارینی بیلمیرلر. بیر طرفدن‌ده بئله بیلیرلر  اوشاغین یاشی آزدیر و اونو تربیت ائتمک اولماز. آما بئله دئییل. اوشاغا خوش دیلله اؤیرتمک اولمایاندا، اولا بیلر یاخشی پیسی اونا اؤیرتمک لازم اولسون. والدین اکثراً تربیتی تنبیه‌له عوضی توتورلار. آما تربیتین بیناسی اؤیرتمگه دایانیر. بیر یاشلی اوشاغا محدودیّتلری اؤیرتمک  لازمدیر. چوخ ساده یوللارلا اوشاغی دوزگون رفتارا طرف هدایت ائتمک اولار.

 

اوشاغین الیندن ائله‌دیگی سهوه گؤره غضبلندیگیز زمان اونا چیغیرمایین، اؤزوزو کنترل ائدین. چیغیرماغیز باعث اولار اوشاق لج ائله‌سین. چیغیرماق یئرینه اونو فوراً و آراملیقلا سئودیگی ایشه تشویق ائدین. مثلاً گؤرسز اوشاق مبلین دسته‌لرینه دیرماشیر، چیغیرماق یئرینه اونو یئره قویون و اویناتمالیلاری ایله اونونلا اوینایین یا اونا کتاب اوخویون. بو ایش، اوشاغین اشتباهلارینا مانع اولماقدان علاوه اونا بعضی ایشلرین گؤرمه‌مه‌لی اولدوغونو اؤیردر.

اوشاغا ناهاردان و یا شامدان اوّل، قیویر-زیویر یئمگی قدغان ائله‌میش اولساز، آغلاییب عالمی بیر-بیرینه قاتسا دا اونا بو ایشه اجازه وئرمه‌مه‌لیسیز. بیر دفعه تسلیم اولورساز، او بو ایشی اؤیرنر و همیشه چیغیرماق و آغلاماقدان اسلحه کیمی سیزین علیه-یزه استفاده ائلر.

اوشاغین تربیتی اوچون هئچ واخت اونا منطقسیز سؤز دئمه‌یین و دئدیگیزین‌ده اوستونده دایانین. بو مسأله‌ده آتا-آنا هماهنگ اولمالیدیلار. اولماز کی بیری اوشاغا طرف چیخسین و او بیری سؤزون یئریتمگه چالیشسین. بونون نتیجه‌سی مثبت اولماز.

باشاردیغیز قدر مثبت اولون. اوشاغا همیشه «یوخ»، «دَیمه»، «ائله‌مه» و بو کیمی سؤزلر دئسه‌ز، بیر مدّت سونرا داها سیزی حسابا قویمایا‌جاق. «یوخ» سؤزونو هر یئرده خرجله‌مه‌یین اونو فقط ضروری یئرلرده ایشله‌دین. مثلاً اوشاق یاندیران و خطرلی بیر شئیین اوستونه گئدنده تئز و قاطعیّتله «یوخ» دئمه‌لیسیز. خطرسیز یئرلرده لزومو یوخدور «یوخ»دان استفاده ائلیه‌سیز. مثلاً بونون یئرینه کی دئیه‌سیز: «یوخ! ماشیندا باشماق چیخارتمازلار». یاخشی اولار دئیه‌سیز: «ائوه یئتیشه‌نه قدر اونلاری آیاغیندا ساخلا ! یئتیشندن سونرا آیاقلین یئرییه بیلرسن».

 اوشاقلار سیزین دئدیکلریزدن چوخ، عمللریزه باخیرلار. اؤیرشدیکلری‌نین چوخو بؤیوکلردن تقلید ائله‌دیکلریدیر. بونا گؤره سؤزله اؤیرتمکدن علاوه، اونلارا بیر ایشی اؤیرتمکدن اؤترو او ایشی اونلارین گؤزونون قاباغیندا ائله‌یین. مثلاً اوشاغیز دوستلارینی وورورسا، مهربانلیغی اونا عملاً اؤیردین. دوستلاری‌نین بیرینی مهربالیقلا قوجاغیزا آلین. اوشاق‌دا اونلارا محبّت ائله‌مگی اؤیرنر. یا مثلاً دیشلرینی یوماق اونا آغیر گلسه، هیجانلی اولماق اوچون بو ایشی بیرلیکده گؤرون.

یاخشی ایشلری تشویق ائدین. اوشاقلار بعضاً یاخشی رفتاری باجارمادیقلاری اوچون پیس رفتار ائلیرلر. بونا گؤره اونا یاخشی عملین نه اولدوغونو اؤیرتمه‌لیسیز. اوشاق یاخشی ایش گؤرنده اونو تشویق ائدین. بئله‌لیکله او سیزین هانسی عمل‌لردن خوشوز گلدیگینی بیلر.

+ نوشته شده در  پنجشنبه دهم مرداد 1392ساعت 8:9 AM  توسط میرزه عبدالصمد ملکی əbdüssəməd  | 

فتوای جدید آيت الله بيات زنجاني در مورد نوشیدن اضطراری آب در ماه رمضان

این مطلب عیناً از سایت رسمی آن مرجع (http://bayatzanjani.net/fa/news/article-340.html) نقل می گردد:

 آيت الله بيات زنجاني در فتوايي جديد ابراز داشتند:
"با استناد به موثقه عمار و روايت مفضل ابن عمر از امام صادق(ع) كه در باب ١٦ وسائل الشيعه از ابواب "من يصح منه الصوم" آمده است، كساني كه روزه مي گيرند ولي تاب و تحمل تشنگي را ندارند، فقط به اندازه اي كه جلوي تشنگي شان را بگيرد مي توانند آب بنوشند و در اين حالت روزه شان باطل نبوده و قضا هم ندارد
."

لازم به ذکر است نظر فقهی معظم له در رسالۀ عملیه به این شکل نبوده و این نظر فقهی جدید ایشان است./

------------------------------------

 

 مرجع عالیقدر به استفتائات دیگری که در پی انتشار این فتوا برای دفتر ارسال شده است پاسخ دادند.

 استفتاء اول:

سؤال: ضمن عرض سلام؛ حضرتعالی در فتوائی فرموده اید:
با استناد به موثقه عمار و روايت مفضل ابن عمر از امام صادق(ع) كه در باب ١٦ وسائل الشيعه از ابواب "من يصح منه الصوم" آمده است، كساني كه روزه مي گيرند ولي تاب و تحمل تشنگي را ندارند، فقط به اندازه اي كه جلوي تشنگي شان را بگيرد مي توانند آب بنوشند و در اين حالت روزه شان باطل نبوده و قضا هم ندارد.
حال سؤال من اینجاست آیا فردی که در چنین شرایطی قرار گرفته، می تواند احتیاطاً و از روی استحباب روزۀ خود را قضا کند؟


پاسخ: "باسلام و تحیت؛ احتیاط همیشه امری پسندیده است ودر فرض سؤال نیز احتیاط مستحب آن است که فرد روزۀ خود را در وقت مقتضی، قضا کند."

 

 استفتاء دوم:

سؤال: در خصوص فتوای جدید حضرت آقا در خصوص كساني كه روزه مي گيرند ولي تاب و تحمل تشنگي را ندارند، فقط به اندازه اي كه جلوي تشنگي شان را بگيرد مي توانند آب بنوشند استدعا دارم از آن بزرگوار سوال بفرمائید : آیا اشخاصی که ناراحتی دستگاه گوارش دارند و به همین دلیل نباید معده ایشان خالی بماند می توانند روزه گرفته و اندکی غذا برای خالی نماندن معده تناول فرمایند ؟
پاسخ: با سلام و تحیت؛ در فرض سوال اگر احتمال ضرر و زیان قابل توجه به دلیل روزه گرفتن داده شود، روزه گرفتن جایز نیست.
لازم به ذکر است فتوای مذکور مربوط به مورد و شرایط خاص است و از آن موارد با شرایط قید شده نمی توان به موارد دیگر تعدی کرد. بنابراین آن دو روایت مورد استناد در فتوا، تنها مربوط به "آب" است که آن هم با شرایط خاصی که از موارد بارز "ضرورت" می باشد، محسوب می شود.


آيت‌الله العظمي بيات زنجاني در اظهاراتي جديد در جمع  تعدادي از علما و روحانيوني كه در دفتر ايشان حضور يافته و پيرامون فتواي اخير معظم له شبهات و نظراتي داشتند، بياناتي اظهار داشتند كه عينا از سايت ايشان منتشر مي‌گردد:

 

بسم الله الرّحمن الرّحيم

همانطوري كه حضرات مستحضرند در متون روايي و فقهي ما پيرامون روزه شيخ و شيخه (پيرمرد و پيرزن) و ذوالعطاش (مبتلا به مرض تشنگي)، بحثي داريم كه آيا افطار آنها از باب رخصت است يا عزيمت؟ يعني مختارند كه افطار كنند يا موظف به افطار روزه هستند؟ در خلال همين بحث، درباره افرادي بحث شده كه بيماري تشنگي ندارند و عنوان "ذوالعطاش" بر آنها صدق نمي‌كند، اما دچار عطش مقطعي و اتفاقي مي‌شوند و نمي‌توانند روزه خود را ادامه دهند. مثلاً كارگري روزه گرفته و در اثر گرما احتمال دارد ادامه روزه منجر به غش و حتي مرگ شود. اين فرد ذوالعطاش نيست، اما دچار عطش شديد مقطعي شده است. در اين مورد امام صادق (عليه‌السلام)فرموده‌اند كه آنان مي‌توانند آب بنوشند. دو روايت در اين‌باره وارد شده كه هر دو هم به نظر اينجانب معتبر است. البته در نسخه وسائل در موثقه عمار، كلمه عطاش آمده است، ولي در تهذيب، كلمه عطش آمده كه همين درست است، چون ذوالعطاش لازم نيست به اندازه رمق آب بخورد، چراكه مطابق صحيح محمد ابن مسلم اساساً روزه بر او واجب نيست. سند موثقه عمار، احمد بن ادريس از نظر نجاشي و شيخ ثقه است. محمد بن احمد به دليل احمد بن محمد بن حسن  همان ابن يحيي است. اينجا سلسله سند وسائل اصح است، با اينكه معمولا تهذيب اصح است. احمد بن حسن و عمرو بن سعيد و مصدق بن صدقه و عمار همگي اگرچه فطحي مذهب هستند ولي همگي ثقه هستند.

سند روايت دوم (روايت مفضل) هم ما معتقديم معتبر است و اين دو روايت از حيث سند جاي بحث ندارد.

روايت مفضل انگار كه درباره امروز است و درباره افرادي ست كه به دليل تشنگي فراوان، قادر به ادامه روزه نيستند. حضرت هم نمي‌گويد كه: "روزه‌شان را تمام كنند ولو اينكه در فشار قرار گيرند" و نيز نمي فرمايند كه روزه شان را افطار كنند و بعد كفاره دهند و يا قضا كنند، بلكه راهنمايي مي‌كنند كه با خوردن آب به مقدار ضرورت، به روزه ادامه بدهند. البته برخي از اعاظم و اعلام فرموده‌اند كه اينجا درباره افطار يا ادامه روزه سكوت شده و طبق قواعد عامه دال بر ابطال روزه است، اما به اين نكته توجه نشده كه اگر عمومات در اينجا حاكم بود، نياز نبود كه گفته شود روزه‌دار «بقدر ما يمسك رمقه» بخورد.

به نظر من نسبت اين روايت با روايات عمومات، نسبت شبه حكومت است نه تخصيص. امام (ع) از عنوان افطار استفاده نكرده و اساساً چنين شربي را مثلاً مانند ريختن دارو به زور به حلق روزه دار مفطر نمي‌دانند چراكه آنجا از عبارت "افطر" استفاده فرمود.

دقت در موثقه عمار و روايت مفضل  نشان مي‌دهد كه معصوم (ع) در عنوان «مفطر» تصرف كرده و چنين شربي را موضوعاً از عنوان مفطرات خارج كرده است. پس اين دو روايت بر عمومات تقدم دارد و الا لغويت اين دو روايت لازم مي آيد.

با اين وجود مطلبي جامع تر و كاملتر پيرامون اين فتوا به زودي در اختيار دوستان قرار خواهد گرفت.

