★ دین خادیمی din xadimi ★

دين, حکایه,تکنولوژی و سایر din,hekayə, texnoloji və sair

دوزگون انسان و یا اؤزونو دانان انسان

عزیزلریمین بیری نظر اولاراق جالب بیر نکته یه اشاره بویورموشدو کی هامی ایله پایلاشماغی مصلحت گؤردوم:

سلام آقای ملکی

 آلله علامه جعفرینی رحمت ایله سین کی شیعه لره و بوتون موسلمانلارا چوخلی بیر بویوک خیدمت ایلییب و نهج البلاغه یه او گوزللیکده بیر شرح یازیب. متاسفانه او رحمتلیگین برعکسی، گاهدان گورموشم کی بعضی تورک اینسانلار چالیشیللار کی ئوز لهجه لرین و تورک اولماقلیقلارین گیزله ده لر، بو خیالینان کی تورکلوخ بیر جوره آشاغیلیخ و عیبدی و بیز گرکدی کی اونی گیزلداخ. حیف اولسون، دوغرودان حیف اولسون.

[جواب:]
سلام حرمتلی بیات قارداشیم
بیر انسانین اعتماد بنفسی و اؤزونو اینامی آشاغی اولورسا اؤزونو گیزلتمگه و دانماغا چالیشار. بو حالت بیر ناخوشلوق ساییلیر و عالم انسانلارین اونلاری معالجه ائتمک بورجو وار.
بیر آیری طرفدن ده باخاندا اؤزونو گیزله دن انسان، الله-ین وئردیگی نعمتلره عصیان ائتمک دوروموندا اولور. الله، انسانی یئر اوزونده خلیفه یارادیب و هر انساندا الله-ین صالح خلیفه سی اولماق پتانسیلی وار یعنی هر بیر انسان اؤزونو تانی یاراق اعلی مقاما چاتا بیلر و ترسینه اؤزونو دانماقلا اسفل السافلین درجه سینه یئنه بیلر.
الله هامی یا دوزگون بنده اولماق توفیقینی عنایت ائله سین

+ نوشته شده در  سه شنبه بیست و ششم شهریور 1392ساعت 11:8 AM  توسط میرزه عبدالصمد ملکی əbdüssəməd  | 

امام رضانین (ع) مختلف دین عالملری ایله معروف مناظره‌لری

حضرت امام رضا (ع) مروده اولدوغو قیسا مدّت بویوندا آیری دینلرین عالملریله چوخلو مناظره‌سی اولدو کی اونلارین اَن مشهورو مسیحی «جاثلیق» و یهودی «رأس‌الجالوت» ایله ایدی.

بو مناظره‌لری شیخ صدوق، عیون اخبار الرضا کتابیندا و مرحوم علامه مجلسی بحار الانوار کتابی‌نین 49-جو جلدینده عیون کتابیندان نقل ائدیب. بو مناظره‌لر مسند الامام الرضا کتابی‌نین 2-جی جلدینده ده نقل اولوب.

او حضرتین یئددی معروف مناظره‌سی وار کی بوردا اونلارین ایکیسینه اشاره ائدیلیر.

مناظره‌لر بونلاردیر:

1. بؤیوک مسیحی عالم جاثلیق ایله مناظره

2. بؤیوک یهودی عالمی رأس الجالوت ایله مناظره

على بن موسى الرضا ـ علیه‌السلام ـ مأمونا داخل اولاندان سونرا او، مخصوص وزیری فضل بن سهله مختلف مکتبلرین عالملرینی مجلسه و مناظره‌یه چاغیرماغا امر ائله‌دی.

فضل بن سهل اونلاری چاغیردی و هامیسی ییغیشاندان سونرا مأمونون یانینا گلیب هامیسی‌نین حاضر اولدوغونو خبر وئردی.

مأمون دئدی: «هامیسی داخل اولسون». هامیسی گلندن سونرا اونلارا خوش گلدین دئییب آرتیردی: «من سیزی خیر ایش اوچون چاغیرمیشام. سئویرم مدینه‌دن تازا گلمیش عمی اوغلوملا مناظره ائلیه‌سیز. صاباح هامیز منیم یانیما گلین و هئچ بیریز غایب اولمایین». هامیسی قبول ائدیب گئتدیلر.

حسن بن سهل نوفلى دئییر: « امام على بن موسى الرضانین (ع) نزدینده‌ صحبته مشغول ایدیک کی حضرتین خادمی یاسر ایچری گلیب دئدی: «مأمون سیزه سلام گؤندریر و دئییر: «قارداشین سنه قربان اولسون! مختلف مکتبلر و دینلرین اصحابی و اربابی مجلیسیمیزه ییغیشیبلار. زحمت قبول ائله‌سیز صاباح بیزیم مجلسه گلیب اونلارین سؤزلرینی ائشیدین. مایل اولماساز دا اصرار ائتمیرم، یئنه مایل اولساز بیز سیزین نزدیزه گلریک و بو بیزیم اوچون آساندیر».

امام ـ علیه‌السلام ـ قیسا و معنالی بیر سؤزله بویوردولار: «منیم سلامیمی اونا چاتدیر و دئنه بیلیرم نه ایستیرسن ! من ان‌شاءالله صاباح سیزین یانیزدا اولاجاغام»

امامین دوستلاریندان اولان نوفلی دئییر: «یاسر مجلسدن چیخاندان سونرا امام ـ علیه‌السلام ـ منه باخیب بویوردو: «سن عراق اهلی‌سن و عراقلیلار ظریف و عاغیللی اولارلار، بو باره‌ده نه دوشونورسن؟ مأمونون شرک اهلی و مذهبلرین عالملرینی بیر یئره ییغماقدان نه نقشه‌سی اولا بیلر؟»

نوفلی دئییر: «عرض ائله‌دیم ایستیر سیزی امتحان ائله‌سین و سیزین علمیزین اندازه‌سی‌نین نه قدر اولدوغونو بیلسین. آما ایشینی ضعیف بینووره اوستونه قویوب، الله-ـا آند اولسون پیس نقشه تؤکوب».

امام ـ علیه‌السلام ـ بویوردو: «نه ایش گؤرور و هانسی نقشه‌نی تؤکوب؟»

نوفلی دئدی: «کلام علمی‌نین عالملری بدعت اهلیدیلر و مسلمان عالملریله مخالفدیلر. نییه کی عالم واقعیّتلری دانماز، آما بونلار دانماق و سفسطه اهلیدیلر. الله-ین بیرلیگینه دلیل گتیرسن قبول ائتمزلر. حضرت محمدین (ص) الله رسولو اولدوغونو دئسن، اونون رسالتینی ثابت ائتمه‌نی ایستیه‌جکلر. خلاصه اونلار مغالطه‌یه ال آتیب او قدر سفسطه ائلرلر کی انسان سؤزوندن ال چکسین. سنه قربان اولوب بونلاردان اوزاق اول!»

امام ـ علیه‌السلام ـ گولومسه‌ییب بویوردو: «ای نوفلی، قورخورسان منیم دلیل‌لریمی باطل ائدیب یولو منه باغلایالار؟»

نوفلی جواب وئردی: «الله‌-ـا آند اولسون کی یوخ! منیم سنه گؤره قورخوم یوخدور. اومیدیم وار الله سنی اونلارا غالب ائلیه».

امام ـ علیه‌السلام ـ بویوردو: «ای نوفلی سئویرسن بیله‌سن کی مأمون گؤردوگو ایشدن پشیمان اولاجاق؟»

نوفلی دئدی: «بلی»

امام ـ علیه‌السلام ـ بویوردو: « تورات اهلی قاباغیندا منیم استدلال‌لاریمی توراتلاریندان ائشیدنده، انجیل اهلی قاباغیندا انجیلله، زبور اهلی قاباغیندا زبورلا و روم اهلی قاباغیندا روم دیلی ایله و مختلف مکتبلرین تابعلری قاباغیندا جوابلارینی اؤز دیللرینده ائشیدنده، بلی هر بیر دسته‌نی آیریجا باطل ائله‌دیگیمده، بیر جور کی اؤز مذهبلرین بوشلاییب منیم سؤزومو قبول ائله‌دیلر، او زمان مأمون نظرده توتدوغو مقاما مستحق اولمادیغینی بیلر! اوندا پشیمان اولاجاق و الله‌دان سووای هئچ حرکت و گوج یوخدور؛ وَ لا حَوْلَ وَ لا قُوَةاِلا بِالله ِ الْعَلِىِّ الْعَظِیْم ِ»

نوفلی دئییر: «سحر اولدوغوندا فضل بن سهل، امامین ـ علیه‌السلام ـ حضورونا گلیب دئدی: «قربانین اولوم، عمی اوغلون (مأمون) سیزی گؤزلور و جماعت اونون یانیندا حاضردیلر. بو باره‌ده نظریز نه‌دیر؟»

امام ـ علیه‌السلام ـ بویوردو: «سن قاباقدا گئد من‌ده ان‌شاءالله گلرم. سونرا دستماز آلیب و سویقی شربتی (اوندان دوزلن مخصوص شربت) ایچیب بیزه ده وئردی ایچدیک. سونرا او حضرتله چیخدیق کی مأمونا وارد اولاق».

مجلس، تانینمیش و مشهور آداملارلا دولو ایدی و محمد بن جعفر، (امام صادقین (ع) اوغولو و امام رضانین (ع) عمیسی) بنی هاشم و آل ابی طالبدن بیر عدّه و قوشون باشچیلاریندان حاضر ایدیلر.

امام ـ علیه‌السلام ـ مجلسه وارد اولاندا مأمون و محمد بن جعفر و بنی هاشمین هامیسی آیاغا قالخدی.

امام ـ علیه‌السلام ـ مأمونون یانیندا اوتوردو آما اونلار امامین ـ علیه‌السلام ـ احترامینا هله آیاق اوسته دورموشدولار تا کی اوتورماق امری وئریلندن سونرا هامیسی اوتوردو. مأمون اماملا ـ علیه‌السلام ـ دانیشماغا قیزیشدی، سونرا جاثلیقه اوز توتوب دئدی:

«اى جاثلیق! بو منیم عمی اوغلوم، على بن موسى بن جعفردی. سئویرم اونونلا دانیشیب مناظره ائلیه‌سن. آما بحثلرده عدالتی رعایت ائله‌مه».

جاثلیق دئدی: «ای مأمون! من اونونلا نئجه مناظره ائدیم؟ او، من داندیغیم کتابا استدلال ائده‌جک و او منیم اینانمادیغیم پیغمبره اعتقادی وار».

بو آندا امام ـ علیه‌السلام ـ صحبته باشلادی: «ای نصرانی! سنه اؤز انجیلینله استدلال ائتسم اقرار ائلرسن؟» جاثلیق دئدی: «من انجیلین سؤزونو دانا بیله‌رم؟ بلی الله‌-ـا آند اولسون منیم ضرریمه اولسا دا اقرار ائلرم».

امام ـ علیه‌السلام ـ بویوردو: «نه ایسته‌سن سوروش و جوابینی آل!»

جاثلیق دئدی: «عیسی‌نین نبوّتی و کتابی باره‌ده نه دئییرسن؟ اونلاردان بیر شئی دانیرسان؟»

امام ـ علیه‌السلام ـ بویوردو: «من عیسی‌نین نبوّتی و کتابینا و حواری‌لری اقرار ائدن امّتینه وئردیغی بشارته اعتراف ائلیرم. آما محمدین (ص) نبوّتینه و کتابینا اقرار ائتمه‌ین و اونو امّتینه بشارت وئرمه‌ین عیسی‌یه کافرم».

جاثلیق دئدی: «قضاوتده ایکی عادل شاهددن استفاده ائله‌میرسن؟»

امام ـ علیه‌السلام ـ بویوردو: «بلی».

جاثلیق دئدی: « محمدین (ص) نبوّتینه اؤز مذهبیندن سووای و نصرانی‌نین قبول ائله‌دیگی ایکی شاهد اقامه ائله و بیزدن بو باره‌ده اؤز مذهبیمیزدن سووای ایکی شاهد ایسته».

امام ـ علیه‌السلام ـ بویوردو: « ای نصرانی ایندی انصافا گلدین، عادل اولوب عیسی بن مریمین نزدینده مقدّم اولان بیرینی قبول ائلیرسن؟»

جاثلیق دئدی: «بو عادل کیمیدیر؟ آدینی دئ».

امام ـ علیه‌السلام ـ بویوردو: دِیلَملی «یوحنّا» باره‌ده نه دئییرسن؟»

جاثلیق دئدی: «به به ! مسیح یانیندا اَن عزیز شخصی آد آپاردین».

امام ـ علیه‌السلام ـ بویوردو: «انجیلده بو سؤز وار کی یوحنّا دئدی: «حضرت مسیح منی عرب محمدین دینیندن خبردار ائله‌دی و منه بشارت وئردی کی اوندان سونرا بئله بیر پیغمبر گله‌جک؟ من‌ده حواری‌لره بشارت وئردیم و اونلاردا اونا ایمان گتیردیلر؟»

جاثلیق دئدی: «بلی ! بو سؤزو، یوحنّا مسیح‌دن نقل ائدیب و بیر کیشی‌نین نبوّتی و اهل بیتی و وصی‌سینه بشارت وئریب. آما نه زمان اولدوغونو دئمه‌ییب و بو دسته‌نی بیزه آد آپارماییب کی اونلاری تانی‌یاق».

امام ـ علیه‌السلام ـ بویوردو: «بیز بیریسینی انجیل اوخوماغا گتیرسک کی محمدین (ص) و اهل بیتی‌نین آدی اوندا اولان آیه‌لری اوخوسون، اونا ایمان گتیررسن؟»

جاثلیق دئدی: «چوخ یاخشی اولار».

امام ـ علیه‌السلام ـ روملی نسطاسا دئدی: «انجیلین اوچونجو سِفرینی ازبرسن؟»

نسطاس دئدی: «بلی ازبرم».

سونرا امام ـ علیه‌السلام ـ یهودلارین بؤیوگو رأس الجالوتا اوز توتوب بویوردو: «سن‌ده انجیل اوخویارسان؟»

رأس الجالوت جواب وئردی: «جانیما آند اولسون اوخویارام».

امام ـ علیه‌السلام ـ بویوردو: «اوچونجو سِفرینه باخ. اوندا محمد (ص) و اهل بیتیندن (ع) سؤز گئدسه منیم نفعیمه شهادت وئر، یوخسا شهادت وئرمه».

سونرا امام ـ علیه‌السلام ـ اوچونجو سِفری اوخودو تاکی پیغمبرین (ص) آدینا چاتدی. اوردا دایاندی و جاثلیقه اوز توتوب بویوردو: «ای نصرانی! سنی مسیح و آناسی‌نین حقّی! منیم انجیلدن خبرلی اولدوغومو قبول ائلیرسن؟»

جاثلیق دئدی: «بلی».

سونرا امام ـ علیه‌السلام ـ پیغمبر (ص) و اهل بیتی‌نین (ع) آدینی اونا اوخویوب بویوردو: «ای نصرانی نه دئییرسن؟ بو عیسی بن مریمین سؤزودو؟ بونو دانیرسان انجیلین بو باره‌ده دئدیگینی، موسی و عیسی‌نی دانیب کافر اولورسان».

جاثلیق دئدی: «انجیلده اولان شئیی دانمارام و اونا اعتراف ائله‌رم».

امام ـ علیه‌السلام ـ بویوردو: «هامیز اونون اقرارینا شاهد اولدوز». سونرا بویوردو: «هر نه سؤالین وار سوروش!»

جاثلیق دئدی: « عیسی بن مریمین حواری‌لریندن خبر وئر گؤروم نئچه نفر ایدیلر و هابئله انجیل عالملری نئچه نفریدیلر؟»

امام ـ علیه‌السلام ـ بویوردو: «بیلن بیر انساندان سوروشدون. حواری‌لر 12 نفریدیلر و اونلارین اعلمی و افضلی لوقا ایدی. آما بؤیوک نصرانی عالملری اوچ نفر ایدیلر: باخ دیاریندا بؤیوک یوحنّا، قرقیسا دیاریندا آیری یوحنّا، و رجاز دیاریندا دِیلمی یوحنّا. پیغمبر (ص) و اهل بیتی‌نین (ع) آدی اونون نزدینده ایدی و عیسی و بنی اسرائیل امّتلرینه بشارت وئرن‌ده او ایدی».

سونرا بویوردو: «ای نصرانی ! الله‌-ـا آند اولسون بیز او عیسی‌یا اینانیریق کی محمده (ص) ایمانی واریدی. آما سیزین عیسی‌زا یالنیز بیر ایرادیمیز وار او دا بو کی او، آز اوروج توتوب و آز نماز قیلاردی!»

جاثلیق بیردن حیرَتلنیب دئدی: «الله‌-ـا آند اولسون علمینی باطل ائتدین و ایشی‌نین بینووره‌سینی ضعیفلتدین، من بئله ظن ائلیردیم سن مسلمانلارین اَن چوخ بیلَنیسن !»

امام _علیه‌السلام_ بویوردو: «نه اولوب کی؟»

جاثلیق دئدی: «چونکی دئییرسن عیسی آز نماز قیلیب آز اوروج توتاردی، بیر حالداکی عیسی بیر گون‌ده افطار ائتمه‌دی و هئچ گئجه‌نی یاتمادی و صائم الدهر و قائم اللیل ایدی».

امام _علیه‌السلام_ بویوردو: «کیم اوچون اوروج توتوب نماز قیلیردی؟»

جاثلیق جواب وئرنمه‌ییب ساکت قالدی. (عیسی‌نین بنده‌لیگینه اعتراف ائتسه‌ایدی اونون الله‌لیغینا اینانماقلاری ایله توتمازدی.)

امام _علیه‌السلام_ بویوردو: «ای نصرانی سندن آیری بیر سؤالیم وار».

جاثلیق تواضعکارلیقلا دئدی: «بیلسم جواب وئره‌رم».

امام _علیه‌السلام_ بویوردو: «سن عیسی‌نین، الله اذنی ایله اؤلولری دیریلتمگینی دانیرسان؟»

جاثلیق چیخیلماز وضعیّتده قالیب مجبوراً دئدی: «دانیرام، چونکی اؤلولری دیریلدن، آنادان گلمه کورون گؤزلرینی آچان و برص مرضینه مبتلا اولانی شفا وئرن بیری، الله ساییلیر و الوهیّته استحقاقی وار!».

 امام _علیه‌السلام_ بویوردو: « حضرت الیسع‌ده بو ایشلری گؤروردو. او سو اوستونده یئریدی و اؤلولری دیریلتدی و برصه مبتلا اولانلاری و کورلاری شفا وئردی، آما امّتی اونا الوهیّت قایل اولماییب اونو عبادت ائله‌مه‌لیدیلر. حزقیل پیغمبر ده مسیحین ایشینی گؤروب اؤلولری دیریلتدی».

حضرت سونرا رأس الجالوتا اوز توتوب بویوردو: « ای رأس الجالوت توراتدا تاپیرسان کی بخت النصر، بنی اسرائیل اسیرلرینی، حکومتین بیت المقدّس ایله مبارزه ائله‌دیگی زمان، بابله گتیردی. الله، حزقیلی اونلارا طرف گؤندردی و او اونلارین اؤلولرینی دیریلتدی؟ بو حقیقت توراتدا یازیلیب. حقّی دانانلاردان سووای هئچ کس اونو دانماز».

راس الجالوت دئدی: «بیز بونو ائشیتمیشیک و بیلیریک».

امام -علیه‌السلام- بویوردو: «دوز دئییرسن» سونرا آرتیردی: «ای یهودی ! توراتدان بو سِفر تاپ» سونرا حضرت اؤزو اونو اوخوماغا باشلادی. یهودی کیشی شوک اولدو و حیرتده قالدی.

سونرا امام -علیه‌السلام- اوزونو نصرانی‌یه توتوب اسلام پیغمبری‌نین (ص) معجزه‌لری‌نین بیر بؤلومونو، بعضی اؤلولرین او حضرتین الی ایله دیریلمه‌سی و بعضی ناعلاج مریضلرین اونون برکتینه شفا تاپماسینی سایدی و بویوردو: «بونونلا بئله بیز هئچ وقت اونو اؤز الله‌-یمیز سایمیریق. بو جور معجزه‌لره گؤره عیسی‌نی اؤز الله‌-یز بیلسز، «الیسع» و «حزقیل»-ی ده اؤزوزه معبود بیلمه‌لیسیز. چونکی اونلار دا اؤلولری دیریلتدیلر. هابئله خلیل ابراهیم قوشلاری توتوب باشلارین کسدی و اونلاری اطرافداکی داغلارا قویدو، سونرا اونلاری چاغیراندا هامیسی دیریلدیلر. موسى بن عمران‌دا بئله بیر ایشی اونونلا طور داغینا گلیب ایلدیریم تأثیرینده اؤلنلرینن گؤردو. سن بو حقیقتلری دانا بیلمزسن چونکی تورات، انجیل، زبور و قرآن اوندان دانیشیب. بئله اولسا بونلارین هامیسینی اؤز الله‌-ین بیلمه‌لیسن».

جاثلیقین وئره‌سی جوابی اولمادیغیندان تسلیم اولوب دئدی: «سؤز سنین سؤزوندور و واحد الله‌-دان سووای آیری معبود یوخدور.»

سونرا امام ـ علیه‌السلام ـ انجیل باره‌ده آیری سؤال‌لار سوروشدو و جاثلیقین دانیشیغیندان تناقض‌لر چیخارتدی.

جاثلیق تماماً چاره‌سیز قالمیشدی و قاچماغا یئری یوخ ایدی. بونا گؤره امام ـ علیه‌السلام ـ اونا بیر داها دئینده کی «ای جاثلیق هر نه ایستیرسن سوروش»، سؤالدان چکیندی و دئدی: «ایندی آیریسی سوروشسون. آند اولا مسیحه کی مسلمانلار ایچینده سنین کیمی اولدوغونو گمان ائله‌میردیم».

+ نوشته شده در  دوشنبه بیست و پنجم شهریور 1392ساعت 11:8 AM  توسط میرزه عبدالصمد ملکی əbdüssəməd  | 

یوخولارین قایناغی هارادی؟

انسان گؤزونو یومدوقدا ذهنی، آییقلیقدا گؤره بیلمه‌دیگی، عجیب ‌- غریب افسانه‌لر دنیاسینا آددیم قویور. اورداکی حادثه‌لر ایندیه قدر هئچ قطعی علمی متودلا ایضاح ائدیلمه‌ییب.

«پاپ ساینس»ین وئردیگی خبره گؤره، بیر دسته فرانسه‌لی عالم یوخولارین انسان تخیّلی نتیجه‌سی اولدوغونو و یا بئیین عکس العملی اولدوغو باره‌ده بیر سئری تحقیقلر ائدیبلر و یوخولارین «بئیین سغه‌«- سی آدلانان، بئینین بیر بؤلومو، واسطه‌سی ایله یارانماسینی بیلیبلر. اونورغایا وصل اولان بئینین بیر بؤلومو کی انسان یوخوسونون تنظیمینده نقشی وار.

عالم‌لر بو تحقیقده لمس اولما (آنستزیا) سندرومونا مبتلا اولان ناخوشلار اوستونده مطالعه ائله‌دیلر. بو شخصلر دال به دال تانیما و حس پروسه‌لرینی فعالیق گوجلرینی ایتیررلر. عالم‌لر بئله‌نچی انسانلارین دوشونمه‌دیکلری و ذهنی بوشلوغا مبتلا اولدوقلارینی بیلدیلر. بو شخصلر معمولاً گون بویو ترپنمه‌دن و دانیشمادان بیر یئرده قالارلار. اونلاردان بیر شئی ایستَنیلسه سؤال‌لارا جواب وئره بیلرلر و یا بیر سئری خاطره‌لر یادا سالا بیلرلر آما اونلارین ذهنی سرعتله سیلینیب بوشالار.

گؤره‌سن بئیینلری هر جور دوشونمکدن بوش اولان بئله شخصلر ده یوخو گؤررلر؟

محققلر 13 نفر سالم شخص و 13 نفر بوجور ناخوشلاردان گونده‌لیک گؤردوکلری یوخولارینی یازماقلارینی ایسته‌دیلر. محققلر بو یوخولاری اوزونلوق، بوروشوقلوق و عجیب اولما جهتدن آراشدیردیلار. عالملرین دئدیگینه اساساً، ناخوشلارین هامیسی یوخو گؤرموردو و 13 نفرین یالنیز 4 نفری یوخو گؤروردو کی بو یوخولار دا سالم شخصلرین یوخولاری ایله مقایسه‌ده چوخ قیسا و ساده ایدی. بو شخصلر یول یئریمک و اوز قیرخماق کیمی بسیط حادثه‌لر باره‌ده یوخو گؤروردولر.

عالملر بو تحقیقده ناخوشلارین داها ساده یوخو گؤرمکلری و سالملرین بوروشوق و عجیب-غریب یوخو گؤرمکلریندن بو نتیجه‌یه چاتدیلار کی بوروشوق و عجیب-غریب یوخونون داها بوروشوق بئیین عکس العملینه احتیاجی وار.

یئری وار بو زمینه‌ده داها گئنیش تحقیقلر اولسون.

+ نوشته شده در  دوشنبه بیست و پنجم شهریور 1392ساعت 10:49 AM  توسط میرزه عبدالصمد ملکی əbdüssəməd  | 

معروفا چاغیریب منکردن نهی ائتمک، حقّی و قانونو قوروماق آنلامیندا

معروفا چاغیریب و منکردن نهی ائتمک اسلاما چاغیرماق، تجاوز و ظلمدن ساخلاماق، عمومی ثروتلرین دوزگون بؤلونمه‌سی معناسیندادیر.

جماعتین دقّت و فکری‌نین رشد تاپماسی باعث اولار قانونون دوزگون اجرا اولماسی‌نین هامی اوچون فایدالی اولماسی بیلینسین. نتیجه‌ده انسانی و دینی عاطفه‌لر اونلاری حقسیز و قانونسوزلوق قارشیسیندا دایانماغا وادار ائدر و جامعه‌ انسانلارینی معروفا چاغیریب و منکردن نهی ائتمگه و حقدن دفاع ائدیب قانونو قوروماغا وادار ائلر.

اسلامین اجتماعی نظامیندا بو مسأله‌یه چوخلو تأکید اولوب و هامینی اونون اهمیّتینی بیلمگه چاغریلیب. اسلامین بو مسأله‌یه وئردیگی اهمیّتی بیلمک اوچون نئچه آیه و روایته اشاره ائدیریک:

- سیزدن یاخشیلیقلارا چاغیران و پیسلیکلردن اوزاقلادان بیر امّت یارانمالیدیر و یالنیز بئله انسانلار سعادت و خوشبخلیگه چاتاجاقلار.

- سیز بشریّتین اَن یاخشی امّتی‌سیز. یاخشی ایشلری ترویج ائلیرسیز، قولای و پیس ایشلرین قارشیسینی آلیرسیز و الله‌-ـا اینانیرسیز. کتاب اهلی‌ده ایمان گتیرسه‌ ایدی، اونلار اوچون داها یاخشی اولاردی. البته اونلارین بعضیسی‌نین ایمانی وار آما چوخو تبهکاردیلار.

- اونلارین هامیسی بیر دئییل، کتاب اهلی ایچینده حقّه باغلی اولانلار دا واردیر. گئجه یاریسیندا سجده ائدیب الله آیه‌لرینی اوخویورلار و الله‌-ـا و قیامته اینانیرلار، دوزگون ایشلر گؤرورلر و پیس ایشلرین قارشیسینی آلیب و خیر ایشلرده قاباغا دوشورلر. البته بونلار یاخشی آداملار سیراسیندادیلار و هئچ خیر ایش اجرسیز قالمایاجاق. الله، تقوالی انسانلاری تانی‌ییر.

- ایکی اوزلو آروادلار و کیشیلر بیری بیرلری‌نین بئزلری‌نین ایکی رنگی و اوزودولر. بونلار پیس ایشلری ترویج ائدیب یاخشی ایشلرین قارشیسینی آلیرلار.

- ایمانلی و دینلی آرواد و کیشیلر‌ ده بیری بیرلرینه کؤمکدیلر. بونلار خیر ایشلری ترویج ائلیرلر، نماز قیلیرلار، زکات وئریرلر و الله و رسولونونون سؤزونه باخیرلار. الله‌ین رحمتی بونلارا شامل اولاجاق. الله یوخاری مرتبه‌لی و ایش بیلندیر.

اسلامی روایتلرده ده بونون اهمیّتینی بیلدیرن بو باره‌ده چوخلو حال‌لارا راست گلیریک.

پیغمبر (ص) بویورور: منیم امّتیم معروفا چاغیریب و منکردن نهی ائتدیگی گونه‌ قدر همیشه یاخشی وضعیّتده اولاجاق آما بو ایکی عملدن ال چکن آندان اعتباراً بوتون برکتلردن محروم اولاجاق. بیر دسته‌ آیری دسته‌نی استثمار ائلیه‌جک، نه یئرده بیری اونلارین هارایینا چاتاجاق نه گؤیده.

امير المؤمنين علي(ع) بویوروب: الله، اسلام عالملرین او اوزدن دانلادی کی متجاوزلرین فساد و تبهکارلیقلارین عیاناً گؤروردولر آما اونلارین قارشیسینی آلماغا بیر ایش گؤرموردولر چونکی اونلارین باغیشلادیقلارینا طمع سالمیشدیلار غلبه‌سیندن قورخوردولار. بونونلا بئله کی الله دئییب مندن سووای هئچ کسدن قورخمایین. الله دئییر: ایمانلی کیشیلر و آروادلار بیری بیرلرینه کؤمکدیلر، یاخشی ایشلری ترویج ائدیب پیس ایشلرین قارشیسینی آلیرلار.

الله، اونون طرفیندن مقرّر اولان مهم وظیفه کیمی، اوّلده معروفا چاغیریب و منکردن نهی ائتمگه چاغیردی. چونکی بیلیردی بو وظیفه‌یه عمل اولونسا بوتون آیری وظیفه‌لره ‌ده عمل اولوناجاق. ایستر راحت ایستر چتین، معروفا چاغیریب و منکردن نهی ائتمک اسلاما چاغیرماق، ظلم و تجاوزین قارشیسینی آلماق، ظالمله چالماق، عمومی ثروتلرین دوزگون بؤلونمه‌سی، وئرمه‌لی اولدوقلاری مالی، اونلاردان آلماق و مصرف اولمالی یئرده مصرف ائتدیریلمه‌سی معناسیندادیر.

+ نوشته شده در  یکشنبه بیست و چهارم شهریور 1392ساعت 12:52 PM  توسط میرزه عبدالصمد ملکی əbdüssəməd  | 

امام صادقین (ع) سکوتو قرآندا تفکّر ایدی

امام صادقین (ع) اوزونه باخان انسانین نظرینده قرآن تجلّی تاپاردی، قرآنی گؤرنده ده امام صادق (ع) گؤزونون اؤنونه گلردی. او، قرآن آیه‌لری‌ایله دانیشاردی، قرآنلا استدلال ائلردی و سکوتو قرآندا تفکّر ایدی.

پیغمبرین (ص) بویوردوغونا اساساً قیامته‌ قدر بیری-بیریندن آیریلمایان ایکی امانت وار؛ بیری قرآن و او بیری، پیغمبر عترتی (علیهم السلام). بو ایکی یادگار الهی پیغمبرلرین بوتون علملرینی یادا سالیرلار و هر زاد اونلارین نزدینده‌دیر. اماملار الهی کتابین حقیقتلرینه عالم و وارلیق عالمی سرّلاری‌نین وارثلریدیلر. امام صادق (ع) کتاب علمی‌نین وارثی، سینه‌سی قرآن سرّلری ایله دولو اولان اونلارین بیریدیر کی مبارک وجودی قرآنلا بیرلشیب.

 امام‌ جعفر صادق‌(ع) بویورور: «وَ اللهِ إنِّی‌ لَاعْلَمُ كِتَابَ اللهِ مِنْ أوَّلِهِ إلَی‌ آخِرهِ كَأنَّهُ فِی‌ كَفِّی‌. فِيهِ خَبَرُ السَّمَاءِ وَ خَبَر الارْضِ وَ خَبَرُ مَا كَانَ وَ خَبَرُ مَا هُوَ كَائِنٌ. قَالَ اللهُ عَزَّوَجَلَّ: فِيهِ تِبْیَانُ كُلِّ شَیْءٍ؛

 آند اولسون الله-ـا من الله کتابینی اوّلدن آخره بیلیرم، ائله بیل کی منیم اووجومدادیر. اوندا گؤیون و یئرین خبری، کئچمیش واقعه‌لرین خبری، ایندی‌نین و گله‌جگین خبرلری وار. الله تعالا بویوروب؛ قرآندا هر شئیه آیدینلیق گتیریلیب.»

منصور بن حازم دئییر:  «امام صادقه (ع) عرض ائله‌دیم: «الله، مخلوقلاری واسطه‌سی ایله تانینماقدان داها یوخاریدیر، بلکه مخلوقلار الله-ین واسطه‌سیله تانینیرلار».

امام صادق (ع) بویوردو: «دوز دئییرسن.» دئدیم: «هر کیم اونو یارادان تک الله‌ین وارلیغینی اینانسا، بیلمه‌لیدیر کی او الله-ـا رضا وار و او فقط وحی و پیغمبر یولو ایله تانینار. نتیجه‌ده بیرینه وحی اولونماسا، دوزو بودور الله رسوللاری‌نین اتگینه ال آتا، اونلاری گؤرسه، گؤره‌جک کی اونلار حجّتدیلر و اونلاردان اطاعت ائتمک واجبدیر.

سونرا امام صادقه (ع) دئدی: جماعتدن، رسول الله‌دان سونراکی حجّت باره‌ده سوروشدوم. جواب وئردیلر: «قرآن» آما من اونلاری آییق سالدیم کی قرآن قیّم‌سیز کفایت ائله‌مز، چونکی مرجئه، قدريه و حتّى زنادقه کیمی قرآنا اینانمایان مختلف دسته‌لر ده، اؤز سؤزلرینده قرآنا استدلال ائلرلر و ائله بونا گؤره قرآنا قیّم لازمدیر کی اونون باره‌سینده دئدیکلری‌نین هامیسی حقّ اولسون.

بو آرادا ابن مسعود و عمر و حذيفه کیمی انسانلار قیّم آدینا دئییلدیلر. آما من سوروشدوم: «اونلار قرآنین هامیسینی بیلیردیلر؟» جواب وئردیلر: «یوخ فقط علی (ع) قرآنین هامیسینا عالم ایدی». من دئدیم: نتیجه‌ده شهادت وئریرم علی (ع) قرآنین قیّمی‌دیر و اوندان اطاعت ائتمک واجبدیر و پیغمبردن (ص) سونرا جماعته حجّت ساییلیر و او، قرآن باره‌سینده هر نه دئسه حقّدیر.

امام صادق (ع)اونون سؤزلرینی و محکم و گؤزل استدلال‌لارینی ائشیدندن سونرا اونا «رحمک الله» دئمکله دعا ائله‌دی. (اصول كافى، ج 1، ص 168)

امام صادقین (ع) صحابه‌سیندن بیری دئییر: « ائشیتدیم امام صادق (ع) بئله بویوردو: « نحن ولاه امر الله و خزنه‏ علم الله و عيبه وحى الله؛ بیز امامتین و الله خلیفه‌لیگی‌نین و الله علم خزانه‌سی‌نین ولی امری و الله‌-ین وحی صاندیغی‌ییق. (اصول كافى، ج 1، ص 192)

+ نوشته شده در  چهارشنبه بیستم شهریور 1392ساعت 12:3 PM  توسط میرزه عبدالصمد ملکی əbdüssəməd  | 

دکتر محسن هشترودی

محسن هشترودی 1286-جی ایلین دی آیی‌نین 22-سینده هشتری شهرینده دنیایه گلدی. آتاسی شیخ محمد خیابانی‌نین مشاورلریندناولان، مجتهد شیخ اسماعیل ایدی.

محسن هشترودی ابتدایی تحصیلینی تبریز شهری‌نین سیروس و اقدسیّه مدرسه‌لرینده اوخویاندان سونرا تهرانین دارالفنونوندا طبابت اوخودو. او 1304-جو ایلده دولتی بورسیه‌سی ایله ریاضیات اوخوماغا فرانسه‌یه یوللاندی.

او، 1314-ده فرانسه‌نین سوربون دانشگاهیندان لیسانس درجه‌سی ایله فارغ التحصیل اولدو. سونرا پروفسور «الی کارتان» نین باشچیلیغی ایله دیفرانسیل هندسه‌سی زمینه‌سینده تحقیقه باشلادی و 1316-جی ایلینده ریاضیات رشته‌سینده اؤز دکتراسینی آلدی.

پروفسور هشترودی وطنه قاییداندان سونرا عالی دانشسرا‌نین علملر دانشکده‌سینده اوستادیار کیمی ایشه باشلادی. 1320-ده عالی دانشسرانین اوستادلیغینی آلدی. 1320-ده تبریز دانشگاهی‌نین رئیسی اولدو و 1336-دا تهران دانشگاهی‌نین علملر دانشکده‌سی‌نین رئیسی اولدو.

پروفسور هشترودی عمرو بویو، رابطه‌سینی بین‌المللی علمی مجمعلرله ساخلادی. او 1329-دا تهران دانشگاهی‌نین نماینده‌سی کیمی هارواردین بین‌المللی ریاضیچیلار کنگره‌سینه قاتیلدی. مؤسسه‌نین رئیسی پرفسور اوپنهايمرین ایستگی ایله پرینسون دانشگاهی‌نین پیشرفته مطالعه‌لر مؤسسه‌سینه عضو اولدو و هاروارد دانشگاهیندا دا بیر ترم درس وئردی.

پروفسور هشترودی دیفرانسیل هندسه‌سینده متخصص ایدی. اونون اَن مهم علمی اثری، دیفرانسیل هندسه‌سی زمینه‌سینده یازدیغی دکترا تزیدیر. بو تزده، اوستادی الی کارتالینین مدل‌لری‌نین بیرینی تعمیم وئریب کی بو گون Hachtroudi Connection (هشترودی التصاقی) آدینا تانینیر.

+ نوشته شده در  چهارشنبه بیستم شهریور 1392ساعت 12:2 PM  توسط میرزه عبدالصمد ملکی əbdüssəməd  | 

ساری کؤک، درمان خاصیّتی اولان ادویه

تازا تحقیقلر ساری کؤکون سوموک پوکالماسی و آرتریت روماتوئید کیمی بعضی ناخوشلوقلارین قارشیسین آلدیغینی گؤستریر.

ساری کؤک قدیم ایللردن، مخصوصاً آسیادا مفصل التهابی اوچون درمان کیمی استفاده اولور. ساری کؤکون تأثیرلی مادّه‌سی کارکامین آدیندا مادّه‌دیر.

بو تحقیقدن اؤترو آریزونا بیتکی طبّ مرکزینده ساری کؤکون مختلف عصاره‌لری حاضرلاندی. نتیجه‌لرده بو مادّه‌نین، التهاب آزالتماسیندا تأثیرلی اولدوغو بللی اولدو.

بو محققلرین نظرینه گؤره، گونده‌لیک 1.5 گرم کارکامین، مفصل التهابی‌نین آزالتماسینا لازمدیر.

متخصصلرین دئدیگینه اساساً ساری کؤکده اولان آیری آنتی اکسیدان مادّه‌لرین‌ده آنتی التهاب خاصیّتلری اولا بیلر.

+ نوشته شده در  چهارشنبه بیستم شهریور 1392ساعت 12:1 PM  توسط میرزه عبدالصمد ملکی əbdüssəməd  | 

انسانین تعالاسیندا نافله و گئجه نمازلارین تأثیری

آیه‌لر و روایتلره گؤره، انسان گوجلو اراده‌یه صاحب اولماق و قرار وئرمکده چتینلیکلرله اوزلشمه‌مک اوچون، گئجه‌لر و ایکی آراسیندا آییق اولوب الله‌-ین عبادتینه مشغول اولمالیدیر.

پیغمبردن (ص) روایت اولوب کی بویوروبلار: «جبرئیل گئجه نمازینی او قدر منه تاپیشیردی کی بئله بیلدیم امّتیمین یاخشیلاری گئجه‌لر یاتمایا‌جاقلار». بونا اساساً نافله‌لرین چوخلو فضیلتلری وار، حتّی بعضی روایتلر اونو ترکیتمگی معصیت ساییبلار.

گئجه نمازی‌ انسان اراده‌سی‌نین گوجلندیرمه‌سینده چوخ مهم تأثیری وار. قرآن کریم فجرین دوغماسینا، گئجه آییقلیغینا و دان اولدوزونا، اونلارا آند ایچماق قدر یوخاری اهمیّت وئریر. ائله کی فجر سوره‌سینده بویورور: «آند اولسون فجرین دوغماسینا، آند اولسون اونلو گئجه‌لره، آند اولسون گئجه‌نین درینلیغیندا قیلینان گئجه نمازینا، آند اولسون ایکی رکعت شفع نمازینا و بیر رکعت وتر نمازینا و آند اولسون گئجه‌نین گئدیشینه». و آیری یئرده بویورور: «آند اولسون گئجه‌یه و ایکی طلوع آراسینا».

قرآنین آیری سوره‌لرینده بو جور جمله‌لره راست گلمک اولار. قرآنداکی بو آند ایچمه‌لر سؤزون اهمیّتینی بللی ائلیر و گئجه آییقلیغی‌نین انسانین روحوندا فوق‌العاده تأثیرینه اشاره ائلیر. گونلوک مسأله‌لر انسانین دقّتینی اؤزونه جلب ائلیر و اونون فکرینی مختلف وادی‌لره چکیب نماز اوستونده حضور قلبدن اوزاقلادیر. آما گئجه‌نین درینلیغیندا و فجرین دوغدوغو زمان، نئچه ساعت یاتاندان سونرا، مادّی حیاتین غوغاسی‌نین یاتدیغی آنلاردا، آرام بیر محیطده، هر جور ریاکارلیقدان اوزاق، انسان خاص دقّت و حضور قلب تاپیر کی بو آنلارین عبادتی و راز و نیازی فوق‌العاده روح پرور و کمال یارادان اولور.

علامه مجلسی امام صادقدن (ع) بئله بیر حدیث نقل ائلیر: «مؤمنین شرفی گئجه‌ نمازی قیلماقدا و عزّتی اؤز ناموسونو جماعتدن ساخلاماقدادیر».

گئجه‌نین یاریسی، یوخودان قالخیب کبریایی عرشین قاباغیندا دایانماق نماز قیلان انساندا ائله بیر حال یارادار کی اونو کمالا طرف چکیر. کمالا طرف آددیم آتیب منیّتدن اوزاقلاشان انسانین اورگی‌نین حالی « وجهت وجهي للذي فطر السموات و الارض» (اوزومو یئری و گؤیلری یاردانا چئویردیم) اولسا، اونون نجاتینا اومید باغلاماق اولار.

امام صادقدن بئله روایت اولوب کی بویوروبلار: «گئجه‌ قیامیندان ال چکمه، یازیق او آدام کی گئجه‌نین قیامی و عبادتیندن محرومدیر».

+ نوشته شده در  دوشنبه یازدهم شهریور 1392ساعت 12:17 PM  توسط میرزه عبدالصمد ملکی əbdüssəməd  | 

امیرالمؤمین (ع) کتابخاناسیندا علامه مجلسی‌نین مزاریندان تصویرلر


«علامه امین» آدینا تانینان آيت‌الله حاج شيخ عبدالحسين تبريزي نجفي 1320-جی هجری قمری ایلده علم و تقوا مرکزی اولان تبریز شهرینده دنیایا گؤز آچدی.

عبدالحسین، تبریز شهرینده سيد محمد مولانا، سيد مرتضي خسروشاهي و آتاسی (ميرزا احمد نجفي) کیمی بؤیوک عالملرین محضرینده تحصیل آلاندان سونرا نجفه گئدیب  ميرزا نائيني، شيخ محمدحسين آل كاشف الغطا، و شيخ محمدحسين كمپاني کیمی بؤیوک عالملرین محضرینده اولوب اوزون چکمه‌دی کی یوخاری فقاهت مقامینا ال تاپدی.

«علامه امینی»‌نی «الغدیر» کتابی ایله تانییریق. بو عظمتلی کتابی یازماق اوچون مختلف سفرلره قاتلانان عالم کی شیعه و سنّی روایتلرینه و سندلرینه استناد ائله‌مکله غدیر خم واقعه‌سینی یازماغا، 10 مین حدیث کتابینی اوخودو.

امیرالمؤمنین (ع) حرمی‌نین قبله قاپیسیندان چیخاندا «شارع الرسول» خیابانینا چاتیرسیز. بو خیابان اؤزونده شیعه‌نین معاصر تاریخی اندازه‌سینده عظمتلی خزانه‌لر یئرلشدیریب. امام خمینی‌نین (ره) ائوی و آیت الله حکیمین (ره) مزاریندان توتوب علامه امینی‌نین (ره) کتابخاناسی و مزارینا قدر.

علامه امینی‌نی داها چوخ سلیس عرب دیلینده 20 جلدده یازیلان عظمتلی کتابی، الغدیرله تانیریق. او بو کتابی یازماق اوچون 24 ساعتین 17 ساعتینی گئجه گوندوز مطالعه‌یه صرف ائدیب. او الینده اولمایان کتابلاری اوخوماق اوچون مختلف سفرلرین رنجینی جانینا آلیب.

علامه امینی بو کتابین یازماسیندا اوزلشن چتینلیقلارا اشاره ائدیب دئییر: «من الغدیر کتابینی یازماغا 10 مین کتابی بسم الله‌-ین «باء» سیندان تمّت‌-ین «تاء»سینا قدر اوخودوم و 100 مین کتابا تکراراً باش ووردوم».

شبهه‌سیز بو بؤیوک کیشی‌نین یوخاری همّتیندن علاوه بو عظمتلی اثرین یارانماسیندا آیری عامللر ده واریدی. علامه امینی و اطرافینداکیلاردان تکراراً نقل اولوب کی هر واخت بو کتابین یازماسیندا چتینلیغا راست گلیردی، حضرت علی‌(نین) حرمینه پناه آپاریدی و عالمی ایشیقلاندیران گونشدن کؤمک ایستیردی.

بو ربّانی عالم، هجری قمری ایلین ربیع‌الثانی آیی‌نین 28-ده جمعه گونو (1349 شمسی 12 تیر) فانی دنیادان کؤچدو و مطهر جسدی مولاسی حضرت علی (ع) کناریندا تورپاغا تاپیشیریلدی.

+ نوشته شده در  دوشنبه یازدهم شهریور 1392ساعت 10:58 AM  توسط میرزه عبدالصمد ملکی əbdüssəməd  | 

جهانی هویّتله ملّی هویّتی نئجه بیر یئره ییغماق اولار

بو یازی پرینسون دانشگاهی‌نین اوستادی، معاصر فیلسوف «آنتونی آپیا» نین جهانی هویّتله ملّی هویّتین نئجه بیر یئره ییغماغی باره‌ده اولان نظریّه‌سینی آراشدیریر.

معاصر نظریّه‌چی آنتونی آیپانین، اخلاق، سیاسی فلسفه، اجتماعی فلسفه و چوخ کولتورلوک کیمی انسانی علملر ساحه‌سینده مختلف نظرلری‌نین یوخاری اهمیّتی وار.

آیپا « هویّت اخلاقی» آدلی کتابیندا کئچن دؤرلرده، هویّتی تشکیل وئرن عنصرلری مطرح ائلیر و فردلیک و جمعلیک هویّتی آراسینداکی نسبتی آراشدیریر.

اونون نظرینه گؤره عیرق، قومیّت، ملیّت و جنسیّتین، سون اون ایللرده هویّت و جمعی هویّته مربوط اولان بحثلرده مهم روللاری واریدی.

آیپایا گؤره بو دَیَرلره دقّت یئتیرمک آیری دَیَلری کؤلگه‌ده قویور. جمعی هویّت و فردلیگین آراسینداکی نسبت، هویّت بحثینده دقّتی جلب ائدن بحثلردن ساییلیر.

گؤره‌سن جمعی هویّت، فردی آزادلیقلاری محدودلاشدیران آزادلیقدی؟ بئله اولان تقدیرده جمعی هویّت نه قدر فردلیگی و فردی آزادلیغی محدود ائلیر؟

آیپا بو اثرینده آیری عالملرین نظرلرینی مطرح ائله‌مکله بو اساسلی سؤال‌لارا جواب وئریر. آیپا بو کتابدا بئله دئییر: هویّت اخلاقی بیر طرفدن فردلیگه مربوط اولان ادّعالار (کی حیاتیمیزی دوزلدن وظیفه‌لره شامل اولور) و آیری طرفدن هویّته مربوط اولان ادّعالاردی. (کی اؤزوموزه جمعی هویّت تعریفله‌مگه امکان وئرن هویّتی تشکیل وئرن اجتماعی عنصرلردیلر.)

آیپا، فردی و جهانی هویّتین آراسینداکی رابطه‌یه تأکید ائله‌مکله، فردی فرهنگ و هویّتین فقط تانینمیش بشری و جهانی دَیَرلره ضرر یئتیرمه‌دیگی زماناجن قبول اولونا بیلمه‌سینه تأکید ائلیر.

بو، همان اجتماعی هویّتیمیزین فردی هویّتیمیزی محدودلاشدیران سرحدّدیر کی فردی حیاتیمیزی اؤز تأثیری آلتینا آلیر.

او «جهان وطنی» باخیشینا اینانماقلا انسانلارین بیر-بیرلرینه جواب وئرمه‌لی اولمالی اولدوقلاری اوچون، جهانی هویّته صاحب اولماغا تأکید ائلیر. او ملّی هویّتی نفی ائله‌میر آما اونو، جهانی هویّتین کؤلگه‌سینده قبول ائلیر. آیپا جهان وطنی فلسفه‌سیندن تأثیر آلیر و بو فلسفه‌نین یارانماسی‌دا «هگل»دن «بویس»ـا قدر آلمانلی فیلسوفلاردان تأثیرلنیب.

+ نوشته شده در  جمعه هشتم شهریور 1392ساعت 11:28 AM  توسط میرزه عبدالصمد ملکی əbdüssəməd  | 

«آی»داکی سویون اساس قایناغی تاپیلدی

ناسانین دئدیگینه گؤره، آیین سطحینده اولان معدنی داشلارداکی سویون منبعی بو قمرین درینلیگینده‌کی سودور.

بو تازا کشف، هندلی «چاندرایان -1» سفینه‌سی‌نین واسطه‌سی ایله اولوب.

آپولو اکتشاف برنامه‌سی‌نین واسطه‌سی ایله گؤندریلن نمونه‌لرین اوستونده آپاریلان اوّلکی آراشدیرمالار، آیدا «ماگما» سویونون اولماسیندان خبر وئریردی.

جان هاپکینز دانشگاهی‌نین عالملریندن اولان «راشل کلیما» بو باره‌ده دئییر: «بو داشلار معمولاً سطحین درینلیگینده یئرلشیلر کی «Bullialdus» دلیگینی یارادان بیر اثرین واسطه‌سی ایله آیین سطحینه گلیبلر».

او آرتیردی: «بو دلیگین اطرافینی مقایسه ائدندن سونرا، اونون مرکزی بؤلومونده چوخلو مقداردا «هیدروکسیل»ـه (بیر هیدروژن و نئچه اکسیژن اتمی اولان مولکول) راست گلدیک. بو، آیین درینلیگیندن گلن دلیگین داشلاریندا، سویون اولماسیندان خبر وئریر.

+ نوشته شده در  جمعه هشتم شهریور 1392ساعت 11:22 AM  توسط میرزه عبدالصمد ملکی əbdüssəməd  | 

تبریزده بیرینجی یئر آلتی سو پارکی‌نین ایشه باشلاماسی

دولت هفته‌سی ایله عین زماندا تبریز شهرداری‌نین حضورو ایله تبریزده بیرینجی یئر آلتی سو پارکی‌ ایشه باشلادی.

فارسین تبریزدن وئردیگی خبره گؤره، 7600 متر مربع اولان تبریزین بیرینجی یئر آلتی سو پارکی‌، 1820 متر مربع یئر اشغال ائلیر. بو پارکین دالغا گؤلو، 170 متر اوزونلوغوندا و 3 متر ائنینده چایی، 12 جوره فرقلی زویولداق و اوشاقلارا مخصوص گؤلو وار. 150 نفره ایش یئری یارادان بو پارک، تبریز بلدیه‌سی و « آتیه‌سازان فخرآذر» شرکتی‌نین همکارلیغی ایله 20 میلیارد تومندن آرتیق اعتبارلا دوزلیب.

« آتیه‌سازان فخرآذر» شرکتی‌نین مدیر عاملی هلالی آچیلیش مراسیمده‌کی دانیشیغیندا تبریز بلدیه‌سیندن تشکّر ائله‌مکله دئدی: «سون ایللرده تبریز بلدیه‌‌سی‌نین حمایتی ایله خصوصی سرمایه‌ قویانلارین تبریزده مختلف ساحه‌لرده حاضر اولماسینا شاهد اولوروق».

او آرتیردی: «استان و شهر مسئوللاری حمایت ائله‌سه‌لر تبریزده تفریحی-ورزشی شهرجیگین دوزلتمه‌ پلانیمیز واردیر».

هلالی استان و شهر مسئول‌لاریندان خصوصی سرمایه قویانلاردان حمایت ائله‌مکلرینی ایسته‌دی.

+ نوشته شده در  جمعه هشتم شهریور 1392ساعت 11:19 AM  توسط میرزه عبدالصمد ملکی əbdüssəməd  | 

عالمه بنزر جاهل !

اسلام دینی انسانلاری یئر به یئر علم اؤیرنمگه و دوشونمگه چاغیریر. دینی متنلر مختلف یئرلرده علمین اهمیّتی و عالمین منزلتینه تأکید ائدیبلر و علمین یوخاری رتبه‌یه مالک اولدوغونا تأکید ائدیبلر.

حضرت علی (ع) علمین درجه‌سی و رتبه‌سی باره‌ده بویوروب: «علم فضیلتلرین لاپ یوخاریسندادیر».[1]

بیر گون بیر نفر او حضرتدن دولاما سؤل سوروشور. (یعنی قصدی اؤیرنمک یوخ بلکه امتحان ائله‌مک ایدی.) حضرت جوابدا بویورور: «اذیّت ائله‌‌مک اوچون یوخ بلکه اؤیرنمک اوچون سوروش؛  چونکی اؤیرنمک قصدی ایله سوروشان جاهل، عالم کیمیدیر. و اَیری یولا آددیم قویان عالم، سهو آختارماقدان اؤترو سوروشان جاهل کیمیدیر».[2]

امیرالمؤمنین علی علیه السلام علم و ادب اؤیرنمگه بئله چاغیریر: «ای مؤمن، علم و ادب سنین قیمتین و دَیَریندی، اونلاری اؤیرنمگه چالیش کی علم و ادبین چوخ اولدوقجا سنین قدرین و قیمتین چوخالار».[3]

هابئله الله پیغمبری (ص) علم و بیلگی‌نین رتبه‌سی باره‌ده بویوروبلار: «بیلگی، بوتون یاخشیلیقلارین باشیندا گلیر و جهالت بوتون پیسلیکلرین باشیندا گلیر».[4]

حضرت علی‌ده (ع) بو باره‌ده تأکید بویورورلار: «البته علم، اورکلری یاشادان، کور گؤزلری ایشیقلاندیران و گوجسوز بدنلری گوجلندیرندی».[5]



[1] . غرر الحکم: 6379 منتخب میزان الحکمة: 448

[2] . نهج البلاغة: الحکمة320 منتخب میزان الحکمة: 260

[3] . مشکاة الأنوار: 135 منتخب میزان الحکمة: 14

[4] . بحارالأنوار: 77 / 175 / 9 منتخب میزان الحکمة: 396

[5] . أمالی الصدوق: 493 / 1 منتخب میزان الحکمة: 396

+ نوشته شده در  پنجشنبه هفتم شهریور 1392ساعت 11:3 AM  توسط میرزه عبدالصمد ملکی əbdüssəməd  | 

چرا برخی از طلبه ها امام جماعت مساجد نمیشوند؟


چرا برخی از طلبه ها امام جماعت مساجد نمیشوند؟

در سالهای اخیر تعداد ورودیهای حوزه های علمیه افزایش نسبتا چشمگیری داشته است و طبیعتا برخی از حوزه های علمیه قدیمی احیا شده و حوزه های جدیدی نیز احداث شده است تا پاسخگوی علاقمندان باشد اما با کمال تعجب تعداد زیادی از مساجد در روستا ها و تعدای از مساجد شهری فاقد روحانی هستند براستی چرا برخی از مساجد روحانی ندارند؟ چرا طلبه ها علاقه ای ندارند تا امام جماعت مسجد باشند؟

 

برخی از طلبه های خوش فکر جوانِ پرتلاش و فداکار در مساجد مشغول فعالیت هستند و بعضا بخوبی نیز توانسته اند مسجد را آباد کنند و منشا خدمات خوبی برای مردم باشند از این رو مخاطب این بحث این بخش از طلبه ها نیستند.

 

1- عدم تلبس همه طلاب: از تعداد طلبه هایی که در حوزه علمیه درس میخوانند تعدادی از طلبه ها تمایلی به پوشش لباس ندارند و تعداد کمی از آنها ملبس به لباس روحانیت میشوند برخی از کسانی که لباس روحانیت میپوشند نیز به عللی بعد از چند سال لباس را کنار میگذارند از این رو طلبه های ملبسی که بصورت دائمی لباس بپوشند کم بوده و به تبع آن مساجد با کمبود روحانیان مواجه خواهند شد.

 

2-ماندگار شدن در قم: طلبه ها مبتدی پس از طی تحصیلات مقدماتی در شهرستانها برای ادامه تحصیل به قم مهاجرت میکنند و به خاطر امکانات علمی قم و فضای اجتماعی مناسب برای زندگی طلبگی، چندان تمایلی به بازگشت به شهرستانها ندارند اگر چه برخی از طلبه ها ممکن است وقت خود را در قم به بطالت بگذرانند اما زندگی در قم را بر زندگی در شهرستان ترجیح میدهند همین مساله باعث میشود که طلبه های در شهرستان یا روستا کمتر حضور داشته باشند البته ممکن است بصورت مقطعی در ایام تبلیغی در شهرستانها حضور داشته باشند.

 

3-مساله ای بنام معیشت: طلبه های ملبسی که در شهرستان حضور دارند ممکن است از نظر معیشتی دچار مشکل باشند و بخواهند در کنار برپایی نماز جماعت کار تبلیغی و فرهنگی انجام دهند تا از این طریق هزینه ایاب و ذهابی دریافت کنند، از این رو ترجیح میدهند تا بجای مسجد که هم پر زحمت است و هم درآمدی ندارد نماز و تبلیغ را در اداره یا خوابگاهی دانشجویی دنبال کنند چرا که هم تعطیلات دارد و هم چند دقیقه ای بیشتر وقت نمیبرد ضمن آنکه ممکن است برای رفت و آمد نیز وسائط نقلیه ارگان مذکور اقدام کند که نور علی نور است بماند اینکه ممکن است در نماز جماعت سازمانی بیشتر از چند نفر شرکت نکنند و عده ای از کارمندان نیز به اسم نماز محل خدمت را بقصد شب نشینی با همکاران ترک کنند.

 

4- سختی نماز جماعت مسجد: امام جماعت بودن در مسجد از کارهای شاق و پر زحمت است خصوصا اگر نماز ظهر و عصر و مغرب و عشا را یک امام جماعت برگزار کند چرا که در این صورت امام جماعت باید خود را وقف مسجد کند یک روز غیبت از نماز میتواند صدای هیات امنا و نمازگزاران را درآورد، حساب کنید روزهای تعطیل، عید، روزهای برفی، روزهای گرم و داغ و همه و همه را که امام جماعت باید سر وقت حاضر باشد و نماز را به پا دارد، این مساله اول کار است چرا که امام جماعت باید در کنار نماز برای مردم سخنرانی کند و این مساله نیاز به اختصاص وقت برای آماده کردن مطالب دارد، مراجعات مردمی بعد از نماز نیز مقوله دیگری است که بغیر از اختصاص وقت ممکن است حواشی داشته باشد از سوی دیگر امام جماعت باید با نمازگزاران ارتباط برقرار کند و در شادی و غم آنها شریک شود ممکن است روزی نمازگزاری از مکه آمده باشد که باید به خانه او سر زد روز دیگر مادر یکی از نمازگزاران فوت کرده است، روز دیگر مستمندی مراجعه کرده و نمیتوان برای او کاری کرد وباید از نظر ذهنی در رنج باشی که این مستمند چگونه گذران میکند و این قصه سر دراز دارد، واقعیت این است که روحیه برخی از طلبه های امروزی با این کارها سازگار نیست و این مسولیتها را بعنوان دردسر در نظر گرفته و از پذیرش آن خودداری میکند.

 

5-پرستیژ اجتماعی: طلبه های امروزی کمتر علاقه ای دارند در یک مسجد دورافتاده بی نام نشان فعالیت کنند، آنها ترجیح میدهند مدیر یک موسسه فرهنگی باشند که نمایشگاه برگزار میکند پوستر چاپ میکند یا برنامه های پرسرو صدا برگزار میکند، یا اینکه در صدا و سیما حضور داشته باشند وکل ملت را هدایت کنند یا اینکه ترجیح میدهد مجالسی پرشور برگزار کند با مراجعه کنندگان بسیار، از این رو ترجیح میدهد بجای اینکه به او امام جماعت بگویند وی را فعال فرهنگی یا مدیر فرهنگی قلمداد کنند، گویا دیگر مساجد برای فعالیت برخی از طلبه ها جذابیتی ندارد. از نظر انها میتوان کارهای پرسر و صدا انجام داد و ظرف چند مدت در کشور مشهور شد و درسطح ملی کارهای فرهنگی انجام داد ما را چه به یک مسجد کوچک. از سوی دیگر با مذاق طلبه ای امروزی خوش نیست که یک نفر در مسجد بلند شود و برای امام جماعت نذریه جمع کند.

 

6- طلبه های شاغل: از طلبه های ملبسی که به شهرستان برمیگردند برخی در ادارات و دوایر دولتی مشغول کار میشوند و بمرور در آن سیستم هضم میشوند کم کم روحیات طلبگی و وظایف تبلیغی کمرنگ میشود و حتی طلبه لباس را بخاطر وظیفه سازمانی میپوشد از این رو بعد از انکه از اداره به خانه می آید سریعا لباس را به گوشه ای میگذارد و خلاص، این قسم از طلبه ها بعنوان امام جماعت که هیچ بلکه بعنوان یک مسلمان نیز در نماز جماعت مسجد شرکت نمیکنند و حالی برای اینکارها ندارند.

 

7- روحانیان روشنفکر: برخی از طلبه ها و روحانیان که بعضا تحصیلات دانشگاهی نیز دارند حاضر نیستند امام جماعت شوند تصور آنها از نماز جماعت مساجد، حضور در جمع های عوامانه است که نتیجه چندانی برای خود او ندارد از این رو ترجیح میدهد در جمع های نخبگی حاضر شود، میگوید در دانشگاه روزانه در چند کلاسی که میروم با صدها دانشجوی جوان محشور هستم و اگر بتوانم همانجا تبلیغ میکنم بهتر از مسجدی است که دوصف جماعت پیر و نامتوازن در آن جمع هستند. 

نقل از : http://rezataran.ir

+ نوشته شده در  چهارشنبه ششم شهریور 1392ساعت 7:18 PM  توسط میرزه عبدالصمد ملکی əbdüssəməd  | 

ترجمه حرکاتی، غربین قدیم یونان دؤره‌سیله قیریقلیغینا سون قویدو


مسلمانلار مختلف علملری ترجمه ائدیب گئنیشلندیرمه‌سه‌ ایدیلر غربین اؤز اثرلرینی یئنیدن اوخوماغا امکانی اولمایاجاغیدی. مسلمانلار دنیانین گون علملری‌نین اؤیرنمگینی لازم گؤردوکلری زمان مختلف علملرین ترجمه‌سینه و توسعه‌سینه ال آتدیلار.

غربه یول تاپان اثرلر و اونلارین قدیم عصرله سوستالمیش رابطه‌لرینی گوجلندیرن اثرلر، یونان دیلیندن عرب دیلینه ترجمه اولان کتابلار ایدی. حقیقتده مسلمانلار فلسفه‌دن علاوه مختلف علملره توسعه وئریب و گؤزه گلیم علمی مدنیّت یاراتدیلار. سونرا بو تمدّن غربه ده چاتدی. حقیقتده ترجمه حرکاتی‌نین ظهورو ایله قدیم یوناندان قیریلان غرب، تازادان اونا چاتدی. بو مسأله‌نین مدرن اروپانین ترقّی‌سینده اؤنملی رولو واریدی.

مسلمانلار بو علملری ساخلاییب و توسعه وئرمه‌سه‌ ایدیلر غرب اؤز اثرلرینی تازادان اوخویا بیلمزدی و او علملری بوتوولوکده الدن وئرردی. سونراکی عصرلرده اروپا، مسلمانلارین مادّی ترقّیسی‌نین شاهدی اولدو و اونو اؤزونه خط باشی کیمی و یا مبارزه اوچون بیر موضوع کیمی، مقصد قالبیندا نظرده توتدو.

مسلمانلار عرب دیلینه چئوریلمیش کتابلاردان بهره‌لنیب علمه توسعه وئردیلر. مثال اوچون ابن سینانین «قانون» کتابی، طبّ عرصه‌سینده اولماسایدی قدیمی منبعلر آرادان گئتمیش اولاردی و اونلاری توسعه وئرمک امکانسیز اولاردی. غرب عالملری عرب دیلینده اولان بو کتابدان بؤیوک منبع کیمی استفاده ائله‌دیلر.

مسلمانلار، علمی ترجمه ائدیب ساخلاماقدان علاوه اونا توسعه وئریب و الی آچیقجاسینا غرب عالیملرین اختیاریندا قویدولار. غربلیلر ده بو آچیلمیش سوفره‌دن بهره‌لنیب علملرینی توسعه وئردیلر. بو مسأله‌نین لاپ مهم زمانی، اورتا عصرلر دؤرونده ایدی کی غرب عالملری متنلری عرب دیلیندن ترجمه ائله‌مکله مسلمانلارین علملرینه ال تاپیب اوندان فایدالاندیلار.

+ نوشته شده در  سه شنبه پنجم شهریور 1392ساعت 12:47 PM  توسط میرزه عبدالصمد ملکی əbdüssəməd  | 

اخلاصین عبادتده‌کی رولو


عزیز پیغمبریمیز (ص) و اماملاردان (ع) یئتیشن روایتلره اساساً عبادتلرین و عمللرین تکجه قبول اولماق وسیله‌سی، اخلاصدیر. هر هانسی عبادتین آیری شرایطی اولا آما اخلاصلا توأم اولماسا قبول اولونماز.

اخلاص، عبادتلری فقط الله-ـا خاطر یئرینه گتیرمک آنلامیندادیر. قرآن کریم بیّنه سوره‌سی‌نین دؤردونجو آیه‌سینده بویوردوغو کیمی: «فقط الله‌ی عبادت ائله‌ماغا و دینی اونا خالص ائتمک اوچون امر اولدولار». الله‌ین رسولو دا بویوروب: «قیرخ گون اخلاصلا عمل ائتمک نتیجه‌سینده حکمت چشمه‌لری‌نین اورگیندن دیلینه جاری اولمایان بنده یوخدور». و بیر آیری یئرده بویوروب: «خوش او بنده‌نین حالینا کی عبادت و بنده‌لیگینی فقط الله‌ـا خاطر یئرینه گتیرسین.

اخلاص باره‌سینده اولان روایتلرین سایی چوخدور و اونلارین بوتونوندن مهم بیر نکته اله گلیر: عمللر و عبادتلرین قبول اولماسی‌نین تکجه یولو اخلاصدیر. عبادتین آیری شرایطی اولسا آما خالصلیگی اولماسا قبول اولونماز.

ریاکارلیق اخلاصین ترسیدیر. اخلاص عبادتلرین قبول اولماسینا سبب اولدوغو کیمی ریاکارلیق دا عبادتلری باطل اولماسینا سبب اولار. ائله بونا گؤره اسلام عالملری‌نین هامیسی ریاکارلیغین عبادتلرین باطل اولماسینا سبب اولدوغونو دئییرلر. نماز قیلان، ریاکارلیق اوزوندن بیر کلمه‌نی مخصوص شکلده دئسه و یا ریاکارلیق اوچون مخصوص مکان و زماندا نماز قیلیرسا و یا ریاکارلیقدان اؤترو سجده‌سینی و رکوعسونو اوزالدیرسا نمازی باطل اولار.

اوست-اوسته، ریاکارلیق گیزلی شرکدیر. شرکلی عمل عبادتله منافاتلی‌دیر. ریاکارلیق نه فقط نمازی بلکه هر عبادتی باطل ائلر. خمس، زكات، حج، جهاد و.... هئچ بیری‌نین ریاکارلیقلا آراسی یوخدور. عبدالله بن بكير دئییر: «حج مسافرتینده امام صادق‌‌له (ع) بیرلیکله ایدیک. حضرت یولدا بیر داغ باشینا چیخیب جمعیّتین چوخلوغونا باخیب بویوردولار: «ضجّه چکیب آغلایانلار نه چوخدو و حقیقی حجّ یئرینه گتیرنلر نه آزدیر».

معاذ بن جبل پیغمبر اکرمدن (ص) نبأ سوره‌سی‌نین 18-جی آیه‌سی باره‌ده مفصّل روایت ائدیب کی حضرت بویوروب: امّتیمدن اون صنف مختلف شکللرده محشور اولاجاقلار. بیر صنفی دونوز شکلینده، بونلار دنیادا حرام یئینلردیلر. آیری صنف میمون شکلینده؛ دنیادا سؤز آپاریب گتیرنلر. خلاصه هر عملین عکس‌العملی وار.

زلزال سوره‌سی‌نین 7-8-جی آیه‌لری بویورور: «هر کیم ذرّه آغیرلیغی قدر یاخشی ایش گؤرورسه اونو گؤرر و هر کیم ذرّه آغیرلیغی قدر پیس ایش گؤرورسه اونو گؤرر.

+ نوشته شده در  یکشنبه بیست و هفتم مرداد 1392ساعت 5:22 PM  توسط میرزه عبدالصمد ملکی əbdüssəməd  | 

حدیث باغچاسیندان بیر عطرلی چیچک

حضرت محمد پیغمبر (ص) بویوروب:

هر کیم علم‌لری اؤیرنیب حفظ ائتمک ایسته‌ییرسه، بو بئش خصوصیته صاحب اولمالیدیر:

*ایکی رکعت ده اولسا، آردیجیل گئجه نمازی قیلماق؛

*دایم دستَمازلی اولماق؛

*هم آشکاردا، هم ده گیزلینده (یعنی هم جماعتین گؤزو قارشی‌سیندا، هم ده تک‌لیکده) تقوایا رعایت ائتمک (الله-ین حرام بویوردوق‌لاریندان چکینمک)؛

*شهوتی آرتیرماق اوچون یوخ، طاقت الده ائتمک اوچون یئمک؛

*دیش‌لری مسواکلا تمیزلمک.

(سیّد نعمت‌الله حسینی. مردان-علم در میدان-عمل، 4، 35).

+ نوشته شده در  دوشنبه بیست و یکم مرداد 1392ساعت 8:56 AM  توسط میرزه عبدالصمد ملکی əbdüssəməd  | 

انسانین ارزشی باره‌ده بیر حدیث


مرحوم کلینی‌ 7-جی امامدان بیر روایت نقل ائله‌ییب و مرحوم محقق داماد اونو گؤزل شرح وئریب.

حدیث بئله‌دیر کی حضرت بویوردولار: ««إنّ أبدانكم ليس لها ثمن إلاّ الجنّة، فلا تبيعوها بغيرها»[1] بدنلریزین جنّتدن ساوایی قیمتی یوخدور. اونلاری اوندان ساوایینا وئرمه‌یین.

مرحوم محقق داماد دئییر: بو روایت روحوزون بهشتدن یوخاری اولدوغونا اشاره ائلیر. روحو «جنّة اللّقاء»یه وئرمه‌لیسیز. روحوز ﴿عند مليكٍ مقتدر﴾ه چاتمالیدیر. و عندالله اولماق اوچون اَن یاخشی یول اوروج توتماقدیر.[2]

اوروجون باطنی، لقاءالله صورتینده ظهور ائلر و انسان اوچون لقاءالله‌دان یوخاری فرض یوخدور. چون انسان هئچ زمان آرادان گئتمه‌ین ابدی موجوددور و نهایتاً بیر عالمدن آیری عالمه گئدر. اوروجون باطنی اونا نصیب اولسا دایم حضوردان رنجیده اولمادان همیشه حقّ محضرینده اولار. جنّتین تکرارلی لیغی یورماز. اوردا اصلاً یورولماق یوخدور. ایستر ظاهری جنّت ﴿جنّات تجري من تحتها الأنهار) اولسون، ایستر معنوی جنّت اولسون. انسان یورقونلوق، سوسوزلوق و آجلیق رنجینی چکمه‌دن توخلوق لذّتیندن سیراب اولاجاق. جنّتین وضعیّتی دنیا کیمی دئییل.



[1] . كافي، ج 1، ص 19، ح 12.

[2] . «جعله (عليه‏السلام) الجنّة ثمن البدن، إشارة إلي أنّ ثمن جوهر النفس المجرّدة هو الله سبحانه فكأنه (عليه‏السلام) قال: أما إنّ أبدانكم ثمنها الجنّة فلا تبيعوهها وأمّا نفوسكم المجرّدة وأرواحكم القدسيّة فإنّما ثمنها هو الله سبحانه والفناء المطلق فيه وفى مشاهدة نور وجْهه الكريم فلا تبيعوها بغيره» (ميردامادین اصول كافي‌یه یازدیغی تعليقه ، ص 38).

+ نوشته شده در  شنبه نوزدهم مرداد 1392ساعت 10:16 AM  توسط میرزه عبدالصمد ملکی əbdüssəməd  | 

رمضان بایرامی SMS -لری

رمضان بایرامی SMS -لری

 

  کایناتین یارادیجی‌سی و عالملرین ربّی بؤیوک الله‌-ـا سونسوز شکرلر اولسون! رمضان بایرامی برکتیله، بوللوغویلا گلسین، بوتون انسانلیق اوچون خیرلره وسیله اولسون.

 

  بیر داملا اومید سپیلسین اورگینه، بیر داملا سعادت دولسون گونلرینه ، مین بیر دعان قبول و بایرامین مبارک اولسون

 

  سئوگی سؤزه دولارسا دعا اولور، دعا الله-ـا چاتیرسا نور اولور، عینی یولدا بیرلشن دعا‌لاریمیزین نورا دؤنوشوپ ربّیمیزه چاتماسی دیلگی ایله بایرامین مبارک اولسون

 

  الله‌ین رحمتی سنه شامل اولسون. سنه گلن هر یاخشیلیق الله‌داندیر، بوتون پیسلیکلر نفس‌دندیر. مکانین جنّت، یووان سعادتلی، قلبین الله سئوگیسی ایله دولو، بایرامین مبارک اولسون.

 

  اورگینه داملا داملا اومید، گونلرینه مین داد‌لی سعادت دولسون. سئودیکلرین همیشه یانیندا اولسون، یوزون و گولون هیچ سولماسین. بایرامین مبارک اولسون...

 

  رمضان بایرامینیز مبارک، اورگینیز اومید‌لی، اومید‌لرینیز آتلی، سئودانیز قاناد‌لی، سعادتینیز قاتلی، سوفره‌نیز دادلی، مکانینیز تخت‌لی، عمرونوز بخت‌لی اولسون...

 

  کوسکونلرین باریشدیغی، سئونلرین بیر آرایا گلدیگی، رحمت و شفقت دولو گونلرین اَن دَیَرلیلریندن اولان رمضان بایرامینیز مبارک اولسون.

 

  بو دَیَرلی رمضان بایرامیندا، کایناتین یارادیجی‌سی و عالملرین ربّی باغیشلایان و مهربان بؤیوک الله بوتون دعا‌لارینیزی قبول ائتسین.

 

  بایراملار برکتدیر، اومیددیر. دعا‌لارین قبول اولسون ، سئودیکلرین همیشه سنینله  اولسون بایرامینیز مبارک اولسون.

 

  بوتون اورکلر سئوینجله دولسون، اومید‌لر گئرچک اولسون، آجیلار اونودولسون، دعا‌لارینیز قبول و بایرامینیز مبارک اولسون.

 

  قلبلر واردیر سئوگینی یاشاتماق اوچون، انسانلار واردیر دوستلوغو پایلاشماق اوچون و بایراملار واردیر سئوگی ایله قوجاقلاشماق اوچون. بایرامینیز مبارک اولسون.

 

  بیر اووج دعا، بیر قوجاق سئوگی، حرارتلی بیر مئساژ، یوخ ائدیر مسافه‌لری بیرلشدیریر کؤنوللری قلبینیز نور، ائوینیز سعادت دولسون، بایرامینیز مبارک اولسون.

 

  زمانا و مکانا سیغمایان بیر برکتله برکتلنمک و باغیشلانمیش اولمانین او شرفلی مقامینا چاتماق تمنّی سی ایله بایرامینیز مبارک اولسون.

  

  اسلامین نورلو گونشی قلبینه دولسون، مقامین جنّت، حضرت محمّد (ص) قونشون اولسون، گونلرین سعادتلی، گؤنلون سعادتله دولسون. بایرامین مبارک اولسون.

+ نوشته شده در  یکشنبه سیزدهم مرداد 1392ساعت 7:46 PM  توسط میرزه عبدالصمد ملکی əbdüssəməd  | 

نهج‌البلاغه‌دن بیر درس

حضرت علی‌نین (ع) گؤزو همیشه والی‌لری‌نین اوستونده اولوردو و قیسا حکومتی‌نین بویوندا آداملارینی توبیخ ائله‌مک مضمونوندا چوخلو نامه‌لر یازدی.

نهج البلاغه کتابینی ورقله‌ینده بو مسأله‌یه تئز تئز راست گلمک اولار. حضرت علی (ع) «منخم بن سلیم»-ی زکات ییغماغا گؤندرنده اونا بئله یازمیشدی: (25-جی مکتوب)

«تایسیز بیر الله‌-ین قورخوسو ایله یولا دوش، مسلمانلارین کناریندان خوشلاری گلمه‌ین صورتده کئچمه. اونلارین ماللاریندان الله‌-ین حقّیندن آرتیق آلما. بیر طایفایا چاتاندا اونلارین ائولرینه گئتمه‌میش سولارینا گئت. سونرا سکینه و آراملیقلا اونلارین آراسینا گئت و اورتالاریندا دور. اونلارا سلام وئر و سلام وئرمگی قیسا ائله‌مه. سونرا دئنه: «ای الله‌-ین بنده‌لری ! الله‌-ین دوستو و خلیفه‌سی منی سیزه طرف گؤندریب کی املاکیزدان الله-‌ین پایینی آلام. سیزین املاکیزدا الله‌-ین پایی واردی کی اونون ولی‌سینه وئره‌سیز؟» بیری یوخ دئسه (دئسه کی وئرمه‌لی زکاتیم یوخدور) اونا مراجعه ائتمه. آما بیری دئسه کی بلی وار. اونو قورخوتمادان و اونا چتین توتمادان اونونلا گئت و قیزیلدان گوموشدن هر نه وئرسه آل. اینک، قویون و دوه‌سی‌ده اولسا اجازه‌سیز اونلارین یانینا گئتمه چونکی اونلارین چوخو اونوندور. حیوانلارین یانینا گئدنده صاحبلرینه مسلّط اولان کیمی و صاحبلرینه چتین توتان کیمی اونلارا باخما. هئچ حیوانی قورخودوب قووما. صاحبلرینی اونلارین توتماقدا اینجیتمه.

[زکاتی آلاندا] مالی ایکی یئره بؤل و صاحبیندن اونلارین بیرینی سئچمگه اختیار وئر. سئچدیگینه اعتراض ائله‌مه. قالانلاری‌دا همانجور ایکی یئره بؤل و یئنه اوندان ایسته بیرینی سئچسین. [بو ایشی اوراجن ادامه وئر کی گئریده قالان] الله-ین حقّی مقداریندا اولسون. الله-ین حقّینی اوندان آل و اگر بؤلمگی بَیَنمه‌سه و فسخ ائله‌مک ایسته‌سه، سن فسخ ائله و ایکی قسمتی بیر-بیرینه قات و تازادان تکرار ائله.

+ نوشته شده در  پنجشنبه دهم مرداد 1392ساعت 8:14 AM  توسط میرزه عبدالصمد ملکی əbdüssəməd  | 

اوشاغین تربیتی اوچون هئچ واخت تئز دئییل

اوشاغین تربیتی اوچون هئچ واخت تئز دئییل ! بو سئویملی موجودلار چوخ عاغیللی‌دیلار و هر شئیی ایلک باشدان چوخ یاخشی اؤیرنیرلر.

بیر یاشلی اوشاق، یئمگینی بوشقابدان ائشیگه آتاندا، والدین اونونلا نئجه رفتار ائله‌مه‌لی اولدوقلارینی بیلمیرلر. بیر طرفدن‌ده بئله بیلیرلر  اوشاغین یاشی آزدیر و اونو تربیت ائتمک اولماز. آما بئله دئییل. اوشاغا خوش دیلله اؤیرتمک اولمایاندا، اولا بیلر یاخشی پیسی اونا اؤیرتمک لازم اولسون. والدین اکثراً تربیتی تنبیه‌له عوضی توتورلار. آما تربیتین بیناسی اؤیرتمگه دایانیر. بیر یاشلی اوشاغا محدودیّتلری اؤیرتمک  لازمدیر. چوخ ساده یوللارلا اوشاغی دوزگون رفتارا طرف هدایت ائتمک اولار.

 

اوشاغین الیندن ائله‌دیگی سهوه گؤره غضبلندیگیز زمان اونا چیغیرمایین، اؤزوزو کنترل ائدین. چیغیرماغیز باعث اولار اوشاق لج ائله‌سین. چیغیرماق یئرینه اونو فوراً و آراملیقلا سئودیگی ایشه تشویق ائدین. مثلاً گؤرسز اوشاق مبلین دسته‌لرینه دیرماشیر، چیغیرماق یئرینه اونو یئره قویون و اویناتمالیلاری ایله اونونلا اوینایین یا اونا کتاب اوخویون. بو ایش، اوشاغین اشتباهلارینا مانع اولماقدان علاوه اونا بعضی ایشلرین گؤرمه‌مه‌لی اولدوغونو اؤیردر.

اوشاغا ناهاردان و یا شامدان اوّل، قیویر-زیویر یئمگی قدغان ائله‌میش اولساز، آغلاییب عالمی بیر-بیرینه قاتسا دا اونا بو ایشه اجازه وئرمه‌مه‌لیسیز. بیر دفعه تسلیم اولورساز، او بو ایشی اؤیرنر و همیشه چیغیرماق و آغلاماقدان اسلحه کیمی سیزین علیه-یزه استفاده ائلر.

اوشاغین تربیتی اوچون هئچ واخت اونا منطقسیز سؤز دئمه‌یین و دئدیگیزین‌ده اوستونده دایانین. بو مسأله‌ده آتا-آنا هماهنگ اولمالیدیلار. اولماز کی بیری اوشاغا طرف چیخسین و او بیری سؤزون یئریتمگه چالیشسین. بونون نتیجه‌سی مثبت اولماز.

باشاردیغیز قدر مثبت اولون. اوشاغا همیشه «یوخ»، «دَیمه»، «ائله‌مه» و بو کیمی سؤزلر دئسه‌ز، بیر مدّت سونرا داها سیزی حسابا قویمایا‌جاق. «یوخ» سؤزونو هر یئرده خرجله‌مه‌یین اونو فقط ضروری یئرلرده ایشله‌دین. مثلاً اوشاق یاندیران و خطرلی بیر شئیین اوستونه گئدنده تئز و قاطعیّتله «یوخ» دئمه‌لیسیز. خطرسیز یئرلرده لزومو یوخدور «یوخ»دان استفاده ائلیه‌سیز. مثلاً بونون یئرینه کی دئیه‌سیز: «یوخ! ماشیندا باشماق چیخارتمازلار». یاخشی اولار دئیه‌سیز: «ائوه یئتیشه‌نه قدر اونلاری آیاغیندا ساخلا ! یئتیشندن سونرا آیاقلین یئرییه بیلرسن».

 اوشاقلار سیزین دئدیکلریزدن چوخ، عمللریزه باخیرلار. اؤیرشدیکلری‌نین چوخو بؤیوکلردن تقلید ائله‌دیکلریدیر. بونا گؤره سؤزله اؤیرتمکدن علاوه، اونلارا بیر ایشی اؤیرتمکدن اؤترو او ایشی اونلارین گؤزونون قاباغیندا ائله‌یین. مثلاً اوشاغیز دوستلارینی وورورسا، مهربانلیغی اونا عملاً اؤیردین. دوستلاری‌نین بیرینی مهربالیقلا قوجاغیزا آلین. اوشاق‌دا اونلارا محبّت ائله‌مگی اؤیرنر. یا مثلاً دیشلرینی یوماق اونا آغیر گلسه، هیجانلی اولماق اوچون بو ایشی بیرلیکده گؤرون.

یاخشی ایشلری تشویق ائدین. اوشاقلار بعضاً یاخشی رفتاری باجارمادیقلاری اوچون پیس رفتار ائلیرلر. بونا گؤره اونا یاخشی عملین نه اولدوغونو اؤیرتمه‌لیسیز. اوشاق یاخشی ایش گؤرنده اونو تشویق ائدین. بئله‌لیکله او سیزین هانسی عمل‌لردن خوشوز گلدیگینی بیلر.

+ نوشته شده در  پنجشنبه دهم مرداد 1392ساعت 8:9 AM  توسط میرزه عبدالصمد ملکی əbdüssəməd  | 

فتوای جدید آيت الله بيات زنجاني در مورد نوشیدن اضطراری آب در ماه رمضان

این مطلب عیناً از سایت رسمی آن مرجع (http://bayatzanjani.net/fa/news/article-340.html) نقل می گردد:

 آيت الله بيات زنجاني در فتوايي جديد ابراز داشتند:
"با استناد به موثقه عمار و روايت مفضل ابن عمر از امام صادق(ع) كه در باب ١٦ وسائل الشيعه از ابواب "من يصح منه الصوم" آمده است، كساني كه روزه مي گيرند ولي تاب و تحمل تشنگي را ندارند، فقط به اندازه اي كه جلوي تشنگي شان را بگيرد مي توانند آب بنوشند و در اين حالت روزه شان باطل نبوده و قضا هم ندارد
."

لازم به ذکر است نظر فقهی معظم له در رسالۀ عملیه به این شکل نبوده و این نظر فقهی جدید ایشان است./

------------------------------------

 

 مرجع عالیقدر به استفتائات دیگری که در پی انتشار این فتوا برای دفتر ارسال شده است پاسخ دادند.

 استفتاء اول:

سؤال: ضمن عرض سلام؛ حضرتعالی در فتوائی فرموده اید:
با استناد به موثقه عمار و روايت مفضل ابن عمر از امام صادق(ع) كه در باب ١٦ وسائل الشيعه از ابواب "من يصح منه الصوم" آمده است، كساني كه روزه مي گيرند ولي تاب و تحمل تشنگي را ندارند، فقط به اندازه اي كه جلوي تشنگي شان را بگيرد مي توانند آب بنوشند و در اين حالت روزه شان باطل نبوده و قضا هم ندارد.
حال سؤال من اینجاست آیا فردی که در چنین شرایطی قرار گرفته، می تواند احتیاطاً و از روی استحباب روزۀ خود را قضا کند؟


پاسخ: "باسلام و تحیت؛ احتیاط همیشه امری پسندیده است ودر فرض سؤال نیز احتیاط مستحب آن است که فرد روزۀ خود را در وقت مقتضی، قضا کند."

 

 استفتاء دوم:

سؤال: در خصوص فتوای جدید حضرت آقا در خصوص كساني كه روزه مي گيرند ولي تاب و تحمل تشنگي را ندارند، فقط به اندازه اي كه جلوي تشنگي شان را بگيرد مي توانند آب بنوشند استدعا دارم از آن بزرگوار سوال بفرمائید : آیا اشخاصی که ناراحتی دستگاه گوارش دارند و به همین دلیل نباید معده ایشان خالی بماند می توانند روزه گرفته و اندکی غذا برای خالی نماندن معده تناول فرمایند ؟
پاسخ: با سلام و تحیت؛ در فرض سوال اگر احتمال ضرر و زیان قابل توجه به دلیل روزه گرفتن داده شود، روزه گرفتن جایز نیست.
لازم به ذکر است فتوای مذکور مربوط به مورد و شرایط خاص است و از آن موارد با شرایط قید شده نمی توان به موارد دیگر تعدی کرد. بنابراین آن دو روایت مورد استناد در فتوا، تنها مربوط به "آب" است که آن هم با شرایط خاصی که از موارد بارز "ضرورت" می باشد، محسوب می شود.


آيت‌الله العظمي بيات زنجاني در اظهاراتي جديد در جمع  تعدادي از علما و روحانيوني كه در دفتر ايشان حضور يافته و پيرامون فتواي اخير معظم له شبهات و نظراتي داشتند، بياناتي اظهار داشتند كه عينا از سايت ايشان منتشر مي‌گردد:

 

بسم الله الرّحمن الرّحيم

همانطوري كه حضرات مستحضرند در متون روايي و فقهي ما پيرامون روزه شيخ و شيخه (پيرمرد و پيرزن) و ذوالعطاش (مبتلا به مرض تشنگي)، بحثي داريم كه آيا افطار آنها از باب رخصت است يا عزيمت؟ يعني مختارند كه افطار كنند يا موظف به افطار روزه هستند؟ در خلال همين بحث، درباره افرادي بحث شده كه بيماري تشنگي ندارند و عنوان "ذوالعطاش" بر آنها صدق نمي‌كند، اما دچار عطش مقطعي و اتفاقي مي‌شوند و نمي‌توانند روزه خود را ادامه دهند. مثلاً كارگري روزه گرفته و در اثر گرما احتمال دارد ادامه روزه منجر به غش و حتي مرگ شود. اين فرد ذوالعطاش نيست، اما دچار عطش شديد مقطعي شده است. در اين مورد امام صادق (عليه‌السلام)فرموده‌اند كه آنان مي‌توانند آب بنوشند. دو روايت در اين‌باره وارد شده كه هر دو هم به نظر اينجانب معتبر است. البته در نسخه وسائل در موثقه عمار، كلمه عطاش آمده است، ولي در تهذيب، كلمه عطش آمده كه همين درست است، چون ذوالعطاش لازم نيست به اندازه رمق آب بخورد، چراكه مطابق صحيح محمد ابن مسلم اساساً روزه بر او واجب نيست. سند موثقه عمار، احمد بن ادريس از نظر نجاشي و شيخ ثقه است. محمد بن احمد به دليل احمد بن محمد بن حسن  همان ابن يحيي است. اينجا سلسله سند وسائل اصح است، با اينكه معمولا تهذيب اصح است. احمد بن حسن و عمرو بن سعيد و مصدق بن صدقه و عمار همگي اگرچه فطحي مذهب هستند ولي همگي ثقه هستند.

سند روايت دوم (روايت مفضل) هم ما معتقديم معتبر است و اين دو روايت از حيث سند جاي بحث ندارد.

روايت مفضل انگار كه درباره امروز است و درباره افرادي ست كه به دليل تشنگي فراوان، قادر به ادامه روزه نيستند. حضرت هم نمي‌گويد كه: "روزه‌شان را تمام كنند ولو اينكه در فشار قرار گيرند" و نيز نمي فرمايند كه روزه شان را افطار كنند و بعد كفاره دهند و يا قضا كنند، بلكه راهنمايي مي‌كنند كه با خوردن آب به مقدار ضرورت، به روزه ادامه بدهند. البته برخي از اعاظم و اعلام فرموده‌اند كه اينجا درباره افطار يا ادامه روزه سكوت شده و طبق قواعد عامه دال بر ابطال روزه است، اما به اين نكته توجه نشده كه اگر عمومات در اينجا حاكم بود، نياز نبود كه گفته شود روزه‌دار «بقدر ما يمسك رمقه» بخورد.

به نظر من نسبت اين روايت با روايات عمومات، نسبت شبه حكومت است نه تخصيص. امام (ع) از عنوان افطار استفاده نكرده و اساساً چنين شربي را مثلاً مانند ريختن دارو به زور به حلق روزه دار مفطر نمي‌دانند چراكه آنجا از عبارت "افطر" استفاده فرمود.

دقت در موثقه عمار و روايت مفضل  نشان مي‌دهد كه معصوم (ع) در عنوان «مفطر» تصرف كرده و چنين شربي را موضوعاً از عنوان مفطرات خارج كرده است. پس اين دو روايت بر عمومات تقدم دارد و الا لغويت اين دو روايت لازم مي آيد.

با اين وجود مطلبي جامع تر و كاملتر پيرامون اين فتوا به زودي در اختيار دوستان قرار خواهد گرفت.

+ نوشته شده در  سه شنبه هشتم مرداد 1392ساعت 1:7 PM  توسط میرزه عبدالصمد ملکی əbdüssəməd  | 

حضرت علی‌نین (ع) شهادتی باره‌ده نئچه فرقلی روایت

ابن ابی الدنیا (م 281) اوچونجو قرنین محدث و تاریخچی‌سی ایدی کی حضرت علی‌نین (ع) شهادتی باره‌ده مستقل کتاب یازیب. بو کتاب، بو باره‌ده الیمیزه چاتان اَن قدیمی کتاب ساییلیر.