+ نوشته شده در  سه شنبه هشتم مرداد 1392ساعت 1:7 PM  توسط میرزه عبدالصمد ملکی əbdüssəməd  | 

حضرت علی‌نین (ع) شهادتی باره‌ده نئچه فرقلی روایت

ابن ابی الدنیا (م 281) اوچونجو قرنین محدث و تاریخچی‌سی ایدی کی حضرت علی‌نین (ع) شهادتی باره‌ده مستقل کتاب یازیب. بو کتاب، بو باره‌ده الیمیزه چاتان اَن قدیمی کتاب ساییلیر.

مستقل کتابدان سؤز گئدنده، اوّلدن آخره قدر بیر موضوعدا و بوردا امام علی‌نین (ع) شهادتی باره‌ده یازیلان کتاب نظرده توتولور. البته تاریخ طبری و یعقوبی کیمی عمومی تاریخ کتابلاریندا دا بو باره‌ده سؤز یازیلیب.

امام علی‌نین (ع) شهادتی باره‌ده یازیلان اثرلر آراسیندا «ابن ابی الدنیا» نین کتابی گونوموزه چاتان اَن قدیی کتابدیر. هرچند اوندان اوّل‌ده آیری اثرلر واریمیش. بو اثرین آدی «امیر المؤمنین علیه السلامین مقتلی» دیر کی بیرینجی دفعه مرحوم عبدالعزیز طباطبایی طرفیندن تراثنا مجله‌سی‌نین 12-جی نمره‌سینده (1408ق) یاییلدی.

کتابین یازانی ابن ابی الدنیا قرشی‌یه معروف اولان ابوبکر عبدالله بن محمد بن عبید (208 - 281) تاریخ و حدیث زمینه‌سینده عالم ایدی کی حدیث و تاریخ زمینه‌سینده مختلف کتابلار یازمیشدی.

او، تاریخچی طبری‌دن اوتوز ایل اوّل وفات ائتمیشدی.

اونون کتابیندا مختلف تاریخی مأخذلردن نقل اولموش 119 روایت وار. هر بیر روایت امام علی علیه السلامین شهادت جریانی باره‌ده بیر داستاندیر کی زمینه‌لر و طبعاتین‌دا ایضاح ائدیب. بو روایتلرین هامیسی «ابن ابی الدنیا»نین دیلی‌ ایله «حافظ حسین بن صفوان برذعی» (م 340) آدلی شخص طرفیندن نقل اولور.

هر خبرین راویلری «ابن ابی الدنیا»دان خبرین اصل منبعینه قدر، نقللرین چوخونون اوّلینده گلیب. اونلارین بعضیسی شیعه تاریخچیلری و بعضیسی عامه (سنّی) تاریخچیلریدیر. مثال اوچون بو سند: . . . . عن جابر بن عبدالله جعفی، عن محمد بن علی [امام باقر] . . . سونرا امام علی‌نین (ع) وصیّتینی امام مجتبی‌یه (ع) نقل ائدیب.

بیرینجی روایت امام علی‌نین (ع) سحر اوّل وقت مسجده یوللانان زماندان یازیر کی قوشلار او حضرتین قاباغینا چیخیب اؤتمگه باشلادیلار. اصحاب قوشلاری اوزاقلاشدیرماغا چالیشدیردیلار آما حضرت بویوردو: «قوومایین! اونلار نوحه اوخورلار».

امام علی علیه السلامین شهادت روایتلری بو کتابدا فرقلی نقل اولوب. طبری تاریخینده اولدوغو کیمی بو کتابدا دا فرقلی و متعارض روایتلر، دال به دال گلیب.

حسن بن دینار، حسن بصری‌دن روایت ائدیر کی دئدی: او گئجه علی بن ابی طالب دئدی: «انّی مقتول لو قد أصبحت. سحر آچیلاندا من مقتول اولاجاغام».

بو کتابین بئشینجی روایتینده هشام بن محمد کلبی‌نین دیلی ایله بئله گلیر: نخع‌دن بیر کیشی منه روایت ائتدی کی «صالح بن میثم بن عمران بن میثم تمار» آتاسیندان بئله روایت ائتدی: «علی صبح نمازی اوچون ائشیگه چیخدی. نمازین تکبیرینی دئدی. سونرا انبیاء سوره‌سیندن اون بیر آیه اوخودو. بو آندا، ابن ملجم قیلینجلا او حضرتین فرقیندن ووردو. جماعت اونون باشینا تؤکولوب قیلینجی الیندن آلدیلار. اونلار نمازدایدیلار. علی رکوع‌یه گئتدی سونرا سجده ائتدی. من اونو گؤردوم قان باشیندان آخیردی و او سجده ائدیردی. باشی‌نین قانی او طرف بو طرفه تؤکولوردو. یئنیدن ایکینجی رکعته قالخدی آما حالی دَییشدی. قرائتینی آراملاتدی. سونرا اوتوروب تشهد و سلام وئریب مسجدین دیوارینا دایاندی».

یئدینجی روایتده بئله گلیب: «ابن بجره اشجعی» ایله «ابن ملجم» قرار قویموشدولار قیلینجلا اماما حمله ائله‌سینلر. بیری‌نین قیلینجی سهوه گئتدی و دیوارا دَیدی و ابن ملجمین قیلینجی اصابت ائتدی. اونلارین هر ایکیسی‌ده قاچدیلار. ابن بجره کنده‌یه طرف و ابن ملجم بازارا طرف. ابن ملجمی توتوب امامین نزدینه گتیردیلر.

11-جی روایتده بئله گلیب: واقعه‌دن ایکی گئجه اوّل، امام مسجده وارد اولوب اورداکیلاری یوخودان اویالدیردی. ابن ملجم او حضرتین نزدینه گلیب امامی توبه‌یه چاغیران بیر مکتوب وئردی. امام او آن اونو اوخویا بیلمه‌دی. نمازدان سونرا آچیب اوخودو. اوندا بئله یازیلمیشدی: «سنی شرکدن توبه ائله‌مگه چاغیریرام». حضرت بویوردو: «بو نامه‌نین صاحبی کیمدیر؟» هئچ کسدن جواب گلمه‌دی. امام آغیز سویونو اونا آتیب محو ائدیب ائشیگه آتیب بویوردو: «الله‌ین لعنتی اونا اولسون».

12-جی روایتده امام باقر علیه السلامین دیلی ایله بئله گلیب: الله تعالی شهادت کرامتینی ابن ملجمین ضربتی ایله امام علی‌یه (ع) نصیب ائتمه‌سی‌نین اراده ائله‌دیگی زمان، ابن ملجم، بنی اسد مسجدینده ایدی. هاوا قارالاندا کندی‌لرین ائولریندن بیرینه گئتدی. اوندان بیر جمعه اوّل، امام منبره چیخیب بویوردو: «الله پیغمبری‌ (ص) منه بویوردو « لایبغضک مؤمن و لا یحبک کافر» مؤمن سندن غضبلنمز و کافر سنی سئومز. و آرتیردی: یوخودا گؤردوم بیر شیطان منه ضربه ووروب ساققالیمی باشیمین قانینا ایسلادیب. آما بو منی ناراحت ائتمه‌دی. . .

معهود گئجه‌سی ابن ملجم قاپی یانیندا کمین قوردو. امام نماز اوچون مسجده وارد اولاندا ابن ملجم ضربه‌سینی یئندیردی. محمد بن حنیفه حضرتین یاخینلیغیندا دورموشدو. اونو توتدو. جماعت‌ده ابن ملجمه هجوم ائتدیلر کی اونو اؤلدورسونلر. امام علی (ع) بویوردو: «دؤزون، اونو اؤلدورمه‌یین. قالسام اونو قصاص ائدرم و یا باغیشلارام. قالمازسام جان، جان مقابلینده».

13-جو روایت عبدالغفار بن قاسم انصاری‌نین دیلی ایله بئله نقل اولوب: نئچه نفردن ابن ملجمین گئجه‌نی اشعث بن قیسین ائوینده یاتدیغینی ائشیتدیم. ائله او ایدی کی سحر وقتی اونا دئدی: سحر اولدو ! (یعنی تئز اول یوبانما !)

همان سحر «بنی کنده» مسجدی‌نین اذانچیسی «حجر بن عدی» ایدی. ائله او، مناره باشیندان دئدی: «اعور علی‌نی اؤلدوردو». (ابن ملجم بیر گؤزلو ایدی.) سونرا اشعثه خطاباً دئدی: «ابن ملجم سنین یانیندایدی و سن اونونلا پیچیلداشیردین».

91-جی روایتده «زحر بن قیس»ین دیلی ایله بئله گلیب: حسن بن علی منی مدائنه گؤندردی کی شهادت خبرینی اوردا اولان حسین بن علی‌یه چاتدیرام. یئتیشنده حسین بن علی دئدی: «زحر! نییه رنگین آتیب؟» دئدیم: «امیرالمؤمنینی بو دنیاده حیاتی‌نین سون گونونده و او دنیاسی‌نین اوّل گونونده ترک ائتمیشم. بو حسنین سیزه مکتوبودور». امام سوروشدو: «اونو کیم اؤلدوردو؟» دئدیم: «فاسق مارقیندن عبدالرحمان بن مجلم آدیندا بنی مراددان بیر نفر». سوروشدو: «اؤلدورولدو؟» دئدیم: «بلی» تکبیر دئییب آرتیردی: « انا لله و انا الیه راجعون و الحمد لله رب العالمین، نه بؤیوک مصیبت ! بونونلا کی الله رسولی بویوردو: هر زمان سیزه مصیبت گلسه، منیم مصیبتلریمی یادا سالین کی اوندان یوخاریسی یوخدور. الله رسولی دوز دئدی و بو مصیبت او مصیبتدن سونرا اَن بؤیوک مصیبتدیر و من عمرومده اوندان یوخاریسینی گؤرمیه‌جگم. سونرا بویوردو: ان البلاء الینا أهل البیت سریع. مصیب بیز اهل بیته طرف سرعتلیدیر. و الله المستعان. حسین بن علی مدائن جماعتینی ییغیب امام حسنین نامه‌سینی اونلارا اوخودو. بو آندا «عبدالله بن سباء» آدینا تانینان همدان اهلیندن اولان ابن السوداء دئدی: «علی‌نی قبرده ده گؤرسم، بیلیرم کی ظهور ائده‌نه قدر اؤلمیه‌جک. بو آندا جماعتین آغلاشماسی و استغفاری گؤیه قووزاندی و حسین بن علی‌یه تسلیت دئدیلر و او حضرت جماعتله کوفه‌یه قاییتدی.

+ نوشته شده در  سه شنبه هشتم مرداد 1392ساعت 5:43 AM  توسط میرزه عبدالصمد ملکی əbdüssəməd  | 

امام حسن(ع) و امام حسینین(ع) یاش فرقلری نه قدر ایدی؟

شیعه عالمی‌نین ایکینجی امامی امام حسن (ع)، حضرت علی‌ ایله (ع) پیغمبرین قیزی حضرت فاطمه‌نین (س) ائولنمه‌سی‌نین بیرینجی مولودو ایدی.

هجرتین  اوچونجو ایلینده رمضانین یاریسیندا دنیایا گؤز آچدی. امام حسن (ع) کرامتلی جدّی‌نین دورانیندان نئچه‌ ایلدن آرتیق گؤرمه‌دی. اسلامین عزیز پیغمبری رحلت ائدنده، اونون تقریباً یئددی یاشی واریدی. پیغمبرین رحلتیندن سونرا تقریباً اوتوز ایل آتاسی امیرالمؤمنینین کناریندا اولدو. حضرت علی‌نین (ع) شهادتیندن سونرا اون ایل بویو مسلمانلارین امامتینی عهده‌لرینه آلدیلار. و نهایت 50-جی هجری ایلینده معاویه‌نین توطئه‌سی ایله 48 یاشیندا مسمومیت تأثیرینده شهید اولوب مدینه‌نین بقیع قبرستانیندا دفن اولدو.[1]

امام حسین (ع)، هجرتین دؤردونجو ایلی‌نین شعبانین اوچونجو گونونده مدینه ‌شهرینده دنیایه گؤز آچدی.

او حضرت عمرونون آلتی ایلینی کرامتلی جدّی‌نین دورانیندا یاشادی. پیغمبرین (ص) رحلتیندن سونرا اوتوز  ایل آتاسی حضرت علی‌نین(ع) کناریندا اولدو. امیرالمؤمنینین شهادتیندن سونرا اون ایل قارداشی‌نین کناریندا اولدو. قارداشی‌نین شهادتیندن سونرا اون ایل بویو معاویه‌ ایله مخالفت ائله‌دی، اونو اؤلوموندن سونرا دا اوغلو یزیدین قاباغیندا دایانیب 61-جی هجری ایلی‌نین محریمین عاشورا گونونده کربلا وادی‌سینده شهادته چاتدی.[2]

ابن شهر آشوبون یازدیغینا گؤره او حضرتین ولادتی قارداشی امام حسندن (ع) اون آی ایرمی گون سونرا اولوب. او گون سه‌شنبه و پنجشنبه گونو ایدی. بیر آیری روایتده، او حضرتین قارداشی ایله یالنیز بیر حمل مدّتی فاصله اولدوغو ذکر اولوب. حمل مدّتی آلتی آیدیر.[3]



[1] . پیشوالار سیره‌سی, ص 87.مهدی پیشوایی , قم ، امام صادق (ع) مؤسسه‌سی ،1379 ش،چاپ 11 .

[2] . همان , ص 143 .

[3] . منتهی الامال ، ج1 ، ص 522 ،شیخ عباس قمی ،قم ، هجرت نشریّاتی ،1378 ، اون اوچونجو چاپ .

+ نوشته شده در  چهارشنبه دوم مرداد 1392ساعت 3:59 PM  توسط میرزه عبدالصمد ملکی əbdüssəməd  | 

اوروجلوق آیی‌نین گونده‌لیک دعالاری

اوروجلوق آیی‌نین 16-جی گونونون دعاسی:

"ایلاهی، بو گون یاخشی بنده‌لرین تایی اولماغی منه نصیب ائت! منی پیس آداملاردان اوزاقلاشدیر! بو گون منه اؤز رحمتینله‌ جنّت قرارگاهیندا یئر وئر! الله‌لیغینا آند وئریرم، ائی عالم‌لرین الله‌-ی".

بسم الله الرحمن الرحیم
اللهمّ وَفّقْنی فیهِ لِموافَقَةِ الأبْرارِ وجَنّبْنی فیهِ مُرافَقَةِ الأشْرارِ وأوِنی فیهِ بِرَحْمَتِک الى دارِ القَرارِبالهِیّتَک یا إلَهَ العالَمین .


اوروجلوق آیی‌نین 17-جی گونونون دعاسی:

"ایلاهی، بو گون منی صالح عمللره دوغرو یؤنلت! احتیاج و آرزولاریمی یئرینه یئتیر! ائی ایضاحا و سؤالا احتیاج‌سیز، قلبلرده‌کیندن خبردار اولان الله! محمده و پاک اهل-بیتینه سنین صلواتین اولسون".

بسم الله الرحمن الرحیم
اللهمّ اهْدِنی فیهِ لِصالِحِ الأعْمالِ واقْضِ لی فیهِ الحَوائِجَ والآمالِ یا من لا یَحْتاجُ الى التّفْسیر والسؤالِ یا عالِماً بما فی صُدورِ العالَمین صَلّ على محمّدٍ وآلهِ الطّاهِرین .


اوروجلوق آیی‌نین 18-جی گونونون دعاسی:

"ایلاهی، بو گون منی سحرلرین برکتی ایله اویات! قلبیمی بو سحرلرین ضیاسی ایله ایشیقلات! بدن عضو‌لریمی بو گونون تأثیرینه تابع اولماغا یؤنلت! نورونا آند وئریرم، ائی عارف‌لرین قلبینی نورلاندیران الله".

بسم الله الرحمن الرحیم
اللهمّ نَبّهْنی فیهِ لِبَرَکاتِ أسْحارِهِ ونوّرْ فیهِ قلبی بِضِیاءِ أنْوارِهِ وخُذْ بِکلّ أعْضائی الى اتّباعِ آثارِهِ بِنورِک یا مُنَوّرَ قُلوبِ العارفین .


اوروجلوق آیی‌نین 19-جو گونونون دعاسی:

"ایلاهی، بو گونون برکتی ایله منی بهره‌لندیر! خیرلیکلره دوغرو یولومو هامارلا! بو گونون احسانینی قبول ائتمکدن منی محروم ائتمه! ائی آشکار حق یولونون هدایتچی‌سی".

بسم الله الرحمن الرحیم
اللهمّ وفّرْ فیهِ حَظّی من بَرَکاتِهِ وسَهّلْ سَبیلی الى خَیْراتِهِ ولا تَحْرِمْنی قَبولَ حَسَناتِهِ یا هادیاً الى الحَقّ المُبین .


اوروجلوق آیی‌نین 20-جی گونونون دعاسی:

"ایلاهی، بو گون منیم اوزومه جنّت قاپیلارینی آچیب، جهنم قاپی‌لارینی باغلا! بو گون منی قرآن اوخوماقدا موفق ائت! ائی مؤمن‌لرین قلبینه آراملیق بخش ائدن الله".

بسم الله الرحمن الرحیم
اللهمّ افْتَحْ لی فیهِ أبوابَ الجِنانِ واغْلِقْ عَنّی فیهِ أبوابَ النّیرانِ وَوَفّقْنی فیهِ لِتِلاوَةِ القرآنِ یا مُنَزّلِ السّکینةِ فی قُلوبِ المؤمِنین .


اوروجلوق آیی‌نین 21-جی گونونون دعاسی:

"ایلاهی، بو گون سنین راضی‌لیغینا بایس اولان عمل‌لره دوغرو منه یول گؤستر! بو گون شیطانین منه حؤکمرانلیق یول‌لارینی باغلا! جنّتی منیم اوچون منزیل و آرامگاه ائت! ائی طلب اهلی‌نین احتیاجینی یئرینه یئتیرن الله!"

بسم الله الرحمن الرحیم
اللهمّ اجْعَلْ لی فیهِ الى مَرْضاتِک دلیلاً ولا تَجْعَل للشّیْطان فیهِ علیّ سَبیلاً واجْعَلِ الجَنّةِ لی منْزِلاً ومَقیلاً یا قاضی حَوائِجَ الطّالِبین .

 

اوروجلوق آیی‌نین 22-جی گونونون دعاسی:

"ایلاهی، بو گون فضل قاپیلارینی اوزومه آچ، برکتلرینی منه گؤندر. بو گون سنین راضی‌لیغینا باعث اولان ایشلرده منی موفّق ائت، منی جنّتین ان یاخشی یئرینده ساکن ائت. ائی بیچاره‌لرین دعاسینی قبول ائدن الله!"
بسم الله الرحمن الرحیم
اللهمّ افْتَحْ لی فیهِ أبوابَ فَضْلَک وأنزِل علیّ فیهِ بَرَکاتِک وَوَفّقْنی فیهِ لِموجِباتِ مَرْضاتِک واسْکنّی فیهِ بُحْبوحاتِ جَنّاتِک یا مُجیبَ دَعْوَةِ المُضْطَرّین .

 

اوروجلوق آیی‌نین 23-جو گونونون دعاسی:

"ایلاهی، بو گون منیم گوناهلاریمی یویوب، منی عیب‌لردن تمیزله! بو گون قلبیمی تقوا ایله خالص ائت! ائی گوناهکارلارین خطاسینا گؤز یومان الله!"

بسم الله الرحمن الرحیم
اللهمّ اغسِلْنی فیهِ من الذُّنوبِ وطَهِّرْنی فیهِ من العُیوبِ وامْتَحِنْ قَلْبی فیهِ بِتَقْوَى القُلوبِ یا مُقیلَ عَثَراتِ المُذْنِبین .

 

اوروجلوق آیی‌نین 24-جو گونونون دعاسی:

"ایلاهی، بو گون سنی راضی سالان عمل‌لری سندن ایسته‌ییرم. سنی قضبلندیرن عمل‌لردن سنه سیغینیرام. سنه تابع اولماق و سنه قارشی عصیان ائتمه‌مک اوچون یاردیم ایسته‌ییرم. ائی خواهش ائدن‌لره بخشش وئرن الله!"

بسم الله الرحمن الرحیم
اللهمّ إنّی أسْألُک فیه ما یُرْضیک وأعوذُ بِک ممّا یؤذیک وأسألُک التّوفیقَ فیهِ لأنْ أطیعَک ولا أعْصیک یا جَوادَ السّائلین .

 

اوروجلوق آیی‌نین 25-جی گونونون دعاسی:

"ایلاهی، بو گون منی سنین دوستلارینی سئونلردن، سنین دوشمنلرینله دوشمن اولانلاردان قرار وئر! منی سونونجو پیغمبری‌نین سنّتینه عمل ائدن‌لردن قرار وئر! ائی پیغمبرلرین قلبی‌نین هامیسی اولان الله!"

بسم الله الرحمن الرحیم
اللهمّ اجْعَلْنی فیهِ محبّاً لأوْلیائِک ومُعادیاً لأعْدائِک مُسْتَنّاً بِسُنّةِ خاتَمِ انْبیائِک یا عاصِمَ قُلوبِ النّبییّن .

اوروجلوق آیی‌نین 26-جی گونونون دعاسی:

"ایلاهی، بو گون منیم سعی‌لریمی قیمتلندیر، گوناهلاریمی باغیشلا، عملیمی قبول ائت، عیبلریمی اؤرت! ائی بنده‌لرینی هامیدان یاخشی ائشیدن الله!"

بسم الله الرحمن الرحیم
اللهمّ اجْعَل سَعْیی فیهِ مَشْکوراً وذَنْبی فیهِ مَغْفوراً وعَملی فیهِ مَقْبولاً وعَیْبی فیهِ مَسْتوراً یا أسْمَعِ السّامعین .

 

اوروجلوق آیی‌نین 27-جی گونونون دعاسی:

"ایلاهی، بو گون منه قدر گئجه‌سی‌نین فضیلتینی نصیب ائت! بو گون منیم ایشلریمی چتین‌لیکدن آسانلیغا دوغرو یؤنلت! عذرومو قبول ائت، گوناه یوکونو اوستومدن گؤتور! ائی صالح بنده‌لرینه قارشی مهربان اولان الله!"

بسم الله الرحمن الرحیم
اللهمّ ارْزُقْنی فیهِ فَضْلَ لَیْلَةِ القَدْرِ وصَیّرْ أموری فیهِ من العُسْرِ الى الیُسْرِ واقْبَلْ مَعاذیری وحُطّ عنّی الذّنب والوِزْرِ یا رؤوفاً بِعبادِهِ الصّالِحین .

 

اوروجلوق آیی‌نین 28-جی گونونون دعاسی:

"ایلاهی، بو گون منه یاخشی عمل‌لرین بهره‌سینی بول ائت! ایستکلریمی یئرینه یئتیرمکله منه کرامت گؤستر! سنه یئتمک اوچون یول‌لار ایچیندن سئچدیگیم یولو اؤزونه یاخین ائت! ائی اصرار ائدنلرین اؤز اصرارلاری ایله مشغول ائده بیلمدیکلری الله!"

بسم الله الرحمن الرحیم
اللهمّ وفّر حظّی فیهِ من النّوافِلِ واکرِمْنی فیهِ بإحْضارِ المَسائِلِ وقَرّبِ فیهِ وسیلتی الیک من بینِ الوسائل یا من لا یَشْغَلُهُ الحاحُ المُلِحّین .

 

اوروجلوق آیی‌نین 29-جو گونونون دعاسی:

"ایلاهی، بو گون منی اؤز سونسوز رحمتینله احاطه ائت! بو گون منه قوّت و عصمت نصیب ائت! اورگیمی تهمتچی‌لیک قارانلیغیندان تمیزله! ائی مؤمن بنده‌لرینه رحملی اولان الله!"

بسم الله الرحمن الرحیم
اللهمّ غَشّنی بالرّحْمَةِ وارْزُقْنی فیهِ التّوفیقِ والعِصْمَةِ وطَهّرْ قلْبی من غَیاهِبِ التُّهْمَةِ یا رحیماً بِعبادِهِ المؤمِنین .

 

اوروجلوق آیی‌نین 30-جو گونونون دعاسی:

"ایلاهی، بو گون منیم اوروجومو شکرلو و قبول اولونموش قرار وئر، اؤز بیلدیگین و پیغمبری‌نین بیلدیگی اوروجلاردان ائت! ائله اوروجلاردان کی، خیردا‌لیقلاری‌دا اساس ایمان اصولونا اساسلانسین. سنی آند وئریرم آغامیز محمّده و پاک نسلینه. عالملرین ربّی اولان الله‌-ـا حمد اولسون".