مستقل کتابدان سؤز گئدنده، اوّلدن آخره قدر بیر موضوعدا و بوردا امام علی‌نین (ع) شهادتی باره‌ده یازیلان کتاب نظرده توتولور. البته تاریخ طبری و یعقوبی کیمی عمومی تاریخ کتابلاریندا دا بو باره‌ده سؤز یازیلیب.

امام علی‌نین (ع) شهادتی باره‌ده یازیلان اثرلر آراسیندا «ابن ابی الدنیا» نین کتابی گونوموزه چاتان اَن قدیی کتابدیر. هرچند اوندان اوّل‌ده آیری اثرلر واریمیش. بو اثرین آدی «امیر المؤمنین علیه السلامین مقتلی» دیر کی بیرینجی دفعه مرحوم عبدالعزیز طباطبایی طرفیندن تراثنا مجله‌سی‌نین 12-جی نمره‌سینده (1408ق) یاییلدی.

کتابین یازانی ابن ابی الدنیا قرشی‌یه معروف اولان ابوبکر عبدالله بن محمد بن عبید (208 - 281) تاریخ و حدیث زمینه‌سینده عالم ایدی کی حدیث و تاریخ زمینه‌سینده مختلف کتابلار یازمیشدی.

او، تاریخچی طبری‌دن اوتوز ایل اوّل وفات ائتمیشدی.

اونون کتابیندا مختلف تاریخی مأخذلردن نقل اولموش 119 روایت وار. هر بیر روایت امام علی علیه السلامین شهادت جریانی باره‌ده بیر داستاندیر کی زمینه‌لر و طبعاتین‌دا ایضاح ائدیب. بو روایتلرین هامیسی «ابن ابی الدنیا»نین دیلی‌ ایله «حافظ حسین بن صفوان برذعی» (م 340) آدلی شخص طرفیندن نقل اولور.

هر خبرین راویلری «ابن ابی الدنیا»دان خبرین اصل منبعینه قدر، نقللرین چوخونون اوّلینده گلیب. اونلارین بعضیسی شیعه تاریخچیلری و بعضیسی عامه (سنّی) تاریخچیلریدیر. مثال اوچون بو سند: . . . . عن جابر بن عبدالله جعفی، عن محمد بن علی [امام باقر] . . . سونرا امام علی‌نین (ع) وصیّتینی امام مجتبی‌یه (ع) نقل ائدیب.

بیرینجی روایت امام علی‌نین (ع) سحر اوّل وقت مسجده یوللانان زماندان یازیر کی قوشلار او حضرتین قاباغینا چیخیب اؤتمگه باشلادیلار. اصحاب قوشلاری اوزاقلاشدیرماغا چالیشدیردیلار آما حضرت بویوردو: «قوومایین! اونلار نوحه اوخورلار».

امام علی علیه السلامین شهادت روایتلری بو کتابدا فرقلی نقل اولوب. طبری تاریخینده اولدوغو کیمی بو کتابدا دا فرقلی و متعارض روایتلر، دال به دال گلیب.

حسن بن دینار، حسن بصری‌دن روایت ائدیر کی دئدی: او گئجه علی بن ابی طالب دئدی: «انّی مقتول لو قد أصبحت. سحر آچیلاندا من مقتول اولاجاغام».

بو کتابین بئشینجی روایتینده هشام بن محمد کلبی‌نین دیلی ایله بئله گلیر: نخع‌دن بیر کیشی منه روایت ائتدی کی «صالح بن میثم بن عمران بن میثم تمار» آتاسیندان بئله روایت ائتدی: «علی صبح نمازی اوچون ائشیگه چیخدی. نمازین تکبیرینی دئدی. سونرا انبیاء سوره‌سیندن اون بیر آیه اوخودو. بو آندا، ابن ملجم قیلینجلا او حضرتین فرقیندن ووردو. جماعت اونون باشینا تؤکولوب قیلینجی الیندن آلدیلار. اونلار نمازدایدیلار. علی رکوع‌یه گئتدی سونرا سجده ائتدی. من اونو گؤردوم قان باشیندان آخیردی و او سجده ائدیردی. باشی‌نین قانی او طرف بو طرفه تؤکولوردو. یئنیدن ایکینجی رکعته قالخدی آما حالی دَییشدی. قرائتینی آراملاتدی. سونرا اوتوروب تشهد و سلام وئریب مسجدین دیوارینا دایاندی».

یئدینجی روایتده بئله گلیب: «ابن بجره اشجعی» ایله «ابن ملجم» قرار قویموشدولار قیلینجلا اماما حمله ائله‌سینلر. بیری‌نین قیلینجی سهوه گئتدی و دیوارا دَیدی و ابن ملجمین قیلینجی اصابت ائتدی. اونلارین هر ایکیسی‌ده قاچدیلار. ابن بجره کنده‌یه طرف و ابن ملجم بازارا طرف. ابن ملجمی توتوب امامین نزدینه گتیردیلر.

11-جی روایتده بئله گلیب: واقعه‌دن ایکی گئجه اوّل، امام مسجده وارد اولوب اورداکیلاری یوخودان اویالدیردی. ابن ملجم او حضرتین نزدینه گلیب امامی توبه‌یه چاغیران بیر مکتوب وئردی. امام او آن اونو اوخویا بیلمه‌دی. نمازدان سونرا آچیب اوخودو. اوندا بئله یازیلمیشدی: «سنی شرکدن توبه ائله‌مگه چاغیریرام». حضرت بویوردو: «بو نامه‌نین صاحبی کیمدیر؟» هئچ کسدن جواب گلمه‌دی. امام آغیز سویونو اونا آتیب محو ائدیب ائشیگه آتیب بویوردو: «الله‌ین لعنتی اونا اولسون».

12-جی روایتده امام باقر علیه السلامین دیلی ایله بئله گلیب: الله تعالی شهادت کرامتینی ابن ملجمین ضربتی ایله امام علی‌یه (ع) نصیب ائتمه‌سی‌نین اراده ائله‌دیگی زمان، ابن ملجم، بنی اسد مسجدینده ایدی. هاوا قارالاندا کندی‌لرین ائولریندن بیرینه گئتدی. اوندان بیر جمعه اوّل، امام منبره چیخیب بویوردو: «الله پیغمبری‌ (ص) منه بویوردو « لایبغضک مؤمن و لا یحبک کافر» مؤمن سندن غضبلنمز و کافر سنی سئومز. و آرتیردی: یوخودا گؤردوم بیر شیطان منه ضربه ووروب ساققالیمی باشیمین قانینا ایسلادیب. آما بو منی ناراحت ائتمه‌دی. . .

معهود گئجه‌سی ابن ملجم قاپی یانیندا کمین قوردو. امام نماز اوچون مسجده وارد اولاندا ابن ملجم ضربه‌سینی یئندیردی. محمد بن حنیفه حضرتین یاخینلیغیندا دورموشدو. اونو توتدو. جماعت‌ده ابن ملجمه هجوم ائتدیلر کی اونو اؤلدورسونلر. امام علی (ع) بویوردو: «دؤزون، اونو اؤلدورمه‌یین. قالسام اونو قصاص ائدرم و یا باغیشلارام. قالمازسام جان، جان مقابلینده».

13-جو روایت عبدالغفار بن قاسم انصاری‌نین دیلی ایله بئله نقل اولوب: نئچه نفردن ابن ملجمین گئجه‌نی اشعث بن قیسین ائوینده یاتدیغینی ائشیتدیم. ائله او ایدی کی سحر وقتی اونا دئدی: سحر اولدو ! (یعنی تئز اول یوبانما !)

همان سحر «بنی کنده» مسجدی‌نین اذانچیسی «حجر بن عدی» ایدی. ائله او، مناره باشیندان دئدی: «اعور علی‌نی اؤلدوردو». (ابن ملجم بیر گؤزلو ایدی.) سونرا اشعثه خطاباً دئدی: «ابن ملجم سنین یانیندایدی و سن اونونلا پیچیلداشیردین».

91-جی روایتده «زحر بن قیس»ین دیلی ایله بئله گلیب: حسن بن علی منی مدائنه گؤندردی کی شهادت خبرینی اوردا اولان حسین بن علی‌یه چاتدیرام. یئتیشنده حسین بن علی دئدی: «زحر! نییه رنگین آتیب؟» دئدیم: «امیرالمؤمنینی بو دنیاده حیاتی‌نین سون گونونده و او دنیاسی‌نین اوّل گونونده ترک ائتمیشم. بو حسنین سیزه مکتوبودور». امام سوروشدو: «اونو کیم اؤلدوردو؟» دئدیم: «فاسق مارقیندن عبدالرحمان بن مجلم آدیندا بنی مراددان بیر نفر». سوروشدو: «اؤلدورولدو؟» دئدیم: «بلی» تکبیر دئییب آرتیردی: « انا لله و انا الیه راجعون و الحمد لله رب العالمین، نه بؤیوک مصیبت ! بونونلا کی الله رسولی بویوردو: هر زمان سیزه مصیبت گلسه، منیم مصیبتلریمی یادا سالین کی اوندان یوخاریسی یوخدور. الله رسولی دوز دئدی و بو مصیبت او مصیبتدن سونرا اَن بؤیوک مصیبتدیر و من عمرومده اوندان یوخاریسینی گؤرمیه‌جگم. سونرا بویوردو: ان البلاء الینا أهل البیت سریع. مصیب بیز اهل بیته طرف سرعتلیدیر. و الله المستعان. حسین بن علی مدائن جماعتینی ییغیب امام حسنین نامه‌سینی اونلارا اوخودو. بو آندا «عبدالله بن سباء» آدینا تانینان همدان اهلیندن اولان ابن السوداء دئدی: «علی‌نی قبرده ده گؤرسم، بیلیرم کی ظهور ائده‌نه قدر اؤلمیه‌جک. بو آندا جماعتین آغلاشماسی و استغفاری گؤیه قووزاندی و حسین بن علی‌یه تسلیت دئدیلر و او حضرت جماعتله کوفه‌یه قاییتدی.

+ نوشته شده در  سه شنبه هشتم مرداد 1392ساعت 5:43 AM  توسط میرزه عبدالصمد ملکی əbdüssəməd  | 

امام حسن(ع) و امام حسینین(ع) یاش فرقلری نه قدر ایدی؟

شیعه عالمی‌نین ایکینجی امامی امام حسن (ع)، حضرت علی‌ ایله (ع) پیغمبرین قیزی حضرت فاطمه‌نین (س) ائولنمه‌سی‌نین بیرینجی مولودو ایدی.

هجرتین  اوچونجو ایلینده رمضانین یاریسیندا دنیایا گؤز آچدی. امام حسن (ع) کرامتلی جدّی‌نین دورانیندان نئچه‌ ایلدن آرتیق گؤرمه‌دی. اسلامین عزیز پیغمبری رحلت ائدنده، اونون تقریباً یئددی یاشی واریدی. پیغمبرین رحلتیندن سونرا تقریباً اوتوز ایل آتاسی امیرالمؤمنینین کناریندا اولدو. حضرت علی‌نین (ع) شهادتیندن سونرا اون ایل بویو مسلمانلارین امامتینی عهده‌لرینه آلدیلار. و نهایت 50-جی هجری ایلینده معاویه‌نین توطئه‌سی ایله 48 یاشیندا مسمومیت تأثیرینده شهید اولوب مدینه‌نین بقیع قبرستانیندا دفن اولدو.[1]

امام حسین (ع)، هجرتین دؤردونجو ایلی‌نین شعبانین اوچونجو گونونده مدینه ‌شهرینده دنیایه گؤز آچدی.

او حضرت عمرونون آلتی ایلینی کرامتلی جدّی‌نین دورانیندا یاشادی. پیغمبرین (ص) رحلتیندن سونرا اوتوز  ایل آتاسی حضرت علی‌نین(ع) کناریندا اولدو. امیرالمؤمنینین شهادتیندن سونرا اون ایل قارداشی‌نین کناریندا اولدو. قارداشی‌نین شهادتیندن سونرا اون ایل بویو معاویه‌ ایله مخالفت ائله‌دی، اونو اؤلوموندن سونرا دا اوغلو یزیدین قاباغیندا دایانیب 61-جی هجری ایلی‌نین محریمین عاشورا گونونده کربلا وادی‌سینده شهادته چاتدی.[2]

ابن شهر آشوبون یازدیغینا گؤره او حضرتین ولادتی قارداشی امام حسندن (ع) اون آی ایرمی گون سونرا اولوب. او گون سه‌شنبه و پنجشنبه گونو ایدی. بیر آیری روایتده، او حضرتین قارداشی ایله یالنیز بیر حمل مدّتی فاصله اولدوغو ذکر اولوب. حمل مدّتی آلتی آیدیر.[3]



[1] . پیشوالار سیره‌سی, ص 87.مهدی پیشوایی , قم ، امام صادق (ع) مؤسسه‌سی ،1379 ش،چاپ 11 .

[2] . همان , ص 143 .

[3] . منتهی الامال ، ج1 ، ص 522 ،شیخ عباس قمی ،قم ، هجرت نشریّاتی ،1378 ، اون اوچونجو چاپ .

+ نوشته شده در  چهارشنبه دوم مرداد 1392ساعت 3:59 PM  توسط میرزه عبدالصمد ملکی əbdüssəməd  | 

اوروجلوق آیی‌نین گونده‌لیک دعالاری

اوروجلوق آیی‌نین 16-جی گونونون دعاسی:

"ایلاهی، بو گون یاخشی بنده‌لرین تایی اولماغی منه نصیب ائت! منی پیس آداملاردان اوزاقلاشدیر! بو گون منه اؤز رحمتینله‌ جنّت قرارگاهیندا یئر وئر! الله‌لیغینا آند وئریرم، ائی عالم‌لرین الله‌-ی".

بسم الله الرحمن الرحیم
اللهمّ وَفّقْنی فیهِ لِموافَقَةِ الأبْرارِ وجَنّبْنی فیهِ مُرافَقَةِ الأشْرارِ وأوِنی فیهِ بِرَحْمَتِک الى دارِ القَرارِبالهِیّتَک یا إلَهَ العالَمین .


اوروجلوق آیی‌نین 17-جی گونونون دعاسی:

"ایلاهی، بو گون منی صالح عمللره دوغرو یؤنلت! احتیاج و آرزولاریمی یئرینه یئتیر! ائی ایضاحا و سؤالا احتیاج‌سیز، قلبلرده‌کیندن خبردار اولان الله! محمده و پاک اهل-بیتینه سنین صلواتین اولسون".

بسم الله الرحمن الرحیم
اللهمّ اهْدِنی فیهِ لِصالِحِ الأعْمالِ واقْضِ لی فیهِ الحَوائِجَ والآمالِ یا من لا یَحْتاجُ الى التّفْسیر والسؤالِ یا عالِماً بما فی صُدورِ العالَمین صَلّ على محمّدٍ وآلهِ الطّاهِرین .


اوروجلوق آیی‌نین 18-جی گونونون دعاسی:

"ایلاهی، بو گون منی سحرلرین برکتی ایله اویات! قلبیمی بو سحرلرین ضیاسی ایله ایشیقلات! بدن عضو‌لریمی بو گونون تأثیرینه تابع اولماغا یؤنلت! نورونا آند وئریرم، ائی عارف‌لرین قلبینی نورلاندیران الله".

بسم الله الرحمن الرحیم
اللهمّ نَبّهْنی فیهِ لِبَرَکاتِ أسْحارِهِ ونوّرْ فیهِ قلبی بِضِیاءِ أنْوارِهِ وخُذْ بِکلّ أعْضائی الى اتّباعِ آثارِهِ بِنورِک یا مُنَوّرَ قُلوبِ العارفین .


اوروجلوق آیی‌نین 19-جو گونونون دعاسی:

"ایلاهی، بو گونون برکتی ایله منی بهره‌لندیر! خیرلیکلره دوغرو یولومو هامارلا! بو گونون احسانینی قبول ائتمکدن منی محروم ائتمه! ائی آشکار حق یولونون هدایتچی‌سی".

بسم الله الرحمن الرحیم
اللهمّ وفّرْ فیهِ حَظّی من بَرَکاتِهِ وسَهّلْ سَبیلی الى خَیْراتِهِ ولا تَحْرِمْنی قَبولَ حَسَناتِهِ یا هادیاً الى الحَقّ المُبین .


اوروجلوق آیی‌نین 20-جی گونونون دعاسی:

"ایلاهی، بو گون منیم اوزومه جنّت قاپیلارینی آچیب، جهنم قاپی‌لارینی باغلا! بو گون منی قرآن اوخوماقدا موفق ائت! ائی مؤمن‌لرین قلبینه آراملیق بخش ائدن الله".

بسم الله الرحمن الرحیم
اللهمّ افْتَحْ لی فیهِ أبوابَ الجِنانِ واغْلِقْ عَنّی فیهِ أبوابَ النّیرانِ وَوَفّقْنی فیهِ لِتِلاوَةِ القرآنِ یا مُنَزّلِ السّکینةِ فی قُلوبِ المؤمِنین .


اوروجلوق آیی‌نین 21-جی گونونون دعاسی:

"ایلاهی، بو گون سنین راضی‌لیغینا بایس اولان عمل‌لره دوغرو منه یول گؤستر! بو گون شیطانین منه حؤکمرانلیق یول‌لارینی باغلا! جنّتی منیم اوچون منزیل و آرامگاه ائت! ائی طلب اهلی‌نین احتیاجینی یئرینه یئتیرن الله!"

بسم الله الرحمن الرحیم
اللهمّ اجْعَلْ لی فیهِ الى مَرْضاتِک دلیلاً ولا تَجْعَل للشّیْطان فیهِ علیّ سَبیلاً واجْعَلِ الجَنّةِ لی منْزِلاً ومَقیلاً یا قاضی حَوائِجَ الطّالِبین .

 

اوروجلوق آیی‌نین 22-جی گونونون دعاسی:

"ایلاهی، بو گون فضل قاپیلارینی اوزومه آچ، برکتلرینی منه گؤندر. بو گون سنین راضی‌لیغینا باعث اولان ایشلرده منی موفّق ائت، منی جنّتین ان یاخشی یئرینده ساکن ائت. ائی بیچاره‌لرین دعاسینی قبول ائدن الله!"
بسم الله الرحمن الرحیم
اللهمّ افْتَحْ لی فیهِ أبوابَ فَضْلَک وأنزِل علیّ فیهِ بَرَکاتِک وَوَفّقْنی فیهِ لِموجِباتِ مَرْضاتِک واسْکنّی فیهِ بُحْبوحاتِ جَنّاتِک یا مُجیبَ دَعْوَةِ المُضْطَرّین .

 

اوروجلوق آیی‌نین 23-جو گونونون دعاسی:

"ایلاهی، بو گون منیم گوناهلاریمی یویوب، منی عیب‌لردن تمیزله! بو گون قلبیمی تقوا ایله خالص ائت! ائی گوناهکارلارین خطاسینا گؤز یومان الله!"

بسم الله الرحمن الرحیم
اللهمّ اغسِلْنی فیهِ من الذُّنوبِ وطَهِّرْنی فیهِ من العُیوبِ وامْتَحِنْ قَلْبی فیهِ بِتَقْوَى القُلوبِ یا مُقیلَ عَثَراتِ المُذْنِبین .

 

اوروجلوق آیی‌نین 24-جو گونونون دعاسی:

"ایلاهی، بو گون سنی راضی سالان عمل‌لری سندن ایسته‌ییرم. سنی قضبلندیرن عمل‌لردن سنه سیغینیرام. سنه تابع اولماق و سنه قارشی عصیان ائتمه‌مک اوچون یاردیم ایسته‌ییرم. ائی خواهش ائدن‌لره بخشش وئرن الله!"

بسم الله الرحمن الرحیم
اللهمّ إنّی أسْألُک فیه ما یُرْضیک وأعوذُ بِک ممّا یؤذیک وأسألُک التّوفیقَ فیهِ لأنْ أطیعَک ولا أعْصیک یا جَوادَ السّائلین .

 

اوروجلوق آیی‌نین 25-جی گونونون دعاسی:

"ایلاهی، بو گون منی سنین دوستلارینی سئونلردن، سنین دوشمنلرینله دوشمن اولانلاردان قرار وئر! منی سونونجو پیغمبری‌نین سنّتینه عمل ائدن‌لردن قرار وئر! ائی پیغمبرلرین قلبی‌نین هامیسی اولان الله!"

بسم الله الرحمن الرحیم
اللهمّ اجْعَلْنی فیهِ محبّاً لأوْلیائِک ومُعادیاً لأعْدائِک مُسْتَنّاً بِسُنّةِ خاتَمِ انْبیائِک یا عاصِمَ قُلوبِ النّبییّن .

اوروجلوق آیی‌نین 26-جی گونونون دعاسی:

"ایلاهی، بو گون منیم سعی‌لریمی قیمتلندیر، گوناهلاریمی باغیشلا، عملیمی قبول ائت، عیبلریمی اؤرت! ائی بنده‌لرینی هامیدان یاخشی ائشیدن الله!"

بسم الله الرحمن الرحیم
اللهمّ اجْعَل سَعْیی فیهِ مَشْکوراً وذَنْبی فیهِ مَغْفوراً وعَملی فیهِ مَقْبولاً وعَیْبی فیهِ مَسْتوراً یا أسْمَعِ السّامعین .

 

اوروجلوق آیی‌نین 27-جی گونونون دعاسی:

"ایلاهی، بو گون منه قدر گئجه‌سی‌نین فضیلتینی نصیب ائت! بو گون منیم ایشلریمی چتین‌لیکدن آسانلیغا دوغرو یؤنلت! عذرومو قبول ائت، گوناه یوکونو اوستومدن گؤتور! ائی صالح بنده‌لرینه قارشی مهربان اولان الله!"

بسم الله الرحمن الرحیم
اللهمّ ارْزُقْنی فیهِ فَضْلَ لَیْلَةِ القَدْرِ وصَیّرْ أموری فیهِ من العُسْرِ الى الیُسْرِ واقْبَلْ مَعاذیری وحُطّ عنّی الذّنب والوِزْرِ یا رؤوفاً بِعبادِهِ الصّالِحین .

 

اوروجلوق آیی‌نین 28-جی گونونون دعاسی:

"ایلاهی، بو گون منه یاخشی عمل‌لرین بهره‌سینی بول ائت! ایستکلریمی یئرینه یئتیرمکله منه کرامت گؤستر! سنه یئتمک اوچون یول‌لار ایچیندن سئچدیگیم یولو اؤزونه یاخین ائت! ائی اصرار ائدنلرین اؤز اصرارلاری ایله مشغول ائده بیلمدیکلری الله!"

بسم الله الرحمن الرحیم
اللهمّ وفّر حظّی فیهِ من النّوافِلِ واکرِمْنی فیهِ بإحْضارِ المَسائِلِ وقَرّبِ فیهِ وسیلتی الیک من بینِ الوسائل یا من لا یَشْغَلُهُ الحاحُ المُلِحّین .

 

اوروجلوق آیی‌نین 29-جو گونونون دعاسی:

"ایلاهی، بو گون منی اؤز سونسوز رحمتینله احاطه ائت! بو گون منه قوّت و عصمت نصیب ائت! اورگیمی تهمتچی‌لیک قارانلیغیندان تمیزله! ائی مؤمن بنده‌لرینه رحملی اولان الله!"

بسم الله الرحمن الرحیم
اللهمّ غَشّنی بالرّحْمَةِ وارْزُقْنی فیهِ التّوفیقِ والعِصْمَةِ وطَهّرْ قلْبی من غَیاهِبِ التُّهْمَةِ یا رحیماً بِعبادِهِ المؤمِنین .

 

اوروجلوق آیی‌نین 30-جو گونونون دعاسی:

"ایلاهی، بو گون منیم اوروجومو شکرلو و قبول اولونموش قرار وئر، اؤز بیلدیگین و پیغمبری‌نین بیلدیگی اوروجلاردان ائت! ائله اوروجلاردان کی، خیردا‌لیقلاری‌دا اساس ایمان اصولونا اساسلانسین. سنی آند وئریرم آغامیز محمّده و پاک نسلینه. عالملرین ربّی اولان الله‌-ـا حمد اولسون".

بسم الله الرحمن الرحیم
اللهمّ اجْعَلْ صیامی فیهِ بالشّکرِ والقَبولِ على ما تَرْضاهُ ویَرْضاهُ الرّسولُ مُحْکمَةً فُروعُهُ بالأصُولِ بحقّ سَیّدِنا محمّدٍ وآلهِ الطّاهِرین والحمدُ للهِ ربّ العالمین .

+ نوشته شده در  چهارشنبه دوم مرداد 1392ساعت 7:48 AM  توسط میرزه عبدالصمد ملکی əbdüssəməd  | 

اوروجلوغا حاضرلیق

اسلام دنیاسی، عزیز بیر قوناغی قبول ائله‌مگه حاضرلاشیر: مبارک رمضان آیی.

جسمیمیزی بو گؤزل گونلره حاضرلاماق‌دا چوخلو اهمیّت داشییر. بونا گؤره جسمیمیزی فیزیولوژیک جهتدن اوروجلوغا حاضرلاماق و گونده‌لیک قیدا رژیمیمیزی تنظیمه سالماغین یوخاری اهمیّتی وار.

اوروجلوقدان نئچه گون اوّلدن اوروج توتماغا باشلاماق پیغمبر (ص) سنّتی اولماقدان علاوه بدنیمیزه اورجلوق شرایطینه حاضرلاشماغا دا کؤمک ائلر.

ایکینجی نوع دیابتی اولانلار بو آیدا تازا گؤی و توت چوخ یئمه‌لی و دِسرلرینه دارچین آرتیرمالیدیلار. گونده‌لیق بیر ایکی چای قاشیغی قدر دارچین یئمک، قانداکی قندین مقدارینی تنظیمه سالار. غذادا کفایت قدر فیبر اولمالیدیر چونکی بو مادّه ده، قان قندی‌نین میزانینی تنظیمه سالار.

دیابتین ایکینجی نوعونا مبتلا اولانلار اورجلوقدا گون بویو اؤز یانلاریندا شیرین یئمه‌لی ساخلامالیدیلار کی هر وقت هیپوگلیسمیا (قان قندی‌نین آزالماسی) علامتلرینی مثلاً باش گیجللنمه، اورک بولانما و باش آغریسی، گؤرسه‌لر اوروجلارینی سیندیرماقدا شبهه ائله‌مه‌سینلر. بو علامتلر بدنین خبردارلیغیدیر.

اوروجلوقدا اوروج اولمایان ساعتلرده، بدنیزین لازم اولدوغو قدر مایعات ایچین. هئچ اولماسا گونده سککیز لیوان سو و اوندان علاوه میوه سویو، اوت دمله‌مه‌لیلری ایچین. بدنین سویونو آزالتماغا سبب اولان مایعات مثلاً قهوه و نوشابه کیمی شئیلر ایچمه‌یین. فیبرله دولو اولان یئمکلر مثلاً تازا گؤی و لوبیه‌لری بوللو مقداردا یئیین.

جسمانی حاضرلیقلاردان علاوه، ذهنیمیزی‌ده الله‌-ین قوناقلیق آیینا حاضرلامالی‌ییق؛ گونده‌لیک ذکرلر، مهربانلیق، خانواده رابطه‌لرینی گوجلندیرمک، اجتماعی رابطه‌لرینی گوجلندیرمک، اراده‌میزی گوجلندیرمک و صبر، بو یولدا گؤزل آددیملاردان ساییلیر.

+ نوشته شده در  چهارشنبه دوازدهم تیر 1392ساعت 5:58 PM  توسط میرزه عبدالصمد ملکی əbdüssəməd  | 

شیعه و سنّی اختلافی‌نین تاریخی و فکری ریشه‌سی

سون گونلر مصرده باش وئرن حادثه‌لرین[1] ریشه‌سی معاصر دورده اسلامدان رادیکال تلقّی‌یه قاییدیر. بو دهشتلی جنایتلره ال وورانلار، حدّدن آرتیق اؤز رهبرلرینه اینانیرلار و اؤز عقل و شعورلارینی کنارا قویوب جهالت اوزوندن بو جنایتلره ال وورورلار و حتّا اولا بیلر بو جنایتلری قربةً الی الله اولاراق حیاتا کئچیریرلر.

بو رفتارلارین قطعیاً دینی توجیهی یوخدور. بو عمللره مرتکب اولانلار دیندارلار یوخ بلکه اؤزلرینی دینه تحمیل ائدنلردیر. «زاویة أبومسلم» در منطقه هرم در استان "الجیزة" نزدیک قاهره،

تأسفله اسلام تاریخینده ایستر سنّی و ایستر شیعه اولسون، بیر جور تلقّی وار کی ریشه‌سی اشعری‌لیک و اخباری‌لیغا قاییدیر. بو تلقّی هر شئیی نقل آچیسیندان گؤرور. بیر موضوعدا روایت اولاندا، داها آیری بیر شئیه اهمیّت وئرمیرلر و اونا عمل ائله‌مگه چالیشیرلار. بیر حالدا کی بیر نقل، دینه نسبت وئریلنده؛ اونون نه قدر معتبر اولوب-اولماماسی، نه قدر زمان و مکان شرایطینه باغلی اولماسی، نه قدر آیری زمان و مکانلارا سرایت تاپا بیلمه‌سی جهتدن آراشدیریلمالیدیر. تأسفله داها بونا اهمیّت وئرمیرلر.

عقله و فلسفه‌یه دقّتسیز اولماقدان علاوه، دَییشمک و تغییره ده دقّت یئتیرمیرلر. بو عمللره مرتکب اولانلار نقل مفهومونا عقل ایله باخا بیلسه‌ ایدیلر بیر مطلبین عینیّاتیندان علاوه اونون اصل‌لرینی‌ده گؤره بیلردیلر. اونلار، حتّا انتزاعی بیر مئتودلا، ساده بیر اصلی‌ده کئچمیشدن انتزاع ائده بیلیمیرلر. هر شئیه سطحی و تجریدی باخیرلار. ذهنلرینده‌کی استدلاللار بیر-بیرلریله رابطه‌سی اولمایان جزیره‌لر کیمیدیر. چاتدیقلاری بیر نتیجه‌نین آیری نتیجه‌لرله اویغون گلمه‌دیگینی گؤره بیلمیرلر. اونلارین بیلدیکلرینه آیری بیر شئیین آرتیرا بیلمه قابلیّتلری یوخدور چونکی اؤزلری‌نین قطعیاً تحلیل گوجلری یوخدور. اونلار حدّدن آرتیق اؤز رهبرلرینه باغلیدیلار و حقیقتده اؤزلرینی، آداملیقلارین کنارا بوراخیب، جهالت اوزوندن رهبرلری‌نین امری ایله، بو جنایتلره ال ووروب و بونو قربة الی الله اولاراق یئرینه یئتیریرلر.

تاریخ بویو شیعه و سنّی بؤیوکلری وحدتین یارانماسی یولونودا چوخلو چالیشمالار آپاریبلار. آما بو کیمی حادثه‌لر،  بوندان آرتیق ایشله‌مگین لازم اولدوغونو گؤستریر. بو ایکی مذهبین بؤیوکلری بو مسأله اوستونده جدّی صورتده دوشونمه‌لیدیلر. اونلار اختلافلی مسأله‌لرین اوستونده دانیشماسالار بو ایشی توده‌لر و اونلاری منحرف ائدنلر عهده‌لرینه آلاجاقلار. حقیقتده ایندیکی وضعیّت، دینه توده‌ای باخماغین نتیجه‌سیدیر. 

سلفی دوشونجه و اخباریلیق دینه یاراشان و رحمت پیغمبرینه یاراشان دوشونجه دئییل. تأسفله هم شیعه و سنّی دنیاسیندا تفرقه زمینه‌سی وار. یعنی هر ایکی طرفده‌ده بیر عدّه وار کی منفعتلرینی فرقه‌چیلیکده و سلفی دوشونجه‌سینده گؤرورلر. ایندی بو سلفی، سنّی‌ده اولا بیلر شیعه‌ده اولا بیلر.

هر حالدا بو ایکی مذهبین عقلاسی، بیرلیکده دانیشیب دوشونوب چاره یولو تاپمالیدیلار.

شیعه و سنّی دنیاسیندا بو اختلافلی مسأله‌لرین یانیندا وحدته آپارا بیلن چوخلو یوللار دا وار. فقط اونلارا اهمیّت وئرمک لازمدیر.



[1] . نیمه شعبان گئجه‌سی مصرین «الجیزه» استانین «هرم» منطقه‌سی‌نین «زاویة أبومسلم» کندینده بیر عدهّ سلفی، نیمه شعبان مراسیم اولان بیر ائوه هجوم ائدیب، بئش نفری فجیع شکیلده اؤلدوروب دیگرلرینی‌ده کؤتک آلتینا سالیبلار. پلیس گوجلری یاخیندا اولسالاردا، هجوم ائدنلرین چوخلوقلارینا گؤره حادثه‌ده دخالت ائده بیلمه‌ییبلر.

+ نوشته شده در  شنبه هشتم تیر 1392ساعت 8:32 PM  توسط میرزه عبدالصمد ملکی əbdüssəməd  | 

پیسلیک قارشیسیندا یاخشیلیق

حضرت علی‌دن (ع) روایت اولونان حدیثده بئله بویورولور:

“سیزی ایسته‌مه‌ینلره و سیزینله عداوت ائدنلره قارشی یاخشیلیق ائتمگینیز اونلارا قارشی پیسلیک ائتمگینیزدن داها تأثیرلیدیر و اونلارین اصلاح اولونماسینا سبب اولار.”

(غرر الحکم، 3637-جی حدیث)


پیسلیک ائدن انسانین قارشیلیغیندا یاخشیلیق ائتمک بو معنادا دئییل کی سیزه داها آغیر ضربه وورماسی اوچون اونا کؤمک ائده‌سیز بلکه بو آنلامدادیر کی اونو بیر الله قولو کیمی، بیر انسان کیمی سئوه‌سیز و سعادتی اوچون الیزدن گلنی ائده‌سیز. عیناً بیر آتا-آنانین بالایا ائله‌‌دیگی کیمی. اولاد نه قدر والدینه پیسلیک ائله‌سه ده آتا-آنا اونون تنبیهی اوچون هر نه ائتسه‌لر ده هئچ وقت اونون بدبختلیگین ایسته‌مزلر.

+ نوشته شده در  پنجشنبه ششم تیر 1392ساعت 3:17 AM  توسط میرزه عبدالصمد ملکی əbdüssəməd  | 

وبلاگ گروهي منطقه اي براي جذب توريست


مینجیق وبلاگیندان دَیَرلی یازی:

وبلاگ گروهي منطقه اي براي جذب توريست


+ نوشته شده در  چهارشنبه پنجم تیر 1392ساعت 11:25 PM  توسط میرزه عبدالصمد ملکی əbdüssəməd  | 

جوت قولاق و بیر دیل، معناسی نه‌دیر؟

جوت قولاق و بیر دیل، معناسی نه‌دیر؟

بیر دئییب ایکسین ائشیتمگیندیر.

سوسماغین باشی‌نین راحتلیغی‌ ایله،

شیطانی ایچینده اریتمگیندیر.

قارداشا گولومسه اجر قازان سن،

بونو باجارماسان خیرله دیندیر.

اؤنونده دایانان هر انسان ایله،

فرصت تاپان کیمی اونو سئویندیر.

گولر اوز، ایچیندن گلمه‌ین آنلار،

اؤنونده اولانی دینله، بسیندیر.

چونکی، دانیشان چوخ، دینله‌ین آزدیر،

گؤزل دینله‌ین کس خالقا شیریندیر.

ان گؤزل دینله‌ین الله ائلچیسی،

بو یولدا نمونه‌ن و منهجیندیر.

کسمه‌دی دانیشان کسین سسینی،

«بیتدیمی صحبتین» دئیَن امیندیر.

سؤز کسمک گؤزلره چوخ گؤرونمه‌ین،

منشأیی بیلینمز بیر دوشمنین‌دیر.

اولما هر صحبتین قولاق شاهدی،

ظنّ ائتمه، دوشمنین تکجه دیلیندیر.

گؤزلرین گؤردوگو گناهلار ایسه،

شرفی آپاران بیر عادتیندیر.

سفئهین جوابی سوسماقدیر بعضاً،

بعضاً ده دانیشماق حقّی سنیندیر.

علم اینجه‌دیر، سرت اورکلره گیرمیر،

سرت اورک اخلاقا حاجتیندندیر.

علم دقیق اولور، بو اوزدن‌ده او،

گناهی خوشلامیر، چونکی، او دیندیر.

گؤزلجه دینله‌ین ییغار معلومات،

دینله‌مک بیلمه‌ین یول جاهلیندیر.

عالملر ایللرله علمی دینله‌میش،

بو ایسه بیل، اخلاص نعمتیندندیر!

+ نوشته شده در  دوشنبه سوم تیر 1392ساعت 5:52 PM  توسط میرزه عبدالصمد ملکی əbdüssəməd  | 

بوتون دینلرده منجی واردیر

منجی بحثی تقریباً بوتون دینلرده، ایستر وحیانی دینلرده و ایستر غیری- وحیانی دینلرده واردیر. آزیندان بیر عدّه‌نین اعتقادینا گؤره هندو و بودا دینلری وحیانی دین اولمادیقلارینا رغماً او دینلرده ده منجی بحثی مطرح اولوب. او دینلرین انیانجینا گؤره آخرالزماندا بیر نفر گله‌جک و وحیانی دینلرده مطرح اولان منجی‌نین ایشلرینی گؤره‌جک.

بودایی دینینده آخرالزماندا ظهور ائدن بودالاردان سؤز گئدیر. هندو دینینده ده «کریشنا»یا مختلف تجلّی‌لر تانیرلار کی انسانلارین نجاتی اوچون «کریشنا»نین سون تجلّی‌سی آخرالزماندا باش وئره‌جک. وحیانی دینلرده، _اسلام، مسیحیت و حتّا زردوشتلیکده_ آخرالزماندا ظهور ائدن شخصه نسبت وئریلن ایشلر، بودا و هندو دینلرده ده آخرالزماندا گلن شخصه نسبت وئریلیر.

اسلامدا آخرالزمان منجی‌سینه، ایکی مختلف باخیش وار. بیری شیعه طرفیندن و بیر اهل سنّت طرفیندن. بیز شیعه‌لری او حضرتین وارلیغینا و غیبتده اولدوغونا اینانیریق آما اهل سنّتین اعتقادینا گؤره، او حضرت هله ولادت تاپماییب و آخرالزماندا دنیایا گله‌جک. آما امام زمانین (عج) گؤره‌جگی ایشلر باره‌ده شیعه و اهل سنّتین اعتقادی بیردیر.

نهج‌البلاغه کتابیندا مهدویّت باره‌سینده درین بیر مقاما اشاره اولوب. حضرت علی (ع) اوردا بویورور: «آخرالزماندا «يعطف الهُدي علي الهوي إذا عطفوا الهوي علي الهدي» یعنی هدایتین ضلالته و «الهوی»یه چئوریلدیگی زماندا امام زمان (عج) «الهوی»نی هدایته چئویرر». «الهوای» آشاغی دوشمک و پیسلشمک آ«لامیندادیر. «الهدی»نی هدایت قارشیسیندا گتیرمکله بو مهم نکته‌یه اشاره اولور کی آخرالزماندا هدایت قاپیلاری‌نین هامیسی آچیق اولاجاق.

نهج البلاغه‌ده تحقیق ائدنده، «هوی» و «هدی» نین بیر-بیرینه مقابل معنادا ایشلنمه‌سینه دفعه‌لرله راستلاشیریق. بو گؤزل کتابدا «تقوی» سؤزو ده «هدی»نین یئرینده اوتوران کلمه‌لردندیر.

حضرت علی (ع) تقوی کلمه‌سینی معنا ائدنده اونو انسانی تعادل‌لی اولماغا کؤمک ائدن بیر گوج کیمی تانیتدیریر. حضرت علی (ع) بویورور: «تقوی، انسان اونون بئلینه مینمیش حمیل بیر آت کیمیدی کی جیلوو اونون الینده‌دیر و اونو سعادته و مقصده چاتدیرار. آما «هوی» نوختاسی قیریلمیش یاراماز بیر آت کمیدیر کی جیلووو راکب الینده دئییل و هر آن اونو یئره ییخا بیلر». بو اساسدا امام زمانین (عج) اساس شاخصه‌سی اعتدالدیر. بو اعتدال حیاتین بوتون عرصه‌لرینده ظاهر اولور. او جمله‌دن اخلاق، دیندارلیق، امنیّت و . . . عرصه‌لرینده.

+ نوشته شده در  دوشنبه سوم تیر 1392ساعت 1:1 PM  توسط میرزه عبدالصمد ملکی əbdüssəməd  | 

گؤبه‌لک یانیغا درماندیر!

گؤبه‌لک یوز ایللر بویو جماعتین سفره‌لرینه یول آچمیش قیدا مادّه‌سیدیر. بو آرادا چینلی‌لر و ژاپنلی‌لار داها چوخ گؤبه‌لک یئییرلر.

ایندیه قدر گؤبه‌لگین خاصیّتلری باره‌ده چوخ آز آراشدیرما آپاریلیب آما آراشدیرمالار اونون بدنین ایمنلیک سیستمی‌نین گوجلندیرمه‌سی و ویروسی عفونتلر و مختلف سرطانلارین درمانیندا اولان دقّته لایق تأثیریندن حکایت ائلیر.

مهم بیر مسأله‌یه توخونماق لازمدیر: گؤبه‌لک قطعیّاً یاغ و کالری منبعی دئییل. یعنی بیر عدّه‌نین یالنیش تصوّرو کیمی قیرمیزی اتین یئرینی توتا بیلمز.

آما گؤبه‌لکده «پورین» و «پریمیدین» آدلی مادّه‌لر وار کی سرطانلی و شدّتلی یانمیش انسانلارا، الدن گئتمیش سلّول‌لارینی یئنیدن دوزلتمگه، کؤمک ائدیر.

بیر عدّه‌نین اینانجینا گؤره گؤبه‌لک D ویتامی‌نین منبعیدیر آما یاخشی اولار بیلک کی گؤبه‌لکده بیتکی «استرول» اولان، ارگوسترول ماده‌سی، انسانین قره جیگرینده مخصوص بیر پروسه‌دن سونرا D ویتامی‌نین دوزلتمه‌سینه زمینه حاضرلار. انسان، بدنینی ایرمی دقیقه‌دن یاریم ساعته قدر گون معرضینده قویورسا، او مادّه، D ویتامی‌نین دوزلتمه‌سینه کؤمک ائلر.

یئری گلمیشکن دئمک لازمدیر کی گؤبله‌لک نوعلاری‌نین غذایی دَیَر باخیمیندان فرقلری یوخدور و تقریباً بیردیلر.

اوریک اسیدلری چوخ اولان و نقرس خسته‌لیکلری اولانلار اوچون گؤبه‌لگین ضرری وار .

یئمه‌لی گؤبه‌لکله زهرلی گؤبه‌لکلر او قدر بیر-بیرلرینه اوخشارلار کی بعضیلرینی فقط میکروسکوپلی جهازلارلا تشخیص وئرمک اولار. بونا گؤره انسان اؤزو گؤبه‌لک ییغماغا اقدام ائله‌مه‌سه یاخشیدیر. گؤبه‌لگی بیر هفته‌یه‌دک سویودوجودا ساخلاماق اولار آما اوندان سونرا شیره‌لَنر و خراب اولماغا باشلار. و بو حالدا میگرنی اولان انسانلارا ضرر ائلر.

گؤبه‌لگین پیشیرمگی‌نین اَن یاخشی طرزی او اؤز سویوندا پیشیریب قوورماقدیر. گؤبه‌لگین یوزده دوخسان بئشی‌نین سو اولدوغونا گؤره، پیشیرنده اونا سو آرتیرماق لازم دئییل.

+ نوشته شده در  دوشنبه سوم تیر 1392ساعت 12:55 PM  توسط میرزه عبدالصمد ملکی əbdüssəməd  | 

امام زمانین (عج) کؤمکلری‌نین نئچه‌سی خانیمدی؟

امام باقردن (ع) بیر روایت و ام سلمه‌نین دیلیله پیغمبردن (ص) بیر حدیث اساسیندا امام زمانین کؤمکلری‌نین بیر تعدادینی خانیملاردی.

امام زمانین (عج) محضرینه گئدن خانیملارین بیرینجی دسته‌سی او زماندا یاشایانلارداندیلار کی او حضرتین الله‌ین امن حرمینده ظهورو زمانی او حضرتین خدمتینه چاتارلار. بو باره‌ده ایکی روایت وار:

بیرینجی روایت: امّ سلمه ظهور علامتلری باره‌ده بیر حدیث ضمنینده پیغمبردن روایت ائدیر: یعوذ عائذ من الحرم فیجتمع الناس إلیه کالطّیر الواردة المتفرقة حتّی یجتمع إلیه ثلاث مأة و أربعة عشر رجلاً فیه نسوة فیظهر علی کلّ جبّار و ابن جبّار...[1]

بیر سیغینان، الله‌ین امن حرمینه سیغینار و جماعت، دؤرد طرفدن هجوم ائدن قوشلار کیمی، اوچ یوز اون دؤرد نفر توپلانانا قدر، اونا طرف ییغیشارلار. اونلارین بعضیسی خانیملاردیلار کی هر جبّارا و جبّار اولادینا غالب اولارلار . . .

ایکینجی روایت: جابر بن یزید جعفی، امام باقردن (ع) مفصّل بیر حدیث ضمنینده ظهور علامتلری باره‌ده یازیب: و یجیی ء واللّه ثلاث مأة و بضعة عشر رجلاً فیهم خمسون امراة یجتمعون بمکة علی غیر میعاد قزعا کقزع الخریف یتبع بعضهم و هی الآیة الّتی قال اللّه : «أینما تکونوا یأت بکم اللّه جمیعا إنّ اللّه علی کلّ شی ء قدیر...[2]

الله‌ـا آند اولسون اوچ یوز اون اوچ نفر گله‌جک و اللی نفری خانیمدیر کی اوّلدن قرار قویمامیش مکّه‌ده بیر-بیری‌نین کناریندا توپلاناجاقلار. بودور شریفه آیه‌نین معناسی: «هر یئرده اولساز الله سیزی حاضر ائلر. چونکی او هر ایشه قادردیر».

اوچ یوز اللی نفردن اللیسی آرواد!

بو ایکی روایتین حیرت وئریجی مقاملاری وار. بیرینجی: اوچ یوز اون اوچ کیشی توپلانار و اونلارین اللیسی آرواددیر !

ایکینجیسی: او حضرتین کؤمکلری‌نین آدلاری ساییلان روایتده اصلاً خانیم آدی یوخدور.[3]

بو ایکی مقامی بئله توضیح ائتمک اولار: بو اللی نفر همان اوچ یوز اون اوچ نفرین ایچینده‌دیلر چونکی اولاً امام «فیهم» کلمه‌سیندن استفاده ائدیب. یعنی بو عدّه‌نین اللیسی خانیمدیر.

دوماً: اولا بیلسین «کیشی» تعبیری بونا گؤره اولسون کی سایی‌نین چوخو کیشیدیر و او جهتدن اکثرین آدیندان استفاده ائدیب.