بسم الله الرحمن الرحیم
اللهمّ اجْعَلْ صیامی فیهِ بالشّکرِ والقَبولِ على ما تَرْضاهُ ویَرْضاهُ الرّسولُ مُحْکمَةً فُروعُهُ بالأصُولِ بحقّ سَیّدِنا محمّدٍ وآلهِ الطّاهِرین والحمدُ للهِ ربّ العالمین .

+ نوشته شده در  چهارشنبه دوم مرداد 1392ساعت 7:48 AM  توسط میرزه عبدالصمد ملکی əbdüssəməd  | 

اوروجلوغا حاضرلیق

اسلام دنیاسی، عزیز بیر قوناغی قبول ائله‌مگه حاضرلاشیر: مبارک رمضان آیی.

جسمیمیزی بو گؤزل گونلره حاضرلاماق‌دا چوخلو اهمیّت داشییر. بونا گؤره جسمیمیزی فیزیولوژیک جهتدن اوروجلوغا حاضرلاماق و گونده‌لیک قیدا رژیمیمیزی تنظیمه سالماغین یوخاری اهمیّتی وار.

اوروجلوقدان نئچه گون اوّلدن اوروج توتماغا باشلاماق پیغمبر (ص) سنّتی اولماقدان علاوه بدنیمیزه اورجلوق شرایطینه حاضرلاشماغا دا کؤمک ائلر.

ایکینجی نوع دیابتی اولانلار بو آیدا تازا گؤی و توت چوخ یئمه‌لی و دِسرلرینه دارچین آرتیرمالیدیلار. گونده‌لیق بیر ایکی چای قاشیغی قدر دارچین یئمک، قانداکی قندین مقدارینی تنظیمه سالار. غذادا کفایت قدر فیبر اولمالیدیر چونکی بو مادّه ده، قان قندی‌نین میزانینی تنظیمه سالار.

دیابتین ایکینجی نوعونا مبتلا اولانلار اورجلوقدا گون بویو اؤز یانلاریندا شیرین یئمه‌لی ساخلامالیدیلار کی هر وقت هیپوگلیسمیا (قان قندی‌نین آزالماسی) علامتلرینی مثلاً باش گیجللنمه، اورک بولانما و باش آغریسی، گؤرسه‌لر اوروجلارینی سیندیرماقدا شبهه ائله‌مه‌سینلر. بو علامتلر بدنین خبردارلیغیدیر.

اوروجلوقدا اوروج اولمایان ساعتلرده، بدنیزین لازم اولدوغو قدر مایعات ایچین. هئچ اولماسا گونده سککیز لیوان سو و اوندان علاوه میوه سویو، اوت دمله‌مه‌لیلری ایچین. بدنین سویونو آزالتماغا سبب اولان مایعات مثلاً قهوه و نوشابه کیمی شئیلر ایچمه‌یین. فیبرله دولو اولان یئمکلر مثلاً تازا گؤی و لوبیه‌لری بوللو مقداردا یئیین.

جسمانی حاضرلیقلاردان علاوه، ذهنیمیزی‌ده الله‌-ین قوناقلیق آیینا حاضرلامالی‌ییق؛ گونده‌لیک ذکرلر، مهربانلیق، خانواده رابطه‌لرینی گوجلندیرمک، اجتماعی رابطه‌لرینی گوجلندیرمک، اراده‌میزی گوجلندیرمک و صبر، بو یولدا گؤزل آددیملاردان ساییلیر.

+ نوشته شده در  چهارشنبه دوازدهم تیر 1392ساعت 5:58 PM  توسط میرزه عبدالصمد ملکی əbdüssəməd  | 

شیعه و سنّی اختلافی‌نین تاریخی و فکری ریشه‌سی

سون گونلر مصرده باش وئرن حادثه‌لرین[1] ریشه‌سی معاصر دورده اسلامدان رادیکال تلقّی‌یه قاییدیر. بو دهشتلی جنایتلره ال وورانلار، حدّدن آرتیق اؤز رهبرلرینه اینانیرلار و اؤز عقل و شعورلارینی کنارا قویوب جهالت اوزوندن بو جنایتلره ال وورورلار و حتّا اولا بیلر بو جنایتلری قربةً الی الله اولاراق حیاتا کئچیریرلر.

بو رفتارلارین قطعیاً دینی توجیهی یوخدور. بو عمللره مرتکب اولانلار دیندارلار یوخ بلکه اؤزلرینی دینه تحمیل ائدنلردیر. «زاویة أبومسلم» در منطقه هرم در استان "الجیزة" نزدیک قاهره،

تأسفله اسلام تاریخینده ایستر سنّی و ایستر شیعه اولسون، بیر جور تلقّی وار کی ریشه‌سی اشعری‌لیک و اخباری‌لیغا قاییدیر. بو تلقّی هر شئیی نقل آچیسیندان گؤرور. بیر موضوعدا روایت اولاندا، داها آیری بیر شئیه اهمیّت وئرمیرلر و اونا عمل ائله‌مگه چالیشیرلار. بیر حالدا کی بیر نقل، دینه نسبت وئریلنده؛ اونون نه قدر معتبر اولوب-اولماماسی، نه قدر زمان و مکان شرایطینه باغلی اولماسی، نه قدر آیری زمان و مکانلارا سرایت تاپا بیلمه‌سی جهتدن آراشدیریلمالیدیر. تأسفله داها بونا اهمیّت وئرمیرلر.

عقله و فلسفه‌یه دقّتسیز اولماقدان علاوه، دَییشمک و تغییره ده دقّت یئتیرمیرلر. بو عمللره مرتکب اولانلار نقل مفهومونا عقل ایله باخا بیلسه‌ ایدیلر بیر مطلبین عینیّاتیندان علاوه اونون اصل‌لرینی‌ده گؤره بیلردیلر. اونلار، حتّا انتزاعی بیر مئتودلا، ساده بیر اصلی‌ده کئچمیشدن انتزاع ائده بیلیمیرلر. هر شئیه سطحی و تجریدی باخیرلار. ذهنلرینده‌کی استدلاللار بیر-بیرلریله رابطه‌سی اولمایان جزیره‌لر کیمیدیر. چاتدیقلاری بیر نتیجه‌نین آیری نتیجه‌لرله اویغون گلمه‌دیگینی گؤره بیلمیرلر. اونلارین بیلدیکلرینه آیری بیر شئیین آرتیرا بیلمه قابلیّتلری یوخدور چونکی اؤزلری‌نین قطعیاً تحلیل گوجلری یوخدور. اونلار حدّدن آرتیق اؤز رهبرلرینه باغلیدیلار و حقیقتده اؤزلرینی، آداملیقلارین کنارا بوراخیب، جهالت اوزوندن رهبرلری‌نین امری ایله، بو جنایتلره ال ووروب و بونو قربة الی الله اولاراق یئرینه یئتیریرلر.

تاریخ بویو شیعه و سنّی بؤیوکلری وحدتین یارانماسی یولونودا چوخلو چالیشمالار آپاریبلار. آما بو کیمی حادثه‌لر،  بوندان آرتیق ایشله‌مگین لازم اولدوغونو گؤستریر. بو ایکی مذهبین بؤیوکلری بو مسأله اوستونده جدّی صورتده دوشونمه‌لیدیلر. اونلار اختلافلی مسأله‌لرین اوستونده دانیشماسالار بو ایشی توده‌لر و اونلاری منحرف ائدنلر عهده‌لرینه آلاجاقلار. حقیقتده ایندیکی وضعیّت، دینه توده‌ای باخماغین نتیجه‌سیدیر. 

سلفی دوشونجه و اخباریلیق دینه یاراشان و رحمت پیغمبرینه یاراشان دوشونجه دئییل. تأسفله هم شیعه و سنّی دنیاسیندا تفرقه زمینه‌سی وار. یعنی هر ایکی طرفده‌ده بیر عدّه وار کی منفعتلرینی فرقه‌چیلیکده و سلفی دوشونجه‌سینده گؤرورلر. ایندی بو سلفی، سنّی‌ده اولا بیلر شیعه‌ده اولا بیلر.

هر حالدا بو ایکی مذهبین عقلاسی، بیرلیکده دانیشیب دوشونوب چاره یولو تاپمالیدیلار.

شیعه و سنّی دنیاسیندا بو اختلافلی مسأله‌لرین یانیندا وحدته آپارا بیلن چوخلو یوللار دا وار. فقط اونلارا اهمیّت وئرمک لازمدیر.



[1] . نیمه شعبان گئجه‌سی مصرین «الجیزه» استانین «هرم» منطقه‌سی‌نین «زاویة أبومسلم» کندینده بیر عدهّ سلفی، نیمه شعبان مراسیم اولان بیر ائوه هجوم ائدیب، بئش نفری فجیع شکیلده اؤلدوروب دیگرلرینی‌ده کؤتک آلتینا سالیبلار. پلیس گوجلری یاخیندا اولسالاردا، هجوم ائدنلرین چوخلوقلارینا گؤره حادثه‌ده دخالت ائده بیلمه‌ییبلر.

+ نوشته شده در  شنبه هشتم تیر 1392ساعت 8:32 PM  توسط میرزه عبدالصمد ملکی əbdüssəməd  | 

پیسلیک قارشیسیندا یاخشیلیق

حضرت علی‌دن (ع) روایت اولونان حدیثده بئله بویورولور:

“سیزی ایسته‌مه‌ینلره و سیزینله عداوت ائدنلره قارشی یاخشیلیق ائتمگینیز اونلارا قارشی پیسلیک ائتمگینیزدن داها تأثیرلیدیر و اونلارین اصلاح اولونماسینا سبب اولار.”

(غرر الحکم، 3637-جی حدیث)


پیسلیک ائدن انسانین قارشیلیغیندا یاخشیلیق ائتمک بو معنادا دئییل کی سیزه داها آغیر ضربه وورماسی اوچون اونا کؤمک ائده‌سیز بلکه بو آنلامدادیر کی اونو بیر الله قولو کیمی، بیر انسان کیمی سئوه‌سیز و سعادتی اوچون الیزدن گلنی ائده‌سیز. عیناً بیر آتا-آنانین بالایا ائله‌‌دیگی کیمی. اولاد نه قدر والدینه پیسلیک ائله‌سه ده آتا-آنا اونون تنبیهی اوچون هر نه ائتسه‌لر ده هئچ وقت اونون بدبختلیگین ایسته‌مزلر.

+ نوشته شده در  پنجشنبه ششم تیر 1392ساعت 3:17 AM  توسط میرزه عبدالصمد ملکی əbdüssəməd  | 

وبلاگ گروهي منطقه اي براي جذب توريست


مینجیق وبلاگیندان دَیَرلی یازی:

وبلاگ گروهي منطقه اي براي جذب توريست


+ نوشته شده در  چهارشنبه پنجم تیر 1392ساعت 11:25 PM  توسط میرزه عبدالصمد ملکی əbdüssəməd  | 

جوت قولاق و بیر دیل، معناسی نه‌دیر؟

جوت قولاق و بیر دیل، معناسی نه‌دیر؟

بیر دئییب ایکسین ائشیتمگیندیر.

سوسماغین باشی‌نین راحتلیغی‌ ایله،

شیطانی ایچینده اریتمگیندیر.

قارداشا گولومسه اجر قازان سن،

بونو باجارماسان خیرله دیندیر.

اؤنونده دایانان هر انسان ایله،

فرصت تاپان کیمی اونو سئویندیر.

گولر اوز، ایچیندن گلمه‌ین آنلار،

اؤنونده اولانی دینله، بسیندیر.

چونکی، دانیشان چوخ، دینله‌ین آزدیر،

گؤزل دینله‌ین کس خالقا شیریندیر.

ان گؤزل دینله‌ین الله ائلچیسی،

بو یولدا نمونه‌ن و منهجیندیر.

کسمه‌دی دانیشان کسین سسینی،

«بیتدیمی صحبتین» دئیَن امیندیر.

سؤز کسمک گؤزلره چوخ گؤرونمه‌ین،

منشأیی بیلینمز بیر دوشمنین‌دیر.