ثالثاً: بو ساییدان کناردا، کؤمک نظرده توتولسایدی «معهم» کلمه‌سیندن استفاده ائدردی، «فیهم» یوخ. چونکی بو اوچ یوز اون اوچ نفر بدر اصحابی عددی کیمی ساییلیبلار و هامیسی یوخاری رتبه‌لی باشچیلاردیلار و قدرت جهتیندن چوخ یوخاری حدّده‌دیلر کی بعضیسی بولوتلا یئر به یئر اولورلار و شبهه‌سیز عادی جماعتدن فرقلنیرلر. بونا گؤره اونلاری اوچ یوز اون اوچ نفرین سیراسیندا بیلسک اونلارا مخصوص موقعیّت وئرمیش اولوروق یوخسا حضرتین آیری کؤمکلری سیراسیندا اولماقلارینی دئسک، اونلارا داها آز امتیاز وئرمیش اولوروق.



[1] . صدوق، محمد بن علی بن الحسین، کمال الدین، ج 2، ص476

[2] . الهیثمی، نورالدین علی بن ابی بکر، مجمع الزوائد، ج 7، ص315؛ معجم احادیث الإمام المهدی، ج 1، ص

[3].  المجلسی، محمد باقر، بحارالانوار، ج 52، ص 223

+ نوشته شده در  شنبه یکم تیر 1392ساعت 9:25 PM  توسط میرزه عبدالصمد ملکی əbdüssəməd  | 

اینترنت بالونو، گوگلین تازا معجزه‌سی

گوگل شرکتی سابقه‌سیز بیر اقدامدا، اینترنت آنتنی اولان مین بالونو گؤیه گؤندرمک نیّتینده‌دیر. بو اقدامین مقصدی جنوبی یاریم کره‌ اؤلکه‌لرینی، اینترنتله تأمین ائله‌مکدیر. ایندیه‌ قدر بو بالونلارین اوتوزو گؤیه گؤندریلیب.

Loon آدلانان بو پروژه، گوگلین اصلی لابراتواری (گوگل ایکس) طرفیندن طرّاحلیق اولوب.

پروژه‌نین تحقیق مرکزی‌نین وئردیگی خبره گؤره، ایندیه‌ قدر یئنی‌ زلاند اؤلکه‌سینده اوتوز بالون گؤیه گؤندریلیب کی یئرله تماسلاری وار. بو بالونلارین بیر-بیریله رابطه‌لری طیّاره‌لرین اوچما خطیندن 20 کیلومتر اوجالیقدا، دنیانین محروم منطقه‌لرینی اینترنتله تأمین ائدن بیر شبکه یارادیر.

گوگلین اعلامینا گؤره بو شبکه‌نین سرعتی و کیفیّتی مخابرات اوچونجو نسل شبکه‌لری 3G کیمی اولاجاق. Loon پروژه‌سی‌نین مدیری‌نین دئدیگینه گؤره بو طرحین سیناق مرحله‌سی موفّقیّتله باشا چاتیب.

بو شبکه دنیانین باشا-باشیندا موبایل تلفونلارلا تماسا امکان وئره‌جک.

+ نوشته شده در  جمعه سی و یکم خرداد 1392ساعت 6:16 PM  توسط میرزه عبدالصمد ملکی əbdüssəməd  | 

علی اکبر، شجاعت و سخاوت نمونه‌سی/ حضرت علی اکبرین (ع) یاشاییشی

حضرت علی اکبر (ع) شجاعتلر و سخاوتلر اوغلودور، نییه کی سخاوت رهبرلری اتگینده بؤیویوب و البتّه بو گؤزل خاصیّتی اونلاردان ارث آپاریب. حضرت علی اکبرین عظمتینی گؤرسدن نکته‌لرین بیری، حضرت اباعبدالله (ع)-ین اؤز جوانی‌نین نعشی اوسوتونه چاتان زمان دئدیگی معروف جمله‌دیر: سندن سونرا دنیانین باشینا کول اولسون.

بیر روایته اساساً حضرت علی اکبر هجری قمری ایلین 33-جو ایلین شعبانین اون بیرینده دنیایه گؤز آچدی. حضرت علی اکبرین دقیق ولادت تاریخی بللی دئییل.

حضرت علی اکبر، آتا طرفیندن وحی خاندانینا وصل اولور، کرامتلی جده‌سی حضرت فاطمه زهرادیر (س). صولت و عظمتده امیرالمومنین علی (ع) کیمی و گؤزللیکده و یوخاری اخلاقدا حضرت رسول‌الله (ص) کیمی ایدی.

او حضرتین آناسی ابی مره بن عروه بن مسعود ثقفی‌نین قیزی لیلا ایدی. او، شیعه‌لرین اوچون امامی یعنی حضرت اباعبدالله الحسین، سیدالشهدانین اوغلودور. شیعه مکتبی باخیشیندان او حضرتی توصیف ائله‌مک ایسته‌سک، یوخاریداکی مناقب و مزیّتلردن علاوه، او حضرت، جدّی‌نین دینی یولوندا شهید اولان کربلا شهیدلر سیراسیندادیر. آما فضایل باخیمیندان حضرت علی اکبر اسلام پیغمبرینه اوخشوردو. حضرت علی اکبر مخصوص فضیلتلری واریدی کی اونو سایر ائمه اولادیندان آییریردی.

او حضرت کرامتلی آتاسی حضرت حسین بن علی (ع) و مظلوم عمیسی حضرت امام حسن مجبتی (ع) اتگینده بؤیودو. حضرت علی اکبر (ع) شجاعت اولادیدیر.

حضرت علی اکبرین (ع) عمرونو سیاسی جهتدن اوچ یئره بؤلمک اولار: بیرینجی دوره، جدّی حضرت علی‌نین (ع) حیاتی ایله مصادف ایدی. اونون بو مقطعده 6-7 یاشی واریدی و حضرت علی‌نین (ع) شهادت ماجراسینا شاهد اولدو. او حضرت اوشاقلیقدان بنی امیّه‌نین کثیف فتنه‌لریله تانیش اولدو.

او حضرتین ایکینجی عمر دوره‌سی عمیسی امام حسن (ع)-ین دوره‌سی ایدی. او، عمیسینه او قدر یاخیندی کی کربلا قضیه‌سینه اوخشار قضیّه اوز وئرسه ایدی کربلادا گؤستردیگی شجاعتی اوردا دا گؤسترردی.

حضرت علی اکبرین پارلایان گونش کیمی ایشیق ساچان اوچونجو دوره، امام حسین (ع)-ین امامت دوره‌سی ایدی. او بو مرحله‌ده آتانین وزیری و ساغ الی کیمی وظیفه‌سینی یئرینه یئتیردی. بو رابطه او قدر قوی ایدی کی بیر عدّه بئله گمان ائدیردیلر امام حسیندن سونرا خلیفه و امام، او حضرت اولاجاق. بو مرحله‌ده اونون لیاقت و عظمتی بیر حدده ایدی کی معاویه فقط اونو اسلام امّتی‌نین رهبرلیگینه لایق گؤروردو.

+ نوشته شده در  جمعه سی و یکم خرداد 1392ساعت 7:53 AM  توسط میرزه عبدالصمد ملکی əbdüssəməd  | 

جولفانین کَمکی داغینداکی پیلّه‌کانلی ائولر

زاویه، جولفانین کَمکی داغی‌نین اتکلرینده یئرلشن مشهور و گؤزل مرزی کنددیر. بوتون گؤرنلری حیران قویان قدیم شکلده تاریخی کند.

بو توریستی و تاریخی کند جولفانین مرکزی بخشی‌نین تابعلریندندیر و موناسیب یولو وار. بو کندین، آب و هاوا، باغلاری‌نین گئنیشلیگی و پیلّه‌کانلی ائولریله مخصوص آللاه وئرگی و طبیعی گؤزللیگی وار.

زاویه کندی شرقی آذربایجانین تاریخی و مذهبی کندلریندن اولوب هادیشهردن یئددی و جولفادان اوچ کیلومتر فاصیله‌سی وار.

بو کندده ایمام موس کاظمین (ع) نوه‌لریندن اولان ایمامزادا سید اسماعیلین مزاری یئرلشیب.

ایمامزادانین حیاطیندا میلّی اثرلر سیراسیندا ثبت اولموش ایکی عدد مین ایللیک چینار آغاجی وار. بو آغاجلار ایمامزادانین جنوب ضیلعینده و بیر-بیریندن دؤرد متر فاصیله‌لری وار. آغاجلارین دؤره‌سی اوچ متر یاریم و اوجالیغی 15 متره چاتار کی اونلارین باشلاری بیر-بیرینه توخونوب.

کندلیلرین دئدیگینه گؤره اوّللر بو آغاجلارین دیبیندن سو آخیردی آما نئچه ایل بوندان اوّل بو آغاجلاری سووارماغا یئر آلتی سیستمی قوشولوب.

زاویه‌نین گئنیش باغلاری، پیله‌کانلی ائولری، ثمره‌لی گیرده‌کان، گیله‌نار، اریک و گیلاس آغاجلارینا گؤره عاییله ایله خوش گونلر کئچیرمگه لاپ گؤزل یئر حسابا گلیر.

ایمامزادا سید اسماعیل (ع) کندین ائولرینه باخان بیر تپه‌نین اوستونده یئرلشیب. بوقعه‌نین قدیمی بیناسی 4*4 متردیر و گونبذی اونون ائنلی دیوارلاری اوستونده قویولوب. ایمامزادانین موطهّر مزاری اوستونده موشبّک تاختادان ضریح قویولوب کی 120 ایل بوندان اوّل نخجیوانلی بیر مهارتلی نجارین الیله دوزلیب.

ضریحین کناریندا صفوی دؤرونده اؤلدورولموش عوثمانلی قوشونونا عایید باشچی‌نین قبری وار. بوقعه‌نین داخیلی ساده سالچی ایشلری ایله بزه‌نیب.

بوقعه‌نین گیریشی شیمال طرفدندیر. زاییرلرین ریفاهینا گؤره حیاطین جنوبی ضیلعینده بیر نئچه اوتاق وار و غربی ضیلعده ده 200 مترلیک بیر مسجید وار.

+ نوشته شده در  یکشنبه دوازدهم خرداد 1392ساعت 6:35 PM  توسط میرزه عبدالصمد ملکی əbdüssəməd  | 

حضرت علی‌یه (ع) عاشیق اولان مسیحیلر

حضرت علی (ع) نهج‌البلاغه‌نین 48-جی خوطبه‌سینده بویورورو: «گئجه چاتاندا و قارانلیق پرده‌سی اونا چکیلنده حمد آللاه مخصوصدور. اولدوزلارین طلوع و غروب زامانی حمد آللاها مخصوصدور. حمد او ذاتا مخصوصدور کی نعمتلری قورتولان دئییل و باغیشلادیقلارینی جوبران ائتمک اولماز. آما سونرا: قوشونومون قاراووللارینی اؤندن گؤندردیم و امریم اونلارا چاتانا قدر فرات قیراغیندا دایانمالارینی ایسته‌دیم. فرات چایینی اؤتوب سیزدن _دیجله چایی‌نین کناریندا ساکین اولان_ بیر جمعیّتین طرفینه گلمک قرارینا گلمیشم. ایستیرم اونلاری سیزینله برابر، دوشمنه طرف سفربر ائدم و سیزی گوجلندیرمک اوچون اونلاردان کؤمک آلام».

بو خوطبه‌نی او حضرت کوفه‌نین خاریجینده «نخیله» قرارگاهیندا «صفین» ساواشینا یوللاناندا هیجری قمری 37-جی ایلینده شوّالین 20-ده بویورموشدو. (ابن ابی الحدید شرحی جیلد 3، صفحه 201) هابئله بو خوطبه‌نی تاریخچیلرین بیر تعدادی او جومله‌دن «نصر بن مزاحم» نقل ائدیب.

صفین یولونداکی جریانلار: بو سفرده ایمام «آنبار» شهرینه چاتدی. بو شهرین اکینچیلیری و بؤیوکلری قارشیلاماغا گلیب دئدیلر: «سیزه قاطیر هدیه گتیرمیشیک و موسلمانلارا یئمک حاضیرلاییب حیوانلاریزا چوخلو یئم حاضیرلامیشیق». ایمام بویوردو: «آما حیوانلار باره‌سینده، اونلاری سیزدن آلماغا حاضیریق و خراجیزدان چیخاریق. یئمکلرین قیمتی بللی اولماسا اونلاری یئمه‌ریک». دئدیلر: «اؤزوموز قیمت ائدیب اونون پولونو وئره‌ریک». ایمام بویوردو: «سیز اونلارین حقیقی قیمتینی حسابلامایا‌جاقسیز». دئدیلر: «سیزین قوشونوزدا بیزیم تانیشلاریمیز وار. اونلارا باغیشلاماغا مانع وار؟»

ایمام بویوردو: «هامی سیزین دوستوزدور. موسلمانلارین هئچ بیری سیزین هدیه‌زی قبول ائله‌مه‌مه‌لیدیلر». سونرا بویوردو: «عسکرلردن هر بیری سیزدن بیر شئی غصب ائله‌میش اولسالار بیزه خبر وئرین». اونلار هدیه وئرمکده ایصرار ائله‌دیلر. ایمام بویوردو: «بیز سیزدن احتیاجسیزیق». بئله‌لیکله اؤز تایسیزلیق و بؤیوکلویونو ثبوت ائله‌دی. حقیقتده ایمام بو ایشی ایله هر جور تجاوزون قاقارشیسینی آلدی.

یولدا «رقه» دیارینا چاتاندا فرات کناریندا «بلیخ» آدیندا بیر یئرده اوتوراق ائله‌دیلر. ائله بوردایدی کی صومیعه‌دن بیر راهیب چیخیب او حضرتین محضرینه گلیب دئدی: «آتالاریمیزدان بیزه بیر کیتاب قالیب. بو کیتابی عیسی‌بن مریمین (ع) صحابه‌سی یازیبلار». سونرا اونو اوخوماغا باشلادی: «آللاه جزیرةالعرب جماعتی ایچینده  اونلارا کیتاب و حیکمتی اؤیرتمک اوچون و آللاه یولونو اونلارا گؤسترمک اوچون بیر پیغمبر مبعوث ائلر. اونون یولوندا خشونت یوخدور و او باغیشلار. اومّتی آللاهی تسبیح ائدن اینسانلاردیلار و وفاتیندان سونرا اونلارین آراسیندا داغیناقلیق یارانار. اومّتیندن بیر کیشی فرات کناریندان کئچر. او عدالته چاغیریب یاخشیلیقلارا امر ائدیب پیسلیکلردن نهی ائلر. دونیا اونون اوچون کولدن داها دَیَرسیزدیر. اؤلومو سو ایچمک کیمی راحات قبول ائلر. خلوتده آللاهدان قورخار و آشکاردا اونا خاطیر جماعته نصحیت وئرر. هر کس او پیغمبری درک ائدیب ایمان گتیرسه آللاهین جنّتینی آلمیش اولاجاق و هر کس او صالح بنده‌نی تاپسا اونا کؤمک ائله‌مه‌لیدیر چونکی اونونلا اؤلمک شهادتدیر». ایمام (ع) آغلاییب آللاها شوکر ائله‌دی. راهیب دئدی: «من سیزدن آیریلمایاجاغام.» او راهیب شهید اولانا قدر، گئجه گوندوز امیرالمؤمنینله (ع) اولدو. ایمام اونا ناماز قیلیب دفعه‌لرله اونون باغیشلانماسینی ایسته‌دی. (نهج‌البلاغه شرحی ابن ابی الحدید جیلد 3، صفحه 204 و 205)

حضرت علي‌نین (ع) ویلادتینی اوّلدن بیلن راهیب   

ابوطالب(ع) زامانی «مثرم بن دعيت بن شيتقام» آدیندا بیر راهیب واریدی. بو کیشی عبادتده معروف ایدی و آللاهی 190 ایل عیبادت ائله‌میشدی و آللاهدان هئچ ایستگی اولمامیشدی. نهایتده آللاهدان ایسته‌دی اؤولیادان بیرینی اونا نیشان وئرسین. آللاه تعالا ابوطالبی اونون نزدینه گؤندردی. مثرم اونو گؤرمک همن آیاغا قالخیب باشیندان اؤپدو و اونو اؤز قاباغیندا اوتوردوب دئدی: «آللاه سنه رحمت ائله‌سین. سن کیمسن؟» ابوطالب دئدی: «تهامه بؤلگه‌سیندن بیر کیشی». سوروشدو: «عبد منافین هانسی طایفاسیندان؟» جواب وئردی: «بنی هاشمدن». راهیب، یئنه دوروب ابو طالبین باشیندان اؤپوب دئدی: «آللاها شوکر اولسون کی آللاه منیم ایستگیمی وئردی و اؤلمه‌میشدن اوّل اؤز ولی‌سینی منه گؤستردی». سونرا دئدی: «سنه بشارت اولسون! آللاه منه ایلهام ائدیب کی سنه بشارت وار». ابو طالب سوروشدو: «او بشارت نه‌دیر؟» دئدی: «سندن بیر اوشاق اولاجاق کی ولی الله دیر. او آللاهین ولیسی، تقوالیلارین ایمامی و رسول الله‌-ین وصی‌سیدیر. او اوشاغی گؤرسن مندن اونا سلام یئتیر و اونا دئنه: مثرم سنه سلام یئتیریر و شهادت وئریر کی آللاهادا سووای تانری یوخدور. تکدیر و شریکی یوخدور و محمد (ص) اونون بنده‌سی و رسولودور و سن اونون حقلی خلیفه‌سی‌سن. نُبوّت محمدله و وصایت سنینله کامیل‌لشیر». بو حینده ابو طالب آغلاییب سوروشدو: «اونون آدی نه‌دیر؟» دئدی: «آدی علی‌دیر».

قوشونون سوسوزلوغو و مسیحی راهیب

صفّین یولوندا ایمامین (ع) قوشونو سوسوزلوغا دوچار اولدو. سو احتیاطی قورتولموشدو و هر طرفده سو آختاریشلاری نتیجه‌سیز قالدی. حضرت علی (ع) قوشونونو یولدان آزاجیق قیراغا چکیب بیر آز یول گئدندن سونرا چؤلون اورتاسیندا بیر صومعه آشکار اولدو. حضرت صومعه‌یه طرف گئدیب صحابه‌یه بویودو: «اورانین ساکینلرینی چاغیرین». جماعت چاغیردی. بیر راهیب باشینی صومعه‌دن ائشیگه چیخاردی. حضرت اونا بویوردو: «سیزین یاخینلیغیزدا بو جمعیّته جواب وئره بیله‌جک سو وار؟» راهیب دئدی: «موطلقا، منله سو آراسیندا ایکی فرسخ فاصیله وار منیم‌ده بیر آیلیق سویومو گتیرمه‌سه‌لر سوسوزلوغومدان اؤلرم». حضرت صحابه‌یه بویوردو: «راهیبین بو سؤزون ائشیتدیز؟» دئدیلر: «بلی ! ایندی کی گؤجوموز وار، امر ائلیرسن کی اورا گئدیب سویا ال تاپاق؟» حضرت بویوردو: «یوخ سیزین بو ایشه احتیاجیز یوخدور!» سونرا او حضرت قاطیری‌نین باشینی قیبله‌یه طرف چئویریب و صومعه یاخینلیغیندا بیر نوقطه‌یه ایشاره ائدیب بویوردو: «بورانی قازین». بیر عیدّه کولونگله قازماغا باشلادیلار. نهایت بیر پارلاق (آغ) داشا چاتدیلار (داها قازماق مومکون اولمادی). دئدیلر: «یا علی کولونگ بو داشا تأثیر ائتمیر». حضرت بویوردو: «سو او داشین آلتیندادیر. داشی ترپده بیلسز سویا چاتاجاقسیز. چالیشین داشی یئریندن قوپارداسیز».

موعاصیر مسیحی و حضرت علی (ع)

جورج جورداق، لوبنانین مشهور موحقیقلریندن و مسیحی مؤلّیف، دَیَرلی ««الامام علی صوت‌العداله الانسانیه» کیتابینی یازماقلا بو ایمامین دوشونجه‌لری و زیندگانلیغینا اولان عشق و علاقه‌سینی بیروزه وئریب. او، بو بئش جیلیدلیک کیتابدا حضرت علی‌نین (ع) اینسانی دوشونجه و حکومت زامانلارینا عاشیقانه شکلده ایشاره ائدیب.

«علی و اینسان حاقلری»، «علی و فرانسه اینقیلابی»، «علی و سقراط»، «علی و اونون عصری» و «علی و عرب میلّیِّتی» کیتابلاری، مسیحی جورج جورداقین «صوت العداله الانسانیه» کیتابی‌نین بئش جیلدینی تشکیل ائدیر. جورج جورداق جوانلیغی‌نین لاپ گؤزل ایللرینی، بو کیتابین تحقیقی و یازماسینا صرف ائله‌دی. لوبنانین جنوبوندا مرجعیون شهرینده 1926-جی ایلنیده دونیایا گلمیش جورج جورداق دئییر: «عربین مشهور شاعیری قارداشیم «فوآد جورداق» نهج‌البلاغه کیتابینی منه وئریب اونو درین اوخوماغیما تشویق ائله‌دی. نهج‌البلاغه‌نی اوخویاندان سونرا حضرت علی‌نین (ع) حالتلری، اخلاقی و ادبیّاتینا عاشیق اولدوم و اوندان سونرا او حضرت باره‌سینده سونّیلر و شیعه‌لر طرفیندن یازیلمیش کیتابلاری اوخوماغا باشلادیم».

+ نوشته شده در  یکشنبه دوازدهم خرداد 1392ساعت 6:25 PM  توسط میرزه عبدالصمد ملکی əbdüssəməd  | 

ناماز قیلمایان شخصه شئیطانین جاوابی

 

کئچمیش زامانلاردا بیر نفر عربیستان چؤل‌لرینده تک‌باشینا اوزاق بیر سفره چیخیبمیش. شئیطان اونو یولوندان آزدیرماق اوچون تغییری-لیباس اولوب اینسان قیافه‌سینده اونون قارشی‌سینا چیخیر و دئییر:

- سلام، ائی دوست. گؤرورم، تک‌باشینا هاراسا سفر ائدیرسن. ایسته‌ییرسنسه، سنه یول یولداشی اولارام. منیم‌ده یولوم سن گئتدیگین طرفه‌دیر.

همین شخص چوخ سئوینیر و شئیطانین تکلیفینی قبول ائدیر. بو مینواللا ایکی یولداشی اوزون-اوزادی یوللارینا داوام ائدیرلر. نهایت قاش قارالیر، آخشام دوشور. بیردن شئیطان یولداشینا دئییر:

- من سنینله دوستلوق ائتمک ایسته‌میرم!

آدام بونون سببینی سوروشدوقدا شئیطان دیل‌لنیر:

- سحردن سنی موشاهیده ائدیرم. سنی بیر دفعه ده اولسون ناماز قیلان گؤرمه‌دیم. من اینسان قیافه‌سینه گیرمیش شئیطانام. سنی یولوندان آزدیرماق اوچون بئله ائتدیم. باخدیم کی، سنی آزدیرماغا احتیاج یوخموش. من آللاها یالنیز بیر دفعه سجده ائتمه‌ییب اونا عاصی اولدوم. بو عملیمه گؤره ده الله منی قیامته قدر لعنتله‌دی. سن ایسه گونده بئش دفعه آللاها سجده ائتمه‌یه تنبل‌لیک ائدیرسن. اونا گؤره ده سنینله اولماغیملا بیر داها آللاهین لعنتینه دوچار اولماقدان قورخورام و سنینله دوستلوق ائتمکدن ایمتیناع ائدیرم. سنین وضعیتین منیمکیندن بئترمیش کی!

Namaz qılmayan şəxsə şeytanın cavabı

Keçmiş zamanlarda bir nəfər Ərəbistan çöllərində təkbaşına uzaq bir səfərə çıxıbmış. Şeytan onu yolundan azdırmaq üçün təğyiri-libas olub insan qiyafəsində onun qarşısına çıxır və deyir:
- Salam, ey dost. Görür
əm, təkbaşına harasa səfər edirsən. İstəyirsənsə, sənə yol-yoldaşı olaram. Mənim də yolum sən getdiyin tərəfədir.
H
əmin şəxs çox sevinir və şeytanın təklifini qəbul edir. Bu minvalla iki yoldaşı uzun-uzadı yollarına davam edirlər. Nəhayət qaş qaralır, axşam düşür. Birdən şeytan yoldaşına deyir:
- M
ən səninlə dostluq etmək istəmirəm!
Adam bunun s
əbəbini soruşduqda Şeytan dillənir:
- S
əhərdən səni müşahidə edirəm. Səni bir dəfə də olsun namaz qılan görmədim. Mən insan qiyafəsinə girmiş şeytanam. Səni yolundan azdırmaq üçün belə etdim. Baxdım ki, səni azdırmağa ehtiyac yoxmuş. Mən Allaha yalnız bir dəfə səcdə etməyib Ona asi oldum. Bu əməlimə görə də Allah məni qiyamətə qədər lənətlədi. Sən isə gündə beş dəfə Allaha səcdə etməyə tənbəllik edirsən. Ona görə də səninlə olmağımla bir daha Allahın lənətinə düçar olmaqdan qorxuram və səninlə dostluq etməkdən imtina edirəm. Sənin vəziyyətin mənimkindən betərmişki!

+ نوشته شده در  یکشنبه پنجم خرداد 1392ساعت 8:41 PM  توسط میرزه عبدالصمد ملکی əbdüssəməd  | 

حضرت علی‌نین (ع) تله‌سیک قضاوت باره‌ده سؤزو/مؤمین فقط یقین اساسیندا دانیشار

عاغیللی و مؤمین آدام فقط یقین اساسیندا دانیشار. حضرت علی (ع) بو باره‌ده بویوروب: أقولا بغیر علم؟ یقینسیز بیر سؤز دانیشیرلار؟

قضاوت ایکی اساسین اوستونده اولا بیلر: یا یقین اساسیندا و یا جهل اساسیندا. یقین اساسیندا قضاوت ائله‌مک فیکیرلشمک و عاغلی ایشه سالماق نتیجه‌سینده یارانار بونا گؤره‌ده تله‌سیک اولماز. بلکه دوشونمک، تحقیق و موطالیعه‌یه احتیاجی وار. آما جهالت اوزوندن قضاوت ائله‌مک تحقیق، دوشونماق و موطالیعه‌یه دایانماییب بو اوزودن تله‌سیک اولار. قضاوتلرین چوخو منفی و یا موثبت احساسین نتیجه‌سی اولور کی اونوندا کؤکو جهالتده‌دیر. احساس اوزوندن قضاوت، مونفعیلانه احساسلارا دایانار.

قورآن اینسانلاری یئر به یئر قضاوتده تله‌سمکدن چکینمگه و دوشونمگه چاغیریب تقلید و سوءظنی محکوم ائلیر. قورآن بویورور: فاسیق بیریسیندن خبر ائشیتسز اونو تحقیقسیز قبول ائتمه‌یین.

قورآن تله‌سیک و عاغلا دایانمایان قضاوتلر باره‌سینده‌ده بویورور: ما لکم کیف تحکمون؟! سیزه نه اولوب؟ نئجه حؤکم ائدیرسیز؟

+ نوشته شده در  جمعه سوم خرداد 1392ساعت 11:30 AM  توسط میرزه عبدالصمد ملکی əbdüssəməd  | 

یوخو نظریه‌لری و تعبیری

زیگموند فرویدون نظریه‌سی: فروید یوخو گؤرمگی اینسانین آلت شعورونون آرزولاری و ایستکلریی‌نین اینعیکاس ائتدیگینی اینانیر.

فرویدون نظرینده، یوخو گؤرمک بیزه گون بویو سانسور اولموش طلبلریمیزی گؤسترمگه ایجازه وئریر. اوندان علاوه او یوخودا گؤرولنلرین خیالی آلت شعور شئیلرین سمبولو اولماسینا اینانیر بونا گؤره احتیمالی وار یوخولاریمیزین چوخو، تاپدالانمیش طلبلریمیزی حتّا دگیشمیش شکیلده بیان ائلیه.

هوسبون و مک کارلی‌نین فرضیه‌سی: اونلارین نظرینجه یوخو بئینین روحی فعالیّتینی یوخ بلکه فیزیکی فعالیّتینی اینعیکاس ائلیر. بو نظریه‌یه اساساً بیز گونده‌لیک ایشلریمیزی‌ده یوخودا گؤرمگه تمایولوموز وار. کورتئکسین اَن راییج فعالیّتی، گونده‌لیک ایشلر و نیگران‌چیلیقلاری اینعیکاس ائله‌مکدیر.

بونونلا بئله هوسبون بعضی یوخولارین، شخصین روحی دغدغه‌لرینی‌ده شامیل اولماسینی گؤستریر. شخصین یاشاییش ایستراتژیلری باره‌ده اولان باخیشی و پلانی.

کریک و میچستون نظریه‌سی: اونلارین نظرینجه درین یوخو بئینین ایطّیلاعاتینی سئیرکلندیریر. آیری سؤزله یوخو حافیظه مئیدانین بوشالدیر کی سونراکی یوخولارا موتمرکیز اولا بیلسین.

کابوس ایختیلالی: یوخونون اساس دؤره‌سینده تئز تئز آییلماق و یا مورگوله‌مک همیشه قورخمالی و گئنیش یوخولارلا عئینی زماندا اولور. معمولاً یوخولار یاشاییش تهدیدی، تهلوکه‌سیزلیگی و  عیزّت نفس باره‌ده اولور. آییلماق عموماً یوخونون ایکینجی یاریسیندا باش وئرر. قورخولو یوخولاردان سونرا شخص درحال آییق اولار و مکان و زامانی درک ائلر. (یوخو وحشتی ایختیلال  و صرعین ترسینه. او حالدا شخص زامان و مکاندان درکی اولماز.) یوخو ایختیلالی شخصین گونلوک یاشاییشی و ایشینده منفی تأثیر قویا بیلر. بئله ایختیلاللار لزوماً حادیثه‌لر نتیجه‌سینده یارانمازلار بلکه مادّه‌لرین فیزیولوژیک تأثیری و بعضی خسته‌لیکلر تأثیری آلتیندا یارانا بیلرلر.

 بیولوژیک و روح تانیما نظریندن یوخونون تعبیری: DNA کاشیفلرین بیری، فرانسیس کرکین نظرینجه یوخو گؤرمک گون بویو آلینمیش حیسّی ایطیلاعاتین ائشیگه آتیلماسینا کؤمک ائلیر. عصب سیستمی فعالیّته باشلیر و یوخو گؤرمگه سبب اولور. رابین رویستون، ظاهیراً ساغلاملیق موشکوللرینی گؤسترن ایکی یوزدن چوخ یوخو شرحی و تعبیری ییغیب. مثلاً: بیر کیشی یوخودا اونو تعقیب ائدن ایکی قارا پلنگی گؤرور. پلنگلرین بیر جایناغینی اونون بئلینه باتیریر. همن آدام نئچه آیدان سونرا قورخولو بیر خسته‌لیک توتور. بو خسته‌لیگین علامتی بئلی‌نین همن نوقطه‌سینده قارا خالین اولماسیدیر.

نظره گلیر یوخولار بعضاً مسأله‌لری تازا یوللا حلّ ائله‌مگه ایلهام منبعی اولورلار. مثلاً بنزین کاشیفی اولان «ککوله» یوخودا اؤز قویروقلارینی آغزیلارینا آلمیش ایلانلاری گؤرندن سونرا بنزینی کشف ائده بیلدی. بنزینین شیمیایی بیناسی خطی یوخ بلکه داییره‌ویدیر. روح عالیملری دئییر بوتون گؤردویوز یوخولارین گیزلی معناسی وار.

آشاغیدا روح علمی نظریندن نئچه یوخو تعبیری گلیر کی البته عمومی حؤکم ساییلا بیلمزلر و داها چوخ اینسانین عمللری و ذهنی آراسینداکی رابیطه‌نی نظرده آلیب.

پیلّه: یوخودا پیلّه‌لردن یوخاری گئمگیزی گؤرسز معمولاً گله‌جکده مووفقیّته چاتماغیزین علامتی ساییلیر. پیلّه‌دن آشاغی یئنمک‌ده مغلوبیّتدن قورخدوغوزو گؤستریر چونکی سون زمانلار ریسکلی ایش گؤروبسوز.

اوتوموبیل وساییلی: چوخ زمانلار بدن و مخصوصاً بئیین سمبولودور. یوخودا بیر ماشینین موختلیف حیصّه‌لرین آچدیغیزی گؤرسز، سیزین روحی بیر موشکولـله موباریزه ائله‌دیگیزی گؤستریر. یاغلانمیش و آخار ماشینی یوخودا گؤرمک، یاشاییشدا داها سهمانلی اولماغا رغبتیزی گؤرسدیر. پاسلانمیش و ایشدن دوشموش ماشین، روحی و جیسمی خسته‌لیک علامتی ساییلیر.

توک: آچیق و اوزون توک داها چوخ آزادلیغا مئییللی اولماق معناسیندادیر آما یوخودا اؤز توکوزو قیسالتماغی گؤرسز، یاشاییشیزین بیر بؤلومونده محدود اولدوغوزو دوشوندویوزو حیسّ ائیلیرسیز. توکلریزی داراماق، غلیظ موشکوللریزه حل یولونون تاپیلماسی علامتیدیر.

دلیک: بیر دلیکده گیره کئچدیگیزی یوخودا گؤرسز، یاشاییشیزین تکرارلی اولدوغونو دوشوندویوزون معناسیندادیر. پالتارداکی دلیک، یاخیندا مادّی مووفّقیّته ال تاپماغیزین معناسیندادیر.

اؤلوم: یوخودا اؤز اؤلوموزو گؤرسز، دونیانین بوتون موشکوللریندن قورتولماق ایستدیگیزین علامتی ساییلیر. یوخسا جدّیزین آدسیز-سانسیز بیر قبیرده اولماسینی یوخودا گؤرسز بو حالدا ایش و یا بیر حادیثه‌دن ناراحاتلیغیزین علامتی ساییلیر. آیریسی‌نین اؤلومونو یوخودا گؤرمک تعجوب یارادان خبرلرین ائشیتمه‌سی‌نین علامتی‌دیر. عزادارلیق و یا دفن مراسیمینی یوخودا گؤرسز آلت شعوروز سیزدن ایستیر افسوس ائتدیگیز شئیی اونوداسیز.

اوت علف: یاشاییش شرطلریزین اینعیکاسیدیر. یاشیل اوت هر شئیین یولوندا اولماسی معناسیندادیر. آما سارالمیش و قوروموش اوت سیزین خوشبخت اولمادیغیزین علامتیدیر. هابئله خسته‌لیک علامتی‌ده اولا بیلر.

اود: ائویزین اود توتماسینی یوخودا گؤرسز، بیری‌نین الیندن چوخ حیرصلی اولدوغوزون علامتیدیر. فقط اؤزوزو یانماقدا گؤسز، بیری باره‌ده کونترول اولنمایان حیسّلریز وار. اولا بیلر اونون الیندن حیرصلنمیسیز و اولا بیلر اونون فراقیندان فیشارداسیز.

دریا: بوش دریانین یوخودا گؤرولمه‌سی، رابطه‌سیز بیر یاشاییشیزین اولماسینی حیسّ ائدیرسیز. ساحیلی یوخودا گؤرمک سعادتیزین الدن گتئمکده اولدوغونو حیسّ ائدیرسیز.

ایسلامی دوشونجه‌ده صادیقه رؤیا: دینی دوشونجه‌لرده یوخو ایلاهی علامتلردن ساییلان، اؤزونده چوخلو دئییلمه‌میش حکایتلر گیزلدن وارلیقدیر. بیری نفسی‌نین اینحیصاریندان چیخیب یوخویا، بیزی او بیری طرفه هیدایت ائدن بیر شئی کیمی باخسا، چوخلو ایشاره‌لر، حکایتلر و هیدایتلر اونا آشکار اولاجاق. ائله بونا گؤره آللاه تعالا یوخونو اؤز آیه‌لریندن بیر کیمی ساییب. اوندا بیر سئری علامتلر و آیه‌لر ده قویوب کی بیزی اونلارا دیقّت یئتیرمگه چاغیریر. محی الدین عربی بن عربی، یوخونو حیکمت ایشیغی ساییب و اونو عینایت اهلی اوچون بیرینجی ایلاهی وحی تلقّیسی بیلیب.

صادیقه رؤیا گله‌جکده عئیناً ایتیفاق دوشه‌جک یوخودور. بو جور یوخولارین ساکیت و شفّاف روحی زمینه‌یه احیتاجی وار. مخصوصاً دال به دال گؤرولدوکلری شراییطده. آما هر حالدا بو جور یوخونون گؤرنی‌نین حتماً پاک و دیندار اینسان اولدوغونو دئمک اولماز. چونکی اولا بیلر رذاییل و پیسلیکلره موبتلا اولماسینا رغماً، خاص دلیللره گؤره گله‌جگین خبرلریله روحی رابیطه‌سی اولا.

+ نوشته شده در  جمعه سوم خرداد 1392ساعت 11:24 AM  توسط میرزه عبدالصمد ملکی əbdüssəməd  | 

ایمام هادی‌نین (ع) یاشاییشی و سیره‌سی: ویلادتدن شهادته

شیعه عالیملرین هامیسی او حضرتین کمال، فضل، علم و دؤزومو و آیری کمالاتینا تصریح ائدیب و اونو جدّی رسول‌الله (ص) و علی بن ابی طالب (ع) کیمی بوتون یاخشیلیقلارین جامعی ساییبلار و سونّی بؤیوکلری‌ده او حضرتین فضیلتینه تصریح ائدیبلر. دوققوزونجو ایمامین خصوصیّتلریندن بیری، او حضرتین ویلادتی‌نین مودّتلر اوّل شیعه‌لر طرفیندن گؤزلنیلمه‌سی ایدی. ایمام رضا (ع) آتاسی ایمام موسی بن جعفر (ع) و او دا رسول‌الله‌دان نقل ائدیب بویورور: «آتام کنیزلرین اَن یاخشیسی‌نین اوغلونا فدا اولسون. همان «نوبه» اهلی اولان [کنیز]».

ریوایتلره رغماً، شیعه‌لرین اینتیظاری مودّتلرجه یئرینه یئتیشمه‌ییب نیگرانچیلیغا دؤندو. اونلار ایمام رضانین(ع) 45 یاشی ردّ اولدوغونو و او حضرتین اوغلو اولمادیغینی گؤروردولر. اونلار داها چوخ عباسی ظولم سیستمی‌نین او حضرته حمله ائدیب شهید ائتمه‌سیندن قورخوردولار. واقفیه باشچیلاری طرفیندن یاییلان شاییعه‌لر بو نیگرانچیلیقلاری چوخالدیردی. اونلار بئله شاییعه سالیردیلار: ایمام کاظم (ع) دیریدیر و غیبته گئدیب و ایمام رضا (ع) سونسوزدور.

نهایتده هیجری قمری ایلین 195-جی ایلینده رجبین اونوندا گؤزله‌نیلن مولود دونیایا گلدی. تاریخچیلیر او حضرتین ویلادتی ایلی باره‌ده ایجماعلاری وار و فقط آی و گونونده ایختیلاف ائدیبلر.

«خیزران»ین حامیله اولدوغو بللی اولاندان سونرا ایمام موسی بن جعفرین (ع) قیزی، قارداشی ایمام رضایا (ع) نامه یازیب اونو خبردار ائله‌دی. ویلادتدن سونرا حضرت او گئجه‌نی سحره‌دک بالاسی‌نین بئشیگی یانیندا اولوب اونونلا نجوا ائلیردی و ایلاهی علملری اونا اؤیردیردی. ایمام رضا (ع) همن گئجه اؤز بالاسی‌نین ویلادتینی شیعه‌لره خبر وئردی.

شیعه‌لرین سککیزینجی ایمامی، اوغلونون آدینی رسول‌الله‌ین آدینا «محمد» قویدو. او حضرتین کونیه‌سی «ابو جعفر» ایدی و چونکی بئشینجی ایمامین‌دا کونیه‌سی ابوجعفری ایدی تاریخچیلر او حضرتی ایکینجی ابوجعفر آدلاندیریرلار. او حضرتین آیری غیر مشهور کونیه‌سی‌ده «ابو علی»دیر. تاریخ و حدیث کیتابلاریندا او حضرته چوخلو لقبلر ساییبلار، اونلارین مشهورلاری بونلاردیر: "تقی"، "جواد"، "مرضی"، " متوکل"،" متقی"، " زکی"، "متجب"، "مرتضی"، "قانع"، " ربانی عالیم "، "رضی"، "مختار"، "صادق"، "صابر" و "فاضل". هابئله سونّیلر ایچینده «باب‌المراد» لقبینه‌ده مشهوردور. آما او حضرتین اَن مشهور لقبلری "تقی" و "جواد"دیر.

ایمام جواد (ع) 202-جی هیجری ایلینده یئددی یاشیندا ایمامته چاتدی. ایمام جوادین (ع) عؤمرونون بؤیوک قیسمی عباسی خلیفه‌سی مأمونون دؤرونده کئچدی. خلیفه دونیا مالی و مقاملا او حضرتین موقدّسلیگینی آشاغی یئندیرمگه چالیشیردی.

اونون بیرینجی ایشی بو اولدو کی قیزینی او حضرتین عقدینه گتیرسین و توی مراسیمینی ایسرافلی و تؤک-‌داغیتلی ائله‌مکله او حضرتی‌ده بو ایشلرده سهیم گؤرستسین. آما ایمام (ع) اؤز عفیف‌یانا داورانیشی ایله اونون بو ایشینی سونسوز قویدو.

مأمون اؤز پلانلارینی نتیجه‌سیز گؤرنده او حضرتین قتلینه بئل باغلیر و بیر گئجه کئفلی حالدا اونا حمله ائدیر آما مؤعجیزه‌یه بنزر شکیلده ایمام نجات تاپیر.

مأموندان سونراکی خلیفه معتصم‌ده خیلافته چاتاندا، ایمامی بغدادا چاغیریب درباردا گؤز آلتیندا ساخلادی. سارایداکی موباحیثه‌لرده او حضرت، سارایین عالیملرینی مغلوب ائله‌دیگینه گؤره قاضی‌القضات خلیفه یانیندا او حضرتدن سعایت ائله‌دی و خلیفه‌نی اونو شهید ائتمگه راضی سالدی.

معتصم بو دفعه قیزینی او حضرتین اؤلدورمه‌سینه مأمور ائله‌دی. معتصمین قیزی «ام فضل» آتاسیندان آلان زهری اوزومه قاتیب اونونلا ایمام جوادی (ع) زهرلندیردی.

ایمام جواد (ع) 220-جی هیجری قمری ایلین ذی‌قعده‌نین آخیرینده 25 ایل برکتلی عؤمردن سونرا شهادته چاتدی و پاک جسدی کرامتلی جدّی موسی ‌بن جعفرین (ع) مزاری کناریندا بغدادین قریش قبریستانلیغیندا تورپاغا تاپیشیریلدی. بو ایکی کرامتلی‌نین ملکوتی مزارلاری کاظمین آدینا مشهوردور و شیعه‌لرین آمال کعبه‌سیدیر.

+ نوشته شده در  چهارشنبه یکم خرداد 1392ساعت 10:35 AM  توسط میرزه عبدالصمد ملکی əbdüssəməd  | 

اؤولیا‌لارین آللاها سیخ باغلی‌لیغی

بئله بیر باغلی‌لیق مومکوندورمو؟ مومکوندور، بونو تصوّور ائتمک چوخ چتیندیر. اما باجارمادیغین ایشی غئیر اینسانی مومکون حساب ائتمک منطیقه سیغمیر. آللاهدان علم اؤیرنمک اوچون اونو دوشونمگی یول حساب ائدن آدام بو دوشونجه‌دن آیریلا بیلرمی؟ اؤزونو آللاه حضوروندا بیلن آدام اوندان غفلتده قالا بیلرمی؟ بئله اینسان دانیشدیغی سؤزلرده آللاهین راضی‌لیغینی گؤزله‌ییر. بلی، بئله بنده‌لر واردیر. اونلاری تانیماماغیمیز اونلارین یوخلوغونا دلالت ائتمیر. محض اونلارین وارلیغی سببیندن یئر اوزو مرحمته بورونموشدور. حیاتین داوامی اوچون حقیقی اهل بیت (ع) عاشیقلری‌نین وارلیغی موهوم شرط‌دیر.

اؤز عزیزینی الدن وئرمیش آدامین فیکری دایم اونون یانیندا‌دیر. بئله بیر ایتکی‌یه معروض قالمیش اینسان هر هانسی بیر ایشله مشغول اولسا دا عزیزی‌نین فیکریندن آیریلا بیلمیر. آللاهی تانی‌ییب، اونون جمال و جلال صیفت‌لریندن خبردار اولانلار اوچون آللاهدان عزیزی، آللاهدان یاخینی یوخدور. اگر محبّت وارسا، داییم محبوب حاقیندا دوشونمک طبیعی بیر حالدیر. “بقره” سوره‌سی‌نین 165-جی آیه‌سینده اوخویوروق: “ایمان گتیرنلرین آللاها محبّتی داها قووّتلی‌دیر.”

آللاهدان دیله‌مک، اهل بیتین (ع) گؤستریش‌لریندن ایستیفاده ائتمک و اونلارا باغلانماقلا قلبیمیزی آللاهین معریفت و محبّت نورو ایله ایشیقلاندیرا بیلریک. اگر بئله بیر سعادت نصیبیمیز اولسا و قلبیمیزده آللاها محبّت یارانسا اونو داییم خاطیرلاماق‌دا چتین اولماز.

شئیخ انصاری‌دن بیر خاطره

آللاهین حقیقتاً اونو سئون بنده‌لری واردیر. اونلار بو سئوگینی هئچ نه ایله دگیشمزلر. بئله‌لری آللاهلا اونسیّت اوچون فورصت آختاریرلار. مرحوم شئیخ انصاری حاقیندا بو مؤوضوعدا صؤحبتلر چوخدور. ایستی بیر یای گونو منزیله داخیل اولان شئیخ سو ایسته‌ییر. شئیخ اوچون زیرزمیدن سرین سو گتیرمگه گئدیرلر. شئیخ سو گلنه‌دک ایکی رکعت ناماز قیلماق قرارینا گلیر. او نامازا باشلایاندان سونرا سویو گتیریب یانینا قویورلار. نجفین 50 درجه ایستی‌سینی، شئیخین یورغونلوغونو و قارشی‌سینداکی سرین سویو تصوّور ائدین. او ایسه سویو گؤزله‌مک اوزینده نامازا باشلاییر و نامازدا قورآنین اوزون سوره‌لریندن بیرینی اوخویور. نامازی بیتیریب آرتیق ایستی‌سی دوداق یاندیران سودان بیر قورتوم ایچیب آیاغا قالخیر. بلی! شئیخ انصاری کیمیلر اؤز محبوبلاری ایله گؤروش اوچون فورصت آختاریر و نامازدان فئیض آلیرلار. سوسوزلوغو اونوتدوران بیر لذّت! بوتون بونلار حقیقتدیر؛ آللاهلا اونسیتدن فایدالانمیش بؤیوک اینسانلار حاقیندا حقیقت! اصلینده ریساله‌لری و “مکاسیب”ی ایله تانیش اولدوغوموز شئیخ انصاری‌نین معنوی عالمیندن بیر او قدر ده خبردار دئییلیک. بئله بیر معنویّاتدان پای آلماق اوچون آللاها دوعا ائدک. بئله اولسا عؤمروموزون قدرینی بیلر، اهل بیت (ع) یولو ایله آللاها یاخینلاشار و اونلارین شفاعتینه ناییل اولاریق.


ادامه مطلب
+ نوشته شده در  یکشنبه بیست و دوم اردیبهشت 1392ساعت 7:44 AM  توسط میرزه عبدالصمد ملکی əbdüssəməd  | 

هانسی نامازا تؤوبه دوشور؟

صؤحبتیمیزین بو حیصه‌سینه قدر قئید ائتدیگیمیز صیفت‌لردن اوستون‌لری‌ده واردیر. بیزیم عبادت بیلیب کؤنول وئردیگیمیز ایشلری اؤزو اوچون گوناه حساب ائدنلر ده وار. یاخشی عمل‌لر سیراسیندا بیرینجی یئرده دوران ناماز حاقیندا بویورولور: “ناماز دینین سوتونودور” (“بحارالاانوار”، ج.82.) گؤره‌سن، بو صیفت بوتون نامازلارامی شامیلدیر؟ اؤولیا‌لار دیقت و صمیمیتله قیلینمامیش نامازی اؤزلری اوچون گوناه بیلیب بئله نامازا تؤوبه ائتمیش‌لر. گونوموز 24 ساعتدن عبارت اولسا دا، عادتاً، قیلدیغیمیز نامازلار اوست-اوسته هئچ بیر ساعت ده داوام ائتمیر. ان اساسی ایسه اکثر اینسانلار ناماز حالیندا دیقّت و صمیمیّتدن فایدا‌لانا بیلمیرلر.

اگر ناماز آللاهلا صؤحبتدیرسه، بو صؤحبت زامانی هانسی اساسلا باشقا ایشلر باره‌سینده دوشونمک اولار؟! آللاهلا دانیشارکن دیقّتین یایینماسی ادبسیزلیک‌دیر. اگر سیزینله صؤحبت ائدن بیر شخص اوزونو باشقا طرفه توتارسا، بونو نئجه قیمتدندیررسینیز؟ ناماز زامانی دیقّتین آللاهدان غئیری بیر ایستیقامته یؤنلدیلمه‌سی اونا آرخا چئویرمگه برابردیر. آللاه جیسم اولمادیغیندان اونا جیسماً یوخ، روحاً اوز توتماق ضروریدیر. بئله نامازی دینین سوتونو حساب ائتمک اولارمی؟

اینسانی دیگر جانلی‌لاردان فرقلندیرن اونون دیقتلی اولماسیدیر. دانیشانا دیقت گؤسترمه‌ییب آرخا چئویرمک حیوانلارا مخصوص خصوصیتدیر. حضرت پیغمبر (ص) بویورور: “ناماز زامانی آللاهدان غئیری‌سینی دوشونن کس حیوانا چئوریلمکدن قورخمورمو؟” (“بحارالانوار”، ج.84.) اوجا مقام صاحیبلری اولانلار عیبادت زامانی دیقتلی اولار، فیکیرلرینی آللاها یؤنلدرلر. “ناماز، دوعا، قورآنا مشغول اولارکن فیکریم هارادایدی” دئیه دوشونر، هر زامان نوقصانا یول وئردیکلری اوچون تؤوبه ائدرلر.

البته کی، چوخلاری‌نین سویّه‌سی دئییلندن آشاغیدیر. اینسانین اؤولیا‌لار حاقیندا دوشونمه‌سی اونو اؤز نوقصانلی عیبادتینه گؤره خجالت چکمگه وادار ائدیر. بیر دفعه ایکی رکعت گئجه نامازی قیلماقلا اینسان نئجه قودرت‌لنه بیلر؟! اؤولیا‌لار گوناها یوخ، ناقص عیبادته خاطیر تؤوبه ائدیرلرسه، گوناهکارلار نه اوچون تؤوبه ائتمه‌مه‌لی‌دیرلر؟! اؤولیا‌لارا بنزه‌مک اوچون آللاهدان یاردیم ایسته‌یَک. اهل بیت (ع) یولونو گئتمک اونلارا اوخشاماق اوچون چالیشماق دئمکدیر. حضرت علی (ع) بویورور: “عالی مقاما قودرتینیز اولماسا دا، حرامدان چکینمگینیزله، اؤزونوزه نظارتله بیزه یاخینلاشین” (“نهج‌البلاغه”، 45-جی مکتوب.)

اونلارا اوخشاماغا چالیشاق! اهل بیتین (ع) وارلیغیندان خبردار اولان اینسان اهل بیت (ع) روحیه‌سینی دادماق اوچون آللاهدان یاردیم ایستمه‌لیدیر. نفسین حساب مرتبه‌لریندن بیری آللاهدان غئیری‌سینی دوشونمگین گوناه حساب اولونماسیدیر. هر حالدا، اؤولیا‌لار بئله‌دیر. گوناهکارلار اوچونسه نامازدا آللاهدان غئیری‌سینی دوشونمک ده بیر گوناهدیر.

البته کی، اؤولیا‌لار اوچون‌ده درجه‌لر واردیر. حتّا پیغمبرلر ده عئینی بیر درجه‌ده دئییل‌دیر. “بقره” سوره‌سی‌نین 253-جو آیه‌سینده بویورولور: “بعضی پیغمبرلری او بیری‌لریندن اوستون ائتدیک.” همیشه اؤزونو آللاه حضوروندا حیس ائدن اؤولیا‌لار اونا دیقت‌سیزلیگی گوناه حساب ائدیرلر. بیز ایسه ائله گومان ائدیریک کی، یالنیز ناماز واختی آللاهین حضوروندا اولوروق. باشقا واختلاردا ایسه ائو، ایش، درس، اؤولاد حاقیندا دوشونوروک. نامازدان باشقا واختلاردا دوشونمک فیکریمیز ده اولمور. ایمام خمینی (ره) ایسه “عالم آللاهین حضورودور” بویوراردی. قورآن کریمده بئله دوشونن اؤولیا‌لار حاقیندا بویورولور: “هئچ بیر موعامیله و تیجارت اونلاری آللاهین ذکریندن آییرماز.” بو چوخ عالی بیر مقامدیر. حتّا درس گئدیشینده آللاهین ذکریندن آیریلمایان روحانیلر واردیر.


ادامه مطلب
+ نوشته شده در  شنبه بیست و یکم اردیبهشت 1392ساعت 9:44 AM  توسط میرزه عبدالصمد ملکی əbdüssəməd  | 

اؤولیا‌لارین عیبادته باخیشی

ایمانین آشاغی مرتبه‌سینده اولان بنده‌لر واجیب عمل‌لرین ایجراسی و حراملاردان چکینمک اوچون آللاهدان یاردیم ایستمه‌لی‌دیرلر. آما ائله بنده‌لر ده واردیر کی، اونلار بو مسأله‌ده داها درین باخیشا مالیکدیرلر. اونلارین حسابی‌دا عادی اینسانلارین حسابیندان فرقلنیر. اونلار حراما قطیاً یول وئرمیر، تصادوفاً شوبهه‌لی مسأله‌لرده بودره‌ییرلر. حرامدان اوزاق اولان بو اینسان‌لار معنا‌سیز، لغو ایشلرینه گؤره ناراحات اولورلار. بئله‌لری آخیرت‌لری اوچون فایدا‌سیز ایشلردن کنارلاشماغا چالیشیرلار.

بیز ائله دوشونوروک کی، واجیب و موستحب (بَیَنیلمیش) عمل‌لر محدوددور و اکثر عملیمیز موباح (نه واجیب، نه حرام، نه موستحب، نه ده مکروه اولمایان عادی عمل‌لر) صینفینه عاییددیر. هانسی کی، بو عمل‌لر ده هانسیسا بیر باخیمدان ایکینجی درجه‌لی واجیب اولا بیلر. بو ایکینجی درجه‌لی واجیب‌لری‌ده نظره آلساق، عموماً واجیب ایشلرین ایجراسی اوچون عؤمروموز آزلیق ائدر. مثلاً، اؤز اطرافینداکیلارین سوآل‌لارینی جاوابلاندیرماق اوچون روحانی‌یه 24 ساعت آزلیق ائده بیلر. ایندی اؤزونوز موعیّن‌لشدیرین کی، بشریّتی اهلی-بئیت (ع) معاریفی ایله تانیش ائتمک اوچون نه قدر واخت لازیمدیر. “نساء” سوره‌سی‌نین 58-جی آیه‌سینده بویورولور: “آللاه سیزه امر ائدیر کی، امانت‌لری صاحیب‌لرینه قایتاراسینیز.”

اهلی-بئیت (ع) معاریفی روحانی‌لرین الینده امانتدیر. بو امانتین صاحیبی ایسه بشریتدیر. روحانی‌لر یالنیز بو وظیفه‌لرینه لازیمی دیقّت گؤسترسه‌لر، هئچ بیر موستحب ایشه واخت قالماز. دیقّتلی، درین باخیشا مالیک اینسانلار واجیب و موستحب اولمایان ایشه گؤره تؤوبه ائدیرلر. چونکی آللاه واختینی بوش کئچیرنلری سئومیر. بو اینسانلار گونون سونوندا حرام ایش گؤرمه‌دیکلرینی نظره آلیب راحاتلاندیقلاری کیمی، بوش کئچیردیکلری واختا گؤره‌ده تأسوف ائدیرلر. اونلار نه‌یه باخدیقلارینی، نه دانیشدیقلارینی، نه ائشیتدیکلرینی بیر-بیر خاطیرلایا‌راق عمل‌لرینده نوقصان آختاریرلار. فایداسینا امین اولمادیقلاری هر بیر ایش اونلارا سیخینتی گتیریر.

+ نوشته شده در  جمعه بیستم اردیبهشت 1392ساعت 10:17 AM  توسط میرزه عبدالصمد ملکی əbdüssəməd  | 

نیظام انیتیظاملا شادلیق و موفقیتین آراسینداکی رابیطه

شخصی و ایجتیماعی یاشاییشدا نیظام انیتیظاملی اولان اینسانین دوشونجه‌لری مخصوص حالدا تصنیفلشمیش اولار، بونا گؤره‌ده موفقیّت آددیملارینی راحاتلیقلا یوخاری گئدیب روحی فیشاردان آماندا اولوب فرحلی اولار. بوتون وارلیغین اساسی نیظام انیتیظام اوستونده‌دیر و اوندا هر بیر شئیین اؤزونه مخصوص یئری و رولو وار. سما جیسملری‌نین حرکتی، فصللرین اینتیظاملی دولانماسی، گئجه گوندوز، اینسان بدنی‌نین اورگانلاری‌نین ایشی و حرکتی هامیسی اینتیظامین اهمیّتینی گؤستریر. خیلقتده اینتیظامی یارادان آللاه اونو اینسانین فردی و ایجتیماعی یاشاییشیندا دا سئویر.

ایجتیماعی اولماق و جامیعه ‌طرفیندن قبول اولمانین بیر یولو جامیعه‌ده‌کی اینتیظامی و قایدالاری رعایت ائله‌مکدیر. قایدالار فردلرین داورانیشینی کونترول ائلر و هدفلی و موفق یاشاییشا سبب اولار. قورآن کریم قمر سوره‌سی‌نین 49-جو آیه‌سینده بویورور: بیز هر شئیی اندازه‌سی قدر یاراتمیشیق.

آما اساس مسأله بو اینتیظامین نئجه اولماسیندادیر و اونون اؤریرنماغی‌نین نئجه‌لیگینده‌دیر. بو سوآلین جوابینا موختلیف نظرلر وار. چونکی بو موضوع تمامیله بیر میلّتین کئچمیشینه و فرهنگینه باغلیدیر.

اینضیباطدان مقصد اینسانین جامیعه‌ده‌کی قایدالارلا اویغون اولا بیلمه‌سیدیر. بیر طرزده کی فردلر اؤز داورانیشلارینی یاشادیقلاری جامیعه‌نین ایستکلری و طلبلریله اویغونلاشدیرسینلار. قایدالارین رعایتی نه فقط عادتلرین رعایتی باخیمدان اهمیّتلیدیر بلکه اینسانین شاد و ساکیت یاشاماسیندا دا اهمیّتی وار. اینتظام، اینسان یاشاییشیندا شادلیغین اساسلاریندان بیریدیر.

ایسلامین کرامتلی بؤیوکلری، اینتظامی اینسان یاشاییشی‌نین موهوم مسأله‌لریندن بیری ساییبلار. مولا علی (ع) ایمام حسن (ع) و حسینه (ع) وصیتینده بئله بویورور: سیز و بوتون اوشاقلاریم و بو مکتوبون یئتیشدیگی هر کسه آللاهدان قورخماغی و ایشلرده نیظام اینتیظامی رعایت ائله‌مگی وصیّت ائلیرم. (نهج البلاغه، خوطبه157، نامه 47)

اینتیظام، مقصده چاتماغا بیزیم چکدیگیمیز زحمتی آزالدار آما اینتیظامسیزلیق چوخ واختلار عصبلشمک، ایسترس و حتّا مغلوبیته‌ده گتیریب چیخارار.

اینتیظامسیزلیق آیری موشکوللر ده یارادار کی خولاصه اولاراق اونلارا ایشاره ائدیریک:

- اینسانین ایجتیماعی شخصیّتین پوزار

- آیریلارین حقّینی آیاقلاماغا سبب اولار

- اینسانین مادی سرمایالار و عؤمرونو هدر وئرر

- یاشاییش و ایش مسأله‌لرینی بیر-بیرینه وورار

یاشاییشیندا اینتیظاملی اولان شخص، گئیینیش، بزک، کلمه‌لردن ایستیفاده ائله‌مکده و جومله‌لرین تنظیمینده، عهده وفا ائله‌مکده، ایش و یاشاییش یئرینی بزه‌مکده آیریلار اوچون مودئل اولار. نتیجه‌ده اونلارین محبتی و موراجیعه‌سینه توش گلر و بئله‌لیکله فردین شادلیغی اؤز یاشاییشیندا چوخالار.

+ نوشته شده در  سه شنبه هفدهم اردیبهشت 1392ساعت 10:41 AM  توسط میرزه عبدالصمد ملکی əbdüssəməd  | 

گؤره‌سن ائلینی آبادالاماغا چالیشانین ائوی خرابا قالار؟

جامیعه‌ده‌کی تربیت و تعلیم اورگانلاری، عاییله‌لر، موعلیملر، روحانیلر و عالیملر یعنی اوست اوسته تعلیم و تربیت مسئول‌لاری‌نین ایشلری دوز اولسایدی جامیعه‌ده موشکوللرین چوخونا راستلانمازدیق. جامیعه‌میزده‌کی اینسانلارین چوخ آزی‌نین سؤزو ایله عملی بیر اولور و اکثراً اونلارین عئینی اولماسینا راست گلینمیر. بو مسأله‌نی قیسا بیر یازیدا آچماق اولماز آما اوسته اوسته دئمک اولار کی بونلارین فرهنگی ریشه‌لری وار. عاییله‌ تربیتیندن باشلاییب جامیعه‌ده تربیت و تعلیم اورگانلارینا قدر بو ساحه‌ده تأثیرلیدیلرر. بو مؤعضله بیر ایکی سبب سایماق اولماز.

بیزده اولان بو موشکول، اخلاقی و فرهنگی موشکوللریمیزه تای اوزون سابیقه‌سی اولان اخلاق ضعیفلیگیدیر. آما هر حالدا بو موشکولون یارانماسیندا جامیعه‌ده‌کی تعلیم تربیت سیستملری‌نین بیرباشا تأثیری وار.

اینسانلارین سؤزلری و عمل‌لری‌نین بیر اولماماسی‌نین ضررلریندن بیری جماعتین بیر بیرینه اینانماماسیدیر. بیر جامیعه‌دن‌ده اینانماق حذف اولسا داش داش اوستونده دایانماز چونکی هئچ کس آیریسینا اینانمیر و جامیعه‌نین اساس تشکیل وئرنی‌ده اینانماقدان عیبارتدیر. هر شخص فقط اؤز منفعتلرینه دوشونور و اصلاً جمعی منفعتلره اهمیّت وئرمیر. اؤزلرینی‌ده بئله توجیه ائدیرلر کی هامی نئجه من‌ده ائله. بو مسأله او قدر بیزیم فرهنگیمیزه ریشه سالیب کی حتّا بئله بیر مثل چیخیب: «ائلینی آبادالاماغا چالیشانین ائوی خرابا قالار». هامی‌نین بیر مسیره گئتمگی واجیب اولان جامیعه‌ده، هر کسین اؤزونه مخصوص آیری یولو اولسا او جامیعه داغیلار.

ایندی بو بؤیوک موشکولون حل یولو نه‌دیر؟

جامیعه‌ده‌کی تربیت و تعلیم اورگانلاری، عاییله‌لر، موعلیملر، روحانیلر و عالیملر یعنی اوست اوسته تعلیم و تربیت وظیفه‌سی بویونلاریندا اولانلار، ایسته‌سه‌لر بو موشکول حل اولار.

بیلدیگیمیز کیمی‌ده اینسانلار سؤزله یوخ بلکه عمل‌له هیدایت اولارلار. پیغمبریمیز (ص) گؤزل اخلاقی و کیرداری ایله ایدی کی اینسانلاری بیر-بیر دوز یولا هیدایت بویوردو. یوخسا اونلارا یاخشی اولماغا امر ائله‌مکله یاخشی اولانمازلار.

+ نوشته شده در  یکشنبه پانزدهم اردیبهشت 1392ساعت 6:50 PM  توسط میرزه عبدالصمد ملکی əbdüssəməd  | 

ایستی فصلین ایچکیسی؛ شووَرَن

مجازلاری ایستی اولانلار اوچون شووَرَن اَن یاخشی ایچکیدیر. شووَرَن قارا جیگری سرینله‌در.

شووَرَنین شربت شکلینده ایچیلمه‌سی داها یاخشی اولار. شربتی بیر آز سو، گولاب و بال ایله دوزلدین. شکر وورولاندا شووَرَنین دادی پیسله‌شر.

شووَرَن  دری خسته‌لیکلری آکنه و اگزما اوچون‌ده فایدالیدیر. بونون اوچون شووَرَنی داغ سویا تؤکون و سرینله‌شندن سونرا ایچین.

ایستی هاوادا قالانلار اوچون شووَرَن یاخشی بیر شئیدیر و ایستی وورماغین قاباغینی آلار. بو ماده‌نین مصرفینده محدودیّت یوخدور یعنی مثلاً بیر لیوان سویا 5 قاشیق شووَرَن قاتا بیلرسیز. ل

 

شووَرَن آغری کسیجی دئییل آما معده موشکوللری اولانلار اونو نانه عراغی‌ایله قاتیب ایچسه‌لر فایدالی اولار.

+ نوشته شده در  یکشنبه پانزدهم اردیبهشت 1392ساعت 6:43 PM  توسط میرزه عبدالصمد ملکی əbdüssəməd  | 

ایفراطچی بوداییلار میانماردا یوزلرجه ائوی و مسجیدی اودا چکدیلر

میانمارداکی خشونتلرین تازا دؤرونده، ایفراطچی بوداییلار موسلمانلارین یوزلرجه ائو، مسجید و توکانینی غارت ائدیب اودا چکدیلر.

فارسین وئردیگی خبره گؤره ایفراطچی بوداییلار «راخین» بؤلگه‌سینده موسلمانلارین یوزلرجه ائو، مسجید، تیجارت مرکزی و توکانینا حمله ائله‌مکله اونلاری غارت ائدیب اودا چکدیلر.

رویترزین میانمار پولیسینه اساساً وئردیگی خبره گؤره، خشونتلر بیر موسلمان خانیمین خیاباندان کئچرکن بودایی بیر راهیبه دَیمه‌سی‌ایله باشلاندی!

بو خبره اساساً بو حمله سه‌شنبه گونو اولدو و میانمارلی موسلمان عاییله‌لر، آماندا قالماق اوچون جنگلده سیغینیب ائولری‌نین اودا چکیلمه‌سینه شاهید اولدولار. بو وحشی‌یانا حمله‌لرده ایکی مسجید ده اودا چکیلیب بوتونلوکله داغیلدی.

بو حمله‌لر بیر شراییطده باش وئریر کی میانمار پولیسی حادیثه‌لرده اصلاً دخالت ائله‌میر. بعضاً ائله صحنه‌لر گؤروشور کی بوداییلار، پولیسین گؤزونون قارشیسیندا وحشیلیگه ال وورورلار. دوشنبه گونو میانمار مجلیسی‌نین تحقیق کومسیونو دوشوندوروجو بیر ایقدامدا، دؤولتی وظیفه‌لندیردی کی خشونتلرین آزالماسی اوچون موسلمانلارین چوخالماسی‌نین قارشیسینی آلسین.

«روهینگا» موسلمانلاری میانمارین 60 میلیون نفرلیک اهالی‌سی‌نین یوزده بئشینی تشکیل ائدیرلر. اونلار 1948 دن یعنی میانمارین ایستیقلایندان بو طرفه دواملی حالدا شیکنجه، اذیت و دیقتسیزلیکله اوزلشیبلر. پایتختین 130 کیلومترلیگینده یئرلشن «میکتیلا» شهرینده کئچن آی باش وئرمیش خشونتلرده 200 نفردن آرتیق موسلمان اؤلدورورلوب و 12000 مین نفر آوارا اولوب. میانمارین بیر ایل اؤنجه خشونتلری‌ده یوزلرجه موسلمانین اؤلومو و آزیندان 150000 نفرین آوارا اولماسینا سب اولدو.

دئمه‌لی‌ییک دونیا ایجتماعیّتی ایندیه‌ قدر موسلمان اقلیتیندن حیمایت اوچون هئچ اثرلی ایقدام گؤرمه‌ییب.

+ نوشته شده در  جمعه سیزدهم اردیبهشت 1392ساعت 11:49 AM  توسط میرزه عبدالصمد ملکی əbdüssəməd  | 

متن کامل عهد نامه ترکمنچای

فصل پنجم- اعليحضرت پادشاه ممالك ايران براي اثبات دوستي خالصانه كه نسبت به اعليحضرت امپراطور كل ممالك روسيه دارد به اين فصل از خود و از عوض اخلاف و وليعهدان سرير سلطنت ايران تمامي الكا و اراضي و جزايري را كه در ميانه خط حدود معينه در فصل مذكوره فوق و قلل برف دار كوه قفقاز و درياي خزر است و كذا جميع قبايل را چه خيمه نشين چه خانه دار، كه از اهالي و ولايات مذكوره هستند واضحاً و علناً الي الابد مخصوص و متعلق به دولت روسيه مي داند.
ادامه مطلب
+ نوشته شده در  دوشنبه دوم اردیبهشت 1392ساعت 11:29 PM  توسط میرزه عبدالصمد ملکی əbdüssəməd  | 

آتنده 15 مسجید اینشا ائدیله‌جک

موناقیصه باشا چاتدیقدان درحال سونرا یونان پایتختینده مرکزی مسجیدین اینشاسینا باشلانیلا‌جاق

یونانین پایتختی آتن شهری‌نین شهرداری «یورقو کامینیس» موسلمانلارین عیبادت شرایطلری‌نین یاخشیلاشدیریلماسی ایقداملار چرچیوه‌سینده پایتختده 15 مسجیدین اینشا اولوناجاغینی دئییب. «آذری‌موسلیمز»ین وئردیگی خبره گؤره کامینیس، آتنده مرکزی مسجیدین اینشا ائدیلمه‌سی مقصدیله یاخین گونلرده موناقیصه کئچیریلجگینی بیلدیرَ‌رَک، عبادت ائوینده 500-دک موسلمانین ناماز قیلا بیلجگینی قئید ائدیب. آتن شهرداری مرکزی مسجیدین ایستیفاده‌یه وئریلمه‌سی ایله غیر قانونی فعالیِت گؤسترن عیبادت مکانلاریندا قایدا-قانون یارادیلاجاغینی بیلدیریب. معلومات اوچون دئیَک کی، پایتخت آتنده‌کی مسجیدده میناره اوجالدیلماسی نظرده توتولماییب.


ادامه مطلب
+ نوشته شده در  سه شنبه بیستم فروردین 1392ساعت 8:19 AM  توسط میرزه عبدالصمد ملکی əbdüssəməd  | 

تبریزین صنعتی بینالارین دوزلتمه‌سینده دیقّت اولماییب

تبریز شهرداری دئدی: تأسوفله تبریزین صنعتی بینالارین دوزلمه‌سینده و اونلارین یئرلشمه‌سینده لازیمی دیقّت اولماییب. بو بینالار شهرین شرق-غرب یئللرینی نظرده آلمادان دوزلیب. بو دا بو کرخانالاردان چیخان توستولرین موستقیم مسکونی منطقه‌یه داخیل اولماسینا سبب اولور.

فارسین تبریز شهرداریسی‌نین عمومی رابیطه‌لریندن وئردیگی خبره گؤره، علیرضا نوین دئدی: تبریزده یاشیل ساحه حوزه‌سینده شهر مودیریّتی‌نین ایجرایی برنامه‌لری، طرحلری و سیاستلریله، قدیمکی باغ شهر تبریزی مقصد آلمیشیق.

او منطقه یئددی محدوده‌سینده یئرلشن «لاله» و «رواسان» باغلاراینا ایشاره ائله‌مکله دئدی: تبریز شهرداریسی چالیشیر لاله و رواسان باغلارینی آلیب إحیاء اله‌مکله کئچمیش ایللرده یاشیل ساحه‌لری خرابلاماغینی جوبران ائله‌سین.

تبریز شهرداری دئدی: تأسوفله کئچمیش ایللرده تبریز باغلاری‌نین خرابلاما گئدیشی چوخ شیدّتلی ایدی کی باعیث اولوب بو شهر اکولوژی و یاشیل ساحه و ایجتیماعی شادلیق باخیمدان آشاغی دوشسون و اؤلکه‌نین ایکینجی آلوده شهری حسابلانسین.

او آرتیردی: یاشیل شهر طرحی تبریزین باغلارینی آبادلاماق مقصدی ایله نئچه ایل اوّل باشلانیب و یوزلر میلیار قیران سرمایه ایله اومید وئریجی نتیجه‌لر حاصیل اولوب.

+ نوشته شده در  دوشنبه نوزدهم فروردین 1392ساعت 1:35 PM  توسط میرزه عبدالصمد ملکی əbdüssəməd  | 

اوقیانوس درینلیگی هیولاسی

ایینه‌دیشلی بالیق، اوقیانوسون قورخولو بالیقلاری‌نین بیری ساییلیر. بو بالیغین دیشلری بدن حجمینه گؤره چوخ بؤیوکدور.

بو بالیق اوقیانوسون دؤرد کیلومتر درینلیگی‌نین سو فیشارینا دؤزه بیلیر.

اوقیانوس درینلیگی‌نین عجیبه نوعلاریندان اولوب، اؤزونو قارماشیق موحیطده یاشاماغا اویغونلاشدیران، ایینه‌دیشلی بالیقدیر. (anoplogaster cornuta) بو بالیغین جوثّه‌سینه گؤره اوقیانوسون اَن بؤیوک دیشلرینه صاحیب اولدوغو اوچون عجیبه و قورخولو گؤرکمی وار.

بو کیچیک هیولا اوقیانوسون دؤرد کیلومتر درینلیگینده یاشایا بیلر. چوخراق مورکب و آیری بالیقلادان تغذیه ائدر.

+ نوشته شده در  دوشنبه نوزدهم فروردین 1392ساعت 11:57 AM  توسط میرزه عبدالصمد ملکی əbdüssəməd  | 

اوشاقلارین تشویق و تنبئهی

تشویق و تنبئه، قایدالارین رعایتی و نظمین قورولماسی اوچون ایکی تربیه یولودور. اونلار یئرینده و اؤلچوسو قدر اولمالیدیلار.

تشویق‌ نه‌دیر؟

تشویق، اینسانی ماراغا گتیرن و استعدادلارینی چیچکلنمگه تحریک ائد‌ن و اونا داخیلی راضیلیق وئرن اصولدور. تشویق آیریلاری طرفیندن فردین داورانیشینی تقدیر ائله‌مک اوچون مادی و یا معنوی ایقدام ساییلیر.

تنبئه نه‌دیر؟

اینسانین روحی و یا جیسمی‌نین اینجیمه‌سینه سبب اولوب بیر داورانیشین قارشیسینی آلان هر بیر زادا تنبیه دئییلر. تشویقده اولان کیمی تنبیه‌ده جیسمی و روحی اولا بیلر.

تشویق و تنبئهین اثری، روشوتله موکافاتی بیر-بیریندن آییرا بیلدیگیمیز زمان، موناسیب اولار. موکافات وئرمک اوشاغین دَیَرینی تثبیت ائدیب اونون موناسیب داورانیشینی و اخلاقینی دواملی ائلر.

اوشاق آتا آنا طرفیندن موکافاتلاندیغی زمان، آتا آنانین گؤزونده یاخشی اولان عملی تانییار و یا عکسینه آنا توکاندا اوشاغی‌نین الیندن جانا گلیب ایسته‌دیگینی اونا آلیرسا، بو ایشین تکراری اوشاغین سیرتیق اولماسینا سبب اولار. بئله جاییزه‌لر اوشاغا روشوت وئرمک کیمی بیر شئیدیر و اونون داورانیشیندا منفی تأثیر قویار.

موتخصیصلرین چوخو بئله اینانیرلار کی منفی تأثیری اولان روشوتلری مثلاً «بو ایشی گؤرمه‌سن، بونو سنه وئرمه‌رم !» قیسا مودّت اوچون تأثیرلی اولسا دا اوزون مودّتده اثرینی ایتیرر. آتا آنا یاخشی و لاییقلی داورانیشلاری ترویج ائله‌مه‌لی و اونون موقابیلینده اوشاغا جاییزه وئرمه‌لیدیلر.

موکافات برنامه‌لری

1. موناسیب، یئرینده و واختیندا اولان موکافات

اوشاغین هر دفعه دوزگون عمل ائله‌دیگینده، موکافات لازیمدیر. لاکین بعضاً موکافاتدان دواملی ایستیفاده ائتمک موناسیب دئییل. چونکی اولا بیلر اوشاق موکافات آلماقدان یورولا و طلب اولونان عملی آز یئرینه گتیره و یا ایمکانی وار والدینین، هر داورانیشین موقابیلینده موکافات وئرمگه فورصتلری اولمایا و یا اولا بیلر اوشاغین هر موناسیب داورانیشینا موکافات وئرمگه ایمکان اولمایا.

2. اؤز اینتیظارلارینی موعیّنلشدیرمک

اوّلده اوشاقدان طلب ائله‌دیگیز ایشی سئچین. مثلاً یاتاندا باهانا آختارماسین، جمعده موناسیب داورانیشی اولسون. سونرا وظیفه‌لرینی و گؤرولمه‌لی ایشلری اونا بیر-بیر سایین. اوشاغین داورانیشی گؤزله‌دیگیز کیمی اولسا اونا موکافات وئرین.

3. اوشاقلا مصلحتلشمک موکافات ساییلار

انگیزه یارادان موکافات باره‌ده اوشاقلا مصلحتلشیب، موکافاتین ارزیشلرینی  اونا ساییین.

4. تشویقده واختی رعایت ائله‌مک

تشویق حؤکماً بللی اولان واخت و یا اوشاغین داورانیشی دوزلندن سونرا اولمالیدیر. ایستدیگیز داورانیش اونون بیر عادی داورانیشینا چئوریلنه قدر، تشویقی ایدامه وئرین.

5. تشویق اوچون هدف بللی ائدین

تشویقدن هدف، اوشاقلاری تربیه‌ده دوز یولو باشلاماغا حاضیرلاماقدیر، بونا گؤره هر ایش اوچون اونو تشویق ائله‌مک لازیم دئییل. اوشاغیز هر ایشی جاییزه و روشوت موقابیلینده انجام وئرمگه اؤیرنیبسه، ایشی دایاندیریب، اونون تربیه یولونو دگیشدیرمه‌لیسیز.

+ نوشته شده در  دوشنبه نوزدهم فروردین 1392ساعت 11:6 AM  توسط میرزه عبدالصمد ملکی əbdüssəməd  | 

عالیملرین یئنی کشفی خسته‌لیکلرین دقیق تشخیصینه ایمکان وئره‌جک.

سوییس عالیملری آپاردیقلاری آراشدیرما‌لار نتیجه‌سینده هر بیر شخصین اؤزونه‌مخصوص ثابیت “نفس ایزی”نین اولدوغونو اورتایا چیخاریبلار.

سوییس فدرال تئکنیکی مؤسیسه‌نین تدقیقاتچیلاری‌نین کؤنول‌لولر اوزرینده آپاردیقلاری تجروبه‌لر زامانی هر بیر اینسانا مخصوص آیری و شیمیایی نفس “ایز”اینین مؤوجودلوغو ثبوتا یئتیریلیب. تدقیقات پروسسی عرضینده هر بیر اینسانین نفس ایزینده کیچیک دییشیکلیک‌لرین مئیدانا گلدیگی، لاکین بو ایزین طیبّی مقصدلر اوچون ایستیفاده‌یه ال‌وئریشلی درجه‌ده ثابیت قالدیغی اؤیرنیلیب.

آراشدیرما نتیجه‌لری‌نین درج اولوندوغو “پلوس اونئ” ژورنالینداکی مقاله‌ده تدقیقات قروپونون رهبری پروفسور «رئناتو زئنوبی‌نین» خسته‌لرین نفس ایزی‌نین اؤیرنیلمه‌سی ایله دوچار اولدوق‌لاری خسته‌لیک‌لره دقیق تشخیصین مومکون اولاجاغینی بیلدیردیگی قئید اولونوب. پروفسور یئنی کشفین خصوصیله آغ‌جیگر خسته‌لیکلریندن اذیّت چکن اینسانلارین موعا‌لیجه‌سینده مؤثّیر اولا بیله‌جگینی دئییب.

هابئله عالیم نفس ایزی‌نین بیر نئچه ثانیه عرضینده موعیّن اولوندوغونو، قان و سیدیک تحلیلی‌نین نتیجه‌لری‌نین اؤیرنیلمه‌سی اوچون ایسه داها چوخ واخت صرف اولوندوغونو وورغولاییب.



ادامه مطلب
+ نوشته شده در  دوشنبه نوزدهم فروردین 1392ساعت 10:52 AM  توسط میرزه عبدالصمد ملکی əbdüssəməd  | 

حظّچی‌لیک مکتبی

 حظّچی‌لیک مکتبی «شخصی حظّی» اخلاق لازیملیغی و دَیَری‌نین منشأی بیلیر و قبول ائله‌دیگی اخلاقی حؤکملری اونون اساسیندا ثابیت ائدیر. اخلاقلی بیر ایش گؤرَنین، آپاردیغی حظّین، ذاتی دَیَری وار و آیری سؤزله، سعادت هر شخصین داها چوخ حظّ آپارماسیندان عیبارتدیر. 

بو اخلاق مکتبی‌نین تابعلری، حظّین ذاتی دَیَره مالیک اولماسینی اینسانین طبیعی اولاراق حظّ آختارماسی و آغریدان قاچماسی ایله ثبوت ائتگه چالیشیبلار. هر فرد اوچون حظّ و سئوینج طلب اولوناندیر و هئچ کس اؤزو اوچون آغری و ناراحتلیق ایسته‌مز. بونا گؤره حظّین مطلوبیّت و ذاتی دَیَری‌نین منشأی، فرد اؤزودور.

نتیجه‌ده اخلاقلی فاعیله حظّلی اولان ایشین، دَیَری وار و اونا آغریسی اولانین، دَیَری یوخدور. هابئله بیر یئره ییغیشامایان و بیر-بیریله ضیدّیتلی اولان ایشلرین هر هانسی‌نین، اونون اوچون داها چوخ حظّی و یا داها آز آغریسی اولسا، او ایشین سئچیلمگه دَیَری وار.

چوخ ساده‌ لؤح باخیشدا، شخصی حظّ، حاضیر حظّده خولاصه اولور. بو باخیشا گؤره، شخص بیر ایشین دَیَرینی بیلمک اوچون، او ایشین ایندی اونون اوچون حظّلی و یا آغریلی اولماغینا باخمالیدیر و بو ایشین گله‌جکده اولان حظّ و یا آغریسی‌نین، اونا دَیَر قویماقدا تأثیری یوخدور. آما اینسانین طبیعی اولاراق حظّ دالیسیجان اولماسینی قبول ائتسک‌ده حظّی فقط حاضیر حظّه مخصوص ائتمگیمیز دوغرو دئییل.

حظّ مطلوب اولورسا، اَن چوخ حظّ داها مطلوب اولار، ایستر حاضیر حظّ اولسون و یا گله‌جکده اله گلن حظّ اولسون. بلکه داها اوزون و داها شیدّتلی حظّ، بیر آز آغری‌یا دؤزماقلا اله گله بیلر و بلکه آز و حاضیر حظّلر اوزون آغریلارا سبب اولا بیلر.

اینسان عقل صاحیبی اولدوغو اوچون قارشیدا اولان حظّلر و آغریلارا دوشونه بیلر و داها چوخ حظّلی اولان ایشی سئچه بیلر. میثال اوچون ناخوشلوغو شیدّتلندیرن دادلی یئمکلرین سایی چوخدور. بعضاً ده موختلیف حظّلری الده ائتمک اوچون ضیدّیّت یارانار و اونلاری بیر یئرده الده ائتمک اولماز. میثال اوچون تنبللیکله علم اؤیرنمک حظّلری بیر یئره ییغیشمازلار.

بونا گؤره حظّچیلرین چوخو هر ایشین دَیَرینی موعیّنلشدیرمک اوچون، اوندان حاصیل اولان حظّ و آغرینی، و دَیَرلرین آراسینداکی موقاییسه‌ده، اوندان علاوه، حظّلرین موقاییسه‌سی و اوستون حظّی موعیّنلشدیرمگی لازیم بیلیبلر. هابلئه اونلار ایشلردن حاصیل اولان حظّ و آغرینی موحاسیبه ائتمک اوچون بیر پارا معیارلار وئریبلر و بو یوللارلا موختلیف ایشلرین دَیَرینی موعیّنلشدیرمه‌نین مومکون اولماسینی ایدّعا ائدیبلر.

بو معیارلارا اساساً هر فرد، عمللرین ایندی و گله‌جکده‌کی بوتون حظّ و آغریلارینی نظرده آلماقلا، اوست-اوسته داها چوخ حظّلی اولان ایشی و یا هئچ اولماسا داها آز آغریسی اولان ایشی سئچمه‌لیدیر و بو ایشین دَیَری داها چوخدور.

حظّچیلرین بعضیسی، حظّین ذاتی دَیَرینه تأکید ائله‌سه‌لر ده، حظّلرین هامیسینی برابر بیلمیرلر، بلکه نفس ساکینلیگی کیمی روحی حظّلری شهوت و جیسمی حظّدن یوخاری بیلیرلر.

حظّچیلر، حظّین طبیعی اولاراق اینسان اوچون دَیَرلی اولدوغونا تأکید ائله‌مکله، اونون دَیَرینی طبیعی اولماسینا گؤره ذاتی بیلیرلر.

اونلار، طبیعی دَیَر دئیَنده، اینسان طبیعیتی‌نین طلب ائتدیگی دَیَری نظرده توتورلار. آیری سؤزله، حظّچیلر اینسانین طبیعتینی حظّ آختاران و حظّین هئچ وضعیّتده اینسان اوچون نا مطلوب اولماسینا اینانیرلار. بونا گؤره حظّین طبیعی دَیَره مالیک اولماسینی دئییرلر.

البته عوام اینسانلار دونیا و مادّی مسأله‌لرله مشغول اولدوقلاری اوچون، حظّدن، جیسمی و مادّی حظّی تلقّی ائدرلر.

+ نوشته شده در  یکشنبه هجدهم فروردین 1392ساعت 2:26 PM  توسط میرزه عبدالصمد ملکی əbdüssəməd  | 

پیغمبر حضرت ابراهیمین (ع) ایتمیش شهری تاپیلدی

اینگیسلی آرخئولوقلار عراقدا آپاردیقلاری قازینتیلار نتیجه‌سینده بؤیوک بیر مجموعه‌نین قالیقلارینی آشکار ائدیبلر. آرخئولوقلار ناصریّه شهری یاخینلیغیندا قازینتی آپاریبلار.

مجموعه‌نین 4500 ایللیک سومئر مدنیّتی‌نین پایتختی اولان آنتیک اور شهری‌نین قالیقلاری اولدوغو ایدعا ائدیلیر. بو قالیقلارین آزی 4000 ایللیک اولدوغو و حضرت ابراهیمین یاشادیغی دؤوره عایید اولدوغو بیلدیریلیر. مانچئستر دانیشگاهی‌نین آرخئولوقلاری‌نین اوزه چیخاردیغی مجموعه تقریباً بیر فوتبول ایستادیومو بؤیوکلوگونده‌دیر. قروپون مودیری ایستوارت کامپبئل میلاددان اوّله عایید مجموعه‌لرین نادیر حاللاردا تاپیلدیغینی و بو قازینتی‌نین او دؤوره عایید بیر چوخ معلوماتی اوزه چیخارماغا کؤمکچی اولاجاغینی دئییب.


peyğəmbər həzrəti ibrahimin itmiş şəhəri tapıldı

 ingiltərəli arxeoloqlar iraqda apardıqları qazıntılar nəticəsində nəhəng bir kompleksin qalıqlarını aşkar ediblər. ans press-in məlumatına görə, arxeoloqlar nasiriyə şəhəri yaxınlığında qazıntı aparıblar.

kompleksin 4500 illik şumer mədəniyyətinin paytaxtı olan antik ur şəhərinin qalıqları olduğu iddia edilir. bu qalıqların azı 4000 illik olduğu və həzrəti ibrahimin yaşadığı dövrə aid olduğu bildirilir.

mançestr universitetinin arxeoloqlarının üzə çıxardığı kompleks təqribən bir futbol stadionu böyüklüyündədir. qrupun rəhbəri stüart kampbell eradan əvvələ aid komplekslərin nadir hallarda tapıldığını və bu qazıntının o dövrə aid bir çox məlumatı üzə çıxarmağa köməkçi olacağını deyib.

+ نوشته شده در  یکشنبه هجدهم فروردین 1392ساعت 12:38 PM  توسط میرزه عبدالصمد ملکی əbdüssəməd  | 

گؤزل اخلاق؛ ایسلامی حیاتین محوری

ایسلام دینی حیاتین محورینی گؤزل و سئویملی اخلاق تانیتدیریب. ائله بونا گؤره‌ده قورآندا حضرت محمد (ص)بوتون اینسانلار اوچون اخلاق نمونه‌سی تانیتدیریلیب.

ایسلام، حیاتین بوتون آنلارینا و مرحله‌لرینه اخلاقی تعلیملری وار. اخلاق و اونون بوداقلاری باره‌ده چوخلی روایتلر و آیه‌لر وار. او جومله‌دن قورآن کریم قلم سوره‌سی‌نین دؤردونجو آیه‌سینده بویورور: «ائی محمد (ص) سنین گوجلو و بؤیوک اخلاقین وار». هابئله احزاب سوره‌سی‌نین ایرمی بیرینجی آیه‌سینده بویورور: «پیغمبر، سیزین اوچون یاخشی اولگو و نمونه ساییلیر».

هر موسلمانا نَبَوی اخلاقی تانییب او حضرتین سیره‌سینی اوخویوب اونلار بویوران زادلارا عمل ائله‌مه‌سی و خودبینلیک، تکبّور، یالان کیمی اخلاقسیزلیقلاردان اوزاق اولماسی واجیبدیر.

اخلاق هر جامیعه‌یه واجیب اولان ملزمه‌لردن ساییلیر. اونون واجیبلیگینه اوچ سبب سایماق اولار:

- فردین روحی ساکینلیگی

- ایجتیماعی ساکینلیک

- ایلاهی مطلوب کمالا چاتماق

اخلاق، روحوموزو ساغلاملادیر و حیاتین اَن گؤزل شکلینی بیزه اؤیرَدیر. اخلاق، رذیلتلری بیزه تانیتدیریب اونلاردان اوزاق گزمگی بیزه گؤستریر. اخلاقدا روحی صحّتیمیز رعایت اولوب ساکینلیک حیسّی بیزی بورویور.

اخلاقین ایجتیماعی فایدالاری‌دا آز دئییل. غیبت ائله‌مه‌ین اینسان، پخیللیک ائله‌مه‌ین اینسان اؤزو ساکینلیکده اولماقدان علاوه، جامیعه‌نین‌ده ساکینلیک و تمیزلیگینه کؤمک ائدیر.

آما اخلاقین اَن موهیم فایداسی، اینسانین آللاه وئرگی استعدادلاری‌نین چیچکلنمه‌سیدیر. اینسان یاخشی عمللری فقط آللاها گؤره ائله‌سه، داها کیریخماق احتیمالی قالماز و بوتون ایشلری دوز یؤنه یؤنه‌لر. بیر اینسانین اخلاقی بو سطحده اولورسا او، کمالا طرف اوجالار و اینسان خیلقتی‌نین هدفی تحقّوق تاپار.

ایکی اخلاقی حدیث

پیغمبر بویوروب: «یاخشی اخلاق، گونش بوزو اریدن کیمی، گوناهی اریدر. پیس اخلاق‌دا بالی دوز فاسید ائدن کیمی، عمل‌لری آرادان آپارار. (دیلمی‌نین ارشاد القلوبی ، ص 133)

ایمام باقر (ع) بویوروب: « قیامت گونو منه اَن یاخین فرد، هامیدان چوخ دوز دانیشان، امانتی یاخشی ساخلاییب تحویل وئریب عهدینه وفالی اولان و اخلاق باخیمیندان هامیدان یاخشی اولان شخصدیر».

(مفیدین امالی‌سی، مفید، ص 41)

+ نوشته شده در  شنبه هفدهم فروردین 1392ساعت 7:10 PM  توسط میرزه عبدالصمد ملکی əbdüssəməd  | 

سویوق سو ایله چای دمله‌یین

Sıcak Suایختیراعچیلار تازالیقدا سویوق سویو داغ سویا چئویرن بیر دستگاه دوزلدیبلر.

سویو قیزدیرماغا چوخلو انرژی لازیم اولور و بو مسأله عاییله‌لره یوخاری خرجلر تحمیل ائلیر. آما بو خرجین آزالدیلماسینا آز دیقّت یئتیریلیب. تازالیقدا موحقیقلر سویوق سویو قیزدیرماق اوچون تازا بیر وسیله دوزلدیبلر.