اولما هر صحبتین قولاق شاهدی،

ظنّ ائتمه، دوشمنین تکجه دیلیندیر.

گؤزلرین گؤردوگو گناهلار ایسه،

شرفی آپاران بیر عادتیندیر.

سفئهین جوابی سوسماقدیر بعضاً،

بعضاً ده دانیشماق حقّی سنیندیر.

علم اینجه‌دیر، سرت اورکلره گیرمیر،

سرت اورک اخلاقا حاجتیندندیر.

علم دقیق اولور، بو اوزدن‌ده او،

گناهی خوشلامیر، چونکی، او دیندیر.

گؤزلجه دینله‌ین ییغار معلومات،

دینله‌مک بیلمه‌ین یول جاهلیندیر.

عالملر ایللرله علمی دینله‌میش،

بو ایسه بیل، اخلاص نعمتیندندیر!

+ نوشته شده در  دوشنبه سوم تیر 1392ساعت 5:52 PM  توسط میرزه عبدالصمد ملکی əbdüssəməd  | 

بوتون دینلرده منجی واردیر

منجی بحثی تقریباً بوتون دینلرده، ایستر وحیانی دینلرده و ایستر غیری- وحیانی دینلرده واردیر. آزیندان بیر عدّه‌نین اعتقادینا گؤره هندو و بودا دینلری وحیانی دین اولمادیقلارینا رغماً او دینلرده ده منجی بحثی مطرح اولوب. او دینلرین انیانجینا گؤره آخرالزماندا بیر نفر گله‌جک و وحیانی دینلرده مطرح اولان منجی‌نین ایشلرینی گؤره‌جک.

بودایی دینینده آخرالزماندا ظهور ائدن بودالاردان سؤز گئدیر. هندو دینینده ده «کریشنا»یا مختلف تجلّی‌لر تانیرلار کی انسانلارین نجاتی اوچون «کریشنا»نین سون تجلّی‌سی آخرالزماندا باش وئره‌جک. وحیانی دینلرده، _اسلام، مسیحیت و حتّا زردوشتلیکده_ آخرالزماندا ظهور ائدن شخصه نسبت وئریلن ایشلر، بودا و هندو دینلرده ده آخرالزماندا گلن شخصه نسبت وئریلیر.

اسلامدا آخرالزمان منجی‌سینه، ایکی مختلف باخیش وار. بیری شیعه طرفیندن و بیر اهل سنّت طرفیندن. بیز شیعه‌لری او حضرتین وارلیغینا و غیبتده اولدوغونا اینانیریق آما اهل سنّتین اعتقادینا گؤره، او حضرت هله ولادت تاپماییب و آخرالزماندا دنیایا گله‌جک. آما امام زمانین (عج) گؤره‌جگی ایشلر باره‌ده شیعه و اهل سنّتین اعتقادی بیردیر.

نهج‌البلاغه کتابیندا مهدویّت باره‌سینده درین بیر مقاما اشاره اولوب. حضرت علی (ع) اوردا بویورور: «آخرالزماندا «يعطف الهُدي علي الهوي إذا عطفوا الهوي علي الهدي» یعنی هدایتین ضلالته و «الهوی»یه چئوریلدیگی زماندا امام زمان (عج) «الهوی»نی هدایته چئویرر». «الهوای» آشاغی دوشمک و پیسلشمک آ«لامیندادیر. «الهدی»نی هدایت قارشیسیندا گتیرمکله بو مهم نکته‌یه اشاره اولور کی آخرالزماندا هدایت قاپیلاری‌نین هامیسی آچیق اولاجاق.

نهج البلاغه‌ده تحقیق ائدنده، «هوی» و «هدی» نین بیر-بیرینه مقابل معنادا ایشلنمه‌سینه دفعه‌لرله راستلاشیریق. بو گؤزل کتابدا «تقوی» سؤزو ده «هدی»نین یئرینده اوتوران کلمه‌لردندیر.

حضرت علی (ع) تقوی کلمه‌سینی معنا ائدنده اونو انسانی تعادل‌لی اولماغا کؤمک ائدن بیر گوج کیمی تانیتدیریر. حضرت علی (ع) بویورور: «تقوی، انسان اونون بئلینه مینمیش حمیل بیر آت کیمیدی کی جیلوو اونون الینده‌دیر و اونو سعادته و مقصده چاتدیرار. آما «هوی» نوختاسی قیریلمیش یاراماز بیر آت کمیدیر کی جیلووو راکب الینده دئییل و هر آن اونو یئره ییخا بیلر». بو اساسدا امام زمانین (عج) اساس شاخصه‌سی اعتدالدیر. بو اعتدال حیاتین بوتون عرصه‌لرینده ظاهر اولور. او جمله‌دن اخلاق، دیندارلیق، امنیّت و . . . عرصه‌لرینده.

+ نوشته شده در  دوشنبه سوم تیر 1392ساعت 1:1 PM  توسط میرزه عبدالصمد ملکی əbdüssəməd  | 

گؤبه‌لک یانیغا درماندیر!

گؤبه‌لک یوز ایللر بویو جماعتین سفره‌لرینه یول آچمیش قیدا مادّه‌سیدیر. بو آرادا چینلی‌لر و ژاپنلی‌لار داها چوخ گؤبه‌لک یئییرلر.

ایندیه قدر گؤبه‌لگین خاصیّتلری باره‌ده چوخ آز آراشدیرما آپاریلیب آما آراشدیرمالار اونون بدنین ایمنلیک سیستمی‌نین گوجلندیرمه‌سی و ویروسی عفونتلر و مختلف سرطانلارین درمانیندا اولان دقّته لایق تأثیریندن حکایت ائلیر.

مهم بیر مسأله‌یه توخونماق لازمدیر: گؤبه‌لک قطعیّاً یاغ و کالری منبعی دئییل. یعنی بیر عدّه‌نین یالنیش تصوّرو کیمی قیرمیزی اتین یئرینی توتا بیلمز.

آما گؤبه‌لکده «پورین» و «پریمیدین» آدلی مادّه‌لر وار کی سرطانلی و شدّتلی یانمیش انسانلارا، الدن گئتمیش سلّول‌لارینی یئنیدن دوزلتمگه، کؤمک ائدیر.

بیر عدّه‌نین اینانجینا گؤره گؤبه‌لک D ویتامی‌نین منبعیدیر آما یاخشی اولار بیلک کی گؤبه‌لکده بیتکی «استرول» اولان، ارگوسترول ماده‌سی، انسانین قره جیگرینده مخصوص بیر پروسه‌دن سونرا D ویتامی‌نین دوزلتمه‌سینه زمینه حاضرلار. انسان، بدنینی ایرمی دقیقه‌دن یاریم ساعته قدر گون معرضینده قویورسا، او مادّه، D ویتامی‌نین دوزلتمه‌سینه کؤمک ائلر.

یئری گلمیشکن دئمک لازمدیر کی گؤبله‌لک نوعلاری‌نین غذایی دَیَر باخیمیندان فرقلری یوخدور و تقریباً بیردیلر.

اوریک اسیدلری چوخ اولان و نقرس خسته‌لیکلری اولانلار اوچون گؤبه‌لگین ضرری وار .

یئمه‌لی گؤبه‌لکله زهرلی گؤبه‌لکلر او قدر بیر-بیرلرینه اوخشارلار کی بعضیلرینی فقط میکروسکوپلی جهازلارلا تشخیص وئرمک اولار. بونا گؤره انسان اؤزو گؤبه‌لک ییغماغا اقدام ائله‌مه‌سه یاخشیدیر. گؤبه‌لگی بیر هفته‌یه‌دک سویودوجودا ساخلاماق اولار آما اوندان سونرا شیره‌لَنر و خراب اولماغا باشلار. و بو حالدا میگرنی اولان انسانلارا ضرر ائلر.

گؤبه‌لگین پیشیرمگی‌نین اَن یاخشی طرزی او اؤز سویوندا پیشیریب قوورماقدیر. گؤبه‌لگین یوزده دوخسان بئشی‌نین سو اولدوغونا گؤره، پیشیرنده اونا سو آرتیرماق لازم دئییل.

+ نوشته شده در  دوشنبه سوم تیر 1392ساعت 12:55 PM  توسط میرزه عبدالصمد ملکی əbdüssəməd  | 

امام زمانین (عج) کؤمکلری‌نین نئچه‌سی خانیمدی؟

امام باقردن (ع) بیر روایت و ام سلمه‌نین دیلیله پیغمبردن (ص) بیر حدیث اساسیندا امام زمانین کؤمکلری‌نین بیر تعدادینی خانیملاردی.

امام زمانین (عج) محضرینه گئدن خانیملارین بیرینجی دسته‌سی او زماندا یاشایانلارداندیلار کی او حضرتین الله‌ین امن حرمینده ظهورو زمانی او حضرتین خدمتینه چاتارلار. بو باره‌ده ایکی روایت وار:

بیرینجی روایت: امّ سلمه ظهور علامتلری باره‌ده بیر حدیث ضمنینده پیغمبردن روایت ائدیر: یعوذ عائذ من الحرم فیجتمع الناس إلیه کالطّیر الواردة المتفرقة حتّی یجتمع إلیه ثلاث مأة و أربعة عشر رجلاً فیه نسوة فیظهر علی کلّ جبّار و ابن جبّار...[1]

بیر سیغینان، الله‌ین امن حرمینه سیغینار و جماعت، دؤرد طرفدن هجوم ائدن قوشلار کیمی، اوچ یوز اون دؤرد نفر توپلانانا قدر، اونا طرف ییغیشارلار. اونلارین بعضیسی خانیملاردیلار کی هر جبّارا و جبّار اولادینا غالب اولارلار . . .

ایکینجی روایت: جابر بن یزید جعفی، امام باقردن (ع) مفصّل بیر حدیث ضمنینده ظهور علامتلری باره‌ده یازیب: و یجیی ء واللّه ثلاث مأة و بضعة عشر رجلاً فیهم خمسون امراة یجتمعون بمکة علی غیر میعاد قزعا کقزع الخریف یتبع بعضهم و هی الآیة الّتی قال اللّه : «أینما تکونوا یأت بکم اللّه جمیعا إنّ اللّه علی کلّ شی ء قدیر...[2]

الله‌ـا آند اولسون اوچ یوز اون اوچ نفر گله‌جک و اللی نفری خانیمدیر کی اوّلدن قرار قویمامیش مکّه‌ده بیر-بیری‌نین کناریندا توپلاناجاقلار. بودور شریفه آیه‌نین معناسی: «هر یئرده اولساز الله سیزی حاضر ائلر. چونکی او هر ایشه قادردیر».

اوچ یوز اللی نفردن اللیسی آرواد!

بو ایکی روایتین حیرت وئریجی مقاملاری وار. بیرینجی: اوچ یوز اون اوچ کیشی توپلانار و اونلارین اللیسی آرواددیر !

ایکینجیسی: او حضرتین کؤمکلری‌نین آدلاری ساییلان روایتده اصلاً خانیم آدی یوخدور.[3]

بو ایکی مقامی بئله توضیح ائتمک اولار: بو اللی نفر همان اوچ یوز اون اوچ نفرین ایچینده‌دیلر چونکی اولاً امام «فیهم» کلمه‌سیندن استفاده ائدیب. یعنی بو عدّه‌نین اللیسی خانیمدیر.

دوماً: اولا بیلسین «کیشی» تعبیری بونا گؤره اولسون کی سایی‌نین چوخو کیشیدیر و او جهتدن اکثرین آدیندان استفاده ائدیب.

ثالثاً: بو ساییدان کناردا، کؤمک نظرده توتولسایدی «معهم» کلمه‌سیندن استفاده ائدردی، «فیهم» یوخ. چونکی بو اوچ یوز اون اوچ نفر بدر اصحابی عددی کیمی ساییلیبلار و هامیسی یوخاری رتبه‌لی باشچیلاردیلار و قدرت جهتیندن چوخ یوخاری حدّده‌دیلر کی بعضیسی بولوتلا یئر به یئر اولورلار و شبهه‌سیز عادی جماعتدن فرقلنیرلر. بونا گؤره اونلاری اوچ یوز اون اوچ نفرین سیراسیندا بیلسک اونلارا مخصوص موقعیّت وئرمیش اولوروق یوخسا حضرتین آیری کؤمکلری سیراسیندا اولماقلارینی دئسک، اونلارا داها آز امتیاز وئرمیش اولوروق.