بو وسیله سویوق سوداکی انرژینی آلیب همن انرژی ایله سویو قیزدیریر. بو محصولون دوزلدنلری‌نین دئدیگینه گؤره،  21 درجه سانتیگراد حرارتی اولان شهر سویو بو وسیله‌یه داخیل اولماقلا حرارتی آلینیب مخزنده‌کی سویون قیزدیرماسینا ایستیفاده اولور.

بو وسیله سویوق سو مخزنینه 76 لتیر سویون داخیل اولماسیله، 189 لتیرلیک مخزنین سویونو داغلاندیرا بیلر.

+ نوشته شده در  شنبه هفدهم فروردین 1392ساعت 12:15 PM  توسط میرزه عبدالصمد ملکی əbdüssəməd  | 

شرقی آذربایجان تورکیه‌نین ارزروم شهرینه، موناسیب تیجاری شریک اولا بیلر

شرقی آذربایجانین اوستانداری دئدی: بیر-بیریمیزین ظرفیّتلریندن داها چوخ ایستیفاده ائله‌مه‌لی‌ییک و شرقی آذربایجان منطقه‌ده اثر قویان بیر نوقطه کیمی ارزروم اوستانینا یاخشی تیجاری شریک اولا بیلر.

فارسین تبریزدن وئردیگی خبره گؤره، تیجاری-ایقتیصادی بیر هیأتین باشیندا تورکیه‌نین ارزروموندا سفرده اولان شرقی آذربایجانین اوستانداری احمد علیرضابیگی، سفری‌نین اوّل گونونده نئچه خدماتی-‌تولیدی مرکزدن گؤروشده ارزرومون محلی مقاملاریله گؤروشدو.

شرقی آذربایجانین اوستانداری ارزرومون اوستانداریله گؤروشده ایران و تورکیه‌نین موشترکاتینی ایکی طرفلی همکارلیقلارا موناسیب فورصت اولدوغونو دئمکله آرتیردی: شرقی آذربایجان و ارزروم اوستانلاری بو فورصتلردن آیری اوستانلارا نیسبت داها چوخ ایستیفاده ائده بیلرلر.

علیرضابیگی آرتیردی: : بیر-بیریمیزین ظرفیتلریندن داها چوخ ایستیفاده ائله‌مه‌لی‌ییک و شرقی آذربایجان منطقه‌ده اثر قویان بیر نوقطه کیمی ارزروم اوستانینا یاخشی تیجاری شریک اولا بیلر.

ارزرومون اوستانداری صلاح‌الدین اؤزتورک‌ده قاباقکی تَوافوقلرین گئرچکلشمه‌سینه ایکی طرفین هیأتلری‌نین گئت-گلی‌نین ایدامه تاپماسیندان آسیلی بیلدی و تأکید ائله‌دی ایکی طرفلی رابیطه‌لرین ایجرایی اولماسی اوچون قاباقکی تفاهوملره آرتیق دیقّت یئتیریلمه‌لیدیر.

شرقی آذربایجانین اوستانداری و همراه هیأتی سفرین ایدامه‌سینده، بو شهرین شهرداریسینه گئدیب شهردارلا گؤروشوب دانیشدی.

بو گؤروشده شرقی آذربایجانین اوستانداری و ارزروم شهرداری، ایکی طرفلی همکارلیقلارین خصوصاً شهرسالما و شهر خیدمتلری زمینه‌سینده تأکید ائله‌دیلر.

علیرضا‌بیگی مربوطه مودیرلرله بیرلیکده ارزروم اوستانین بؤحران مودیریّتی سیتادیندان‌دا گؤروش ائله‌دی و اونلارین برنامه‌لری و ایمکانلاری‌نین جریانیندا اولدو.

شرقی آذربایجانین تیجاری ـ ایقتیصادی هیأتی ارزروما اولان ایکی گونلوک سفرلرینده ارزرومومون ایقتیصادی فعّاللاریله گؤروشوب تیجاری آلیش-‌وئریشین چوخالماسینا تأکید ائله‌دیلر.

+ نوشته شده در  شنبه هفدهم فروردین 1392ساعت 12:12 PM  توسط میرزه عبدالصمد ملکی əbdüssəməd  | 

تیلویزیون تصویرلرینی اییله‌یین/آوریل‌فول یالانی واقعیّته دؤندو

هر زادی اوزاقدان اییله‌مک سیستمی‌نین ایختیراعسی نئچه گون بوندان اوّل آوریل‌فول یالانی آدلاندیریلسا دا، ژاپونلی عالیملر بو یالانی واقعیّته چئویردیلر. ژاپونلی موحقیقلر تازا بیر اکران صفحه‌سی ایختیراع ائدیبلر کی تاماشاچی اونون تاماشاسیندان علاوه اوندا گؤرونن یئمک تصویرلرینی اییله‌یه‌ده بیلر.

بو اکران صفحه‌سی توکیونون اکینچیلیک و تکنولوژی دانیشگاهیندا "هاروکا ماتسوکورا"نین الیله دوزلیب. بو  LCD صفحه هر زادین گؤرسندیگی نوقطه‌دن اونون ایینی هاوایا داغیدیر.

بو تکنولوژی صفحه‌نین دؤرد یانیندا یئرلشیب دؤرد هاوا جریانلا بوخارلانان ژِل ایله تغذیه اولور.

بو هاوا جریانی دؤرد عدد فن وسیله‌سیله صفحه‌ایله پارالل اسیر. بو جریانلارین سمتی و گوجو صفحه‌ده‌کی تصویره باغلی اولور. هاوا جریانی او قدر یوموشاقدیر کی تاماشاچی بو ایین صفحه‌ده کی تصویردن اولدوغون ظن ائلیر.

بو سیستم ایندیلیکده هر آندا فقط بیر ایی ساچا بیلیر آما اونو دوزلدنلر دئییر بو ایختیراعنین ایکینجی آددیمی ایی دگیشدیرمگه پرینترلرین کارتریجلرینه بنزر بیر کارتریجین قوشماسی اولاجاق.

بو صفحه فلوریدانین اورلانداسیندا  IEEE مجازی واقعیت کونفرانسیندا عرضه اولدو.

+ نوشته شده در  شنبه هفدهم فروردین 1392ساعت 12:8 PM  توسط میرزه عبدالصمد ملکی əbdüssəməd  | 

Gmail ده بعضی دگیشیکلیکلر اولاجاق

گوگل الکترون پوستی راحاتلاتماق اوچون تازا دگیشیکلیکلر ائتمگی بیلدیریب. ایندیلیکده Gmail سرویسینده ایمیل یوللاماق اوچون Compose دویمه‌سینی باسماقلا مکتوب یازماغا کیچیک بیر صفحه آچیلیر. بوندان اوّل ایمیل گؤندرمگه تازا بیر صفحه‌یه گئتمک لازیم اولوردو و ایندیکی حالت قاباقکیندان داها آز واخت آپاریر.

آما گوگلین اعلامینا گؤره تازا دگیشیکلیکلرله ایندیکی حالتی دگیشیب الکترون پوستدان ایستیفاده ائله‌مگی داها دا راحاتلاداجاق.

+ نوشته شده در  شنبه هفدهم فروردین 1392ساعت 11:58 AM  توسط میرزه عبدالصمد ملکی əbdüssəməd  | 

میوه‌لری شیشه چکمه‌یین !

میوه‌ یئمگین لاپ گؤزل فورمو اونلاری تازا-تازا یئمکدیر. سیز، قوناقلار گلمه‌دن میوه‌لری سویاندا اونلارین باتما احتیمالینی چوخالدیرسیز. اوزون سؤزون قیساسی میوه‌ده هر جور دخالت ائله‌مک خاریجی میکروبلارین اونا بولانماسی‌نین احتیمالینی چوخالدار.

میوه‌نین باتماسیندان علاوه غذایی دَیَری‌نین آزالماسی‌دا مطرحدیر. مثلاً C ویتامینی میوه‌لرده بول اولان ویتامیندیر. بو ویتامین؛ ایشیق، حرارت و اوکسیداسیون قاباغیندا درحال آرادان گئدر. دئمک اولار سیز قوناغین میوه‌سینی سویاندا اونا لوطف ائتمیش اولمورسوز بلکه میوه‌سی‌نین ویتامینلرینی آرادان آپاریرسیز و اونو ناخوشلوق معرضینده قویورسوز.

یاخشیسی بودور میوه‌لری تازا و سویولمامیش قوناق قاباغینا قویولا کی هر کس اؤز سلیقه‌سی ایله سئودیگی میوه‌نی یئیه.

+ نوشته شده در  شنبه هفدهم فروردین 1392ساعت 11:54 AM  توسط میرزه عبدالصمد ملکی əbdüssəməd  | 

اوشاقلارین سالدیرقانلیغینی آغیز سویونون آنالیزی ایله تشخیص وئرمک

saldırgan,çocuk

آغیز سویونون آنالیزی اوغلان اوشاقلاری‌نین سالدیرقان اولوب اولمادیقلارینی تشخیص وئرمگه کؤمک ائلیه بیلر. «سینسیناتی» مریض‌خاناسی‌نین طیبّی آراشدیرمالار مورکزی‌نین موطالیعه‌لرینه گؤره آغیز سویونداکی هورمونلارین غیلظتی ایله اوشاقلارین سالدیرقانلیغی‌نین آراسیندا رابیطه وار.

موحقیقلر 7 - 9 یاشلاریندا اولان اون یئددی اوشاغین آغیز سویوندان نمونه گؤتوروبلر. بو اوشاقلارین روحی موراقیبتلره احتیاجلاری اولدوقلاری مریض‌خانا طرفیندن تأیید اولموشدو.

بو نمونه‌لری اوچ؛ تستوسترون، دهیرواپیاندروسترون و کورتیزول هورمونلاری سطحینده آنالیز اولوندو.

موحقیقلر گؤردولر اوشاقلارین سالدیرقانلیغی‌نین حدّی بو هورمونلارین اندازه‌سی ایله رابیطه‌لیدیر. اونلار سالیم و ناخوش اولمایان اوشاقلارین آغیز سولارین‌دا آنالیز ائله‌دیلر. اله گلن نتیجه بو مسأله‌نی تأیید ائله‌دی.

بو موحقیقلر اینانیرلار آغیز سویونون واختیندا و دقیق آنالیزی‌نین آیری فایدالاری‌دا اولا بیلر. اونلارین نظرینه، آغیز سویونون هورمونلارینی آنالیز ائله‌مک ناخوشلارین درمانی اوچون طبیبلره کؤمک ائلیه بیلر.

+ نوشته شده در  شنبه هفدهم فروردین 1392ساعت 11:47 AM  توسط میرزه عبدالصمد ملکی əbdüssəməd  | 

افلاطونون اخلاق نظریه‌سی؛ سعادت آختاریشیندا

افلاطونون اخلاق نظریه‌سی سعادت آختاریشینا دایانیر. اینسانین حقیقی سعادتینی داشییان خئیره هیدایت اولوب. افلاطونا گؤره اخلاق سیاست شاخه‌لریندن ساییلیر. او ایجتیماعی عدالتده آختاریشدان سونرا اخلاقین ایکینجی تعبیری، شخصی عدالته دیقّت یئتیریب. افلاطونا گؤره دَیَر اوچ زاددان آرتیق دئییل:

1. گؤزللیک  2. عدالت  3. حقیقت

بونلارین اوچونون‌ده بیرلشدیرنی خئیر و یاخشیلیق اولوب بو اوچ معنا خئیرین آچیقلانمیش معناسیدیر.

افلاطون بعضآ اخلاقی «گؤزللیک» مقوله‌سیندن بیلیر و بعضاً «عدالت» مقوله‌سیندن ساییر.

«اخلاق گؤزللیک مقوله‌سیندندیر» دئیَنده منظورو گول کیمی حیسّی گؤزللیکلر دئییل بلکه منظورو گؤزل روحدان آسیلی اولان اینسان عملی‌نین گؤزللیگیدیر.

اینسان داخیله باخاندا ایشلری ایکی یئره بؤلور: گؤزل و چیرکین، یاخشی و پیس. بو تقسیمده‌ده شکّ ائله‌مه‌ییب یاخشیله پیسی سئچمکده دلیله احتیاجی دویمور.

بو نظریه ایسلامی موتکلّیملرین مطرح ائله‌دیکلری «ذاتی حوسن و قوبح»‌دیر. بو سؤزده گؤزللیگین مرکزی اینسان رفتاریدیر. آما افلاطون اونو اخلاق محوری بیلدیگی گؤزللیک روحدادیر. دئمک اولار روحون گؤزللیگی بوتون استعدادلاردان لازیم اولان حدّده ایستیفاده ائله‌مکده‌دیر. حیاتین نوختاسینی غریزه‌لرین بیرینه تاپیشیرماماق لازیمدیر. چونکی اینساندا شهویّه، غضبیّه، حب ذات، مقام و مال سئوگیسی وار. بو غریزه‌لرین آراسیندا تعادول یاراتماقلا روحا گؤزللیک وئرمک لازیمدیر. نتیجه‌ده بیر سری فضاییله چاتماق و رذاییلدن اوزاق اولماق.

بو نوع گؤزللیگی عدالت‌ده آدلاندیرماق اولار، اونو داخیلی غریزه‌لرین تعادولو کیمی تفسیر ائتمک شرطیله، نه اینکی برابرلیک و حقّی حق صاحیبینه وئرمک معناسیندا.

افلاطون فضاییلی کسب ائله‌مکده معریفتین رولونا تأکید ائله‌مکله، اخلاقی معریفتی «موثول» واسیطه‌سیله تؤره‌نن ایشیق شوعاسی کیمی بیلیردی کی بوتون محدود خئیرلرین منبعی ساییلیر.

«خئیر میثالی»نی تانیماق بیزی خئیرین جورئیّاتی باره‌ده قضاوته ایمکان وئره‌جک. اونون باخیشیندا «شرّ» جهالت نتیجه‌سیدیر و ائله بونا گؤره اعتیقادی واریدی اینسانلاری ایکی موضوعدا تعلیم وئرمک لازیمدیر؛ بیر طرفدن فاضیله ایشلری اؤیرنه‌لر و آیری طرفدن عقل و ذهنلرینی فلسفه و ریاضیّاتلا تربیت ائده‌لر. طلب اولان معاریفی اؤیرنه بیلمه‌ین اینسانلار دا حیکمت اهلیندن تقلید ائتمه‌لیدیلر.

افلاطونون نظرینه اینسانین اوچ قوّه‌سی وار و هر بیریله موتناسیب بیر فضیلت وار:

1. شهوانی قوّه کی اونون فضیلتی اعتیدال‌دیر. 2. روحانی قوّه کی اونون فضیلتی شوجاعتدیر. 3. عقلانی قوّه کی اونون فضیلتی حیکمتدیر.

افلاطون روحون اوچ بؤلومونو «فاضیله شهر»ین اوچ بؤلومونه تای بیلیردی. اونون نظرینجه بو اوچ فضیلت بیر سیستمین جوزءلری ساییلیر و بو سیستمده هر بیری‌نین اؤز ایشی وار.

شوجاعت، موقاویمت و روحون مطلوب وضعیّتینده اولماسینی عؤهده‌سینه آلیب، اینسانی غیر معقول قورخولارا جومماقدان ساخلار. اعتیدال، شهوانی قوّه‌لری تنظیمه سالیب محدودلاشدیریر. حیکمت، روحون عقلانی بؤلومونه موناسیب معریفت وئریب روحون آیری ایکی بؤلومون واسیطه‌سی ایله حیمایت اولار.

افلاطون، فضاییلی بیر-بیرندن آیری بیلمکله برابر سقراط کیمی اونلارین بیرلیگینه‌ده اینانیردی. «حیکمت» فضیلتیندن آسیلی اولان خئیره معریفت تاپماق، تکجه اؤ بیری ایکی بؤلومو ایطاعته مجبور ائلیه بیلن شخصه ایمکانلیدیر. بئله‌لیکله فضیلتلر ماهیّتاً آیری اولسالار دا بیر شخصده یا هامیسی وار و یا هئچ بیری یوخدور.

افلاطونون بو نظریه‌سینده اولان موثبت نظریه و موسلمان عالیملری‌نین هامیسی‌نین قبول ائله‌دیگی نوقطه، اعتیدال مسأله‌سیدیر.

+ نوشته شده در  پنجشنبه پانزدهم فروردین 1392ساعت 12:52 PM  توسط میرزه عبدالصمد ملکی əbdüssəməd  | 

والدینین و اوشاقلارین دونیا گؤروشو

ایسلام، اوشاقلارین هر یاشینا موناسیب دقیق تربیت برنامه‌سی وئریر. اوشاغین شخصیّتینده اثر قویان عامیللرین بیری اونون والدینی‌نین حیاتا اولان باخیشلاریدیر. آتا آنا صاحیب اولدوقلاری دونیا گؤروشو اساسیندا اوشاقلارلا داورانیرلار. ایسلام چالیشیب آتا آنانین دونیا گؤروشونو هیدایت ائدیب اونلاری دوزگون مسیرده یئرلشدیرسین. ایسلامین آتا آنایا واجیب بیلدیگی بیر مقام اونلارین اوشاقلارین بیر پارا حقلره صاحیب اولماقلارینی بیلمکلریدیر. بعضی ریوایتلره اساساً آتا آنا اوشاقلارین حقلری قارشیسیندا تسلیم اولمالیدیرلار. پیغمبر اکرم (ص) بویورور: « آتانین حقلرینی رعایت ائله‌مک اوشاغا واجیب اولدوغو کیمی، آتایا اوشاغی‌نین حقلرینی رعایت ائله‌مک واجیبدیر». بونا گؤره آتا آنا اوشاقلارلا سئودیکلری هر رفتاری ائده بیلمزلر.

آیری طرفدن ایسلام اوشاغین موختلیف یاشلاردا تربیتی اوچون دقیق برنامه‌سی وار. ایسلاما گؤره اوشاغین تربیتی عیبادت ساییلیر. هر کیم اوشاغین وضعیّتینی یاخشیلاشدیرماق اوچون کیچیک بیر ایش‌ گؤرسه‌ده اَن بؤیوک معنوی اجرلر اونو گؤزلور.

والدینین تربیتی باخیشلاری ائله اولمالیدیر کی اوشاغا ایمانی تربیت وئره. اوشاقلارین یاشلارینا موناسیب ایسلامی رفتارلاری اونلارا اؤیرتمه‌لیدیر. اوندا اینسان سئوَرلیگی، ایمان، صداقت، اؤزونه اینانماق، عیبادته علاقه، اوروج نامازا علاقه و آللاها سئوگینی آرتیرمالیدیلار. بو ایشلر اوشاغی بوتون اینحیرافلار موقابیلینده بیمه ائلر.

+ نوشته شده در  پنجشنبه پانزدهم فروردین 1392ساعت 12:47 PM  توسط میرزه عبدالصمد ملکی əbdüssəməd  | 

غرب فیلسوفلارین نظرینده شادلیق

psikiyatri haberleri cocuk psikiyatrisi cocuk aile iletisimi aile ruh sagligi aile ici saglikli iletisim  Zamane çocukları neden bayramda mutlu olmuyorهر زاد کیمی شاد یاشاماغین‌دا اؤزونه مخصوص اصوللاری وار، اونلار اولمادان شادلیغا چاتماق اولماز. عالیملر شادلیق اوچون موختلیف تعریفلر دئییبلر. مثلاً ارسطو دئییر: «عادی اینسانلار لذّتی شادلیق بیلیرلر، موفّق اینسانلار دوزگون عملی شادلیقلا برابر بیلیرلر و عالیملر تفکّورلی و آختاریشلی حیاتی شادلیغا موعادیل بیلیرلر». جان‌لاک شادلیغین حیاتدا لذّتلر سایی‌سینا باغلی اولدوغونو اینانیر. موعاصیر عالیم «مک‌گیل»ده شادلیغی ایرضا اولموش مئییل‌لرین لذّتلرینده بیلیر. برتراند راسل دئییر: «رغبت، شاد یاشاماغین لاپ عمومی علامتی‌دیر».

بعضی‌لری‌ده همیشه گولماغی و دئییشمه‌سیز بیر حیاتی شادلیق بیلیرلر. آما شادلیقدان داها کامیل تعریف وئرمک اولار.

شادلیق، شخصی حیاتدا قالارگی خوشبختلیک حیسّی، اؤزونه و آیریلارینا فایدالی اولماق و آرزولارا چاتماقدیر. بو تعریف چوخ ایده‌آلا اوخشاسا دا اینسان الی چاتماز دئییل.

شاد یاشاماغین اصولو:

اؤز دَیَرلرینی تانیماق

آیریلارین یاخشیلیقلاری‌نین قدرینی بیلمک

بدنین تربیتی

آللاه نعمتلریندن لذت آلماق

اؤزوندن و آیریلاریندان شادلیق گؤزله‌مک

حیاتدان ایستگی بیلیب اونون یولوندا ایقدام ائتمک.

ایندیه قدر فیکیر وئرمیسیز کی یاخشی حیسّیمیز اولاندا آیریلاری‌دا اوّلدن داها یاخشی نظره گلیرلر؟ آرخایین اولون دونیا بیزیم اینعیکاسیمیزدیر.

بوتون دوشونجه و ایشلریمیزین نئجه‌لیگی اؤزوموزه نئجه باخماغیمیزدان آسیلیدیر. تجروبه‌لر، موفقیّتلر، اوغورسوزلوقلار و اؤزوموز باره‌ده اولان فیکیرلر هامیسی اؤزوموزدن اولان ذهنیمیزده‌کی تصویری یارادیر.

بونا گؤره حیاتی نه قدر سئودیگیمیزی و دقیقاً نه قدر موفّق اولماغیمیزی ذهنیمزده‌کی تصویریمیز تعیین ائلیر.

همیشه گؤزله‌دیگیمیز شئیی جذب ائلیریک. دونیا اؤزوموزو لاییق بیلدیگیمیز کیمی بیزیمله یاناشیر.

اینسانین اؤزوندن اولان ذهنینده‌کی تصویری ترموستات کیمی عمل ائلیر و اونون داورانیشلاری بو تصویرین محدوده‌سینده حیاتا کئچیر. بو مسأله ناخوشلوق ساییلان تکبّوردن فرقلیدیر. بونون معناسی اؤز سئورلیگین موثبت معناسیدیر. بو اؤز سئورلیک بیزی اؤزوموز و آیریلارین ایستکلرینه احتیرام قویماغا گوج وئرر. ائله‌ کی بیز، موفقیّتلریمیزین تعریف اولدوغوندا اؤزوموزدن چیخماریق و ضعیف نوقطه‌لریمیزدن بدحال اولماییب اونلارین گوجلندیرمه‌سینه چالیشاریق. بو آیریلارین تعریفیندن تأثیر آلمادان اؤز دَیَرلریمیزین قدرینی بیلمک معناسینداندیر.

آیریلارین بیزیمله داورانیشلاری همن بیزیم اؤزوموزله اولان یاناشمامیزدیر. رابیطه قوردوغوموز اینسانلار، بیزیم اؤزوموزه احتیرام قویوب قویمادیغیمیزی چوخ تئز تشخیص وئررلر. بیز اؤزوموزه احتیرایم قویورساق اونلاردا بو ایشی گؤره‌جکلر.

چالیشمالی‌ییق اؤزوموزو احتیراما لاییق بیلک. غم حیسّیمیزی آغلاماقلا گؤستردیگیمیز کیمی شادلیغیمیزی‌دا گولر اوزلو اولماقلا گؤسترمه‌لی‌ییک. اینانمالی‌ییق کی بیر زای آلما بیر قوتو ساغ آلمانی زای ائلر.

عشق و احتیراما لاییق اولدوغوموزو اینانمالی‌ییق. ذهنیمیزده اولان تصویریمیز ساغلام اولامازسا شادلیغی ردّ ائلر. ذهنیمیزدن کئچن هر فیکیر بدنیمیزین شیمیایی ترکیبلرینه اثر قویار. موثبت اولارسا بیزی سئویندیرر منفی اولارسا غملندیرر.

رفتار اولگوسونو دگیشدیرمک

شاد یاشاماغین ایلک آددیمی، رفتار اولگوسونو دگیشدیرمکدیر. راحاتلیقلا اله گلمه‌سه‌ده ایمکانسیز دئییل. حیاتیمیزین هر هانسی مرحله‌سینده اولساق بئله، اونا ال تاپماغا ایمکان وار. همیشه اؤزوموز باره‌ده موثبت دوشونمه‌لی‌ییک.

«آن»دا یاشاماق

بوتون وارلیغیمیز، بو «آن»لاردیر. ذهنیمیزین دینجلیگی و شخصی موفقیّتیمیز، آنلاردان نئجه ایستیفاده ائله‌مگیمزه باغلیدیر. دونن نه اولوب و صاباح نه اولا بیلره باخمایاراق ایندی‌کی آندا یاشاماغیمیز موهیمدیر. «ایندی»ده یاشاماق اونو ائشیگه آتماق یئرینه اونو اورگه یاتیم ائله‌مک معناسیندادیر.

گولمک

گولنده هر زاد جیسمیمیز و ذهنیمیزین نفعینه اولور. گولماق آغریلارا تسکینلیک وئرر. شادلیق هونری چتینلیکلره لاپ تئز زماندا گوله بیلمک گوجونه صاحیب اولماق معناسیندادیر. موشکوللره لاپ تئز گوله یبلن اینسان اومیدسیزلیگی داها تئز اؤزوندن اوزاقلادا بیلیب گولوش درمانیندان داها یاخشی ایستیفاده ائده بیلر. گولمک جیسمی ساغلاملادیب عؤمرو اوزون ائلر.

+ نوشته شده در  پنجشنبه پانزدهم فروردین 1392ساعت 11:40 AM  توسط میرزه عبدالصمد ملکی əbdüssəməd  | 

نفس حسابی‌نین مرحله‌لری * nəfs hesabının mərhələləri

نفسین حسابی او قدر موهوم مسئله‌دیر کی، بو موضوعیا کیتابلار حصر ائدیلمیشدیر. بو باره‌ده کیفایت قدر آیه و روایتلر مؤوجوددور. اخلاق کیتابلاریندا وئریلمیش گؤستریشلر اینسانلارین بو ساحه‌ده تکامولو اوچون اولدوقجا فایدا‌لیدیر. نفسین حسابی اوچون دؤرد مرحله موعیّنلشدیریلمیشدیر: موشاریطه، موراقیبه، موحاسیبه و موعاتیبه. بیرینجی مرتبه‌ده اینسان اؤزو ایله شرط کسیر کی، بو گون وظیفه‌لرینی تام یئرینه یئتیره‌جک و گوناهلاردان چکینه‌جکدیر. ایکینجی مرحله‌ده اینسان وئردیگی عهدلری پوزماماق اوچون بوتون عمل‌لرینی نظارت آلتینا آلیر. اوچونجو مرحله گونون سونوندا بوتون عمل‌لرین حساب-کیتابیندان عیبارتدیر. دؤردونجو مرحله‌ده اینسان بوراخدیغی نوقصانلارا گؤره اؤزونو تنبئه ائدیر و بونون اوچون موعیّن ایشلر گؤرور. مثلاً، نؤوبتی گون یا اوروج توتماغی، یا صدقه وئرمگی، یا قورآن اوخوماغی، یا دا باشقا بیر خئییرلی ایشی اؤزونه واجیب ائدیر. بو مرحله‌لرین اَن اهمیتلیسی موحاسیبه‌دیر. اگر اینسان اؤز یاخشی و پیس عمل‌لرینی تام دقیقلیکله قیمت‌لندیرمگه موّفّق اولارسا، آللاهین یاردیمی ایله نوقصانلاری آرا‌دان قالدیرماغا دا موّفّق اولار.

بعضی موهوم نوقطه‌لر

1. گوناهدان چکینمک: اینسان گوناه باره‌ده دریندن دوشونمه‌لی و اونون ماهیّتینی دریندن درک ائتمه‌لیدیر. اعتیقادیمیزا اساساً، آللاه بیزی یاراتمیش، یاخشی و پیس یولو تانیتدیرماقلا هانسینی سئچمگی اؤز ایختیاریمیزدا قویموشدور. اینانیریق کی، بو دونیا‌دان سونرا باشقا بیر عالم‌ده وار و اورادا اینسان یاخشی عمل‌لری‌نین موکافاتینی و پیس عمل‌لری‌نین جزاسینی آلا‌جاقدیر. بو اینام سببیندن اینسان اؤز عؤمور سرمایه‌سیندن لازیمینجا ایستیفاده ائتمه‌لیدیر. بیز بو دونیایا ایمتحان اولونماق، اؤزونو تربیه مرحله‌لرینی کئچیب، کامیل‌لیگه چاتماق اوچون گلمیشیک. عؤمرون نتیجه‌سی ا‌بدی جنّت و یا جهنمدیر.

اینسانین دونیا حیاتی کؤرپه‌نین آنا بطنینده‌کی حیاتینا بنزیر. کؤرپه آنا بطنینده دوققوز آی قالماقلا دونیا حیاتینا حاضیرلاشدیغی کیمی، بیزیم‌ده بو قیسا دونیا حیاتیمیز ابدی بیر حیات اوچون حاضرلیقدیر. ساده‌جه، آنا بطنینده‌کی کؤرپه‌دن فر‌لی اولا‌راق، بیزیم دونیا‌داکی تکامولوموز اؤزوموزدن آسیلیدیر. ائله‌جه‌ ده، کؤرپه‌نین گله‌جگی، دونیا حیاتی اؤز مودتّینه گؤره بیزیم گئده‌جگیمیز آخیرت حیاتی ایله موقاییسه اولونا بیلمز. دین دونیانی اؤزونو تربیه مکانی کیمی تانیتدیریر. اینسان بو مکاندا ابدی حیات اوچون حاضیرلیق گؤرمه‌لیدیر. دونیا حیاتینا بو نوققطه نظردن باخانلار هر دقیقه‌سینی گله‌جک آخیرت دونیاسی اوچون فایدا‌لی بیلیرلر. ایستَنیلن هر هانسی باشقا بیر نظر و یا فعالیتسیزلیک ابدی بدبختلیکله نتیجه‌لنیر.

نوقصانلاری آرا‌دان قالدیرماق باره‌ده دوشونک. موعامیله‌دن قازانج گؤتورمه‌مک، موعامیله‌ده ضرره دوشمکدن فرقلنیر. بیرینجی حالدا سرمایه یئرینده‌دیرسه، ایکینجی حالدا سرمایه الدن چیخمیشدیر. گوناه ایکینجی موعامیله‌نین اوخشاریدیر. عؤمرونو الدن وئریب ابدی عذابا دوچار اولماق!..

2. گوناهلارین کمیّتینه دیقّت: گوناهین چیرکین‌لیگینی آنلامیش اینسان یول وئردیگی گوناهلاری کمیت جهتدن حسابلاییب اونلارین نتیجه‌سینی آرا‌دان قالدیرماق اوچون چالیشما‌لیدیر. چیخیش یولو گوناهی اینکار ائدیب اونوتماق یوخ، آللاه قارشی‌سیندا اعتراف ائتمکدیر. گوناهکار اینسان گون اوزونو نئچه دفعه غئیبت ائتدیگینی، نئچه دفعه یالان دانیشدیغینی و باشقا نئچه گوناها یول وئردیگینی دقیق حسابلایا بیلمه‌سه‌ ده، گونون نئچه ساعتینی گوناها صرف ائتدیگینی دوشونوب ساعتلردن عیبارت اولان عؤمرون پوچا چیخماسیندان پئشمان اولما‌لیدیر.

3. گوناهلارین کئیفیّتینه دیقت: گوناهلار کئیفیّتینه گؤره موختلیفدیر. ائله گوناه وار کی، اونا بیر دفعه یول وئرمک یئتمیش ایل باشقا بیر گوناها یول وئرمگه برابردیر. گوناهین بؤیوک-کیچیک‌لیگینه دیقت وئرمک ضروریدیر. مثلاً، بیر چوخ روایتلرده غئیبت اولدوقجا چیرکین گوناه کیمی تقدیم اولونور. بونو دا قئید ائدک کی، گوناهی کیچیک حساب ائتمکله اونو داوام ائتدیرمگین اؤزو بؤیوک گوناه حساب اولونور. شئیطانین حیله‌لریندن بیری گوناهی اینسانا کیچیک گؤسترمکدیر.

4. واجیب بویروقلارین ایجراسی: اینسان دیقتلی اولما‌لیدیر کی، آللاهین واجیب بویروقلارینی نظردن قاچیرماسین. ناماز قیلیب، اوروج توتان اوخوجو “بیز کی، واجیباتا عمل ائدیریک” دوشونرک آرخایینلاشماسین. بو آرخایینلیق شئیطانداندیر. عادتاً، هر بیریمیز هانسیسا واجیب بیر بویروغو نظردن قاچیریریق. حتّا داییم فیقه، قورآن و روایتله مشغول اولان شخصلر ده هانسیسا وظیفه‌سیندن غفلتده قالیر. والدئینه یاخشیلیق، قوهوم-اقربایا باش چکمک، مؤمینین ایستگینی یئرینه یئتیرمک و بیر چوخ باشقا واجیب بویروقلارین اونودولماسی ایمانلی اینسان اوچون بؤیوک بلا‌دیر. اجتماعی وظیفه‌لر ده نظره آلینسا وضعیت بیر قدر ده مورکّبلشر. واجیب دینی وظیفه‌لری نظردن قاچیرماماق اوچون پروقراملی بیر حیات یاشاماق، واجیب گؤستریشلرین یازیلی قئیدیّاتینی آپارماق اولدوقجا فایدا‌لیدیر.

5. عملین دوزگون ایجراسینا دیقّت: هر بیر عملین قبولو اوچون اونون دوزگون ایجرا ائدیلمه‌سی شرطدیر. بعضاً اینسان موعیّن بیر وظیفه‌نی یئرینه یئتیردیگی اوچون خوشحال اولسا دا، همین عملین دوزگون ایجراسینا دیقتسیزلیک گؤستریر. ائله ده اولور کی، اینسان یئرینه یئتیردیگی وظیفه‌سی‌نین آردینجا ائله بیر ایش گؤرور کی، اوّلکی ایش پوچا چیخیر. مثلاً، ناماز قیلماق واجیب وظیفه‌دیر. بعضاً اینسان ناماز قیلدیغی و جماعت نامازیندا ایشتیراک ائتدیگی اوچون سئویندیگی حالدا دوشونمور کی، بو ناماز قبول درجه‌سینه چاتیب، یوخسا یوخ. نامازدا ریایا یول وئریلیب‌می؟ تکبّور گؤسترمکله اونو پوچا چیخارمامیشدیر می؟ مینّت قویدوغوموز اوچون وئردیگیمیز یاردیم هدر گئتمه‌ییب‌می؟… بلی، عملین قبول اولما شرطلرینه دیقت گؤسترمک لازیمدیر.

معنا‌سیز، شوبهه‌لی و ایکراه دوغوران ایشلردن چکینمه‌یه دیقت

قئید ائدیلنلردن بئله بیر نتیجه‌یه گلدیک کی، اهل بیت (ع) مکتبینه باغلانمایان شخص ایسلامی تانیماق ایمکانیندا دئییل. بو مکتبه باغلانانلار ایسه گونده‌لیک عمل‌لری‌نین حساب-کیتابینی آپارما‌لی، بوراخیلمیش نوقصانلارین نتیجه‌لرینی آرا‌دان قالدیرماق اوچون موعیّن تدبیرلر گؤرمه‌لیدیرلر. اینسان ائتدیگی عمل‌لره گؤره هانسی نتیجه ایله اوزلشه‌جگینی بیلمک اوچون بو باشدان عمل‌لرینی دوزگون قیمتلندیرمه‌لیدیر. گون بویو پول-پاراسینی حسابلایان اینسان عمل‌لرینی ده حسابلاماق اوچون واخت آییرما‌لیدیر. تیجارتله مشغول اولان هر بیر شخص داییم قازانجینی حسابلاییر. بعضاً ایسه حساب-کیتابدان آیدین اولور کی، نه‌اینکی قازانج یوخدور، حتّا سرمایه ده الدن چیخمیشدیر. بئله ده اولا بیلر کی، سرمایه‌سینی وئریب آلدیغی شئی اینسانین جیسمینه، روحونا، عاییله‌سینه ضرر ووروب، اوسته‌لیک، روسوایچیلیق دا گتیرسین.

اما آلیش-وئریشده حساب-کیتابا رعایت ائدن تاجیرلر ضرردن قاچماقلا یاناشی داها آرتیق قازانج الده ائتمک اوچون چالیشیرلار. بئله تاجیرلر هئچ واخت 1000 دینار قازانجی قویوب 999 دینار قازانج آردینجا گئتمزلر. اینسانین دینی وظیفه‌لری‌نین ایجراسی دا بئله‌دیر. بعضاً اینسان ائله گوناه عمله یول وئریر کی، دونیا و آخیرتده روسوای اولور. اصل تاجیر نه‌اینکی موعامیله‌سینده‌کی ضرردن، حتّا قازانج آلماماسیندان دا ناراحاتدیر. گوناه عمل موعامیله‌ده ضرره اویغوندورسا، بس، قازانج‌سیز موعامیله‌نین اوخشاری هانسی عملدیر؟ بو سایاق فایدا‌سیز عمل‌لر ایسلامدا “لغو” آدلانیر. قورآن کریمین “مؤمنون” سوره‌سی‌نین 3-جو آیه‌سینده اوخویوروق: “مؤمین‌لر او کسلردیر کی، لغو (فایدا‌سیز) ایشلردن چکینرلر. آخی قازانماق ایمکانی اولان اینسان نه اوچون ضرر ائتمه‌لیدیر؟!.”

بعضی تاجیرلر، حتی گئجه ده ناراحات یاتیرلار کی، گؤره‌سن، صاباحکی آل-وئرین قازانجی نه قدر اولا‌جاق، مال عئیبلی چیخاجاق‌می؟ اینسان عمل‌لرینه ده بئله یاناشما‌لیدیر. حرام اولوب-اولمادیغی بیلینمه‌ین و یا شوبهه دوغوران عمل‌لردن چکینمه‌لی، ائتدیگی عمل‌لردن نیگاران قالما‌لیدیر. بیر حالدا کی، هئچ بیر اینسان یاخشی مالی قویوب شوبهه‌لی مالا صاحب دورمور. نه اوچون حلال ایشلر دورا-دورا حرام و یا شوبهه‌لی عمل‌لره یول وئرملی‌ییک؟! شوبهه‌سیز کی، فایدا‌سیز و ایکراه دوغوران ایشلره صرف ائتدیگیمیز عؤمرون اوزوجو پئشمان‌چیلیغی واردیر. عؤمرون قدرینی بیلن اینسان یالنیز ثمره‌لی ایشلرله مشغول اولما‌لیدیر.


ادامه مطلب
+ نوشته شده در  شنبه دهم فروردین 1392ساعت 11:35 PM  توسط میرزه عبدالصمد ملکی əbdüssəməd  | 

نفسین حسابی * Nəfsin hesabı

image نفسین حسابی روایتلرده تأکید اولونموش و اخلاق عالیملری‌نین بؤیوک دیقت آییردیغی بیر مسئله‌دیر. روایتلرده ده تأکید اولونور کی، هر کس اؤز عمل‌لرینی قیمتلندیرمه‌لی، ان آزی گونده بیر دفعه عمل‌لری‌نین حسابینی آپارما‌لیدیر. بو ایش اوچون ان موناسیب واخت گئجه‌دیر. یاتمازدان قاباق گون عرضینده گؤرولن ایشلرین دوزگون اولوب-اولماماسی باره‌ده دوشونمک ضروریدیر. بوراخیلمیش سهو‌لری اعتراف ائدیب، اونلارین نتیجه‌سینی آرا‌دان قالدیرماق باره‌ده تدبیر گؤرولمه‌لیدیر. ایمام صادق (ع) عبدالله ابن جُندبه بویورور: “ائی جُندب اوغلو عبدالله، بیزی تانییانلارا واجیبدیر کی، هر گوندوز و گئجه‌ده عمل‌لرینه نظر سالیب اؤزلری ایله حساب چکسینلر. گؤردوکلری یاخشی ایشلری آرتیریب، چیرکین ایشلره گؤره باغیشلانما طلب ائتسینلر کی، قیامتده روسوای اولماسینلار.”

اینسانی حسابا وادار ائدن عامیل

اهل بیتی (ع) تانییان هر بیر موسلمان اؤز حیات پروقرامینی اونلارین گؤستریشلرینه اویغونلاشدیرما‌لی و عمل‌لرینه نظر سالما‌لیدیر. اینسانین اؤز عمل‌لرینه نظر سالماسی آللاهین اونون روحونا عطا ائتدیگی بیر خصوصیتدیر. بو، دونیا فیلوسوفلارینی حئیرته گتیرمیش بیر خصوصیتدیر. عادتاً، باشقا‌لارینی قیمتلندیرمک ایمکانینا مالیک اولان اینسان اوچون اؤز داخیلینه‌ده نظر سالماق سجیّوی‌دیر. اؤزونو تانیما مؤضوعسوندا موتعا‌لیه‌سی اولان اینسانلار یاخشی بیلیرلر کی، اینساندا اؤزونو هوس‌لندیرمک، تنبئه ائتمک، دانلاماق کیمی خصوصیتلر واردیر. بوتون بونلار آللاهین اینسانا بؤیوک مرحمتیدیر. ائله بو سببلردن‌ده اینساندان هر گون هئچ اولمازسا، بیر دفعه عمل‌لرینی آراشدیرماق طلب اولونور.

اؤزو ایله حساب چکن اینسان یاخشی بیر عمل‌له راستلاشدیقدا، بونو آللاهین لوطفو بیلمه‌لی و یاخشی عمل‌لری آرتیرماق اوچون اوندان یاردیم ایستمه‌لیدیر. باشقا بیر روایته اساساً، اینسان اؤز یاخشی عملینه گؤره آللاها شوکر ائتمه‌لی و گله‌جکده داها چوخ یاخشی ایش گؤرمک اوچون اوندان یاردیم دیلمه‌لی، پیس ایشلرینه گؤره توبه ائتمه‌لیدیر. آما توبه‌نین شرطلری واردیر. مثلاً، قیلینمامیش نامازین قضاسینی قیلماق، وورولموش ضرری اؤده‌مک و س. بئله بیر حرکت نؤوبتی دفعه گوناهین روحا سیرایت ائتمه‌سی‌نین قارشی‌سینی آلیر. آیدیندیر کی، قیامت گونو اؤتن نوقصانلارین نتیجه‌لرینی آرا‌دان قالدیرماق غئیری-مومکوندور. ایمام (ع) قیامت گونونون روسوایچی‌لیغینی خاطیرلادا‌راق هله ایمکان وارکن نوقصانلاری آرا‌دان قالدیرماغا چاغیریر.

اینسان بیر ایشین فایدا‌لی و یا دَیَرلی اولدوغونو درک ائتمه‌سه، اونا قطعی موناسیبت گؤسترمیر. اونا گؤره ده هر هانسی بیر خبردارلیق اولدوقجا فایدا‌لیدیر. اینسانین بیر ایشی گؤرمه‌سی اوچون مصلحت اولدوقجا فایدا‌لیدیر. هر هانسی بیر ایشین پیس نتیجه‌سیندن قورخو همین ایشه باشلاماغین قارشی‌سینی آلیر. موعیّن بیر پروقراما عمل ائتمک اوچون‌ده اونون فایدا‌لاری نظره آلینما‌لیدیر. بو فایدا‌لار اینسانی هوس‌لندیریر. بو مسئله‌یه دیقّت‌سیزلیک نتیجه‌سینده اینسان تنبل‌لشیر.

اینسان اوچون اولدوقجا آغریلی اولان پئشمان‌چیلیغین قارشی‌سینی آلماق مقصدی ایله یوبانما‌دان اؤزوموزله حساب چکمه‌لی‌ییک. قیامت گونونون آدلاریندان بیری “یوم الحسرت”، یعنی “حسرت گونو”دور. بو آد پئشمانچیلیغین روحاً آغریلی اولماسینا بیر ایشاره‌دیر. قیامت گونونون باشقا بیر آدی ایسه “یوم الحساب”، یعنی “حساب گونو”دور. اینسان نه زامانسا بوتون خئییر و شر عمل‌لری‌نین حسابا چکیلجگینه امین و دیقتلی اولماسا چیرکین ایشلردن اوزاقلاشماغا چالیشماز. آما قارشیلاشاجاغی سورغونون جیدی‌لیگینه اینانسا خیردا نوقصانلارا بئله یول وئرمز. قورآن کریمده‌ده تصدیق اولونور کی، قیامت عذابی‌نین سببی اینسانلارین همین گونو اونوتماسیدیر. محض بو اونوتقانلیق سببیندن اینسان ‌ابدی عذابا دوچار اولور. قورآن کریمین “صاد” سوره‌سی‌نین 26-جی آیه‌سینده اوخویوروق: “شوبهه‌سیز کی، الله یولوندان آزانلاری حساب گونونو اونوتدوقلاری اوچون شیدتلی بیر عذاب گؤزله‌ییر.”

قورآن کریمده بیری حدی آشمیش، دیگری ایسه اؤز عمل‌لرینه دیقتلی اولان ایکی قارداش حاقّیندا دانیشیلیر. مؤمین قارداشی‌نین نصیحتلرینی قولاق آردینا ووران تکبّورلو قارداش دئییر: “قیامتین قوپاجاغینی تصوّور ائتمیرم. حتی ربّیمین حضورونا قایتاریلسام اؤزومه بوندان‌دا یاخشی مسکن تاپارام” (“کهف” سوره‌سی، آیه: 36.) قورآن بو حکایه‌نی نقل ائتمکله حساب-کیتابسیز اعتیقادین هئچ بیر فایدا وئرمیجگینی آنلا‌دیر. قیامت حسابینا اینام آخیرت اینامی‌نین اساسیدیر. قیامت گونونون حیکمتی اینسانلارین اؤز یاخشی و پیس عمل‌لری‌نین موکافات و جزاسینا چاتماسیدیر. حساب اولماسایدی، قیامت نییه لازیم ایدی؟! حضرت پیغمبر (ص) بویورور: “نه قدر کی، حسابا چکیلمه‌میسیز اؤزووز اؤزووزو حسابا چکین” (“بحار الانوار”، ج.70.) بئله بیر ایناما مالیک اولان اینسان حؤکماً اؤز عمل‌لرینی نظردن کئچیریب نتیجه چیخاریر.


ادامه مطلب
+ نوشته شده در  شنبه دهم فروردین 1392ساعت 2:39 PM  توسط میرزه عبدالصمد ملکی əbdüssəməd  | 

آللاهین وارلیغینا اینانمایان دللک * حلاق لايؤمن بوجود الله

کیشی باشینی قیرخدیریب ساققالینی شکیللندیرمک اوچون دللک دوکانینا گئدیر. دللک صندلینده اوتوروب دللک‌له موختلیف موضوعلادا دانیشماغا باشلیر. سؤز گلیب آللاهین وارلیغینا چاتیر . . .

دللک دئییر: «من آللاهین وارلیغینا اینانمیرام».