[1] . صدوق، محمد بن علی بن الحسین، کمال الدین، ج 2، ص476

[2] . الهیثمی، نورالدین علی بن ابی بکر، مجمع الزوائد، ج 7، ص315؛ معجم احادیث الإمام المهدی، ج 1، ص

[3].  المجلسی، محمد باقر، بحارالانوار، ج 52، ص 223

+ نوشته شده در  شنبه یکم تیر 1392ساعت 9:25 PM  توسط میرزه عبدالصمد ملکی əbdüssəməd  | 

اینترنت بالونو، گوگلین تازا معجزه‌سی

گوگل شرکتی سابقه‌سیز بیر اقدامدا، اینترنت آنتنی اولان مین بالونو گؤیه گؤندرمک نیّتینده‌دیر. بو اقدامین مقصدی جنوبی یاریم کره‌ اؤلکه‌لرینی، اینترنتله تأمین ائله‌مکدیر. ایندیه‌ قدر بو بالونلارین اوتوزو گؤیه گؤندریلیب.

Loon آدلانان بو پروژه، گوگلین اصلی لابراتواری (گوگل ایکس) طرفیندن طرّاحلیق اولوب.

پروژه‌نین تحقیق مرکزی‌نین وئردیگی خبره گؤره، ایندیه‌ قدر یئنی‌ زلاند اؤلکه‌سینده اوتوز بالون گؤیه گؤندریلیب کی یئرله تماسلاری وار. بو بالونلارین بیر-بیریله رابطه‌لری طیّاره‌لرین اوچما خطیندن 20 کیلومتر اوجالیقدا، دنیانین محروم منطقه‌لرینی اینترنتله تأمین ائدن بیر شبکه یارادیر.

گوگلین اعلامینا گؤره بو شبکه‌نین سرعتی و کیفیّتی مخابرات اوچونجو نسل شبکه‌لری 3G کیمی اولاجاق. Loon پروژه‌سی‌نین مدیری‌نین دئدیگینه گؤره بو طرحین سیناق مرحله‌سی موفّقیّتله باشا چاتیب.

بو شبکه دنیانین باشا-باشیندا موبایل تلفونلارلا تماسا امکان وئره‌جک.

+ نوشته شده در  جمعه سی و یکم خرداد 1392ساعت 6:16 PM  توسط میرزه عبدالصمد ملکی əbdüssəməd  | 

علی اکبر، شجاعت و سخاوت نمونه‌سی/ حضرت علی اکبرین (ع) یاشاییشی

حضرت علی اکبر (ع) شجاعتلر و سخاوتلر اوغلودور، نییه کی سخاوت رهبرلری اتگینده بؤیویوب و البتّه بو گؤزل خاصیّتی اونلاردان ارث آپاریب. حضرت علی اکبرین عظمتینی گؤرسدن نکته‌لرین بیری، حضرت اباعبدالله (ع)-ین اؤز جوانی‌نین نعشی اوسوتونه چاتان زمان دئدیگی معروف جمله‌دیر: سندن سونرا دنیانین باشینا کول اولسون.

بیر روایته اساساً حضرت علی اکبر هجری قمری ایلین 33-جو ایلین شعبانین اون بیرینده دنیایه گؤز آچدی. حضرت علی اکبرین دقیق ولادت تاریخی بللی دئییل.

حضرت علی اکبر، آتا طرفیندن وحی خاندانینا وصل اولور، کرامتلی جده‌سی حضرت فاطمه زهرادیر (س). صولت و عظمتده امیرالمومنین علی (ع) کیمی و گؤزللیکده و یوخاری اخلاقدا حضرت رسول‌الله (ص) کیمی ایدی.

او حضرتین آناسی ابی مره بن عروه بن مسعود ثقفی‌نین قیزی لیلا ایدی. او، شیعه‌لرین اوچون امامی یعنی حضرت اباعبدالله الحسین، سیدالشهدانین اوغلودور. شیعه مکتبی باخیشیندان او حضرتی توصیف ائله‌مک ایسته‌سک، یوخاریداکی مناقب و مزیّتلردن علاوه، او حضرت، جدّی‌نین دینی یولوندا شهید اولان کربلا شهیدلر سیراسیندادیر. آما فضایل باخیمیندان حضرت علی اکبر اسلام پیغمبرینه اوخشوردو. حضرت علی اکبر مخصوص فضیلتلری واریدی کی اونو سایر ائمه اولادیندان آییریردی.

او حضرت کرامتلی آتاسی حضرت حسین بن علی (ع) و مظلوم عمیسی حضرت امام حسن مجبتی (ع) اتگینده بؤیودو. حضرت علی اکبر (ع) شجاعت اولادیدیر.

حضرت علی اکبرین (ع) عمرونو سیاسی جهتدن اوچ یئره بؤلمک اولار: بیرینجی دوره، جدّی حضرت علی‌نین (ع) حیاتی ایله مصادف ایدی. اونون بو مقطعده 6-7 یاشی واریدی و حضرت علی‌نین (ع) شهادت ماجراسینا شاهد اولدو. او حضرت اوشاقلیقدان بنی امیّه‌نین کثیف فتنه‌لریله تانیش اولدو.

او حضرتین ایکینجی عمر دوره‌سی عمیسی امام حسن (ع)-ین دوره‌سی ایدی. او، عمیسینه او قدر یاخیندی کی کربلا قضیه‌سینه اوخشار قضیّه اوز وئرسه ایدی کربلادا گؤستردیگی شجاعتی اوردا دا گؤسترردی.

حضرت علی اکبرین پارلایان گونش کیمی ایشیق ساچان اوچونجو دوره، امام حسین (ع)-ین امامت دوره‌سی ایدی. او بو مرحله‌ده آتانین وزیری و ساغ الی کیمی وظیفه‌سینی یئرینه یئتیردی. بو رابطه او قدر قوی ایدی کی بیر عدّه بئله گمان ائدیردیلر امام حسیندن سونرا خلیفه و امام، او حضرت اولاجاق. بو مرحله‌ده اونون لیاقت و عظمتی بیر حدده ایدی کی معاویه فقط اونو اسلام امّتی‌نین رهبرلیگینه لایق گؤروردو.

+ نوشته شده در  جمعه سی و یکم خرداد 1392ساعت 7:53 AM  توسط میرزه عبدالصمد ملکی əbdüssəməd  | 

جولفانین کَمکی داغینداکی پیلّه‌کانلی ائولر

زاویه، جولفانین کَمکی داغی‌نین اتکلرینده یئرلشن مشهور و گؤزل مرزی کنددیر. بوتون گؤرنلری حیران قویان قدیم شکلده تاریخی کند.

بو توریستی و تاریخی کند جولفانین مرکزی بخشی‌نین تابعلریندندیر و موناسیب یولو وار. بو کندین، آب و هاوا، باغلاری‌نین گئنیشلیگی و پیلّه‌کانلی ائولریله مخصوص آللاه وئرگی و طبیعی گؤزللیگی وار.

زاویه کندی شرقی آذربایجانین تاریخی و مذهبی کندلریندن اولوب هادیشهردن یئددی و جولفادان اوچ کیلومتر فاصیله‌سی وار.

بو کندده ایمام موس کاظمین (ع) نوه‌لریندن اولان ایمامزادا سید اسماعیلین مزاری یئرلشیب.

ایمامزادانین حیاطیندا میلّی اثرلر سیراسیندا ثبت اولموش ایکی عدد مین ایللیک چینار آغاجی وار. بو آغاجلار ایمامزادانین جنوب ضیلعینده و بیر-بیریندن دؤرد متر فاصیله‌لری وار. آغاجلارین دؤره‌سی اوچ متر یاریم و اوجالیغی 15 متره چاتار کی اونلارین باشلاری بیر-بیرینه توخونوب.

کندلیلرین دئدیگینه گؤره اوّللر بو آغاجلارین دیبیندن سو آخیردی آما نئچه ایل بوندان اوّل بو آغاجلاری سووارماغا یئر آلتی سیستمی قوشولوب.

زاویه‌نین گئنیش باغلاری، پیله‌کانلی ائولری، ثمره‌لی گیرده‌کان، گیله‌نار، اریک و گیلاس آغاجلارینا گؤره عاییله ایله خوش گونلر کئچیرمگه لاپ گؤزل یئر حسابا گلیر.

ایمامزادا سید اسماعیل (ع) کندین ائولرینه باخان بیر تپه‌نین اوستونده یئرلشیب. بوقعه‌نین قدیمی بیناسی 4*4 متردیر و گونبذی اونون ائنلی دیوارلاری اوستونده قویولوب. ایمامزادانین موطهّر مزاری اوستونده موشبّک تاختادان ضریح قویولوب کی 120 ایل بوندان اوّل نخجیوانلی بیر مهارتلی نجارین الیله دوزلیب.

ضریحین کناریندا صفوی دؤرونده اؤلدورولموش عوثمانلی قوشونونا عایید باشچی‌نین قبری وار. بوقعه‌نین داخیلی ساده سالچی ایشلری ایله بزه‌نیب.

بوقعه‌نین گیریشی شیمال طرفدندیر. زاییرلرین ریفاهینا گؤره حیاطین جنوبی ضیلعینده بیر نئچه اوتاق وار و غربی ضیلعده ده 200 مترلیک بیر مسجید وار.

+ نوشته شده در  یکشنبه دوازدهم خرداد 1392ساعت 6:35 PM  توسط میرزه عبدالصمد ملکی əbdüssəməd  | 

حضرت علی‌یه (ع) عاشیق اولان مسیحیلر

حضرت علی (ع) نهج‌البلاغه‌نین 48-جی خوطبه‌سینده بویورورو: «گئجه چاتاندا و قارانلیق پرده‌سی اونا چکیلنده حمد آللاه مخصوصدور. اولدوزلارین طلوع و غروب زامانی حمد آللاها مخصوصدور. حمد او ذاتا مخصوصدور کی نعمتلری قورتولان دئییل و باغیشلادیقلارینی جوبران ائتمک اولماز. آما سونرا: قوشونومون قاراووللارینی اؤندن گؤندردیم و امریم اونلارا چاتانا قدر فرات قیراغیندا دایانمالارینی ایسته‌دیم. فرات چایینی اؤتوب سیزدن _دیجله چایی‌نین کناریندا ساکین اولان_ بیر جمعیّتین طرفینه گلمک قرارینا گلمیشم. ایستیرم اونلاری سیزینله برابر، دوشمنه طرف سفربر ائدم و سیزی گوجلندیرمک اوچون اونلاردان کؤمک آلام».

بو خوطبه‌نی او حضرت کوفه‌نین خاریجینده «نخیله» قرارگاهیندا «صفین» ساواشینا یوللاناندا هیجری قمری 37-جی ایلینده شوّالین 20-ده بویورموشدو. (ابن ابی الحدید شرحی جیلد 3، صفحه 201) هابئله بو خوطبه‌نی تاریخچیلرین بیر تعدادی او جومله‌دن «نصر بن مزاحم» نقل ائدیب.

صفین یولونداکی جریانلار: بو سفرده ایمام «آنبار» شهرینه چاتدی. بو شهرین اکینچیلیری و بؤیوکلری قارشیلاماغا گلیب دئدیلر: «سیزه قاطیر هدیه گتیرمیشیک و موسلمانلارا یئمک حاضیرلاییب حیوانلاریزا چوخلو یئم حاضیرلامیشیق». ایمام بویوردو: «آما حیوانلار باره‌سینده، اونلاری سیزدن آلماغا حاضیریق و خراجیزدان چیخاریق. یئمکلرین قیمتی بللی اولماسا اونلاری یئمه‌ریک». دئدیلر: «اؤزوموز قیمت ائدیب اونون پولونو وئره‌ریک». ایمام بویوردو: «سیز اونلارین حقیقی قیمتینی حسابلامایا‌جاقسیز». دئدیلر: «سیزین قوشونوزدا بیزیم تانیشلاریمیز وار. اونلارا باغیشلاماغا مانع وار؟»

ایمام بویوردو: «هامی سیزین دوستوزدور. موسلمانلارین هئچ بیری سیزین هدیه‌زی قبول ائله‌مه‌مه‌لیدیلر». سونرا بویوردو: «عسکرلردن هر بیری سیزدن بیر شئی غصب ائله‌میش اولسالار بیزه خبر وئرین». اونلار هدیه وئرمکده ایصرار ائله‌دیلر. ایمام بویوردو: «بیز سیزدن احتیاجسیزیق». بئله‌لیکله اؤز تایسیزلیق و بؤیوکلویونو ثبوت ائله‌دی. حقیقتده ایمام بو ایشی ایله هر جور تجاوزون قاقارشیسینی آلدی.

یولدا «رقه» دیارینا چاتاندا فرات کناریندا «بلیخ» آدیندا بیر یئرده اوتوراق ائله‌دیلر. ائله بوردایدی کی صومیعه‌دن بیر راهیب چیخیب او حضرتین محضرینه گلیب دئدی: «آتالاریمیزدان بیزه بیر کیتاب قالیب. بو کیتابی عیسی‌بن مریمین (ع) صحابه‌سی یازیبلار». سونرا اونو اوخوماغا باشلادی: «آللاه جزیرةالعرب جماعتی ایچینده  اونلارا کیتاب و حیکمتی اؤیرتمک اوچون و آللاه یولونو اونلارا گؤسترمک اوچون بیر پیغمبر مبعوث ائلر. اونون یولوندا خشونت یوخدور و او باغیشلار. اومّتی آللاهی تسبیح ائدن اینسانلاردیلار و وفاتیندان سونرا اونلارین آراسیندا داغیناقلیق یارانار. اومّتیندن بیر کیشی فرات کناریندان کئچر. او عدالته چاغیریب یاخشیلیقلارا امر ائدیب پیسلیکلردن نهی ائلر. دونیا اونون اوچون کولدن داها دَیَرسیزدیر. اؤلومو سو ایچمک کیمی راحات قبول ائلر. خلوتده آللاهدان قورخار و آشکاردا اونا خاطیر جماعته نصحیت وئرر. هر کس او پیغمبری درک ائدیب ایمان گتیرسه آللاهین جنّتینی آلمیش اولاجاق و هر کس او صالح بنده‌نی تاپسا اونا کؤمک ائله‌مه‌لیدیر چونکی اونونلا اؤلمک شهادتدیر». ایمام (ع) آغلاییب آللاها شوکر ائله‌دی. راهیب دئدی: «من سیزدن آیریلمایاجاغام.» او راهیب شهید اولانا قدر، گئجه گوندوز امیرالمؤمنینله (ع) اولدو. ایمام اونا ناماز قیلیب دفعه‌لرله اونون باغیشلانماسینی ایسته‌دی. (نهج‌البلاغه شرحی ابن ابی الحدید جیلد 3، صفحه 204 و 205)

حضرت علي‌نین (ع) ویلادتینی اوّلدن بیلن راهیب   

ابوطالب(ع) زامانی «مثرم بن دعيت بن شيتقام» آدیندا بیر راهیب واریدی. بو کیشی عبادتده معروف ایدی و آللاهی 190 ایل عیبادت ائله‌میشدی و آللاهدان هئچ ایستگی اولمامیشدی. نهایتده آللاهدان ایسته‌دی اؤولیادان بیرینی اونا نیشان وئرسین. آللاه تعالا ابوطالبی اونون نزدینه گؤندردی. مثرم اونو گؤرمک همن آیاغا قالخیب باشیندان اؤپدو و اونو اؤز قاباغیندا اوتوردوب دئدی: «آللاه سنه رحمت ائله‌سین. سن کیمسن؟» ابوطالب دئدی: «تهامه بؤلگه‌سیندن بیر کیشی». سوروشدو: «عبد منافین هانسی طایفاسیندان؟» جواب وئردی: «بنی هاشمدن». راهیب، یئنه دوروب ابو طالبین باشیندان اؤپوب دئدی: «آللاها شوکر اولسون کی آللاه منیم ایستگیمی وئردی و اؤلمه‌میشدن اوّل اؤز ولی‌سینی منه گؤستردی». سونرا دئدی: «سنه بشارت اولسون! آللاه منه ایلهام ائدیب کی سنه بشارت وار». ابو طالب سوروشدو: «او بشارت نه‌دیر؟» دئدی: «سندن بیر اوشاق اولاجاق کی ولی الله دیر. او آللاهین ولیسی، تقوالیلارین ایمامی و رسول الله‌-ین وصی‌سیدیر. او اوشاغی گؤرسن مندن اونا سلام یئتیر و اونا دئنه: مثرم سنه سلام یئتیریر و شهادت وئریر کی آللاهادا سووای تانری یوخدور. تکدیر و شریکی یوخدور و محمد (ص) اونون بنده‌سی و رسولودور و سن اونون حقلی خلیفه‌سی‌سن. نُبوّت محمدله و وصایت سنینله کامیل‌لشیر». بو حینده ابو طالب آغلاییب سوروشدو: «اونون آدی نه‌دیر؟» دئدی: «آدی علی‌دیر».

قوشونون سوسوزلوغو و مسیحی راهیب

صفّین یولوندا ایمامین (ع) قوشونو سوسوزلوغا دوچار اولدو. سو احتیاطی قورتولموشدو و هر طرفده سو آختاریشلاری نتیجه‌سیز قالدی. حضرت علی (ع) قوشونونو یولدان آزاجیق قیراغا چکیب بیر آز یول گئدندن سونرا چؤلون اورتاسیندا بیر صومعه آشکار اولدو. حضرت صومعه‌یه طرف گئدیب صحابه‌یه بویودو: «اورانین ساکینلرینی چاغیرین». جماعت چاغیردی. بیر راهیب باشینی صومعه‌دن ائشیگه چیخاردی. حضرت اونا بویوردو: «سیزین یاخینلیغیزدا بو جمعیّته جواب وئره بیله‌جک سو وار؟» راهیب دئدی: «موطلقا، منله سو آراسیندا ایکی فرسخ فاصیله وار منیم‌ده بیر آیلیق سویومو گتیرمه‌سه‌لر سوسوزلوغومدان اؤلرم». حضرت صحابه‌یه بویوردو: «راهیبین بو سؤزون ائشیتدیز؟» دئدیلر: «بلی ! ایندی کی گؤجوموز وار، امر ائلیرسن کی اورا گئدیب سویا ال تاپاق؟» حضرت بویوردو: «یوخ سیزین بو ایشه احتیاجیز یوخدور!» سونرا او حضرت قاطیری‌نین باشینی قیبله‌یه طرف چئویریب و صومعه یاخینلیغیندا بیر نوقطه‌یه ایشاره ائدیب بویوردو: «بورانی قازین». بیر عیدّه کولونگله قازماغا باشلادیلار. نهایت بیر پارلاق (آغ) داشا چاتدیلار (داها قازماق مومکون اولمادی). دئدیلر: «یا علی کولونگ بو داشا تأثیر ائتمیر». حضرت بویوردو: «سو او داشین آلتیندادیر. داشی ترپده بیلسز سویا چاتاجاقسیز. چالیشین داشی یئریندن قوپارداسیز».

موعاصیر مسیحی و حضرت علی (ع)

جورج جورداق، لوبنانین مشهور موحقیقلریندن و مسیحی مؤلّیف، دَیَرلی ««الامام علی صوت‌العداله الانسانیه» کیتابینی یازماقلا بو ایمامین دوشونجه‌لری و زیندگانلیغینا اولان عشق و علاقه‌سینی بیروزه وئریب. او، بو بئش جیلیدلیک کیتابدا حضرت علی‌نین (ع) اینسانی دوشونجه و حکومت زامانلارینا عاشیقانه شکلده ایشاره ائدیب.

«علی و اینسان حاقلری»، «علی و فرانسه اینقیلابی»، «علی و سقراط»، «علی و اونون عصری» و «علی و عرب میلّیِّتی» کیتابلاری، مسیحی جورج جورداقین «صوت العداله الانسانیه» کیتابی‌نین بئش جیلدینی تشکیل ائدیر. جورج جورداق جوانلیغی‌نین لاپ گؤزل ایللرینی، بو کیتابین تحقیقی و یازماسینا صرف ائله‌دی. لوبنانین جنوبوندا مرجعیون شهرینده 1926-جی ایلنیده دونیایا گلمیش جورج جورداق دئییر: «عربین مشهور شاعیری قارداشیم «فوآد جورداق» نهج‌البلاغه کیتابینی منه وئریب اونو درین اوخوماغیما تشویق ائله‌دی. نهج‌البلاغه‌نی اوخویاندان سونرا حضرت علی‌نین (ع) حالتلری، اخلاقی و ادبیّاتینا عاشیق اولدوم و اوندان سونرا او حضرت باره‌سینده سونّیلر و شیعه‌لر طرفیندن یازیلمیش کیتابلاری اوخوماغا باشلادیم».

+ نوشته شده در  یکشنبه دوازدهم خرداد 1392ساعت 6:25 PM  توسط میرزه عبدالصمد ملکی əbdüssəməd  | 

ناماز قیلمایان شخصه شئیطانین جاوابی

 

کئچمیش زامانلاردا بیر نفر عربیستان چؤل‌لرینده تک‌باشینا اوزاق بیر سفره چیخیبمیش. شئیطان اونو یولوندان آزدیرماق اوچون تغییری-لیباس اولوب اینسان قیافه‌سینده اونون قارشی‌سینا چیخیر و دئییر:

- سلام، ائی دوست. گؤرورم، تک‌باشینا هاراسا سفر ائدیرسن. ایسته‌ییرسنسه، سنه یول یولداشی اولارام. منیم‌ده یولوم سن گئتدیگین طرفه‌دیر.

همین شخص چوخ سئوینیر و شئیطانین تکلیفینی قبول ائدیر. بو مینواللا ایکی یولداشی اوزون-اوزادی یوللارینا داوام ائدیرلر. نهایت قاش قارالیر، آخشام دوشور. بیردن شئیطان یولداشینا دئییر:

- من سنینله دوستلوق ائتمک ایسته‌میرم!

آدام بونون سببینی سوروشدوقدا شئیطان دیل‌لنیر:

- سحردن سنی موشاهیده ائدیرم. سنی بیر دفعه ده اولسون ناماز قیلان گؤرمه‌دیم. من اینسان قیافه‌سینه گیرمیش شئیطانام. سنی یولوندان آزدیرماق اوچون بئله ائتدیم. باخدیم کی، سنی آزدیرماغا احتیاج یوخموش. من آللاها یالنیز بیر دفعه سجده ائتمه‌ییب اونا عاصی اولدوم. بو عملیمه گؤره ده الله منی قیامته قدر لعنتله‌دی. سن ایسه گونده بئش دفعه آللاها سجده ائتمه‌یه تنبل‌لیک ائدیرسن. اونا گؤره ده سنینله اولماغیملا بیر داها آللاهین لعنتینه دوچار اولماقدان قورخورام و سنینله دوستلوق ائتمکدن ایمتیناع ائدیرم. سنین وضعیتین منیمکیندن بئترمیش کی!

Namaz qılmayan şəxsə şeytanın cavabı

Keçmiş zamanlarda bir nəfər Ərəbistan çöllərində təkbaşına uzaq bir səfərə çıxıbmış. Şeytan onu yolundan azdırmaq üçün təğyiri-libas olub insan qiyafəsində onun qarşısına çıxır və deyir:
- Salam, ey dost. Görür
əm, təkbaşına harasa səfər edirsən. İstəyirsənsə, sənə yol-yoldaşı olaram. Mənim də yolum sən getdiyin tərəfədir.
H
əmin şəxs çox sevinir və şeytanın təklifini qəbul edir. Bu minvalla iki yoldaşı uzun-uzadı yollarına davam edirlər. Nəhayət qaş qaralır, axşam düşür. Birdən şeytan yoldaşına deyir:
- M
ən səninlə dostluq etmək istəmirəm!
Adam bunun s
əbəbini soruşduqda Şeytan dillənir:
- S
əhərdən səni müşahidə edirəm. Səni bir dəfə də olsun namaz qılan görmədim. Mən insan qiyafəsinə girmiş şeytanam. Səni yolundan azdırmaq üçün belə etdim. Baxdım ki, səni azdırmağa ehtiyac yoxmuş. Mən Allaha yalnız bir dəfə səcdə etməyib Ona asi oldum. Bu əməlimə görə də Allah məni qiyamətə qədər lənətlədi. Sən isə gündə beş dəfə Allaha səcdə etməyə tənbəllik edirsən. Ona görə də səninlə olmağımla bir daha Allahın lənətinə düçar olmaqdan qorxuram və səninlə dostluq etməkdən imtina edirəm. Sənin vəziyyətin mənimkindən betərmişki!