موشتری دئییر: «نییه بو سؤزو دانیشیرسان؟»

دللک:«یاخشی» دئییب سؤزونو بئله تماملیر: «آللاهین یوخلوغونو بیلمگه کیفایتدی خیابانا یئنه‌سن. منه دئ گؤروم آللاه اولسا اینسانلار خسته اولارلار؟ آللاه اولورسا بو قدر آوارا اوشاق اولار؟ البته آللاه اولورسا بونا تای آغری و عذابلاری هئچ واخت گؤره بیلمزسن. من مرحمتلی آللاهین بئله ایشلره نئجه ایمکان وئرمه‌سینی تصوّور ائده بیلمیرم».

موشتری بیر آز فیکیرلشدی آما جر بحثه چکمه‌سین دئیه دللگین جوابینی وئرمه‌دی. دللگین ایشی موشتری ایله قورتولاندان سونرا موشتری خیابانا چیخیب باشی‌نین توکلری لیفه بنزه‌ین اوزون، اوزون ساققال، چیرکلی پریشان، توز تورپاقلی بیر کیشینی گؤردو. تئر دللک سالونونا قاییدیب دللگه دئدی: «بیلیرسن کی هئچ بیر دللک یوخدور؟»

دللک تعجوبلو دئدی: «بونو نئجه دئییرسن . .من بوردایام و سنین باشینی ایندیجه قیرخدیم !!»

موشتری «دللکلر موجود اولسالار بئله کیشیلره تایلاری نییه تاپیلیر؟» سوروشدو.

دللک «البته دللک خانا وار . . . بو صحنه‌لری گؤرمگیزین سببی ایسه بودور کی بئله آداملار دللکلره موراجیعه ائتمیرلر» دئدی.

موشتری جواب وئردی: «بو مسأله دقیقاً آللاها نیسبت‌ده صادیقدیر».

آللاه موجوددور لاکین اینسانلار احتیاجلاری اولاندا اونا دوغرو گئتمیرلر اونا گؤره ایسه دونیادا آغری و عذاب گؤرورلر.

حلاق لايؤمن بوجود الله

ذهب رجل إلى الحلاق لكي يحلق له شعر رأسه ويهذب لحيته ، فجلس على الكرسي المخصص للحلاقه وتعرف على الحلاق .. حتى بدأ بالحديث معه في أمور كثيرة . إلى أن بدأ الحديث حول وجود الله..

قال الحلاق:- أنا لا أؤمن بوجود الله

'قال الزبون :- لماذا تقول ذلك ؟ قال الحلاق :- حسنا ، فــ أكمل الحلاق كلامه : مجرد أن تنزل إلى الشارع تدرك بأن الله غير موجود،قل لي، إذا كان الله موجودا هل ترى أناسا مرضى؟ وإذا كان الله موجودا هل سترى هذه الأعداد الغفيرة من الأطفال المشردين ؟ طبعا إذا كان الله موجودا فلن ترى مثل هذه الآلام والمعاناة .

أنا لا أستطيع أن أتصور كيف يسمح ذلك الاله الرحيم مثل هذه الامور.

فكر الزبون للحظات لكنه لم يرد على كلام الحلاق حتى لا يحتد النقاش وبعد أن

انتهى الحلاق من عمله مع الزبون ، خرج الزبون إلى الشارع فشاهد رجل طويل شعر رأسه مثل الليف، طويل اللحية، قذر المنظر، أشعث أغبر، فرجع الزبون فورا إلى صالون الحلاقة .... قال الزبون للحلاق:- هل تعلم بأنه لايوجد حلاق أبدا،

قال الحلاق متعجبا : كيف تقول ذلك . . أنا هنا وقد حلقت لك الان !!

قال الزبون : لو كان هناك حلاقين لما وجدت مثل هذا الرجل

قال الحلاق : بل الحلاقين موجودين . . وأنما حدث مثل هذا الذي تراه عندما لايذهب هؤلاء الناس للحلاقين

قال الزبون : وهذا بالضبط بالنسبة إلى الله .

فالله موجود ولكن يحدث ذلك عندما لا يذهب الناس إليه عند حاجتهم ، ولذلك ترى الآلام والمعاناة في العالم.

 

+ نوشته شده در  جمعه نهم فروردین 1392ساعت 11:55 AM  توسط میرزه عبدالصمد ملکی əbdüssəməd  | 

منیم اوچون اوغورلوق ائدنین آخیری مندن اوغورلاماغا چاتار * من يسرق لأجلي ، ينتهي به الأمر إلى سرقتي

موعلیم شاگیردلریندن یئمکلری اوچون بیر شئیلر حاضیرلامالارینی ایستیر.

شاگیردلر گئدیب یاخشی یئمک تاپماق اوچون چتینلیکلرله اوز به اوز اولورلار.

شاگیردلر آخشام قاییدیرلار و هر بیری‌نین الینده خئیریّه طریقی ایله الده ائتدیکلری واریدی: اؤلوشگه‌میش چوروک میوه، خیردا چؤرک.

لاکین اونلارین بیری دولو سله یئتیشمیش آلما گتیرمیشدی.

او آلمالاری بؤلرک دئییردی: «بوتون چالیشدیغیم موعلیمیمه و دوستلاریما کؤمک ائتمگه گؤره‌دیر».

موعلیم سوروشدو: «بونلاری هاردان تاپدین؟»

 - «مجبور قالدیم اوغورلوق ائدم. جماعت زده‌لنمیش ارزاقدان باشقا هئچ نه وئرمیردیلر بیر حالداکی بیلیرلر بیز آللاه کلامینی تبلیغ ائدیریک».

- «یاخشی ! سن آلمالارینلا گئد و بیر داها قاییتما !»

«منیم اوچون اوغورلوق ائدنین آخیری مندن اوغورلاماغا چاتار».

من يسرق لأجلي ، ينتهي به الأمر إلى سرقتي

طلب المعلم من تلاميذه الذهاب لإحضار شيء ليأكلوه .

كانوا مسافرين ، و يواجهون صعوبة في العثور على طعام جيد .

عاد التلاميذ في المساء ، و كل منهم يحمل القليل الذي تلقاه من إحسان : فاكهة ذابلة تكون عفنة ، خبز باءت.

لكن أحدهم أحضر سلة تفاح جيد النضج .

قال و هو يوزع التفاحات :

سأبذل جهدي دوماً لمساعدة معلمي و إخوتي .

سأله المعلم : أين وجدت هذا ؟

-    اضطررت لسرقته لم يعطني الناس سوى الأطعمة التالفة ، و هو يعرفون أننا نبشر بكلام الله .

-    حسناً اذهب أنت و تفاحاتك ، و لا ترجع أبداً .

" من يسرق لأجلي ، ينتهي به الأمر إلى سرقتي

+ نوشته شده در  پنجشنبه هشتم فروردین 1392ساعت 11:45 AM  توسط میرزه عبدالصمد ملکی əbdüssəməd  | 

کوپ صاحیبی‌نین آرزوسو * حلم صاحب الجرّة

حکایت اولوب زاهیدین یاتاغی‌نین اوستوندن آسلانمیش دولو یاغ کوپو واریدی. گونلرین بیرینده الینده آغاج یئرینده اوزانیب فیکره گئتمیشدی: «کوپو اون دیرهمه ساتیب بئش کئچی آلارام. ایلده ایکی دفعه بالالارلار. اون ایلده ایکی یوزه چاتارلار. اونلاری ساتیب اون اینک آلارام سونرا الیمده‌کی پول آرتار قول-کؤله آلارام، بیر اوشاغیم اولار، منی غضبلندیرسه اونو بو آغاجلا وورارام». آغاجلا بو حرکتی گؤسدیب کوپو ووردو.

کوپ سیندی و ایچینده‌کی یاغ اوزونه باشینا تؤکولدو ! . . .

حلم صاحب الجرّة
حُكيَ أن ناسكاً ، كان له سمن في جرة معلقة على سريره ، ففكر يوماً وهو مضطجع على السرير وبيده عصا ، فقال : أبيع الجرة بعشرة دراهم ، وأشتري بها خمس عنزات ، فأولدهن بكل سنة مرتين ، فيبلغ الإنتاج في عشر سنين مائتين ، فأشتري بكل عشر بقرة ، ثم ينمو المال بيدي فأشتري العبيد والإماء ، ويولد لي ولد فإن عصاني ضربته بهذه العصا ، وأشار بالعصا فأصاب الجرة
فانكسرت وصب السمن على وجهه ورأسه .... !

+ نوشته شده در  چهارشنبه هفتم فروردین 1392ساعت 9:4 AM  توسط میرزه عبدالصمد ملکی əbdüssəməd  | 

هیند وزیری‌نین وفاسی * وفاء الوزير الهندي ؟

ریوایت اولوب، هیندوستانین جوان پادشاهلاریندان بیرینه اوزاق بؤلگه‌لردن دبدبه‌لی آرواد پالتاری هدیه گتیریرلر.
وزیرینه امر ائلیر زوجه‌لرینی چاغیرسین. آروادلار گلیر. هر بیری‌نین اؤزونه موناسیبین سئچمه‌سی اوچون پالتارلار سریلیر. آروادلار باخیب حئیران قالیرلار. بو اثنادا اونلارین بیری باشینی قالدیریب وزیره باخدی ائله بیل کی ایشاره ایله اوندان هانسی‌نین داها گؤزل پالتار اولدوغونو سوروشور.

وزیر گؤزو ایله سورعتله پالتارلارین بیرینه ایشاره ائدنده پادشاه وزیری‌نین اونون آروادینا قاش-گؤز ائله‌مه‌سینی گؤرور !

لاکین پادشاه بو مسأله‌نی ایچینده ساخلیر و بیلیندیرمیر. آروادلارین هر بیری اؤزونه یاراشانی گؤتوروب چیخیر. آما یازیق وزیر موضطریب اولوب اوزونون رنگی دگیشیب شاشقین قالیر کی گؤره‌سن پادشاه اونون بو قاش-گؤز ائله‌مه‌سیندن نه آنلاییب؟

چوخ فیکیر و تردّوددن سونرا بیر یولدان باشقا هئچ چاره تاپمیر؛ اؤزونو ائله آپاریر گویا گؤزونده اولان عارضه اوزوندن نئچه لحظه‌دن بیر گؤزو آتیر. یازیق وزیر ایللر بویو یاشاییب پادشاهی گؤردویو زمانلار سول گؤزو ایله گؤز وورما اثرینده بو ایش اونون عادتینه چئوریلدی. پادشاهین اؤلوم زمانی چاتدیغیندا اوغلونا نصیحت ائله‌دی: اوغلوم سنه وزیریمله یاخشی اولمانی توصیه ائدیرم، او ائله‌مه‌دیگی گوناهدان قیرخ ایل بویو عوذر ایسته‌دی !»

وفاء الوزير الهندي ؟

حُكِيَ أنَّ ملكاً شاباً من ملوك الهند أُهْدِيَت إليه ثياب نساء فاخرة من أحد الأقاليم البعيدة ، فأمر وزيره أنْ يبعث من ينادي زوجاته ، فجاءت زوجاته وقد بسط الثياب لتنتقي كل واحدة منهنَّ ما يُناسبها ، فجعلنَ ينظرن وهنَّ متحيرات ، وأثناء ذلك رفعت إحداهنَّ رأسها فنظرت إلى الوزير كأنها تسـتـشـيره عـن أي الثياب أجـمـل ؟
فما كان من الوزير إلا أنْ أشار لها بعينه بسرعة نحو إحدى الثياب ، فوقعت عين الملك على الوزير وهو يغمزها لزوجته !
ولكنّ الملك أسَرَّها في نفسه ولم يُبدها له ، ثم أخذت بعد ذلك كل واحدة منهنّ ما ناسبها وخرجن ، ولكن الوزير المسكين اضطرب وتغير وجهه واحتار كيف له أنْ يُفهم الملك ما قصده بتلك الإشاره ؟
وبعد تفكير وتردد لم يجد حلاً سوى أَنْ يتظاهر أنَّ في عينه عاهة طرأت عليها تجعله يُغمضها بين لحظةٍ ولحظة ، فعاش هذا الوزير المسكين سنين طويلة وهو يقوم بإغماض عينه اليسرى كلما رأى الملك حتى أصبحت عادة ملازمة له ، وعندما حضرت الملك الوفاة ، قال الملك لابنه وهو يعظه : يا بُني أوصيك بالوزير خيراً ، فإنَّه اعتذر عن ذنبٍ لم يرتكبه مدة 40 سنة !

+ نوشته شده در  سه شنبه ششم فروردین 1392ساعت 11:15 AM  توسط میرزه عبدالصمد ملکی əbdüssəməd  | 

کولک اسنده من یاتارام ! * أنام عندما تعصف الرياح

نئچه ایل اوّل بیر مالیکین ساحیل قیراغیندان اکین یئری واریدی. او ایشچی گؤتورمک اوچون تئز-تئز اعلان وئرسه‌ده اینسانلارین چوخو ساحیل قیراغینداکی یئرده ایشله‌مکدن چکینیردیلر. چونکی اونلار بینالارا و حاصیللارا زیان ووران ساحیلده غضبلی دریانین دالغالاریندان و اوردا

اسن طوفاندان قورخوردولار.

اونون اوچون‌ده مالیک ایشه موراجیعت ائدنلرله موصاحیبه ائدن زمان اونلار ایشدن ایمتیناع ائدیردیلر. نهایتده کوله بوی، آریق، اورتا یاشلی کیشی مالیکه یاخینلاشیب دئدی: «اکینچیلیک اوچون سنین یاخشی یئرین وار می؟»

مالیک اونا دئدی: «سنین اکین ساحه‌سینده ایشلمگه یاخشی الین وار می؟»

کیچیک جوثّه کیشی جواب وئردی: «بلی، کولک اسنده من یوخلارام».

اکین ساحه‌سی مالیکینه بو جواب تعجوبلو گلسه‌ده آیری ایشچی تاپماقدان اومیدسیز اولدوغو اوچون اونو قبول ائله‌دی.

آریق کیشی مزرعه‌ده چوخ یاخشی ایشلیردی. گون چیخاندان گون باتانا قدر بوتون واختی ایشلیردی و مالیک اوندان راضیلیق حیسّ ائدیردی.

گئجه‌لرین بیرینده ساحیلدن شیدّتلی یئل اسمگه باشلادی و مالیکی ناراحات ائدیب یئریندن قالخیزدی. چیراق گؤتوروب مزرعه‌سینده ایشله‌مگه گؤتورن آریق کیشی یاتان داخمایا یولا دوشدو. کیشینی سیلکه‌له‌ییب اوجادن قیشقیردی: «اویان ! فیرتینا اولوب. دور یئل هر شئیی آپارمامیش اونلاری باغلا و برکیت».

کیچیک جوثّه کیشی کنارا چکیلرک یئرینده دیغیرلانیب آییقلیقلا دئدی: «یوخ آغا! اوّلده فیرتینا اولاندان یاتاجاغیمی سنه دئمیشم!»

مالیک چوخ شیدّتلی غضبلنیب بو ایشچینی سحر ائشیگه اؤتورمک قرارینا گلدی. آما ایندی گرک ائشیگه چیخیب طوفانا قارشی حاضیرلیقلاری گؤرسون.

اورا چاتاندا چوخ تعجوب ائله‌دی. بوتون آنبارلاری نایلونلا اؤرتولموش گؤردو . . .

اینک طؤیله‌ده، قوشلار هینلرینده، قاپیلاردا دمیر میله‌لر، پنجره‌لر مؤحکم برکیدیلمیش، هر شئی مؤحکم باغلانیب و هئچ زادا اوچماق ایمکانی یوخدور.

اوندا مالیک ایشچینی ایشه گؤتورن واخت نه دئدیگینی آنلادی. او اؤزو ده قاییتدی فیرتینا واختیندا یاتسین.

عیبرت: حاضیرلیق، طوفان واختی یاتماغا لاپ یاخشی وسیله‌دیر !

أنام عندما تعصف الرياح

منذ سنوات عدة كان لأحد ملاك الأرض الزراعية مزرعة تقع بجوار الشاطئ، وكان كثيراً ما يعلن عن حاجته لعمّال، ولكن معظم الناس كانوا يترددون في قبول العمل في مزرعة بجوار الشاطئ؛ لأنهم كانوا يخشون العواصف التي كانت تعربد عبر البحر الهائج الأمواج وهي تصب الدمار على المباني والمحاصيل.

ولذلك عندما كان المالك يجري مقابلات لاٍختيار متقدمين للعمل، كان يواجه في النهاية برفضهم العمل، وأخيراً اقترب رجل قصير ونحيف، متوسط العمر للمالك فقال له المالك: “هل أنت جيد مجال الزراعة؟”

فقال له المالك :" هل أنت يد عاملة جيدة في مجال الزراعة ؟

فأجاب الرجل نحيف الجسم قائلاً: "نعم فأنا الذي ينام عندما تعصف الرياح"

ومع أنّ مالك المزرعة تحيّر من هذه الإجابة إلا أنه قبِلَ أن يعينه بسبب شدة يأسه من وجود عمال آخرين.

أخذ الرجل النحيف يعمل عملا جيداً في المزرعة، وكان طيلة الوقت مشغولا من الفجر وحتى غروب الشمس، وأحس المالك بالرضا عنه.

وفي إحدى الليالي ضربت الرياح بكل قوة من ناحية الشاطئ فقفز المالك منزعجاً من الفراش، ثم أخذ مصباحاً واندفع بسرعة إلى الحجرة التي ينام فيها الرجل النحيف الذي عيّنه للعمل عنده في المزرعة ثمّ راح يهزّ الرجل وهو يصرخ بصوت عالٍ: "استيقظ فهناك عاصفة آتية قم ثبِّت كل شيء واربطه قبل أن تطيّره الرياح"

استدار الرجل صغير الحجم مبتعداً في فراشه وقال في حزم: "لا يا سيّدي فقد سبق وقلت لك أنا الذي ينام عندما تعصف الرياح!"

أصاب الملك غضباً شديداً وعزم على طرد هذا العامل في الصباح، لكن عليه الآن أن يخرج عاجلا خارج المنزل ليستعد لمجابهة العاصفة.

وعندما وصل أصابته الدهشة، فقد اكتشف أن كل الحظائر مغطاة بمشمّعات..

والبقر في الحظيرة، والطيور في أعشاشها، والأبواب عليها أسياخ حديدية وجميع النوافذ محكمة الإغلاق، وكل شيء مربوط جيداً ولا شيء يمكن أن يطير.

وحينذاك فهم المالك ما الذي كان يعنيه الرجل العامل لديه، وعاد هو نفسه إلى فراشه لينام بينما الرياح تعصف.

العبرة : الاستعداد أفضل وسيلة كي تنام عندما تأتي العواصف!.


+ نوشته شده در  دوشنبه پنجم فروردین 1392ساعت 11:10 AM  توسط میرزه عبدالصمد ملکی əbdüssəməd  | 

یئنی ایلین بایراملیغی


حجم 1.5 MB  فورمت: PDFBayramliq-(Ali-Talei

BAYRAMLIQ
بایراملیق
Sevimli Balalar Üçün Bayramlıq
Ali Talei Qaramalikli
Ebced
Tebriz-2013 (1392)

0103-Bayramlıq (Ali Talei Qaramalikli) (Ebced) (Tebriz-2013-1392)

+ نوشته شده در  جمعه دوم فروردین 1392ساعت 9:0 AM  توسط میرزه عبدالصمد ملکی əbdüssəməd  | 

قورخو آغ‌جیگرلیک علامتی دئییل * الخوف ليس دليلاً على الجبن

تولون شهرینین موحاصیرهسینده بومب یاغدیرما زمانی جوان بناپارت قورخودان تیترهییردی.

عسکرلرین بیری اونو بو حالدا گؤروب دوستلارینا دئدی: «باخین اونا ! قورخودان تیترهییر !»

بناپارت جواب وئردی: «بلی من قورخورام، آما ساواشا دوام ائدیرم. منیم قورخومون یاریسی سیزده اولسایدی چوخدان ایدی ساواشی ترک ائتمیشدیز».

حیکمت: قورخو آغ جیگرلیک علامتی دئییل. او بیزی موعیّن واختلار جسارتلی و لیاقتلی ایقدام ائتمگه یؤنلدن حیسّدیر.

هر کیم قورخو حیس ائده آما قورخونون اونا غالیب گلمهسینه ایمکان وئرمهیه، او جسارتلی بیرسیدیر.

آما بیری چتین موقعیتله اوزلشرکن خطرین ریسکینی بیلمهسه احتیاطسیز بیریسیندن باشقا هئچ نه دئییل.

الخوف ليس دليلاً على الجبن

كان بونابرت الشاب يرتعش من الخوف أثناء القصف الضاري في حصار طولون .

وعندما رآه أحد الجنود على هذه الحال قال لرفاقه :

-    انظروا إليه ، إنه يرتعد من الخوف !

رد عليه بونابرت :

-    نعم إني خائف ، و لكني مستمر في القتال ، فلو كنتم تشعرون بنصف الخوف الذي اشعر به ، للذتم بالفرار منذ وقت طويل .

الحکمه:  الخوف ليس دليلاً على الجبن ، فالخوف هو الشعور الذي يجعلنا نتصرف بإقدام و كرامة في ظروف معينة .

فمن شعر بالخوف ، ويمضي إلى الأمام دون أن يسمح للخوف بالنيل منه ، فإنه يبرهن عن شجاعة .

أما من يواجه موقفاً عصيباً ولا يقم وزناً للخطر ، فإنه لا يبرهم إلا عن تهوره .

+ نوشته شده در  چهارشنبه سی ام اسفند 1391ساعت 1:48 PM  توسط میرزه عبدالصمد ملکی əbdüssəməd  | 

بو سیزین احتیاجیز اولان کیشیدیر ! * ها هو الرجل الذي تحتاجه !

گوجلو پادشاه بئل آغریلارینی موعالیجه ائتمک اوچون بیر کاهینی چاغیریر. اونون خستهلیکلره موعالیجه گوجو اولدوغو بارهده معلومات وئرمیشدیلر.

موقدس کیشی دئدی: «آللاه بیزه کؤمک ائدهجک، آما اوّلده بو آغریلارین سببینی تاپمالیییق».

پادشاه مجبور قالدی چتینلیکلرینین بیر آزین دئسین.

کاهین پادشاهین حیاتیندان بیر سئری سوآللار سوروشدو، اونون قونشولاری ایله اولدوغو رابیطهدن، مسألهنین آجیلیقلاریندان و آغریلاریندان. آما پادشاه  بو موشکوللره دوشوندوگونه مجبور اولماسیندان غضبلنرک موقدس کیشییه اوز چئویریب دئدی: «بو بارهلرده دانیشماق ایستهمیرم، سندن ایستیرم مسأله سوروشمادان منی موعالیجه ائدن بیرینی تاپاسان».

کاهین گئتدی، یاریم ساعت سونرا آیری بیر آدامین موشاییعتی ایله قاییدیب پادشاها دئدی: «بو سیزین احتیاجیز اولان کیشیدیر. دوستوم بایتاردیر (مال دؤکتورو) اونون خستهلریله دانیشماغا عادتی یوخدور».

ها هو الرجل الذي تحتاجه !

استدعى ملك قوي يعاني من آلام في ظهره كاهناً ، قيل له أن لديه قدرات على شفاء العلل .

قال الرجل القديس :

-    سيعيننا الله ، لكني أريد أولاً أن افهم سبب هذه الآلام .

أرغم البوح الملك على مواجهة صعوباته فحرره من قدر من الأشياء .

أخذ الكاهن يطرح على الملك أسئلة عن حياته ، و عن طريقة معاملته لقريبه ، وعن مرارات الحكم و أوجاعه ، لكن الملك التفت نحو الرجل القديس ، و قد أغضبه اضطراره للتفكير بهذه المشاكل فقال :

-    لا أريد الكلام في هذه المواضيع ، أرجوك أحضر لي أحد يعالجني دون أن يطرح الأسئلة .

مضى الكاهن ، و عاد بعد نص ساعة بصحبة رجل آخر .

و قال للملك :

" هاهو الرجل الذي تحتاجه ، صديقي طبيب بيطري ، لم يعتد مناقشة مرضاه " .

+ نوشته شده در  چهارشنبه سی ام اسفند 1391ساعت 1:8 PM  توسط میرزه عبدالصمد ملکی əbdüssəməd  | 

آنلادیغی‌نین ثبوتی * ANLADIĞININ İSPATI

تانیشلاری‌نین بیری، یازدیغی رومانین ال یازیلارینی «نئیزن توفق»ـه گؤرسدیب فیکرینی سوروشار. نئیزن بگنمه‌دیگینی دئیینجه آدام دئیر: «یاخشی، آما سن‌کی ایندیه‌جن رومان یازمامیسان‌!»

نئیزن توفیق بئله جواب وئرر: «من یومورتانین تازاسینی بایاتیندان یاخشی تشخیص وئره‌رم. آما ایندیه‌جن اصلاً یومورتامامیشام».

    ANLADIĞININ İSPATI

    Tanıdıklardan biri, yazdığı romanın müsveddelerini Neyzen Tevfike göstererek fikrini sorar:

    Neyzen beğenmediğini ifade edince, adam:

    -İyi ama, der. Siz hiç roman yazmadınız ki!

    Neyzen Tevfik şu cevabı verir:

    -Ben yumurtanın tazesini bayatını iyi anlarım. Ama bu güne kadar hiç yumurtlamadım.

+ نوشته شده در  چهارشنبه سی ام اسفند 1391ساعت 11:44 AM  توسط میرزه عبدالصمد ملکی əbdüssəməd  | 

سقراط و ایتیتمه‌داشی * SOKRAT VE BİLEYTAŞI

شاگیردلری‌نین بیری سقراطدان سوروشور: «هامی‌یا گؤزل دانیشماق درسی وئردیگین و اونلارا خیطابه هونرینی اؤیرتدیگین حالدا، نییه سن‌ده چیخیب بیر خیطابه اوخویانمیرسان؟»

سقراط جواب وئریر: «اوغلوم! ایتیتمه‌داشی کسکین دئییلدیر آما لاپ مؤحکم دمیری‌ده کسکین ائدر».

    SOKRAT VE BİLEYTAŞI

    Talebelerden biri Sokrata sormuş:

    -Herkese gözel konuşma dersleri verdiğin ve onlara hitabet sanatını öğrettiğin halde, niçin sen de çıkıp bir konuşma yapamıyorsun

    -Evlat, demiş Sokrat. Bileytaşı keskin değildir amma, en sert demiri bile keskin eder...

+ نوشته شده در  چهارشنبه سی ام اسفند 1391ساعت 11:34 AM  توسط میرزه عبدالصمد ملکی əbdüssəməd  | 

هاردان بیلدین غریبم؟ * ما علمك بغربتي ؟

ایصفهانا غریب بیر کیشی گئدیب نئچه گونلوگه کیچیک ائو کیرایه ائدیر. اونو بو شهرده تانییان یوخیدی. درحال شام یئمگی آلماق اوچون ائودن چیخیر. شام آلاندان سونرا چؤرکچی‌یه گئدیب ایکی عدد چؤرک آلیر. قاییدیشدا جماعتدن کؤمک ایسته‌ین کور بیر مؤحتاجا راست گلیر. یاخینلاشیب اونا بیر عدد چؤرک وئریر. کور اونا دئییر: «آللاه سنه خئیر جزا وئرسین و غریبلیگینی باغیشلاسین !» غریب تعجوب ائدیب دئییر: «هاردان بیلدین من غریبم؟»

کور جواب وئریر: « من ایرمی ایلدیر بوردا یاشیرام، ایندیه‌جن بیری منه ایستی چؤرک وئرمه‌ییب !»

ما علمك بغربتي ؟

رجلاً غريباً دخل اصفهان واستأجر داراً صغيرة لأيام ولم يكن يعرف فيها أي أحد ، ثمَ خرج على الفور ليشتري لنفسه عشاء ، فأتى الخبَّاز بعد أن اشترى العشاء واشترى منه رغيفين ، وفي طريق عودته سمع مسكيناً أعمى يسأل الناس ، فاقترب منه وأعطاه رغيفاً ، فقال له الأعمى : جزاك الله خيراً و رَحِمَ آللاه غربتك ! فتعجب الغريب وقال : وما علمك بغربتي ؟


قال الأعمى : أنا أعيش هنا منذ عشرين سنة لم أتناول من أحد رغيفاً ساخناً قط !

+ نوشته شده در  چهارشنبه سی ام اسفند 1391ساعت 11:20 AM  توسط میرزه عبدالصمد ملکی əbdüssəməd  | 

سئوگی ایله صیفیرلر ! * الحب والأصفار!

جوان ایستیر ائولنسین، گئدیب آتاسینی بو قراریندان خبردار ائله‌سین.

آتاسی ساحیلده اوتوروب الینده‌کی عصاسیله قوم اوستونده رسم چکیردی.

چوان دئدی: «گؤزل بیر قیز گؤرموشم اونونلا ائولنمک ایستیرم».

آتا دینمه‌ییب قوم اوستونده بیر صیفیر(0) یازدی. اوغول تکمیل‌لتدی: «او چوخ یاخشی ائودار خانیمدی». آتاسی بیر صیفیر داها یازدی.

اوغلان قیزین آیری یاخشی خصوصیّتلرینd سایدی آتاسی‌دا دانیشمادان صیفرلری آرتیریردی.

نهایتده جوان دئدی: «بیز بیر-بیریمیزی سئویریک !!!»

بو حالدا حیکمتلی آتا صیفرلرین قارشیسینا بیر یازیب صیفیرلار سیراسی بؤیوک بیر عدده چئوریلدی.   1000000000000000

 

حیکمت: سئوگی اوستونلوکلریمیزی آرتیرا بیلن تکجه وارلیقدیر.

الحب والأصفار!

قرر شاب الزواج، وذهب ليخبر والده بقراره.

 الأب كان يجلس بجوار الشاطئ ويمسك بيده عصا يرسم بها على الرمال.

قال الشاب: أبي، أنا قابلت فتاة رائعة وأريد الزواج منها.

لم يتكلم الأب  ورسم علي الرمال صفر، أكمل الشاب هي رية بيت رائعة، فقام الأب برسم صفر أخر.

واصل الشاب تعداد الكثير من الصفات الحميدة بالفتاة، ووالده يقوم بإضافة الأصفار من دون أي كلمة.

في النهاية قال الشاب:نحن نحب بعضنا بعض !!!

وحينها وضع الاب الحكيم أمام كل الاصفار رقم واحد ليصبح الرقم كبيراً جداً بدلاً من سلسلة أصفار وحسب.

الحكمة: الحب هو الشيء الوحيد الذي يستطيع أن يضاعف كل مميزاتنا.

+ نوشته شده در  سه شنبه بیست و نهم اسفند 1391ساعت 11:23 AM  توسط میرزه عبدالصمد ملکی əbdüssəməd  | 

همیشه اولمادیغیمیزا باخیریق * دائماُ ننظر إلى ما ينقصنا

بؤیوک یازیچی یازی میزینده اوتوروب قلمی الینده توتوب یازدی: «کئچن ایل اؤد کیسه‌سی قالدیریلما جراحی عملیاتی اولدوم، نئچه آی دؤشکده یاتماغیم لازیم اولدو. یاشیم آلتمیشا چاتارکن نشر ائوینده اوتوز ایل زحمت چکدیگیم ایشی ترکیتدیم .. آتام وفات ائله‌دی . . . اوغلوم ترافیک قضاسی نتیجه‌سینده آیلارجا درسدن قالماغی نتیجه‌سینده طیب دانیشکده‌سینده اوغورسوز اولدو».

صفحه‌نین آخیرینده‌ده یازدی: « نه پیس ایلیدی . .!!»

حیات یولداشی اوتاغینا داخیل اولدو، ایسته‌دی اونونلا ظرافات ائلیه . . اونا یاخینلاشیب چیگنی‌نین اوستوندن یازدیغینی اوخودو . . بیر شئی دئمه‌دن اوتاغی سس‌سیزجه ترک ائتدی . . .نئچه دقیقه سونرا الینده آیری کاغیذلا قاییتدی، اونو سس‌سیزجه اری‌نین یازدیغی کاغیذین یانینا قویدو.

کیشی باشلادی حیات یولداشی‌نین یازدیغی کاغیذی اوخوماغا: «کئچن ایلده، سنی ایللر بویو اذیّت ائدن اؤد کسیه‌سی عذابیندان شفا تاپیب ساغلام شکیلده آلتمیش یاشینا چاتدین . . . سنینله چوخلو موهیم کیتاب یازیب نشر ائتمگه موقاوله قورتاراندان سونرا یازماقدان فراغت تاپدین.

آتان آغریسیز و خسته‌لیکسیز 85 یاشینا قدر یاشادی یئنه آغریسیز ساکیتجه وفات ائتدی . . .اوغلون ترافیک قضاسیندان اؤلومدن قورتولوب عاریضه‌سیز سَقَط اولمادان شفا تاپدی.

حیات یولداشی جومله‌سینی بونو دئیه‌رک قورتاردی: «نئجه ایلیدی ! اوندا خوش شانسلیغیمیز بد شانسلیغیمیزا غالیب گلدی. هر شئی اوچون آللاها شوکر اولسون».

همیشه اولمادیقلاریمیزا باخیریق . . . بونا گؤره وارلیقلاریمیزا شوکر ائتمیریک.

دائماُ ننظر إلى ما ينقصنا

جلس مؤلف كبير أمام مكتبه وأمسك بقلمه، وكتب: "في السنة الماضية، أجريت عملية إزالة المرارة، ولازمت الفراش عدة شهور.. وبلغت الستين من العمر فتركت وظيفتي المهمة في دار النشر التي ظللت أعمل بها ثلاثين عاماً.. وتوفي والدي.. ورسب ابني في كلية الطب لتعطله عن الدراسة عدة شهور بسبب إصابته في حادث سيارة.."

وفي نهاية الصفحة كتب:" يا لها من سنة سيئة..!!

ودخلت زوجته غرفة مكتبه، ولاحظت شروده.. فاقتربت منه، ومن فوق كتفه قرأت ما كتب.. فتركت الغرفة بهدوء، من دون أن تقول شيئاً ... لكنها وبعد دقائق عادت وقد أمسكت بيدها ورقة أخرى، وضعتها بهدوء بجوار الورقة التي سبق أن كتبها زوجها.

فتناول الزوج ورقة زوجته وقرأ منها: " في السنة الماضية ، شفيت من الآم المرارة التي عذبتك سنوات طويلة وبلغت الستين وأنت في تمام الصحة.. وستتفرغ للكتابة والتأليف بعد أن تم التعاقد معك على نشر أكثر من كتاب مهم .

 وعاش والدك حتى بلغ الخامسة والثمانين بغير أن يسبب لأحد أي متاعب وتوفي في هدوء بغير أن يتألم .. ونجا ابنك من الموت في حادث السيارة وشفي بغير أيه عاهات أو مضاعفات.

وختمت الزوجة عبارتها قائلة: " يا لها من سنة تغلب فيها حظنا الحسن على حظنا السيء". الحمد لله على كل شيء.

دائماُ ننظر إلى ما ينقصنا .. لذلك لا نحمد الله على ما معنا


برچسب‌ها: وارلیق, شوکر, نیک بین, خوش بین, لیوانین دولو یاریسی
+ نوشته شده در  سه شنبه بیست و نهم اسفند 1391ساعت 10:2 AM  توسط میرزه عبدالصمد ملکی əbdüssəməd  | 

نوروز بایرامی تبریک اس ام اس‌لری... (2)

Pembe Bahar Çiçekleriقارشیمیزا گلن نوروز بایرامی موناسیبتینه بوتون دوستلاریمی تبریک دئییرم. انشاءالله کی یئنی ایل بوتون ایسلام عالمینه و اینسانلیق عالمینه خئییرلی برکتلی اولسون.

الیمه دوشن نوروز تبریک اس‌ام‌اس‌لری بو پوستا یئرلشدیره‌جم.

 



بیر گونومده دئییل، هر گونومده‌سن. هر گون هر ثانیه منیمله‌سن. هر زامان منه کؤمک اولدون. سن منیم اوچون چوخ اؤنملیسن. آنا بایرامین موبارک.

*

 سن حیاتیمین اولدوزو اولدون. هارا گئتسم سنین ایشیغین آلتیندا سئوگینله اولدوم. دوز یولو تاپدیم. سنی سئویرم.باریامین موبارک.

*

 شکر کیمی دادلی،ناغیل کیمی گؤزل بیر ایل دیله‌ییرم. یئنی ایلیز جان ساغلیغی، اوغور و سعادتله دولو اولسون.نئچه بئله بایراملارا!

*

 یئنی ایلین، دوستلاری‌نین چوخالدیغی، حیاتیندا سئوگی‌نین هئچ‌ده آزالمادیغی، حیاتی گؤزل-گؤزل کئچیره‌جگین بیر ایل اولسون، یئنی ایلین موبارک!

*

 یئنی ایلین خوش حادیثه‌لرله دولو اولماسینی،حیاتیزا یالنیز سئوینجلی یئنی‌لیکلر گتیرمه‌سینی آرزو ائدیرم!

*

 یئنی ایلده حیاتی توتا بیلمک،سئوگینی قاچیرماماق،کئشکه دئمه‌مک ایچین،آرزیلارینی ایکی‌یه چال.و بو دفعه اونلاری گئرچکلشدیره‌جک زامانی آییر اؤزونه. یئنی ایلین موبارک اولسون.!

*

 سئوگی‌نین آدی اؤنملی دئییل، ایستر عشق اولسون ایسترسه‌ده دوستلوق. یئنی ایلده سئو، سئویل. سئوگینی اورگینده حیس ائت! برکتلی ایللر.!! /

*

هر یئنی ایل یئنی تزه‌لنن اومیدلرین، چوخالان سئوگیلرین خبرچیسیدیر. یئنی ایل‌ده بئله اولسون. آما سونا قدر گؤزل اولسون. نئچه بئله ایللره....

*

 یئنه یئنی بیر ایل وار قاپیمیزدا. 1392 ایلینه گیره‌جگیمیز بو گونلرده ایستدیگیز هر شئیین گئرچکلشمه‌سی آرزوسو ایله...

*

 شکر کیمی شیرین، ناغیل کیمی گؤزل بیر ایل آرزولاییرام سنه... یئنی ایل بیزلره موبارک اولسون. یئنی ایل سیزلره ده موبارک اولسون. ساغلیق، سئوگی و موتلولوق دولو اولسون.

*

 یئنی ایلده هر شئیین کؤنلوزجه اولماسینی آرزولایار، و بوتون گؤزلنتیزین گئرچکلشمه‌سینی آرزو ائدیرم. یئنی ایلده هئچ اومیدسیز قالمامانی و خیال‌لارینا قوووشماغینی ایستیرم. یئنی ایلینی تبریک ائدیرم.

*

 ساواشلارین آجیلارین و فلاکتلرین، کئچیب گئدن قوجا بیر ایل کیمی گئریده قالماسی اومیدی ایله...

*

 یئنی ایلده: حیاتی توتا بیلمک، سئوگینی قاچیرماماق "کئشکه "دئمه‌مک اوچون و اونلاری گئرچکلشدیره‌جک زامان آییر اؤزونه، موتلو ایللر...

*

 آغاپپاق یاغان قار، نه یاشانمیشسا یاشانسین اؤرتر کئچر کئچمیشین خطا‌لارینی.. یئنی بیر گله‌جک و یئنی بیر باشلانقیج گؤزله‌ییر بیزی... یئنی ایلیز موبارک...!

*

 قارداشلیغین دوغدوغو، سئوگیلرین بیرلشدیگی، بلکه دورقون بلکه یورقون یئنه‌ده موتلو یئنه‌ده اومودلو، یئنه‌ده سئوگی دولو نئچه‌ بئله ایللره چیخاسان.

*

 یئنی بیر ایله گیررکن سیزه سئوگی و باریش آرزولاییرام.

*

 گلن ایل ائله بیر ایل اولسون کی، کئچن ایلین بوتون اولومسوزلوقلارینی بیزه اونوتدورا بیلسین... ایستکلریمیزین گئرچکلشدیگی بیر ایل دیلگی ایله....

*

 یاشاییشین بویو گوزل ایللر، موتلو صاباحلار، دوستجا دوستلوقلار همیشه سنین اولسون، موتلو ایللر....

*

 366 گون داها یاتیزدیردیق. قارشیدا بیزی داها بیر 365 گون گوزله‌ییر، نئچه بئله 365 گونلره بیرلیکده چیخمامیغیمیز دیلگی ایله....

*

 سنه بو یئنی ایلده گله‌جک حیاتینی گؤرمک آرزوسو ائله‌ییرم، عؤمروموزون سونونا قدر یئنی ایللری بیرلیکده قئید ائتمک دیلگی ایله........یئنی ایلین موبارک

*

 یئنی ایلیمیزی تبریک ائدیرم، بلکه‌ده یانیندا دئییلم آما اونوتما کی سنین گولوشونه حسرت قالان بیر جوت گؤز آغلاییر اوزاقلاردا.... یئنی ایلین موبارک

*

 گله‌جگیزی تأمین ائده‌جک هر یئنی بیر گون بیر اؤنجه‌کی گوندن داها گؤزل، ایستکلریزه اویغون و سیزی موتلو ائده‌جک شکیلده اولسون... یئنی ایلیز موبارک....

*

 یئنی ایل آذربایجان اوچون اومیدلی، برکتلی، کؤهنه ایلده یاشانان اولومسوزلوقلارین تام ترسی‌نین یاشاناجاغی بیر ایل اولماسینی آرزو ائدیرم. نئچه بئله ایللره بیرلیکده چیخاق....

*

 یئنی ایلین سیزه و بوتون سئودیکلریزه ساغلیق، موتلولوق، باشاری، بول پول، سئوگی و حضور گتیرمه‌سینی آرزولاییرام.. نئچه بئله ایللره چیخاسان....

*

 بولودسوز گؤی اوزو سنین اولسون دئمیشدیم؛ اومیدلرین سولماسین، توکنمه‌سین دئیه. یئنی ایلده هئچ اومیدسیز قالمامان و خیال‌لارینا قوووشماغین دیلگی ایله.....

*

 گلن ایلین ساغلیق، موتلولوق و بول قازانج گتیرمه‌سی آرزوسو ایله.... /

*

یئتیشدی باهار یئنه،یازدیر،باهاردیر یئنه،گئتسین آیازلی گونلر، گلسین نوروزوم یئنه! نوروز بایرامیز موبارک!

*

 آرزو ائدیرم کی یئنی ایلده خوشبختلیگین اَن گؤزلینی یاشایار،اوغور نردیوانلارینی آسانلیقلا دیرمانارسان و آرزو ائدیرم کی همیشه اوزون گولسون. دونیادا تایی اولمایان گؤزل‌لیک وارسا او دا سنده‌دیر. همیشه سئوگی دولو قالمان و خوشبخت اولمان آرزوسویلا...یئنی ایلین موبارک...

*

 یوخلوغون یاغیشا یازی یازماق قدر چتین،سن‌سیزلیک اؤلوم قدر آجی،سن نفس قدر لازیملی،جانیم قدر دَیَرلیسن.یئنی ایلین تبریک دئییرم...

*

 بیر ایل داها گئریده قالدی،آما حئییفسلنمه‌ زامان تئز کئچیر دئیه.....اونوتما کی هر کس عئینی شئیی یاشاییر. اومیدوارام، بو ایلین سونوندا گئری‌یه دؤنوب باخاندا "گؤزل بیر ایل ایدی" دئیه‌جکسن...

*

 آرزو ائدیرم، بو گون آرزولادیغین بوتون آرزولارین گئرچکلشسین.گله‌جگینی دوزلدن هر یئنی گون، بیر اوّلکیندن داها گؤزل، ایستکلرینه اویغون و سنی خوسبخت ائده‌جک شکیلده اولسون! بلکه یانیندا دئییلم اما قلبیمین اَن درین یئرینده بو گونو سنینله کئچیریرم...بایرامین موبارک...

*

 دوستلار اولدوزلار کیمیدیر،اونلاری هر زامان گوره بیلمیرسن،اما سنین اوچون هر زامان وار اولدوقلارینی و سنی دوشوندوکلرینی بیلیرسن. بو گون منی گوره بیلمه‌سنده بیل کی یانیندایام..سنین کیمی دوستا صاحیب اولدوغوم اوچون اؤزومو چوخ خوسبخت حیس ائدیرم. بایرامین موبارک، نئچه-نئچه بئله ایللره چیخاسان.

*

 سسیم گؤزل اولمادیغی اوچون سنه بایرامین موبارک ماهنی‌سینی اوخویا بیلمیرم..بونا گوره‌ده سنه قیسا مساژ گوندریرم.بایرامین موبارک!

*

 بایرامین موبارک!  هر یئنی گونون اؤتن گونلردن داها گؤزل، ایستکلرینه اویغون و سنی خوشبخت ائده‌جک شکیلده اولماسینی آرزولاییرام.

*

 یارپاقلارا، گوللره، یاشیل‌لارا، آیلارا، نئچه نئچه ایللره، نئچه نئچه گونلره. یارپاق گوله، آل یاشیلا یاراشیر، عؤمرون بویو یاراشاسان داها اوجا زیروه‌لره. بایرامین موبارک!

*

 بایرامین موبارک!  بو بایرامدا سنه سونسوز خوسبخت‌لیک،صادیق دوست، گؤزل حیات و صاف محبت آرزولاییرام.

*

 بو بایرام گونونده سنه نه آرزولایا بیلرم؟ آرزو ائدیرم، هئچ واخت غم کولگه‌سی سنین گؤزلرینی، کدرلندیرمه‌سین. تبریک ائدیرم!

*

 تبریک ائدیرم! آرزو ائدیرم کدر سندن اوزاق اولسون و گله‌جک گونلر داییم سنه یاخشی احوال-روحیّه وئرسین !

*

 بو سئوینجلی گونو تبریک ائدیرم! آرزو ائدیرم حیاتین بوتون چتینلیکلری سندن اوزاق اولسون!

*

 بعضی شئیلر سئویلیر چونکی اونلار دَیَرلیدیر، بعضی شئیلر دَیَرلیدیر چونکی اونلار سئویلیر. سن هر ایکیسینه لاییقسن. بایرامین موبارک!

*

 دونیانین اَن گؤزل دوستونو نوروز بایرامی موناسیبتی ایله تبریک ائدیرم! حیاتین هر زامان سئوگی ایله دولو اولسون.

*

 نوروز بایرامی موناسیبتی ایله سیزی تبریک ائدیرم. آرزو ائدیرم سو قدر تمیز،حیات قدر جانلی،چیچک قدر طراوتلی و گؤزل قالاسیز.

*

 مکتوب سیزیندیر بویورون آچین، مکتوبون جوابینی تئز یولا سالین. مکتوبو آچانا بؤیوک احتیرام، مکتوبو اوخویانا اورکدن سلام. نوروز بایرامی موبارک!

*

 بیرلیک و برابرلیگیمیزی قارداشلیق و دوستلوغوموزو اَن ایستی شکیلده حیسّ ائده‌جگیمیز گؤزل نوروز بایرامیزی تبریک ائدیرم...

*

 کوسکونلرین باریشدیغی و سئونلرین بیر آرایا گئلدیگی، مرحمت و شفقت دولو گونلری اولان نوروز بایرامیز موبارک....

*

  بو گون اَللریزی هر زامانکیندان داها چوخ آچین، اوووجوزا ملکلر گول قویسون، اورگیز جوشسون، نوروز بایرامیز موبارک اولسون!

*

 بو گون نوروز بایرامیدیر. اوزونتولر اورتا‌دان چیخسین، قاراداشلیق و دوستلوق دویغولاری داها دا قووّتلنسین. بایرامیزی صمیم قلبدن تبریک ائدیرم....

*

 بو دیرلی نوروز بایرامیندا، کاییناتین یارادیجی‌سی و عالملرین ربّی باغیشلایان آللاه بوتون دوعا‌لاریزی قبول ائتسین...

*

 نوروز بایرامیز موبارک، اورگیز اومیدلی، اومیدلریز آتلی، سئوداز قانادلی، موتلولوغونوز قاتلی، سوفره‌ز دادلی، مکانیز تاختلی، عؤمروز باختلی، ائویز برکتلی اولسون...

*

 داماغیزی روحوزو و اطرافیزی دادلاندیران و گئرچکدن گؤزل و برکتلی بیر بایرام آرزولاییرام....

*

 خئییر قاپیلارین سونونا قدر آچیق، قضا و بلا‌لارین قاپیسی همیشه اوزوزه باغلی اولسون....بایرامیز موبارک

*

آرزوم بو گون آرزولاردیغین بوتون آرزولارین گرچک اولماسیدیر. بلکه یانیندا دئییلم آما بلکه قلبی‌نین اَن درین یئرینده بو گونونو تبریک دئییرم . بایرامین موبارک

*

ساعتلردیر فیکیرلشیرم سنه نئجه مئساژ یازیم دئیه، آما بوندان گؤزلینی تاپمادیم؛ بایرامین موبارک...

*

گله بیلمه‌دیک آما اونوتمادیقدا: بایرامین موبارک، بوتون گوزللیکلر سنی تاپسین....نئچه بئله ایللره...

*

بو بایرام گونونده بلکه‌ده یانیندا اولمادیم، آما اونوتما کی، دوننده، بو گونده، صاباحدا اورگین کیمی یانیندایام. اؤزونو یالنیز حیسّ ائتدیگینده الینی اورگینه قوی من اوردایام. بایرامین موبارک

*

ساغلیق، قازانج، موتلولوق، سئوگی سنینله‌ اولسون. اما بیر شرطیم وار، سنده همیشه منیمله اول.....!!!!

*

دئدیم، دئییرم و سونسوزا قدر دئییرم بایرامین موبارک.....

نوروز بایرامی تبریک اس ام اس‌لری... (1)


برچسب‌ها: نوروز اس ام اس لری, بایرام اس ام اس لری, نوروز بایرام SMS, SMS عید نوروز, تبریک
+ نوشته شده در  دوشنبه بیست و هشتم اسفند 1391ساعت 6:55 PM  توسط میرزه عبدالصمد ملکی əbdüssəməd  | 

سقراطلا حیات یولداشی * سقراط مع زوجته

میلاددان اوّل 470-399-جو ایللرینده یاشایان یونانلی فیلسوف سقراطین دیلی آجی بیر آروادی واریدی. سقراط چالیشاردی گون چیخمامیش اوندان قاچسین، گونشین قیرمیزی توپو اوفوقه باتمایینجا دا اونا قاییتماسین.

بیر گون اونونلا اؤز حیاتینی بئله وصف ائله‌دی: «من بو آروادا بورجلویام !! او اولماسایدی من حیکمتین ساکیتلیکده و سعادتین یوخودا اولدوغونو اؤیرنه بیلمزدیم. یازیق ائولنمکله سوبای قالما آراسیندا شاشقین قالان کیشی، او هر ایکی حالتده‌ده پئشماندیر پئشمان».

سقراط راحتلیگی و تسلّی‌سینی شاگیردلری ایله ییغیشیب دونیا و اطرافیندانکیلاری باره‌ده دانیشماقدا تاپاردی.

بیر گون شاگیردلری‌نین بیرینه ائولنمک مصلحتی وئریر: «تمکینلی حیات یولداشین اولورسا سعادته چاتارسان، آما باشی‌بوش آروادین پنجه‌سینه دوشسن منه تای فیلسوف اولارسان !»

بیر گون او اؤز فلسفی دوشونجه‌لری باره‌ده شاگیردلری ایله بحث ائدرکن آروادی قیشقیریب اونو ایشلرده کؤمک ائتمگه چاغیردی. آما سقراط ائشیتمه‌ییب داها درین موذاکیره‌یه جومدو. او دا سو ایله دولو قاب گتیریب اونون باشینا تؤکدو.

البتّه شاگیردلر بو کوبود داورانیشدان ناراحت اولوب موعلمیلرینه اولان بو جسارتدن حئیران قالدیلار. آما سقراط کئچل باشینداکی بیرجه توکونون سویونو آلاراق ساکیتلیکله اونلارا باخیب دئدی: «بو قدر ایلدیریمدان سونرا گوجلو یاغیشین یاغماسینی گؤزله‌ییردیک».

سقراط مع زوجته

كان سقراط الفيلسوف اليوناني الذي عاش بين عامي 470 , 399 قبل الميلاد , زوجاً لإمرأة سليطة اللسان تعود أن يهرب منها قبل طلوع الشمس , ولا يعود إليها إلا بعد أن يغوص قرصها الملتهب الهائل وراء الأفق .

قال يوماً يصف حياته معها :

أنا مدين لهذه المرأة !! فلولاها ما تعلمت أن الحكمة في الصمت ، وإن السعادة في النوم ، مسكين الرجل إنه يقف حائراً بين أن يتزوج أو يبقى عازباً بلا زواج وهو في الحالتين نادم ونادم .

وكان سقراط يجد سلواه مع تلاميذه عندما يجتمع بهم ويجادلهم ويحادثونه في أمور الدنيا وأحوالها .

قال مرة لأحد تلاميذه ينبغي أن تتزوج ! فإنك إن ظفرت بزوجة عاقلة صرت سعيداً , أما أن وقعت في براثين زوجة طائشة مناكفة صرت فيلسوفاً مثل حالي ! .

حدث يوماً إنه كان يتناقش في أفكاره الفلسفية مع بعض تلاميذه ، حين صاحت زوجته ونادته طالبة منه أن يذهب إليها ويساعدها في بعض الأعمال ولكنه لم يسمعها أو بالأحرى كان مندمجاً بالنقاش ، فما كان منها الا ان احضرت وعاءاً مملوءاً بالماء وصبته فوق رأسه .

وبالطبع انزعج تلاميذه من مثل هذا السلوك الفظ ، واندهشوا من جرأتها مع معلمهم ، ولكنه نظر اليهم وقال بهدوء وهو يسوي خصلة الشعر الوحيدة في رأسه الأصلع ، بعد كل هذه الرعود ، فلابد أن نتوقع هطول الأمطار .


برچسب‌ها: سقراط, حیات یولداشی, فیلسوف یونانی
+ نوشته شده در  دوشنبه بیست و هشتم اسفند 1391ساعت 3:23 PM  توسط میرزه عبدالصمد ملکی əbdüssəməd  | 

معنوی یول قارشیمیزداکی اود کیمیدیر * الطريق الروحية ، كالنار المشتعلة أمامنا

آخشام واختی موعلیم شاگیردلری توپلاییب اونلاردان ایستیر اطرافیندا اوتوروب دانیشا بیله‌جک بؤیوک اود قالاسینلار.

موعلیم دئدی: «معنوی یول قارشیمیزدا یانان اود کیمیدیر. اونو یاندیران گؤزلریندن یاش آخیدان توستویه دؤزمه‌لیدیر. ایمانا چاتماغین یولو بورداندیر. لاکین توستونو گیزلتمکله اودو یاندیرماق ایمکانسیزدیر. اودون آلوولاری اطرافداکیلاری ایشیقلاندیرار، بیزه ایستیلیک و امنیّت گتیرر».

شاگیردلرین بیر سوروشدو: «نه اولار بیری بیزیم اوچون اود یاندیرا؟»

موعلیم جواب وئردی: «او شخص  یالانچی موعلیم ساییلار، اودو هارا ایسته‌سه آپارا بیلر، هر زمان ایسته‌سه اونو سؤندوره بیلر چونکی اودون یاندیرما طرزینی کیمسه‌یه اؤیرتمه‌ییب، بونا گؤره هر زمان هامینی قارانلیقدا قویا بیلر».

الطريق الروحية ، كالنار المشتعلة أمامنا

ذات مساء ، جمع المعلم تلاميذه ، و طلب منهم إشعال نار كبيرة يستطيعون الجلوس و السمر حولها .

قال المعلم :

" الطريق الروحية ، كالنار المشتعلة أمامنا ، فعلى من يرغب بإشعالها أن يرضى بأذى الدخان الذي يخنقه ، و يسيل دموعه ، الفوز بالإيمان يمر من هنا " .

" لكن ما أن تشتعل النار حتى يختفي الدخان ، فتضيء السنة اللهب كل شيء حولنا ، حاملة لنا الدفء و السلام "  .

سأله أحد التلاميذ :

" و ماذا لو أشعل لنا أحد النار ؟ و ماذا لو أتاح لنا تجنب الدخان ؟ " .

أجاب المعلم :

" سيكون ذلك الشخص معلماً زائفاً ، حيث تمكنه حمل النار إلى حيث يشاء ، أو إطفاءها وقتما يشاء ، و لكن لإنه لم يعلم أحداً  كيفية إشعالها ، فسيكون قادراً على ترك الجميع في الظلام في أي وقت " .

+ نوشته شده در  دوشنبه بیست و هشتم اسفند 1391ساعت 9:31 AM  توسط میرزه عبدالصمد ملکی əbdüssəməd  | 

چاناک‌کالادا نه ایشیز واریدی؟

اینگیلیسلی گارسون، تورک موشتریسینه دئییر: «چاناک‌کالادا چوخ عسکریمیزی اؤلدوردوگوز اوچون سیزدن خوشوموز گلمز».

تورک سویوق قانلی‌لیقلا: «اوردا نه ایشیز واریدی؟»دئمیش.


Çanakkale ne işiniz vardı?

İngiliz garson, Türk müşteriye:

- Çanakkale‘de çok askerimizi öldürdüğünüz için sizleri pek sevmeyiz deyince, bizimkinden gayet soğukkanlı bir şekilde şu cevabı almış:

- Orada ne işiniz vardı?

+ نوشته شده در  دوشنبه بیست و هشتم اسفند 1391ساعت 9:18 AM  توسط میرزه عبدالصمد ملکی əbdüssəməd  | 

نوروز بایرامی تبریک اس ام اس‌لری... (1)

Pembe Bahar Çiçekleriقارشیمیزا گلن نوروز بایرامی موناسیبتینه بوتون دوستلاریمی تبریک دئییرم. انشاءالله کی یئنی ایل بوتون ایسلام عالمینه و اینسانلیق عالمینه خئییرلی برکتلی اولسون.

الیمه دوشن نوروز تبریک اس‌ام‌اس‌لری بو پوستا یئرلشدیره‌جم.

 



مرحمت صاحیبی، عدالتلی آللاه دوعا ائدنلری تنها قویماز. بو دَیَرلی بایرامدا کاییناتین یارادیجیسی و عالملرین ربّی آللاه دوعا‌لارینی قبول ائتسین. اورگینده نه آرزولارین وارسا هامیسی حیاتا کئچسین. آمین!! بایرامین موبارک.

*

 کاییناتین یارادیجیسی و عالملرین ربّی بؤیوک آللاها سونسوز شوکورلر اولسون! یئنی ایلیز برکتیله، بوللوغویلا گلسین، بوتون اینسانلیق اوچون خئییرلی اولسون!

*

 هَیَجانلا گوزله‌دیگیمیز نوروز بایرامی گلدی، خوش گلدی. گؤزل بایرام خالقیمیزا ساغلاملیق، شادلیق، خوشبختلیک، بوللوق و برکت گتیرسین.

*

  قوی بو بایرام بیزلر اوچون یئنی عصر و یئنی باشلانقیج اولسون!

*

 آللاه شرقی غربدن اوزاقلاشدیردیغی کیمی، بیزی‌ده گوناهلاردان بئله اوزاقلاشدیرسین! آللاه بوتون گوناه‌لاریمیزی باغیشلاسین و بیزی حق یولونا یونَلتسین!

*

  آللاه تعالا یئنی ایلده بوتون اینسانلارا حقیقی سئوینج، صولح و فرح باغیشلاسین!

*

 مین داملا سریلسین اورگینه، مین خوشبختلیک دولسون کونلونه، بوتون آرزولارین گئرچک اولسون، دوعا‌لارین قبول اولسون بو بایرامدا... نوروز بایرامین موبارک اولسون!

*

 بایراملار، میلّی و دینی دویغولارین، اینانجلارین، عادت و رسملرین سرگیلندیگی، بیر جمعیّتده میلّت اولما شعورونون فورمالاشدیغی، گوجلندیگی گونلردیر. همیشه بیر یئرده، سئوگی دولو نئچه بئله بایراملار گئچیرمک دیلگیله، نوروز بایرامیز موبارک اولسون!

*

 ان دلیجه اَسن سحر یئلی، اَن گونشلی گونلر، اَن پارلاق گئجه‌دیر بایراملار. اورکلرده بیر اَسینتی و صولح پایلاشیمینا اَن ایستی سلامدیر بایراملار. نوروز بایرامیز موبارک اولسون!

*

 قوی تانری اونون یولوندا سؤیله‌دیگین دوعالاری و ائتدیگین عمل‌لری قبول ائتسین. سنه و سنین عاییله‌نه حیاتدا سئوگی محبّت و آللاها اولان اینامی‌نین مؤحکم‌لنمه‌سینی آرزولاییرام.

*

 بایراملار برکتدیر، اومیددیر. صاباحا نیّتدیر. دوعا‌لاریز قبول اولسون، سئودیکلریز همیشه سیزینله اولسون.. بایرامنیز موبارک اولسون...

*

 هر یئنی ایل یئنی تزه‌لنن اومیدلرین، چوخالان سئوگیلرین خبرچیسیدیر. یئنی ایل‌ده بئله اولسون. آما سونا قدر گؤزل اولسون. نئچه بئله ایللره....

*

 یئنه یئنی بیر ایل وار قاپیمیزدا. 1392 ایلینه گیره‌جگیمیز بو گونلرده ایستدیگیز هئر شئیین گئرچکلشمه‌سی آرزوسو ایله...

*

 شکر کیمی شیرین، ناغیل کیمی گؤزل بیر ایل آرزولاییرام سنه... یئنی ایل بیزلره موبارک اولسون. یئنی ایل سیزلره‌ده موبارک اولسون. ساغلیق، سئوگی و موتلولوق دولو اولسون.

*

 یئنی ایلده هر شئیین کونلوزجه اولماسینی آرزولایار، و بوتون گؤزلنتیزین گئرچکلشمه‌سینی آرزو ائدیرم. یئنی ایلده هئچ اومیدسیز قالمامانی و خیال‌لارینا قوووشماغینی ایستیرم. یئنی ایلینی تبریک ائدیرم.

*

 ساواشلارین آجیلارین و فلاکتلرین، کئچیب گئدن قوجا بیر ایل کیمی گئریده قالماسی اومیدی ایله...

*

 یئنی ایلده: حیاتی توتا بیلمک، سئوگینی قاچیرماماق "کئشکه" دئمه‌مک اوچون و اونلاری گئرچکلشدیره‌جک زامان آییر اؤزونه، موتلو ایللر...

*

 آغاپپاق یاغان قار، نه یاشانمیشسا یاشانسین اؤرتر کئچر کئچمیشین خطا‌لارینی.. یئنی بیر گله‌جک و یئنی بیر باشلانقیج گوزله‌ییر بیزی... یئنی ایلیز موبارک...!

*

 قارداشلیقین دوغدوغو، سئوگیلرین بیرلشدیگی، بلکه دورقون بلکه یورقون یئنه‌ده موتلو یئنه‌ده اومودلو، یئنه‌ده سئوگی دولو نئچه‌ بئله ایللره چیخاسان.

*

 یئنی بیر ایله گیررکن سیزه سئوگی و باریش آرزولاییرام.

*

 گلن ایل ائله بیر ایل اولسون کی، کئچن ایلین بوتون اولومسوزلوقلارینی بیزه اونوتدورا بیلسین... ایستکلریمیزین گرچکلشدیگی بیر ایل دیلگی ایله....

*

 یاشاییشین بویو گؤزل ایللر، موتلو صاباحلار، دوستجا دوستلوقلار همیشه سنین اولسون، موتلو ایللر....

*

 366 گون داها یاتیزدیردیق. قارشیدا بیزی داها بیر 365 گون گوزله‌ییر، نئچه بئله 365 گونلره بیرلیکده چیخمامیغیمیز دیلگی ایله....

*

 سنه بو یئنی ایلده گله‌جک حیاتینی گؤرمک آرزوسو ائله‌ییرم، عؤمروموزون سونونا قدر یئنی ایللری بیرلیکده قئید ائتمک دیلگی ایله........یئنی ایلین موبارک

*

 یئنی ایلیمیزی تبریک ائدیرم، بلکه‌ده یانیندا دئییلم آما اونوتما کی سنین گولوشونه حسرت قالان بیر جوت گوز آغلاییر اوزاقلاردا.... یئنی ایلین موبارک

*

 گله‌جگیزی تأمین ائده‌جک هر یئنی بیر گون بیر اونجه‌کی گوندن داها گؤزل، ایستکلریزه اویغون و سیزی موتلو ائده‌جک شکیلده اولسون... یئنی ایلیز موبارک....

*

 یئنی ایل آذربایجان اوچون اومیدلی، برکتلی، کؤهنه ایلده یاشانان اولومسوزلوقلارین تام ترسی‌نین یاشاناجاغی بیر ایل اولماسینی آرزو ائدیرم. نئچه بئله ایللره بیرلیکده چیخاق....

*

 یئنی ایلین سیزه و بوتون سئودیکلریزه ساغلیق، موتلولوق، باشاری، بول پول، سئوگی و حضور گئتیرمه‌سینی آرزولاییرام.. نئچه بئله ایللره چیخاسان....

*

 بولودسوز گؤی اوزو سنین اولسون دئمیشدیم؛ اومیدلرین سولماسین، توکنمه‌سین دئیه. یئنی ایلده هئچ اومیدسیز قالمامان و خیال‌لارینا قوووشماغین دیلگی ایله.....

*

 گلن ایلین ساغلیق، موتلولوق و بول قازانج گتیرمه‌سی آرزوسو ایله....

*

 گل-گل آ یاز گونلری. باهار بایرام گونلری. بو نوروز بایرامیندا ایلین خوش گونلری. نوروز بایرامیز موبارک!

*

 گلیر باهار آوازی، یاز عطری، یاز آوازی، بو نوروز قوووشانلار دویماسین غم آوازی. نوروز بایرامیز موبارک!

*

 بو باهار بایرام گلر، توی گلر، نیشان گلر، نوروزون گؤروشونه ائل گلر اوبا گلر. نوروز بایرامینیز موبارک!

*

 یئتیشدی باهار یئنه. باهاردیر یئنه، گئتسین آیازلی گونلر، گلسین نوروزوم یئنه! نوروز بایرامیز موبارک!

*

 گلدی باهار بایرامی، ایلین گؤزل بایرامی، قدملرین خوش اولسون نوروزا دئییر هامی. نوروز بایرامیز موبارک!

*

 آرزوم بودور نوروز غوصه-غمین یوخ اولسون، اورکلردن گئتسین بوز، سئوگی پایین چوخ اولسون! نوروز بایرامیز موبارک!

*

 عزیزینم یاز گلسین، یاز گلسین باهار گلسین، بو نوروز بایرامیندا غم گئتسین، سئوینج گلسین! نوروز بایرامیز موبارک!

*

 سئوگی دولو نور دولو نوروز قارشیلایاق، قوی بو باهار یاز بویو گون ساچسین پارلاق-پارلاق! نوروز بایرامیز موبارک! بولودوز یاغار اولسون ، سولاریز آخار اولسون ، اوجاغیز یانار اولسون ، نوروز بایرامیز موبارک اولسون

*

 بایرام گوزللیکدیر ، گوزللیکلر سیزین اولسون ، بایرام اومیددیر ، اومیدلریز گرچک اولسون ، نوروز بایرامیز موبارک اولسون

*

 یئنه گلیر نازلی باهار ، نازلی یاز هامی‌نین یازیسین بو ایل یاغلی یاز جان ساغلیغی ، جیب وارلیغی ، اؤلوم آز مهریبان آللاهیم ، بئله یازی یاز.” “تازا ایلیز موبارک اولسون.”

*

 گؤزل اینسانلار ، گؤزل گونلرده یادا دوشرلر”بو گؤزل گونده دونیانین بوتون گوزللیکلری سنین حیاتیندا اولسون…” نوروز بایرامی سنه موبارک اولسون

*

 سیزی بو گونکی نوروز بایرامی موناسیبتی ایله تبریک ائدیرم. قوی همیشه بئله گوزل بیر گونده بیر-بیریمیزه اس ام اس یازاق. قوی همیشه پول‌لاریمیز بئله شئیلره گئتسین. بایرامیز موبارک

*

 سیزه چوخ عزیز و دَیَرلی اولان نوروز بایرامینی تبریک ائدیرم. سیزه جان ساغلیغی، سوفره‌زین بول و برکتلی اولماسین آرزو ائدیرم، قوی بوتون آرزولاریز یئرینه یئتشسین، نوروز بایرامیزی تبریک ائدیرم!!!

*

 کونلومده وار مین آرزو مین بیر دیلک، گل باریشاق نازلی یاریم کوسمیَک با هم اولاق بایرام گونو بیز گرک نوروز گونو اولسون سنه موبارک

*

 آرزوم بودور غوصه – غمین یوخ اولسون، اورکلردن دردلر گئتسین ، سئوگی پایین چوخ اولسون! نوروز بایرامیز موبارک

*

 بو تازا ایلده اورگینده توتدوغون آرزولاری‌نین گرچکلشمه‌سینی آرزو ایدیرم، بایرامیز مبارک

*

 سئوگیلیم بو بایرام موناسیبتین صمیم قلبدن تبریک ائدیرم، بو ایل بیزه دوشَرلی اولسون

*

 تازا ایلده. سیزه گون کیمی پارلاق، چای کیمی آخارلی حیات آرزولاییرام

*

 یئنی ایلین موبارک !  یئنی ایل سنه یئنی اوغورلار گتیرسین. یئنی ایلده سنه خوش آرزولار و بو آرزولاری‌نین حیاتا کئچمه سینی آرزولاییرام

*

 بایرامیز موبارک ! نئچه بئله بایراملار . قوی بو یئنی ایل سیزه و عاییله‌زه سئوینج ، اوغور گتیرسین. بوتون کدرلی گونلریز بو ایلده قالسین . یئنی ایلده گؤزل و شن گونلره چیخاسیز

*

 شکر کیمی دادلی ، ناغیل کیمی گؤزل بیر ایل آرزولاییرام سنه. قارشیندان گلن یئنی ایلین جان ساغلیغی، اوغور و سعادتله دولو اولسون. نئچه بئله بایراملارا

*

 بایرامیز موبارک ! اورگیز اومودلو، اومودلریز آتلی، سئوداز قانادلی، سئوینجیز قاتلی، سوفره‌ز دادلی ، مکانیز تختلی، عؤمروز بختلی، ائویز برکتلی اولسون

*

 یوردوموزا آیاق باسمیش باهار بایرامینی تبریک ائدیرم. قدملری اوغورلو، کونول اوخشایاجاق سئوینجلی گونلری بول اولسون . بایرامیز موبارک

*

 قوی بو طراوتلی نوروز بایرامی سوفره‌زه روزی و برکتله ، قلبیزی خوش حیسلرله دولدورسون  ، ساغلاملیغیز مؤحکم آرزولاریز سونسوز ، اومودلریز گرچک اولسون

*

 یئنی ایلین موبارک ! او گون اولسون کی یئنی ایلده بوتون آرزولارین یئرینه یئتیشسین /

*

یئنی ایلده هئر شئیین کونلوزجه اولماسینی آرزولاییرام و بوتون گوزلنتیزین گرجکلشمه‌سینی آرزو ائدیرم. یئنی ایلده هئج اومیدسیز قالمامان و خیال‌لارینا قوووشماغینی ایستیرم. یئنی ایلیزی تبریک ائدیرم.

*

 نوروز آخشامی قوی اورگینده توتدوغون بوتون آرزولار نیّتلر جین اولسون دیلکلرین حیاتا کئچسین. بایرام سوفره‌سینده‌کی خورکلر کیمی عؤومرون برکتلی اولسون.

*

 همیشه بیر یئرده، سئوگی دولو بئله بایرام‌لار کئچیرمک دیلییله. موبا‌رک نوروز بایرامی بوتون خالقیمیزا موبارک اولسون. الله بوتون اینانا‌لارا نه قدر دینج، برکتلی بایراملار نسیب ائتسین. نوروز بایرامیز موبا‌رک

*

 دوم‌ماغ یاغان قار، نه یاشانمیشسا یاشانسین، اؤرتر کئچمیشین سهو‌لرینی... یئنی بیر گله‌جک تقدیم ائدر بیزه و یئنی بیر باشلانغیج. یئنی ایلین بوتون اینسانلیغا و اؤلکه‌میزه باریش، خوشبختلیک گتیرمه‌سی دیلگیله یئنی ایلیزی تبریک ائدیرم. هر شئی اورگیزجه اولسون!

*

 یئنی ایلده حیاتی توتا بیلمک، سئوگینی قاچیرماماغ، کاش کی دئمه‌مک اوچون خیال‌لارینی ایکی‌یه وور بو دفعه. و اونلاری رئال‌لاشدیرا‌جاق زامانی آییر اؤزونه. خوشبخت ایللر

*

 بولودسوز سما سنین اولسون دئمیشدیم، اومیدلرین سولماسین، توکنمه‌سین دئیه. یئنی ایلده هئچ اومیدسیز قالماماغین و خیال‌لارینا قوووشماغین دیلگیله.. یئنی ایلیز موبا‌رک.

*

 یئنه بیر ایل باشی یاخینلاشیر بو ایل باشی سئودیکلریزله بیرلیکده خوشبخت دینج بیر ایله باشلانغیج ائتمه‌زی و بوتون ایلیزین عئینی گؤزل‌لیکده کئچمه‌سینی دیله‌ییرم.

*

 مرحمت صاحیبی،عدالتلی آللاه دوعا ائدنلری تنها قویماز. بو دَیَرلی بایرامدا کاییناتین یارادیجیسی و عالملرین ربّی دوعا‌لارینی قبول ائتسین. اورگینده نه آرزولارین وارسا هامیسی حیاتا کئچسین. آمین!!نوروز بایرامین موبا‌رک.

*

 هر یئنی ایل بیر باشقا گؤزل. 1392 یئنی ایل سیزلره حیاتیز بویونجا اونوتامایاجاغیز گؤزل‌لیکلر یاشاتسین. یئنی ایلیز موبارک اولسون.

*

 هئچ سهو ائتمه‌ین اینسان عمومیتله هئچ بیر شئی ائده بیلمز. یئنی ایلده سهو‌لریمیزین آز، مووّفقیّتلریمیزین دواملی اولماسی دیلگیله خوشبخت ایللر...

*

 سئوگی دولو نور دولو نوروز قارشیلایاق، قوی بو باهار یاز بویو گون ساچسین پارلاق-پارلاق! نووروز بایرامیز موبارک!

*

 گلدی باهار بایرامی، ایلین گؤزل بایرامی، قدملرین خوش اولسون نوروزا دئییر هامی. نوروز بایرامیز موبارک!

*

 یئتیشدی باهار یئنه. باهاردیر یئنه، گئتسین آیازلی گونلر، گلسین نوروزوم یئنه! نوروز بایرامیز موبارک!

*

 بو باهار بایرام گلر، توی گلر، نیشان گلر، نوروزون گؤروشونه ائل گلر اوبا گلر. نوروز بایرامیز موبارک! گلدی باهار بایرامی، ایلین گؤزل بایرامی، قدملرین خوش اولسون نوروزا دئییر هامی. نوروز بایرامیز موبارک!

*

 سلام! سیزی قارشیدان گلن نوروز بایرامی موناسیبتیله تبریک ائدیرم. آرزوم بودور آللاه هامیزا سعادت وئرسین.

*

 سلام ! بایرامیز موبارک اولسون. آللاه هامیزا جان ساغلیقی اوزون عؤمور وئرسین. آرزو ائدیرم، بو باهار اؤزو ایله شادلیق گئتیرسین. یئری گلمیشکن خواهیس ائدیرم، بو تبریکی قبول ائده‌سیز. :)

*

 نوروز بایرامی‌نین منشأیی، اونونلا باغلی اساتیرلر، میفلر قدیمدیر. آراشدیرانلار نوروز بایرامی‌نین محض یاخین شرقین قدیم اکینچی‌لیکله مشغول اولان خالقلار آراسیندا مئیدانا گلدیگینی سؤیله‌ییرلر.

*

 بایرامیز موبارک! سیزه بو ایل خوسبختچی‌لیک و ایشلریزده مووّفقیّتلر آرزولاییرام.انشاالله خوشا گلمز حادیثه‌لر کئچن ایلده قالار. بو ایلیز آللاهین کومکلیگی ایله خوش و فیراوان اولسون. بیر داها تبریکلر!

*

 یئنی ایلده قار دنه‌جیکلری قدر خوش گونلرین، اویونجاقلار کیمی رنگارنگ سورپریزلرین،و اَن اَساسی روزی برکتین اَسکیک اولماسین. من دیله‌دیم قوی ملکلر آمین دئسین.

*

 یئنی ایل موناسیبتی ایله سیزی تبریک ائدیرم. نیفرت دولو بیر ایلی آرخادا قویدوق انشاالله گلن ایل اوغورلو اولار. یئنی ایلده سیزه اوغورلار

*

 دئییر آدامین قوجاسی حؤرمتلی اولور، ایلین آخیرینجی ایلی چوخ گؤزلنیلیر. قوی بو بایرام سیزده بئله حؤرمتلی اولوب، هاراسا گئتدیکده بئله گؤزلنیب،سئویلسیز. بایرامیز موبا‌رک!!!!

*

 سنی نوروز بایرامی موناسیبتی ایله تبریک ائدیرم. آرزو ائدیرم کی، محبت قلمیندن، سئوینج گوزلریندن، تبسّوم اوزوزدن اَسکیک اولماسین

*

 10 دنه سؤزدنسه 1 یاخشی سؤز : بایرامین موبا‌رک!

*

 حیاتین شکربورا کیمی شیرین، پاخلاوا کیمی یاغلی،قوغال کیمی دادلی، موشکول‌لرین فیندیق بویدا، جیبینده گؤیتمه کیمی یاشیل پول‌لار چوخ اولسون. نوروز بایرامین موبا‌رک

*

 حیاتیز خونجا کیمی بزکلی،شکربورا و پاخلاوا کیمی شیرین،پول‌لاریز گؤیتمه کیمی یاشیل،دردیز فیندیق بویدا اولسون. بایرامیز موبارک اولسون

*

 آناجان،بایرامین موبا‌رک.آغلادیغیمی دوشونمه.ساده‌جه هاوا چیسکینلیدیر،دامجیلار یاییلیر مزارینا

*

 گؤزل گونلرده گؤزل اینسانلار خاطیرلانیر. گؤزل اینسانلارا گؤزل آرزولار عنوانلانیر.بو گؤزل گونده دونیانین گؤزل‌لیکلری سنین اولسون.بایرامیز موبا‌رک!

*

 گؤزل گونلرده گؤزل اینسانلار خاطیرلانیر،گؤزل گونلرده اؤزل اینسانلارا آرزو-دیلک‌ یول‌لانیر. باهار بایرامیز موبا‌رک

*

 قوی بو طراوتلی نوروز بایرامی سوفره‌زی روزی، قلبیزی ایسه خوش حیسلرله دولدورسون. ساغلاملیغیز مؤحکم، آرزولاریز سونسوز، اومیدلریز گئرچک اولسون! نووروز بایرامیز موبا‌رک اولسون!

*

 عزیزیم. بیر بایرام وار. نوروز! سِحیرلی بایرامدیر. بایرامدا، کوسنلر باریشیر، سئونلر قوووشور. اینانمیرسان؟ بو گون گؤررسن. نووروز بایرامیز موبا‌رک اولسون!

*

 سئوگیلیم، اینانیرام کی، بیر گون منه گؤستردیگین سئوگی و صبری سنه گؤسترمک شانسیم اولار. یئنی ایلین موبا‌رک.

*

 نوروز بایرامی موناسیبتی ایله سیزی تبریک ائدیرم. آرزو ائدیرم سو قدر تمیز، حیات قدر جانلی، چیجک قدر طراوتلی و گؤزل قالاسیز.

*

 فداکارلیق، سئوگی، صبر و گؤزل‌لیک نه‌دیر دئیه سوروشارلارسا، آنام‌دیر دئیه‌رم. آنا بایرامین موبارک.

نوروز بایرامی تبریک اس ام اس‌لری... (2)


برچسب‌ها: نوروز اس ام اس لری, بایرام اس ام اس لری, نوروز بایرام SMS, SMS عید نوروز, تبریک
+ نوشته شده در  یکشنبه بیست و هفتم اسفند 1391ساعت 5:27 PM  توسط میرزه عبدالصمد ملکی əbdüssəməd  | 

یالنیز ایندی جماعت سندن ایطاعت ائدر * الآن فقط يطيعك الناس

فرانسه پادیشاهلاری‌نین بیری آروادلارین قیزیل تاخیب بزنمکلری‌نین قدغان اولماسینا قرار صادیر ائلیر. قرار بؤیوک عکس‌العمل‌له قارشیلاندی. آروادلار اونون ایطاعتیندن بویون قاچیرتدیلار. قرار علئیهینه اعتیراض و غضب باشلاندی. اعتراض شهری بورودو، تظاهورات سسلری قالخدی، آروادلار قیزیل و جور به جور زینت اشیاسیندان ایستیفاده ائله‌مکده موبالیغه ائله‌دیلر.

پادشاه پریشان اولوب نه ائده‌جگینه شاشقین قالدی. موشاویرلرینی تعجیلی ایجلاسا چاغیردی.

موشاویرلر حاضیریب اولوب موذاکیره باشلادی. بیری دئدی عمومی مصلحته گؤره قراردان گئری چکیلسین سونرا بیر آیریسی دئدی یوخ بو ایش اصلاً اولماز چونکی گئری قاییتماق ضعیفلیک و قورخو علامتی ساییلار بیر حالدا کی بیز اونلارا گوجلولوگوموز گؤرستمه‌لی‌ییک.

موشاویرلر ایکی مووافیق و موخالیف یئره بؤلوندولر. پادشاه دئدی: هئی هئی . . . شهرین بیلگه‌سینی گتیرین. شهرین بیلگه‌سی حاضیر اولوب موشکولو اونا دئدیکدن سونرا بئله مصلحت گؤردو: « سن اونلارین ایسته‌مه‌دیگی زادی طلب ائتدیگینی دوشونسن سندن ایطاعت ائتمزلر».

پادشاه دئدی: «نه ائتمک لازیمدیر؟ دئدیگیمدن گئری اوتوروم اوندا . . . ؟» بیلگه جواب وئردی: «یوخ، آما گؤزللرین بزگه احتیاجی اولماماسینا گؤره بزنمه‌مه‌لرینه، چیرکینلرین‌ده چیرکینلیکلرینی و اوز فورماسیزلارینی گیزلتمک اوچون‌ بزنمه‌نین آزاد اولماسینا قرار صادیر ائله».

پادشاه قراری صادیر ائله‌دی . . . یالنیز نئچه ساعتدن سونرا آروادلار زینتلرینی آچدیلار چونکی اونلارین هر بیری اؤزونو گؤزل بیلیردی و بزک اشیاسینا احتیاج دویموردو.

بیلگه پادشاها دئدی: « ایندی جماعت سندن ایطاعت ائدر».

الآن فقط يطيعك الناس

أصدر أحد ملوك فرنسا قرارا يمنع فيه النساء من لبس الذهب والحلي والزينة فكان لهذا القرار ردة فعل كبيرة وامتنعت النساء فيها عن الطاعة وبدأ التذمر والتسخط على هذا القرار وضجت المدينة وتعالت أصوات الاحتجاجات وبالغت النساء في لبس الزينة والذهب وأنواع الحلي

فاضطرب الملك واحتار ماذا سيفعل فأمر بعمل اجتماع طارئ لمستشاريه

فحضر المستشارون وبدأ النقاش فقال أحدهم أقترح التراجع عن القرار للمصلحة العامة ثم قال آخر كلا إن التراجع مؤشر ضعف ودليل خوف ويجب أن نظهر لهم قوتنا

وانقسم المستشارون إلى مؤيد ومعارض فقال الملك : مهلاً مهلاً ... احضروا لي حكيم المدينة فلما حضر الحكيم وطرح عليه المشكلة .

قال له أيها الملك لن يطيعك الناس إذا كنت تفكر فيما تريد أنت لا فيما يريدون هم

فقال له الملك وما العمل ..؟ أأتراجع إذن ..؟ قال لا ولكن أصدر قرارا بمنع لبس الذهب والحلي والزينة لأن الجميلات لا حاجة لهن إلى التجمل .. ثم أصدر استثناءً يسمح للنساء القبيحات وكبيرات السن بلبس الزينة والذهب لحاجتهن إلى ستر قبحهن ودمامة وجوههن ...

فأصدر الملك القرار .... وما هي إلا سويعات حتى خلعت النساء الزينة وأخذت كل واحدة منهن تنظر لنفسها على أنها جميلة لا تحتاج إلى الزينة والحلي فقال الحكيم للملك الآن فقط يطيعك الناس .

+ نوشته شده در  یکشنبه بیست و هفتم اسفند 1391ساعت 2:29 PM  توسط میرزه عبدالصمد ملکی əbdüssəməd  | 

اینسانین باریت بوشکاسینا چئوریلمه‌سی * عندما يتحول الإنسان إلى برميل بارود

طیاره مئیدانینا گئتمک اوچون تاکسی‌یه میندیم. سوروجو اؤز یولوندا گئدیرکن بیردن بیره بیر ماشین پارکدان بیزیم قارشیمیزا چیخدی.

سوروجو مؤحکم تورموزا باسدی، ماشین سوروشوب باشینی بیزه طرف چیخاردیب قیشقیرانلا چاققیشماغا چوخ آز قالمیش دایاندی. آما تاکسی سوروجوسو موقابیلده اونا ال ترپتدی.

بو ایشینه تعجوب ائدیب سوروشدوم: «نییه بئله ائلیرسن؟ بو کیشی ناشیلیغی ایله بیزی مریض‌خانایا گؤندریردی».

بوردا سوروجو منه بیر درس اؤیرتدی کی سونرالار من اونا «باروت بوشکاسی» آدینی وئردیم.

سوروجو دئدی: «جماعتین چوخو باریت بوشکاسی کیمیدیر. آیریلاری طرفیندن یاندیریلماغا حاضیر دولانیرلار؛ گئری قالماق، مأیوسلوق، جهالت، غضب، روح دوشگونلویو . . .ایچلرینده باریت چوخالاندا حرارتلری‌نین یوکسلمه‌سی اثرینده پاتلاما حدّینه چاتاندا . . . بعضی واختلار سیز گرک اونلاری بوشالداسیز.

مسأله‌نی شخصی ائله‌مه، اونلارلا قارشیلاشاندا بوشالتماقلاری بیر لحظه چکر، فقط گولومسه، اونلارا ال ترپت، اونلارا سحریز خئیر اولسون دئ سونرا یولونا دوام ائله. موغایات اول اونلارین پاتلاییجی مادّه‌لرینی آلیب ایشده، یولدا و ائوده آیریلارینا اینتیقال وئرمیه‌سن. مووّفقیّتلی اینسانلار باریت بوشکالارینی چاغیرمازلار کی اونلاری یاندیریب گونلرین اؤلدورسون. حیات او قدر قیسادیر کی غضب آنیندا عمل ائله‌دیکلریمیزدن تأسوف ائتمگه صرف ائتمه‌سی فایداسیزدیر».

عندما يتحول الإنسان إلى برميل بارود

ركبت التاكسي ذات يوم متجهاً للمطار، وبينما كان السائق ملتزما بمساره الصحيح، قفزت سيارة من موقف السيارات بشكل مفاجئ أمامنا.

ضغط السائق بقوة على الفرامل، لتنزلق السيارة وتتوقف على مسافة قريبة جداً من الاصطدام بذلك المتهور الذي أدار رأسه نحونا وانطلق بالصراخ، لكن سائق التاكسي ابتسم ولوح له بود.

استغربت فعله جداً وسألته: لماذا فعلت ذلك؟ هذا الرجل كاد يرسلنا للمستشفى برعونته. هنا لقنني السائق درساً، أصبحت أسميه فيما بعد: برميل البارود!

قال: كثير من الناس مثل برميل البارود، يدور في الأنحاء محملاً بما يشعل النار في الأخرين؛ التخلف، الإحباط، الجهل، الغضب، خيبة الأمل.. وعندما تزداد مادة البارود في داخلهم إلى حد يضطرون به للانفجار في الأخرين بسبب الحرارة المتصاعدة عليهم...في بعض الأحيان يحدث أن يفرغوها عليك.

لا تأخذ الأمر بشكل شخصي، فقد تصادف أنك كنت تمر لحظة إفراغها ، فقط ابتسم، لوح لهم، وتمن أن يصبحوا بخير، ثم انطلق في طريقك. احذر أن تأخذ موادهم المتفجرة تلك وتلقيها على أشخاص آخرين في العمل، البيت أو في الطريق .

في النهاية ، الأشخاص الناجحون لا يدعون براميل البارود تستهلك يومهم أو تحرقهم، فالحياة أقصر من أن نضيعها في الشعور بالأسف على أفعال ارتكبناها في لحظة غضب.

+ نوشته شده در  یکشنبه بیست و هفتم اسفند 1391ساعت 9:11 AM  توسط میرزه عبدالصمد ملکی əbdüssəməd  | 

قورخو * الخوف

خوروز بانلاماسیندان باشقا هئچ نه‌دن قورخمایان بیر آسلان واریدی. هر واخت اونون سسین ائشیدردی قورخودان تیتره‌یردی . . .

بیر گون قرارا گلیر بو قورخونو فیله اعتیراف ائله‌سین . . .آما فیل شوک اولوب دئییر: «خوروز بانلاماسی سنی نئجه قورخوردور؟ . . بیر آز بو ایشه دوشون !»

بیردن بیره چوخ بالاجا بیر میغمیغا گلیب فیلین اطرافیندا فیرلاندی . . . قورخو یئکه‌پر حئیوانی بورودو. او خورطومو ایله اونو قوغالاماغا چالیشارکن قیشقیریردی: «قولاغیما گیرسه من اؤلرم!»

آسلان اونا باخیب اؤز سؤزونو اونا دئدی: « بیر میغمیغا سنی نئجه قورخودور؟ . . .بیر آز بو ایشه دوشون!»

عیبرت: اؤزگه‌دن ایسته‌دیگیمیز کیمی قورخولاریمیزلا کئچینه بیلسک . . .بیزه مالیک اولانمازلار.

الخوف

* كان هناك أسد لا يخاف شيء في حياته إلا صياح الديك، فهو يرتعد خوفاً كلما سمعه...

قرر يوماً ما الاعتراف بهذا الخوف للفيل....لكن الفيل انصدم وقال "كيف يمكن لصياح الديك أن يؤذيك؟...فكر بالأمر!".

وفجأة جاءت بعوضة صغيرة جداً وبدأت تدور حول الفيل...ليصاب الحيوان الضخم بالخوف  وهو يصرخ لو دخلت في أذني سوف أموت محاولاً إبعادها بخرطومه.

نظر الأسد وقال له نفس كلماته "كيف يمكن للبعوضة أن تؤذيك؟...فكر بالأمر!".

العبرة : لو استطعنا التعامل مع مخاوفنا كما نطالب الأخرين بالتعامل معها.. لما امتلكتنا.


برچسب‌ها: ترجمه داستان عربی ترکی
+ نوشته شده در  شنبه بیست و ششم اسفند 1391ساعت 8:55 PM  توسط میرزه عبدالصمد ملکی əbdüssəməd  | 

سیزین مهریبانچیلیغیز منه اومید وئریر * تعاطفكم معى هو ما يعطيني الامل

خیاباندا آسیلمیش بیر کاغیذدا یازیلمیشدی:

(یوز تومن پول ایتیرمیشم، اونو تاپاندان خواهیش ائدیرم فیلان آدرسه قایتارسین. گلیریم آزدیر، اونا احتیاجیم وار. معاشیم چؤرک آلماغا یئتمیر.)

شخص قرارا گلیر اونون تاپماسینی ایدعّا ائله‌سین. 100 تومن چیخاردیب اونون یاشادیعی یئره گئدیر . . .

پولو اونا وئرنده قاری آغلاییب دئدی: «سن اون ایکینجی نفرسن کی منه پول گتیریب اونون تاپماسینی ایدعّا ائدیرسن!»

کیشی گولوب آسانسورا طرفه یؤنلدی. قاری اونو چاغیریب دئدی: « باغیشلا اوغلوم، ایمکانی اولسا سندن او اعلانین قوپارتماسینی خواهیش ائدیم، من اصلاً یازماق باجارمارام و اونو من یازمامیشام».

دایانیب آغلادی و دئدی: « سیزین مهریبانچیلیغیز منه اومید وئریر».

تعاطفكم معى هو ما يعطيني الامل

عـلقت في الشارع .. ورقه مكتوب بها :

( فقدتُ 100 تومان ، على من يجدها - يرجى ارجاعھا إلى العنوان الفلانى شقة رقم 76 ، معاشي صغير واحتاجها ، لا يوجد ما يكفي لشراء الخبز )

فقرر الشخص الادعاء بأنه وجد ذلك المال

فأخرج 100 تومان وصعد إلى حيث مكان إقامتھا ..

بكت المراة اﻟعجوز حينما اعطاھا المال وقالت ” انت الشخص الثاني عشر الذي يأتي إلي بالمال ويقول إنہ وجده !

ابتسم الرجل واتجه بالفعل إلى المصعد ، فنادته العجوز وقالت له ” لو سمحت يابنى قم بتمزيق الاعلان ، فأنا اصلا لا اعرف الكتابه ولم اكتبه .

ووقفت ٺبكي ، وتقول تعاطفكم معى هو ما يعطيني الامل


برچسب‌ها: ترجمه داستان عربی ترکی
+ نوشته شده در  شنبه بیست و ششم اسفند 1391ساعت 8:46 PM  توسط میرزه عبدالصمد ملکی əbdüssəməd  | 

ایستیرم حیاتیم داها یاخشی اولسون * أريد أن تصير حياتي أفضل