+ نوشته شده در  یکشنبه پنجم خرداد 1392ساعت 8:41 PM  توسط میرزه عبدالصمد ملکی əbdüssəməd  | 

حضرت علی‌نین (ع) تله‌سیک قضاوت باره‌ده سؤزو/مؤمین فقط یقین اساسیندا دانیشار

عاغیللی و مؤمین آدام فقط یقین اساسیندا دانیشار. حضرت علی (ع) بو باره‌ده بویوروب: أقولا بغیر علم؟ یقینسیز بیر سؤز دانیشیرلار؟

قضاوت ایکی اساسین اوستونده اولا بیلر: یا یقین اساسیندا و یا جهل اساسیندا. یقین اساسیندا قضاوت ائله‌مک فیکیرلشمک و عاغلی ایشه سالماق نتیجه‌سینده یارانار بونا گؤره‌ده تله‌سیک اولماز. بلکه دوشونمک، تحقیق و موطالیعه‌یه احتیاجی وار. آما جهالت اوزوندن قضاوت ائله‌مک تحقیق، دوشونماق و موطالیعه‌یه دایانماییب بو اوزودن تله‌سیک اولار. قضاوتلرین چوخو منفی و یا موثبت احساسین نتیجه‌سی اولور کی اونوندا کؤکو جهالتده‌دیر. احساس اوزوندن قضاوت، مونفعیلانه احساسلارا دایانار.

قورآن اینسانلاری یئر به یئر قضاوتده تله‌سمکدن چکینمگه و دوشونمگه چاغیریب تقلید و سوءظنی محکوم ائلیر. قورآن بویورور: فاسیق بیریسیندن خبر ائشیتسز اونو تحقیقسیز قبول ائتمه‌یین.

قورآن تله‌سیک و عاغلا دایانمایان قضاوتلر باره‌سینده‌ده بویورور: ما لکم کیف تحکمون؟! سیزه نه اولوب؟ نئجه حؤکم ائدیرسیز؟

+ نوشته شده در  جمعه سوم خرداد 1392ساعت 11:30 AM  توسط میرزه عبدالصمد ملکی əbdüssəməd  | 

یوخو نظریه‌لری و تعبیری

زیگموند فرویدون نظریه‌سی: فروید یوخو گؤرمگی اینسانین آلت شعورونون آرزولاری و ایستکلریی‌نین اینعیکاس ائتدیگینی اینانیر.

فرویدون نظرینده، یوخو گؤرمک بیزه گون بویو سانسور اولموش طلبلریمیزی گؤسترمگه ایجازه وئریر. اوندان علاوه او یوخودا گؤرولنلرین خیالی آلت شعور شئیلرین سمبولو اولماسینا اینانیر بونا گؤره احتیمالی وار یوخولاریمیزین چوخو، تاپدالانمیش طلبلریمیزی حتّا دگیشمیش شکیلده بیان ائلیه.

هوسبون و مک کارلی‌نین فرضیه‌سی: اونلارین نظرینجه یوخو بئینین روحی فعالیّتینی یوخ بلکه فیزیکی فعالیّتینی اینعیکاس ائلیر. بو نظریه‌یه اساساً بیز گونده‌لیک ایشلریمیزی‌ده یوخودا گؤرمگه تمایولوموز وار. کورتئکسین اَن راییج فعالیّتی، گونده‌لیک ایشلر و نیگران‌چیلیقلاری اینعیکاس ائله‌مکدیر.

بونونلا بئله هوسبون بعضی یوخولارین، شخصین روحی دغدغه‌لرینی‌ده شامیل اولماسینی گؤستریر. شخصین یاشاییش ایستراتژیلری باره‌ده اولان باخیشی و پلانی.

کریک و میچستون نظریه‌سی: اونلارین نظرینجه درین یوخو بئینین ایطّیلاعاتینی سئیرکلندیریر. آیری سؤزله یوخو حافیظه مئیدانین بوشالدیر کی سونراکی یوخولارا موتمرکیز اولا بیلسین.

کابوس ایختیلالی: یوخونون اساس دؤره‌سینده تئز تئز آییلماق و یا مورگوله‌مک همیشه قورخمالی و گئنیش یوخولارلا عئینی زماندا اولور. معمولاً یوخولار یاشاییش تهدیدی، تهلوکه‌سیزلیگی و  عیزّت نفس باره‌ده اولور. آییلماق عموماً یوخونون ایکینجی یاریسیندا باش وئرر. قورخولو یوخولاردان سونرا شخص درحال آییق اولار و مکان و زامانی درک ائلر. (یوخو وحشتی ایختیلال  و صرعین ترسینه. او حالدا شخص زامان و مکاندان درکی اولماز.) یوخو ایختیلالی شخصین گونلوک یاشاییشی و ایشینده منفی تأثیر قویا بیلر. بئله ایختیلاللار لزوماً حادیثه‌لر نتیجه‌سینده یارانمازلار بلکه مادّه‌لرین فیزیولوژیک تأثیری و بعضی خسته‌لیکلر تأثیری آلتیندا یارانا بیلرلر.

 بیولوژیک و روح تانیما نظریندن یوخونون تعبیری: DNA کاشیفلرین بیری، فرانسیس کرکین نظرینجه یوخو گؤرمک گون بویو آلینمیش حیسّی ایطیلاعاتین ائشیگه آتیلماسینا کؤمک ائلیر. عصب سیستمی فعالیّته باشلیر و یوخو گؤرمگه سبب اولور. رابین رویستون، ظاهیراً ساغلاملیق موشکوللرینی گؤسترن ایکی یوزدن چوخ یوخو شرحی و تعبیری ییغیب. مثلاً: بیر کیشی یوخودا اونو تعقیب ائدن ایکی قارا پلنگی گؤرور. پلنگلرین بیر جایناغینی اونون بئلینه باتیریر. همن آدام نئچه آیدان سونرا قورخولو بیر خسته‌لیک توتور. بو خسته‌لیگین علامتی بئلی‌نین همن نوقطه‌سینده قارا خالین اولماسیدیر.

نظره گلیر یوخولار بعضاً مسأله‌لری تازا یوللا حلّ ائله‌مگه ایلهام منبعی اولورلار. مثلاً بنزین کاشیفی اولان «ککوله» یوخودا اؤز قویروقلارینی آغزیلارینا آلمیش ایلانلاری گؤرندن سونرا بنزینی کشف ائده بیلدی. بنزینین شیمیایی بیناسی خطی یوخ بلکه داییره‌ویدیر. روح عالیملری دئییر بوتون گؤردویوز یوخولارین گیزلی معناسی وار.

آشاغیدا روح علمی نظریندن نئچه یوخو تعبیری گلیر کی البته عمومی حؤکم ساییلا بیلمزلر و داها چوخ اینسانین عمللری و ذهنی آراسینداکی رابیطه‌نی نظرده آلیب.

پیلّه: یوخودا پیلّه‌لردن یوخاری گئمگیزی گؤرسز معمولاً گله‌جکده مووفقیّته چاتماغیزین علامتی ساییلیر. پیلّه‌دن آشاغی یئنمک‌ده مغلوبیّتدن قورخدوغوزو گؤستریر چونکی سون زمانلار ریسکلی ایش گؤروبسوز.

اوتوموبیل وساییلی: چوخ زمانلار بدن و مخصوصاً بئیین سمبولودور. یوخودا بیر ماشینین موختلیف حیصّه‌لرین آچدیغیزی گؤرسز، سیزین روحی بیر موشکولـله موباریزه ائله‌دیگیزی گؤستریر. یاغلانمیش و آخار ماشینی یوخودا گؤرمک، یاشاییشدا داها سهمانلی اولماغا رغبتیزی گؤرسدیر. پاسلانمیش و ایشدن دوشموش ماشین، روحی و جیسمی خسته‌لیک علامتی ساییلیر.

توک: آچیق و اوزون توک داها چوخ آزادلیغا مئییللی اولماق معناسیندادیر آما یوخودا اؤز توکوزو قیسالتماغی گؤرسز، یاشاییشیزین بیر بؤلومونده محدود اولدوغوزو دوشوندویوزو حیسّ ائیلیرسیز. توکلریزی داراماق، غلیظ موشکوللریزه حل یولونون تاپیلماسی علامتیدیر.

دلیک: بیر دلیکده گیره کئچدیگیزی یوخودا گؤرسز، یاشاییشیزین تکرارلی اولدوغونو دوشوندویوزون معناسیندادیر. پالتارداکی دلیک، یاخیندا مادّی مووفّقیّته ال تاپماغیزین معناسیندادیر.

اؤلوم: یوخودا اؤز اؤلوموزو گؤرسز، دونیانین بوتون موشکوللریندن قورتولماق ایستدیگیزین علامتی ساییلیر. یوخسا جدّیزین آدسیز-سانسیز بیر قبیرده اولماسینی یوخودا گؤرسز بو حالدا ایش و یا بیر حادیثه‌دن ناراحاتلیغیزین علامتی ساییلیر. آیریسی‌نین اؤلومونو یوخودا گؤرمک تعجوب یارادان خبرلرین ائشیتمه‌سی‌نین علامتی‌دیر. عزادارلیق و یا دفن مراسیمینی یوخودا گؤرسز آلت شعوروز سیزدن ایستیر افسوس ائتدیگیز شئیی اونوداسیز.

اوت علف: یاشاییش شرطلریزین اینعیکاسیدیر. یاشیل اوت هر شئیین یولوندا اولماسی معناسیندادیر. آما سارالمیش و قوروموش اوت سیزین خوشبخت اولمادیغیزین علامتیدیر. هابئله خسته‌لیک علامتی‌ده اولا بیلر.

اود: ائویزین اود توتماسینی یوخودا گؤرسز، بیری‌نین الیندن چوخ حیرصلی اولدوغوزون علامتیدیر. فقط اؤزوزو یانماقدا گؤسز، بیری باره‌ده کونترول اولنمایان حیسّلریز وار. اولا بیلر اونون الیندن حیرصلنمیسیز و اولا بیلر اونون فراقیندان فیشارداسیز.

دریا: بوش دریانین یوخودا گؤرولمه‌سی، رابطه‌سیز بیر یاشاییشیزین اولماسینی حیسّ ائدیرسیز. ساحیلی یوخودا گؤرمک سعادتیزین الدن گتئمکده اولدوغونو حیسّ ائدیرسیز.

ایسلامی دوشونجه‌ده صادیقه رؤیا: دینی دوشونجه‌لرده یوخو ایلاهی علامتلردن ساییلان، اؤزونده چوخلو دئییلمه‌میش حکایتلر گیزلدن وارلیقدیر. بیری نفسی‌نین اینحیصاریندان چیخیب یوخویا، بیزی او بیری طرفه هیدایت ائدن بیر شئی کیمی باخسا، چوخلو ایشاره‌لر، حکایتلر و هیدایتلر اونا آشکار اولاجاق. ائله بونا گؤره آللاه تعالا یوخونو اؤز آیه‌لریندن بیر کیمی ساییب. اوندا بیر سئری علامتلر و آیه‌لر ده قویوب کی بیزی اونلارا دیقّت یئتیرمگه چاغیریر. محی الدین عربی بن عربی، یوخونو حیکمت ایشیغی ساییب و اونو عینایت اهلی اوچون بیرینجی ایلاهی وحی تلقّیسی بیلیب.

صادیقه رؤیا گله‌جکده عئیناً ایتیفاق دوشه‌جک یوخودور. بو جور یوخولارین ساکیت و شفّاف روحی زمینه‌یه احیتاجی وار. مخصوصاً دال به دال گؤرولدوکلری شراییطده. آما هر حالدا بو جور یوخونون گؤرنی‌نین حتماً پاک و دیندار اینسان اولدوغونو دئمک اولماز. چونکی اولا بیلر رذاییل و پیسلیکلره موبتلا اولماسینا رغماً، خاص دلیللره گؤره گله‌جگین خبرلریله روحی رابیطه‌سی اولا.

+ نوشته شده در  جمعه سوم خرداد 1392ساعت 11:24 AM  توسط میرزه عبدالصمد ملکی əbdüssəməd  | 

مطالب جدیدتر
مطالب قدیمی‌تر